TV1 Channel - Shkodër

06/06/2026

EDICIONI I LAJMEVE ORA 20:00

06/06/2026

Papa Leoni XIV mbërriti në Spanjë, duke shënuar udhëtimin e tij të parë apostolik në vend që nga viti 2011. Avioni i tij zbarkoi në aeroportin Adolfo Suárez Madrid-Barajas më herët se sa ishte planifikuar, ku u prit nga Mbreti Felipe VI dhe Mbretëresha Letizia, si dhe nga Kryeministri Pedro Sánchez dhe autoritete të tjera. Pas zbritjes, Papa puthi tokën spanjolle, një gjest tradicional. Këmbanat e Katedrales së Almudenës dhe të kishave të tjera në Komunitetin e Madridit ranë me gëzim për të shënuar ardhjen e tij. Vizita filloi me një vonesë të vogël në ceremoninë e mirëseardhjes në Pallatin Mbretëror, ku Papa u shoqërua nga një batalion me kuaj dhe u përshëndet nga familja mbretërore, përfshirë Princeshën e Asturias dhe Infantën Sofía. Më pas, ai përshëndeti 25 fëmijë nga Dioqeza e Madridit dhe zhvilloi një takim të shkurtër me Mbretërit dhe Kryeministrin Sánchez.

Gjatë fluturimit nga Roma në Madrid, Papa Leoni XIV iu drejtua rreth 80 gazetarëve, duke theksuar qëllimin e vizitës së tij për të nxitur “një pajtim dhe bashkëpunim më të thellë midis forcave të ndryshme” të Spanjës. Ai bëri thirrje kombit të “braktisë narrativat përçarëse dhe polarizuese dhe të shmangë qasjet identitare që popullojnë botën me fantazma dhe armiq”. Papa gjithashtu trajtoi çështjen e abuzimeve brenda Kishës, duke e quajtur atë “një plagë ende të hapur”. Ai theksoi angazhimin e tij personal dhe të gjithë Kishës për të vazhduar punën në krijimin e komisioneve dhe normave për të adresuar këtë problem. Ai shprehu kënaqësinë për këtë udhëtim, duke theksuar se, megjithëse kishte vizituar Spanjën shumë herë si prior i agustinianëve, kjo ishte hera e parë në këtë mision apostolik.

06/06/2026

Kryetari i Partisë Demokratike Sali Berisha zhvilloi sot një takim me 71 të rinjtë dhe të rejat e zgjedhur në Këshillin Kombëtar të PD-së, në kuadër të nismës “Ri(ni)përtëritje”.

I pranishëm në këtë takim ishte edhe Antonio López-Istúriz White, europarlamentar, anëtar i PPE-së dhe ish-sekretar i përgjithshëm i Partive Popullore Europiane.

Në fjalën e tij Lopez-Isturiz theksoi se “të gjithë janë pro Shqipërisë në BE, por ngrenë dyshimin, a mund të kemi Ramën në Këshillat Europiane”.

Nga ana e tij, Berisha vlerësoi se Antonio López-Istúriz ka mbështetur Partinë Demokratike të Shqipërisë dhe ka ndjekur zhvillimin e kësaj partie dhe të këtij vendi në ditët më të vështira, duke qenë një mbrojtës i palëkundur i kauzave të demokratëve.

Duke iu referuar nismës “Ri(ni)përtëritje”, Berisha shprehu bindjen se të rinjtë janë ata që do të kontribuojnë në ripërtëritjen e PD-së.

“Ju do të jeni boshti kryesor i arritjes së objektivave tanë. Kjo është audienca e shpresës për partinë dhe për vendin. Kuvendi që zhvilluam ishte një Kuvend ripërtëritje. Vizioni juaj është vizioni më i mirë për partinë. Ne qëndruam për modernizimin e partisë dhe askush nuk mund të kontribuonte më shumë se ju në modernizimin e partisë”, tha Berisha.

Berisha theksoi se të rinjtë mund të bëhen boshti kryesor i arritjes së të gjitha objektivave të PD-së.

06/06/2026

06/06/2026

Shkodra proteston !

06/06/2026

Pamje nga protesta në Shkodër🔴

06/06/2026

Në Shkodër ka nisur një marshim protestues me pjesëmarrjen e qytetarëve dhe të rinjve.
Protestuesit janë duke lëvizur në rrugët kryesore të qytetit, duke thirrur "Vdekje tradhëtarëve Shqipëria e Shqipëtarëve".

06/06/2026

SHKODRA BEHET GATI PER PROTESTE🔴

06/06/2026

Vllaznia ka nisur të lëvizë në merkaton e verës dhe afrimi i parë i skuadrës shkodrane tashmë duket i mbyllur. Gazetari Maringlen Zhivani ka mësuar se drejtuesit kuqeblu kanë arritur marrëveshjen me sulmuesin anësor Patrik Bardhi, i cili ka firmosur një kontratë njëvjeçare me klubin.
Pavarësisht situatës që vijon të mbajë të bllokuar zyrtarisht merkaton e Vllaznisë, drejtuesit kanë punuar intensivisht në prapaskenë për të ndërtuar skuadrën e sezonit të ri. Sipas informacioneve të siguruara nga Maringlen Zhivani, Bardhi është përzgjedhur si një element që mund t’i japë më shumë ritëm dhe alternativa repartit ofensiv.
28-vjeçari vjen nga Vora, ku zhvilloi një sezon pozitiv dhe ishte një nga lojtarët më të rëndësishëm të ekipit. Më herët ai ka qenë pjesë edhe e Tiranës, Kastriotit dhe Dinamos, duke krijuar një eksperiencë të konsiderueshme në futbollin shqiptar.
Me firmën e Patrik Bardhit, Vllaznia hedh hapin e parë në merkaton e verës, ndërsa burimet tregojnë se nuk do të jetë afrimi i vetëm. Në ditët në vijim priten të tjera lëvizje për të forcuar skuadrën në prag të sezonit të ri.