Shkodra Sot

09/09/2025

🇦🇱 Shqipëria mposht 1️⃣-0️⃣ Letoninë dhe siguron tre pikë të arta!

09/09/2025

Tre muaj dhimbje, pritje dhe ankth i pambarim. Familja Ndreshaj nga Torovica e Lezhës vijon ende të kërkojë të vërtetën për fatin e Lekë Ndreshajt, babait të katër fëmijëve, që u zhduk më 9 qershor, ditën kur shkoi në një ceremoni mortore në Malësi të Madhe dhe nuk u kthye më. Humbja e tij pa gjurmë ka mbetur një plagë e hapur jo vetëm për familjen, por për mbarë komunitetin. Sot, djali i tij Gëzimi ndan publikisht dhimbjen dhe ankthin e zemrës me këtë mesazh prekës për babain e humbur.

⸻

Statusi i plotë i Gëzim Leka Ndreshaj:

Humbja pa kthim …

Sot mbushen plot tre muaj që një familje kërkon kryefamiljarin,fëmijët kërkojnë prindin Duakagjini kërkon të birin dhe Torovica kërkon bashkëfshatarin e vet.
Leka ,babai i katër fëmijëve,gjysh i disa nipave e mbsave ,nip në Brashtë - Shosh*t , ashtu si pothuajse shumica e prindërve në Shqipëri ,jetonte prej vitesh vetëm me bashkkëshorten,Katrinën ,mbasi fëmijët i kishte në emigrim jashtë vendit.

Lekë Ndreshaj me banim në Torovicë të Lezhës ,me origjinë nga Nënmavriqi i Shalës në -Dukagjin ka dalë nga shtëpia me datën 09.qershor të këtij viti ,për të marrë pjesë në ceremoninë mortore të mikut të tij në Malësi të Madhe dhe prej asaj dite nuk u bë ma i gjallë ,nuk u kthye ma pranë familjes e të afërmëve të tij. Leka nuk u ndie mirë gjatë qëndrimit në varrim të mikut të tij dhe kërkoi ndihmë ta çonin në shtëpi,kur nuk gjeti një person ta shoqëronte ,vendosi të largohet vetë ,flitet se është parë dukë kërkuar automjet drejt Shkodrës ,por e vërteta mbeti në errësirë prej tre muajsh. Me mall e lot në sy , familja e shqetësuar kërkuan dhe vazhdojnë të kërkojnë ,duke dhënë kushtrim anembanë vendit , në të gjitha mediat , në Malësi të Madhe , në Duakgjin dhe anembanë Shqipërisë , por kërkimet nuk kanë dhënë asnjë rezultat.
Shumë aluduan duke dhënë informacine të rreme ,duke ngritur shpresa mbi dhimbje e të tjerë heshtën të shqetësuar ,mbasi e vërteta rezulton e hidhur pa asnjë përgjigje .
U mblodhën fëmijë,të afërm ,shokë ,miq e dashamirë ,pasi Leka kishte aq shumë,por më kot .
Djali i tij Gëzimi mes lotësh për humbjen e të atit , rrefeu zemrën e tij në emision duke ofruar një shumë të madhe parash , veç ta gjente babanë e ta kishte përsëri pranë , por çdo përpjekje rezultoi e kotë . Sot në këtë familje ka pllakosut dhimbja së bashku me misterin e humbjes së një burri ,një babai,një kryefamiljari,një vëllai ,një shoku,një bashkëfshatari,një miku e një kumare .

Dhimbja dhe shqetësimi për Lekën ka kaluar kufinjtë e familjes dhe të afërmëve ,ajo dhimbje ka pllakosur anembanë komunitetit ,secili banor i fshatit Torovicë jeton me shqetësimin e humbjes së mistershme e tij,pasi Leka si një person shumë i dashur gëzonte respektin e të gjithëve .
Ka tre muaj që familjarët i kanë sytë nga dera ,në pritje të shfaqjes së njeriut të zemrës ,për t’i dhënë fund kësaj ëndërre të ligë ,kësaj nate të zezë , këtij lajmi të kobshëm .

Kur vajza erdhi nga kurbeti duket se lot lëshuan edhe muret e shtëpisë ,ajo e kërkonte babin ,zemra e saj ndihej bosh ,pasi e donte me gjithë shpirt , lotët e saj nuk patën të ndalur duke depërtuar ndër kujtimet e tij ,duke parë dhomën ,rrobat e fotot e të atit në mur , ajo nuk mund ta besojë se i ati nuk kthehet .
Ai nuk ishte i sëmurë ,ai nuk u shua në aksident ,ai nuk vdiq në krevat,ai iku e nuk u kthye ma…
Ku është vallë babai ? Ku u zhduk ? Kush e pa ? A mos e humbi dheu ? A mban kjo tokë një person që e di realitetin e këtij misteri ? Këto ,e tjera pyetje i mundojnë familjarët çdo ditë .Ata nuk e kanë harruar dhe kurrë s’mund ta harrojnë , por thjesht po mësohen me realietin e hidhur …askujt s’i pati borxh dhe kurrë s’e meritoi këtë të zi fat…

Besoj se ka një zot që i di të gjitha përgjigjet e këtyre pytjeve dhe herët a vonë do e nxjerrë në dritë të vërteten sidoqoftë ajo .Ka një zot që do ja prishë gjumin atij që mund të hedhë dritë mbi realitetin e një ditë do dalë të thotë:”Po unë e di …”! Nëse ka ndodhur diçka aksidentale , le të na tregojë ,ne jemi njeëz, e mbi të tjera jemi dukagjinas , ne dimë të falim me burrëri , por jemi hakamrrës nga padrejtësitë.

Ndoshta është e dhimbshme ,por ne duam një varr ,ku të mblidhemi ,të qajmë e të vajtojmë sipas zakonit. Një foto e një emër mbi mermer, ta dime se Leka ,prehet i qetë diku mes lulesh shumëngjyrëshe, sjellë nga fëmijë ,nipa e mbesa ashtu siç e meritonte.
Në çdo ditë të jetës, kur dielli lind dhe perëndon pa dhënë përgjigje, shpirti ynë që kemi humbur të dashurin e zemrës sonë jeton në një pasiguri të pafundme.Kemi humbur mëngjesin dhe tretur në errësirën e nje nate të gjatë pambarim …
Shpirtin na plagosin pyetjet që vinë si një mollë e helmuar: ”Ku është ? A do kthehet ? Deri kur do presim ?

Për familjen, secili moment kalon me një njësoj ankthi . Shtrati i tij është bosh. Fotoja e tij qëndron në mur, por është më shumë një kujtim që digjet çdo ditë, si një flakë që nuk mund ta shuash kurrë. Kujtimet e tij janë anembanë ; në shtëpi, në bahçe, në rrugë , gjithkund ku këmba e tij shkeli në jetë .
Shpresa është ajo që vdes e fundit në jetë, jemi akoma më shpresë , se dikush do na thotë të vërtetën . Ne besojmë në zot dhe zoti do e thojë të vërtetën , heret a vonë .
Përditë po presim një telefonatë që di të vërtetën dhe sytë na rrinë nga dera ,me shpresë…

09/09/2025

Belinda Balluku, deklaron se në vendin tonë janë ndërtuar mbi 1 mijë kilometra rrugë.

Zëvendëskryeministrja, njëherësh ministre e Energjisë dhe e Infrastrukturës, Belinda Balluku, deklaroi se në vendin tonë janë ndërtuar mbi 1 mijë kilometra rrugë.Gjatë Konferencës së Ambasadorëve “Diplo 2025″, ajo u shpreh gjithashtu janë ndërtuar edhe 30 kilometra tunele e më...

09/09/2025

Eliminatoret Botërori 2026/ Letonia si një “finale” për Shqipërinë, ja dilema e Sylvinho-s

Sot në mbrëmje në orën 20:45 në “Air Albania”, Shqipëria e Sylviinho-s do të ketë përballë Letoninë në një përballje mjaft delikate e cila do të tregojë shumë mbi aspiratat e kuqezinjve në kualifikueset e Kupës së Botës 2026. Me kalimin e orëve janë zvogëluar edhe dilemat...

09/09/2025

Hajrush Ziberi (1968-1992) i riu shqiptar nga Shkupi, u ly me benzinë dhe u dogj i gjallë nga forcat serbe

Hajrush Ziberi (1968-1992) i riu shqiptar nga Shkupi, u keqtrajtua rëndë, u ly me benzinë dhe u dogj i gjallë nga forcat serbe “Tigrat e Arkanit” në Bijelinë, Bosnjë dhe Hercegovinë, ku punonte për bukën e gojës. Fotoja e tij me duart e ngritura është dëshmi e pafajësisë së vrar...

09/09/2025

Kreu i SPAK, Altin Dumani ka zhvilluar sot një vizitë zyrtare në Mal të Zi, me fokus goditjen e rrjeteve ndërkombëtare të trafikut të drogës.

Dumani u takua në Podgoricë me Kryeprokurorin Special të Malit të Zi, Vladimir Novović.

Gjatë takimit u vlerësua bashkëpunimi i shkëlqyer mes dy institucioneve në luftën kundër krimit të organizuar transnacional, me theks të veçantë në zbulimin dhe ndjekjen penale të autorëve të trafikut të lëndëve narkotike, në të dy vendet.

09/09/2025

Atentati i fundit në Shkodër me dy të vrarë dhe dy të plagosur ka rikthyer edhe një herë vëmendjen te prania e fuqishme e grupeve kriminale në kryeqendrën e veriut.

Gazetari Artan Hoxha, i ftuar në News24, duke folur për ngjarjet e fundit kriminale në Shkodër tha se “shteti e ka dorëzuar qytetin, duke e lënë në mëshirë të bandave”.

Sipas tij, grupet kriminale që veprojnë në këtë zonë janë të organizuara që nga vitet ’90 dhe disponojnë fonde më të mëdha sesa vetë Ministria e Brendshme. Ai ngriti shqetësimin se shumë prej ngjarjeve të rënda që ndodhin në qytet mbeten pa autorë, duke shtuar klimën e pasigurisë tek qytetarët.

Gazetari kërkoi ndërhyrje në nivel kombëtar për të frenuar përshkallëzimin e dhunës dhe për të çmontuar lidhjet mes krimit të organizuar dhe politikës. Hoxha tha se tashmë është shumë vonë për të luftuar këto grupe kriminale, pasi ato kanë lidhje të forta me pushtetin në Shkodër.

Artan Hoxha: Sot kemi organizata të mirëfillta. Ata kanë operuar që në vitet e para të viteve 1990. Kemi të bëjmë me struktura kriminale që kanë buxhet më të madh dhe se Ministria e Brendshme. Mbi të gjitha kemi struktura që marrin në dorë strukturën shoqërore të një ngjarjeje. Ashtu siç është trajtuar Shkodra, një pjesë janë larguar ose në Tiranë ose jashtë vendit. Në këtë ngjarje kemi diçka të veçantë sepse autori u kap shumë shpejt.

Kjo ishte ngjarja e radhës e përplasjes mes grupeve. Ende konfliktet në Shkodër nuk janë zgjidhur. Sa herë dëgjojmë histori me fajde, këta japin para me fajde, sepse këta ua japin personave që nuk iu marrin vetëm para, por edhe biznese e prona. Shteti e ka dhënë Shkodrën me koncesion. Shumë ngjarje në Shkodër nuk kanë autorë. Bardhok Pllana u vra dhe nuk ka autor, Mir Koçiu u vra dhe nuk ka persona të prangosur. Në Shkodër është një litar i trashë krimi.

Ia kam thënë kryeministrit në sy, se Shkodra sot nuk ka problem krimin e rrugës, por krimin e organizuar. Atje po ndodh që ka viktima e të plagosur që janë krejt të pafajshëm. Duhet një operator kombëtar që të zbardhë ngjarjet në Shkodër. Nëse lejon që kriminelë të emërojnë deputetë, ministra etj, tregon se ata kanë lidhje me pushtetin, derisa marrin dhe fonde publike, sepse kanë marrëveshje me pushtetin. Shkodra ngjan me Palermon e viteve 80’. Strukturat tona kanë dështuar.

09/09/2025

Shkodër/ Nismë për një mjedis më të pastër në Shirokë

Në kuadër të fushatës , Bashkia Shkodër në bashkëpunim me Administratën e Zonave të Mbrojtura (ADZM) Shkodër, zhvilloi sot një aksion pastrimi në qendër të Shirokës.

Punonjësit e Shërbimeve Publike iu bashkuan kësaj nisme, e cila nuk kishte për qëllim vetëm largimin e mbetjeve, por edhe sensibilizimin e qytetarëve për rëndësinë e mbrojtjes së mjedisit.

Organizatorët theksuan se për një Shkodër më të pastër dhe më të gjelbër, është i domosdoshëm kontributi i përbashkët i institucioneve dhe i çdo qytetari.

09/09/2025

Sekretari i Përgjithshëm i Partisë Demokratike, Flamur Noka, ka leshuar akuza ndaj qeverise dhe bashkise se Shkodres pasi sipas tij, e kane lene Shkodren, ne doren e krimit.

Ai iu referua ngjarjeve te fundit ne qytet ku brenda pak ditesh, humben jeten 3 persona ne dy atentate me arme zjarri.

09/09/2025

Proda: Policia e Shkodrës reagoi me guxim dhe profesionalizëm, u kap autori i krimit

Drejtori i Përgjithshëm i Policisë së Shtetit, Ilir Proda, me mesazh mirënjohjeje për efektivët e Shkodrës dhe garanci për qytetarët

Drejtori i Përgjithshëm i Policisë së Shtetit, Drejtues Madhor Ilir Proda, ka vlerësuar reagimin e menjëhershëm të Policisë së Shkodrës pas ngjarjes së rëndë të një dite më parë, ku falë angazhimit dhe profesionalizmit u kap dhe u vu para drejtësisë autori i krimit.

Proda, në një mesazh drejtuar efektivëve, shprehu ngushëllime për familjarët e dy viktimave, uroi shërim të shpejtë për të plagosurit dhe theksoi se Policia ka vënë në dispozicion kapacitetet më të mira hetimore dhe operacionale për zbardhjen e plotë të ngjarjes dhe të krimeve të tjera të ndodhura në qarkun Shkodër.

Ai përmendi gjithashtu edhe operacionin e suksesshëm në lagjen “Guerrile”, ku u shkatërrua një bazë kriminale e armatosur dhe u identifikuan dy përkrahës të autorit të krimit.

Në mesazhin e tij, Proda garantoi qytetarët e Shkodrës dhe të gjithë vendit se beteja për sigurinë është e përditshme dhe e palëkundur, duke i bërë thirrje qytetarëve të bashkëpunojnë ngushtësisht me Policinë e Shtetit.

⸻

Statusi i plotë i Drejtorit të Përgjithshëm të Policisë së Shtetit, Ilir Proda:

“Të nderuar kolegë të Policisë së Shkodrës,

Ju shpreh mirënjohjen për angazhimin tuaj maksimal gjatë këtij 24-orëshi intensiv për Policinë.

Reagimi juaj i menjëhershëm, i guximshëm dhe profesional rezultoi me kapjen dhe çuarjen përpara drejtësisë të autorit të krimit të djeshëm, ngjarje e cila dëshmoi sërish rëndësinë e misionit të Policisë, si përballja e parë frontale me krimin dhe kontingjentin e rrezikshëm të tij.

Gjej rastin që, nëpërmjet këtij mesazhi, të ngushëlloj familjarët e 2 viktimave, të uroj shërim të shpejtë për të lënduarit, si dhe t’i garantoj se Policia i ka vënë të gjitha kapacitetet e saj më të mira hetimore dhe operacionale në funksion të zbardhjes së rrethanave dhe përgjegjësive në lidhje me krimin e djeshëm, por edhe të ngjarjeve kriminale të ndodhura më parë, në qarkun Shkodër.

Këtë vendosmëri e dëshmoi edhe goditja në lagjen “Guerrile”, ku informacioni i administruar me konfidencialitet të plotë dhe profesionalizmi operacional çuan në shkatërrimin e një baze kriminale, të pajisur me arsenal armësh dhe sende të tjera në dispozicion të krimit. Gjithashtu, çuan në identifikimin e 2 përkrahësve të autorit të krimit të djeshëm.

Së fundi, dua të garantoj qytetarët e qarkut Shkodër dhe të mbarë Shqipërisë se beteja jonë për sigurinë e tyre është e përditshme dhe e palëkundur, dhe se po kryhet një punë intensive hetimore dhe operacionale për të parandaluar ngjarjet kriminale dhe për të zbardhur ato të ndodhura.

Gjithashtu, i ftoj qytetarët të bashkëpunojnë intensivisht me strukturat e Policisë, pasi vetëm në këtë mënyrë përmbushet objektivi ynë madhor i përbashkët: siguria publike.”

Drejtori i Përgjithshëm i Policisë së Shtetit,
Drejtues Madhor Ilir Proda

09/09/2025

Një element i rëndësishëm për të vënë rregull në lidhje me ndërtimet në Shqipëri dhe masat ligjore që do të aplikohen në vijim, është edhe certifikata e përdorimit të objektit në ndërtim.

Në fjalën e tij në prezantimin e paketës ligjore për mbrojtjen e territorit, Kryeministri Rama tha se asnjë objekt në ndërtim nuk do të lidhë ujin dhe dritat pa marrë certifikatën e përdorimit.

“Një element tjetër është që nuk do lidhen më drita dhe ujë nëse objekti nuk do ketë marrë certifikatën e përdorimit. Dhe pasi i fusin njerëzit në apartament i marrin ata peng dhe ikin duke e bërë të pamundur që pallati të konfiskohet sepse njerëzit janë brenda. Kjo nuk do lejohet më. Deri në ditën që do merret certifikata e përdorimit, nuk do ketë as ujë as drita. Edhe lokalet që operojnë pa leje, do rishikojmë këtë komponent sepse ti operon pa leje por unë paguaj ujë taksa drita. Është përgjegjësi e shtetit. Jo”, u shpreh Kryeministri.

Rama theksoi se zbatimi i masave të reja ligjore është domosdoshmëri për rrugën europiane të Shqipërisë.

“Duhet në këtë fazë ku jemi dhe vitet që kemi për të hyrë në familjen e bashkuar europiane, të ndajmë mirë se çfarë është e publikut, e individit, komunitetit, tregtarit, çfarë është e brezave që vijnë dhe çfarë është e brezave që sot punojnë. Këto duhen ndarë sepse ndryshe nuk shkojmë larg dhe ne e kemi bërë këtë vend shumë më të jetueshëm me shumë më tepër rregull. Por për ta bërë Europën e Ballkanit duhet të hedhim hapa të rëndësishëm përpara”.

09/09/2025

MOMENTI I ARRESTIMIT TE AUTORIT !

Drejtori i Policise Shkoder i vendos doren ne shpatulla dhe çante, vrasesit te dy personave dhe komunikon me te.

Ai u ndjek nga dhjetra forca policore dhe u arrestua ne zonen e njohur si "Zalli i Kirit". Me pas, pasi iu sekuestrua arma e krimit, i dorezohet drejtorit te Policise Shkoder, Gentian Berberi ku ai shfaqet duke komunikuar me te. Me pas shoqerohet per tu marre ne pyetje.

Autori Gila u ndjek per disa minuta nga dhjetra forca policie ku edhe pse i armatosur, forcat e policise se Shkodres, rrezikuan jo pak.