https://www.facebook.com/106655098148949/

Porta Tiranës, Tirana (2025)

08/04/2024

Falja e Namazit për Fitër Bajram, Komuniteti Mysliman njoftim të rëndësishëm për besimtarët

Teksa ka mbetur edhe një ditë nga përfundimi i muajit të shenjtë të Ramazanit, Komuniteti Mysliman i Shqipërisë ka bërë një njoftim të rëndësishëm për të gjithë besimtarët, se namazi i Fitër Bajramit do të falet në Sheshin “Skënderbej”, më datë 10 Prill 2024, ora 06:55.

Programi i plotë i Fitër Bajramit:

06:25 – Hapja e programit

06:30 – Lexim Kur’ani nga imami i xhamisë “Et’hem Bej”, z. Elton Karaj

06:35 – Fjala përshëndetëse e Kryetarit të KMSH-së, H. Bujar Spahiu

06:45 – Ligjëratë nga Nënkryetari i KMSH-së, z. Lauren Luli

06:55 – Falja e namazit të Bajramit, prin faljen kryetari i KMSH-së, H. Bujar Spahiu

07:00 – Hutbeja e Bajramit nga Myftiu i Tiranës, z. Gazment Teqja

07/04/2024

Turistët shtrenjtojnë sërish bregdetin, rriten me 25% çmimet e apartamenteve

Çmimet maksimale të sh*tjes së apartamenteve në bregdet kanë arritur 4,000 euro/m², kurse të vilave, 2 milionë euro. Për agjentët e sh*tjes, shtrenjtimi në Vlorë dhe Durrës vjen si pasojë e kërkesës reale, kryesisht nga të huaj. Në Sarandë, rritja e shpejtë e çmimeve po sjell rënie të sh*tjeve me 50%. Për agjentët e pasurive të patundshme, tregu po shkon drejt një flluske, që mund të shfryhet në muajt e verës, në të kundërt rrezikohet kolapsi. Modeli i ri i prenotimit pa filluar ende nga puna projekti po zbatohet nga Durrësi deri në Sarandë. Blerjet bëhen nga shqiptarë të diasporës dhe Kosovës dhe të huaj.

Brenda vitit, çmimet e pronave në bregdet janë rritur mbi 25%. Në resortet që po zhvillohen në Palasë, Orikum dhe Sarandë, çmimi maksimal i sh*tjes së apartamenteve është 4,000 euro/m².

Në vijën e parë të ndërtimit të resorteve në Lungomare, apartamentet po sh*ten me çmim 3,500 euro/m². Krahasuar me vjet, çmimet e pronave të vijës së parë në Lungomare në Vlorë janë shtrenjtuar mbi 25%.

Çmimi i pasurive për rezidentët në Radhimë dhe Orikum brenda vitit ka shënuar rritje nga 67 deri në 88%, sipas të dhënave për çmimet e sh*tjes të agjencive së pasurive të paluajtshme. Agjentët e pasurive të patundshme pohojnë se në vijën e parë në zonat bregdetare të Jugut nuk gjen pasuri të paluajtshme me çmim nën 3,000 euro/m².

Në Golem, çmimi maksimal i sh*tjes ka arritur 1,500 euro/m², kurse në Gjirin e Lalëzit, vlerat variojnë nga 2,400 deri në 3,300 euro/m².

Krahasuar me vjet, çmimet maksimale në këtë zonë për ndërtimet e reja janë rritur me 25%. Edhe për apartamentet në godinat e vijës së dytë të ndërtimit, çmimet janë shtrenjtuar me 25%.

“Këtë vit, çmimet kanë ndryshuar krahasuar me vjet. Çmimi më i ulët shkon në 1,500 euro/m², kurse më i larti, në 3,500 euro/m² në zonën e Lungomares. Brenda qytetit të Vlorës çmimet variojnë nga 700 euro deri në 1,700 euro/m², – sipas Aurela Xhaferaj broker pranë agjencisë “Century 21 Aulona”.

“Shpërthim” të çmimeve sivjet ka pasur edhe për zonat Radhimë dhe Orikum.

Sipas znj. Xhaferaj, në Radhimë, çmimet variojnë nga 1,500 deri në 2,500 euro/m². Në Orikum, çmimet nisin nga 800 deri në 1,500 euro/m² nga 800 euro/m² që arrinte niveli maksimal i tyre vitin e kaluar.

Krahasuar me të dhënat e marra nga agjencitë imobiliare për çmimet e vitit të kaluar, në këtë zonë rezulton se vlerat maksimale të sh*tjes për m² janë rritur nga 66 deri në 88%.

Jonian Antoni, administratori i kompanisë “Century 21 Albania”, thotë se kërkesa në bregdet është në varësi të çmimit dhe zhvillimit të infrastrukturës së zonës. “Zhvillimet më të mëdha në 5 vitet e fundit priten në tërësi në Rivierën Shqiptare dhe veçanërisht në Vlorë, për shkak të dy projekteve të rëndësishme infrastrukturore që pritet të përfundojnë së ndërtuari, si Aeroporti i Vlorës dhe tuneli i Llogorasë”.

Kërkesa për blerje në Vlorë është më tepër nga të huajt dhe emigrantët, sipas Aurela Xhaferajt, nga agjencia e pasurive të patundshme “Century 21 Aulona”, ndërsa vendasit fokusohen te blerjet me çmime më të ulëta.

“Vendasit janë kryesisht nga Tirana të cilët blejnë afër detit, kurse vlonjatët parapëlqejnë bulevardin ose qytetin”, pohon ajo. Sipas saj, 50% e blerjeve janë për qëllim banimi dhe 50% për investim nëpërmjet rish*tjes, apo dhënies me qira.

Për ndërtimet e zonave të reja rezidenciale të pozicionuara në vijën e parë të ndërtimit në Lungomare çmimet kanë arritur 3,500 euro/m² sipas të dhënave të agjencive të pasurive të patundshme. Krahasuar me vjet, çmimet maksimale në këtë zonë për ndërtimet e reja janë rritur me 25%. Edhe për apartamentet në godinat e vijës së dytë të ndërtimit, çmimet janë shtrenjtuar me 25%.

Kërkesa e lartë shtrenjton edhe Durrësin

Në Golem dhe në Shkëmbin e Kavajës nuk gjen më apartamente në ndërtime të reja me çmime ekonomike. Në këto zona nuk ka më ndërtime të reja në vijën e parë. Projektet e reja po zhvillohen në vijat e fundit dhe apartamentet po sh*ten me çmime nga 1,100 deri në 1,800 euro/m².

Në Golem, pranë zonës së pishave të buta, po zhvillohet një zonë rezidenciale dhe apartamentet po sh*ten me çmime 1,100 euro/m², sipas zyrës së sh*tjeve. Krahasuar me muajin mars të vitit të kaluar, çmimet e apartamenteve për ndërtimet në vijën e dytë të Golemit janë rritur me 30%.

Klajdi Memajdini, nga “Devinf Real State”, tha se në vijën e dytë në Golem, apartamentet në fazë ndërtimi po sh*ten me çmime nga 900 euro/m² deri në 1,500 euro/m² në objektet e përfunduara. Në Gjiri i Lalëzit, çmimet e apartamenteve variojnë nga 2,400 deri në 3,300 euro/m².

“Çmimet janë rritur mbi 30% nga viti i mëparshëm. Shtrenjtimi është ndikuar nga rritja e kërkesës për ndërtime cilësore. Projektet me objekte rezidenciale të nisura tre apo disa vite më parë janë drejt përfundimit. Blerësit kanë interes për këto ndërtime, pasi përveç cilësisë së mirë të ndërtimit, infrastrukturës, brenda komplekseve çdo vit shtohet numri i turistëve ditorë.

Kjo po nxit interesin e individëve të investojnë për blerje pronash në bregdet, me qëllim dhënien e tyre me qira ditore”, pohon z. Memajdini. Sipas tij, blerësit potencialë të pronave në Durrës mbeten vendasit dhe shtetasit nga diaspora, për qëllime investimi.

Në Shkëmbin e Kavajës, çmimet e apartamenteve në ndërtimet e reja me vendndodhje në vijat e fundit të ndërtimit po sh*ten me çmime 1,700 deri në 1,800 euro/m² sipas ndërtuesve. Blerjet e apartamenteve po bëhen tërësisht nga të huajt për qëllime investimi, dhënie me qira apo edhe për banim gjatë stinës së verës. Në vitin 2021, për ndërtimet e vijës së parë në zonën e Shkëmbit të Kavajës, maksimumi i çmimit arrinte deri në 750 euro/m².
Në Golem dhe në Shkëmbin e Kavajës nuk gjen më apartamente në ndërtime të reja me çmime ekonomike. Në këto zona nuk ka më ndërtime të reja në vijën e parë. Projektet e reja po zhvillohen në vijat e fundit dhe apartamentet po sh*ten me çmime nga 1,100 deri Në 1,800 euro/m².

Çmimet e apartamenteve shtrenjtohen me 11% në “Durrës Yacht Marina” brenda 8 muajve

Në “Durrës Yacht Marina”, çmimi minimal i sh*tjes së apartamenteve brenda 8 muajsh është rritur me rreth 11%. Më 8 mars u hapën sh*tjet për apartamentet në godinën e 7 të rezidencës “ParkView” ku sipas zyrës së sh*tjes, çmimet për tipologjinë e apartamenteve me sipërfaqe 58 metra katrorë nisnin nga 1,900 euro/m² deri në vlerat maksimale 2,600 euro/m², të përcaktuara në varësi të katit të apartamentit dhe pozicionimit të tij me pamje nga deti dhe pishina.

Për sh*tjet e fundit për godinat me vendndodhje 20 metra larg detit, çmimi minimal i sh*tjes, sipas komunikimeve të mëparshme me zyrën e sh*tjes, në qershor 2023 niste nga 1,715 euro/m². Ndërsa çmimi maksimal i sh*tjes për godinën në rresht të parë arriti deri në 2,600 euro/m².

Çmimi minimal i sh*tjes së apartamenteve krahasuar me sh*tjet e kryera një vit më parë është rritur rreth 11%. Në fillim, në to, çmimet nisnin nga 1,650 euro/m².

Pronat në projektin e ri “Durrës Yacht Marina” vijojnë të sh*ten në ajër. Për godinën në “ParkView” nga zyra e sh*tjeve u tha se leja e ndërtimit do të merret brenda një viti.

Sh*tja vijon me skemën e pagesës së prenotimit prej 1,200 euro dhe shlyerjen e totalit të vlerës së blerjes së apartamentit nëpërmjet 7 kësteve. Tarifa e paguar për prenotim nuk kthehet, por blerësit i llogaritet në këstin e fundit të pagesës.

Tre prej këtyre kësteve apo 40% e vlerës së apartamentit do të paguhet para marrjes së lejes së ndërtimit e ndarë në 20% e çmimit të blerjes që paguhet brenda 5 ditëve nga nënshkrimi i Marrëveshjes Paraprake të Sh*tjes; 10% e çmimit të blerjes të paguhet jo më vonë se 3 muaj nga data e lejes së ndërtimit dhe 10% e çmimit të blerjes të paguhet jo më vonë se 6 muaj nga data e lejes së ndërtimit.

Për një apartament në rezidencën “ParkView” me sipërfaqe 58 m² që kushton 110 mijë euro, prenotuesi për blerje duhet të paguajë 44 mijë euro për totalin e çmimit të blerjes së pronës para marrjes së lejes së ndërtimit të objektit. Në rastin e godinës së shtatë për të cilën sapo kanë nisur sh*tjet, sipas zyrës së sh*tjes, leja e ndërtimit pritet të merret brenda një viti.

Projekti ka marrë statusin strategjik, pas të cilit shteti shqiptar u bë bashkaksioner, pasi në dispozicion të projektit u vunë 80 hektarë tokë shtetërore. Si investitore, kompania ka përfituar lehtësi të shumta, si përjashtimi nga taksa e infrastrukturës në ndërtim (4% e vlerës së sh*tjes dhe taksa e strehimit prej 3%).

Gjithsej, parashikohet ndërtimi i gati 13 mijë apartamenteve (4 mijë në fazën e parë dhe rreth 8,600 në fazën e dytë), ndërsa do të këtë vetëm pak hotele me më shumë se 850 dhoma. Parashikohen vetëm 280 vende për jahte. 93% e sipërfaqes së ndërtimit të parashikuar do të jetë rezidenciale dhe nga 3.5% përkatësisht do të jenë hotele dhe sipërfaqe tregtare.

Çmimet për tipologjinë e apartamenteve me sipërfaqe 58 metra katrorë nisnin nga 1,900 euro/m² deri në vlerat maksimale 2,600 euro/m², të përcaktuara në varësi të katit të apartamentit dhe pozicionimit të tij me pamje nga deti dhe pishina.

06/04/2024

Talenti nga Saranda bëhet pjesë e Akademisë së Manchester Cityt

Është vetëm 12 vjeç, por po shijon një përvojë që do i ndikojë në të ardhmen. Bruno Qëndro, talenti shqiptar nga Saranda tanimë është pjesë e Akademisë së Manchester Cityt në Angli.
Për shkak të cilësisë që ka në këmbë, Qëndro është përzgjedhur për të qenë pjesë e "Qytetarëve" dhe tanimë ka nisur stërvitjen në një prej klubeve më të arrira në botë.
Ai shihet që ka pozuar me emra si Phil Foden dhe Erling Haaland. Pritet që djaloshi të ndiqet me interes edhe nga trajnerët e moshave në Kombëtare, duke qenë se ka kaluar një nga provimet më të vështira duke qenë pjesë e Cityt.
Kujtojmë se Man. City do asistojë edhe në Shqipëri duke qenë pjesë e "Durrah Football Academy" që nis punë prej shtatorit të këtij viti më qytetin bregdetar.

06/04/2024

Transferta kundër Partizanit, Osmani: Vllaznisë i bën punë edhe barazimi, kemi dëmtime

Partizani - Vllaznia, kjo është ndeshja e javës së 30-të në Superligë që pritet të vendosë shumë për fatet e sezonit. Nesër në orën 20:00 në "Air Albania" zhvillohet një përballje e fortë, me rivalët që janë në garë për një vend në "Final 4".
Para ndeshjes për mediet foli trajneri i Vllaznisë, Qatip Osmani. Ai u ndal te renditja dhe forma e skuadrave, duke thënë se do ishin të kënaqur edhe me një pikë, por nuk do luajnë shumë në mbrojtje. Shkodranët nuk janë në gjendjen më të mirë sa i takon formës së lojtarëve, me Smajlin që vuan një lëndim.
"Sigurisht që pas humbjes me Egnatian, shqetësim kryesor janë dëmtimet, por besoj që lojtarët që janë ankuar këto 3 ditë janë në gjendje më të mirë dhe do të jenë të gatshëm për lojë.
Smajli është akoma në diskutim. Ai do të udhëtojë me ekipin, por do ta vendosim sot në stërvitje. Kjo ndeshje është një derbi. Përvec rezultatit pozitiv, është edhe ajo ana e prestigjit.
Lojtarët janë të motivuar dhe janë të bindur se një rezultat pozitiv na jep përparësi në renditje. Në pozitën që ndodhemi ne dhe ekipi i Partizanit, është e pranueshmë edhe 1 pikë, por megjithatë thashë që nuk duhet të orientohemi shumë në mbrojtje. Varet nga ecuria e ndeshjes", tha Qatip Osmani.
Pas 29 ndeshjeve të luajtura, Vllaznia me 50 pikë mban vendin e dytë, ndërkohë që Partizani me 47 pikë ndodhet në vendin e tretë.

06/04/2024

Rrëfehet trashëgimtari i Lamborghini-t/ Tregon bisedat mes nënës dhe të atit për bizneset

Tonino Lamborghini, trashëgimtari i Ferruco Lamborghini-t, themeluesi i perandorisë industriale në fushën e mekanikës dhe automobilave luksozë ka vizituar për herë të parë Tiranën.

Në podcastin me kryeministrin Edi Rama, ai ka treguar edhe detaje nga jeta e tij personale, si bisedat mes nënës dhe babit të tij, të cilët të dy ishin të lidhur shumë me fushën e biznesit.

Ai rrëfen edhe një moment kur nëna dhe babai i tij përdornin strategji për të siguruar edhe shumat e parave që u nevojiteshin për të bërë biznes.

Rrëfimi i Tonino Lamborghini-t:

Shumë i inatosur. Ishim ulur në tryezë, po hanim tagliatelle-t dhe i thotë nënës: “Anita, më duhen një miliard lira”. Në atë kohë ishte një vlerë e stërmadhe. Nëna, i kthehet dhe i thotë: “Ferruccio, po çfarë do bësh me një miliard lira?” “Ferrari më trajtoi keq. Në fund të fundit, i kam blerë dy Ferrari. Unë prodhoj 52 traktorë në ditë, ai le të jetë prodhues i makinave të garave, po unë mbaj në punë një mijë punonjës të brendshëm, plus të jashtmëve. Pse më trajtoi kështu?! Ia tregoj unë atij!”

Nëna ime u trondit, ku të shkonte t’i gjente një miliard lira të kohës? I thotë: “Nuk i kam, po edhe po t’i kem, më duhen për të çuar përpara kompaninë”. “Duhet të m’i gjesh!” i thotë.

05/04/2024

Tiranë-Durrës me 8 korsi në total/ Hapen tenderat për zgjerimin e disa akseve, dyfishohet kapaciteti i autostradës

Siç ishte parashikuar në planin e investimeve publike në Buxhetin e këtij viti ka nisur puna për zgjerimin dhe shtrimin e disa akseve të rëndësishme infrastrukturore. Autoriteti Rrugor ka hapur tenderat për Lotin 1 dhe 2 për zgjerimin me vlerë 32.4 milionë euro për zgjerimin e autostradës Tiranë -Durrës. Ajo do të bëhet me katër korsi nga të dyja krahët, ndërsa shpejtësia maksimale e projektuar arrin deri në 140 km/h. Punimet për këtë projekt pritet të zgjasin deri në 24 muaj pas lidhjes së kontratës.

Ndërkohë një tjetër projekt i rëndësishëm rrugor është rehabilitimi i rrugës së vjetër Kombinat – Ndroq – Plepa me fondin limit 7.3 milionë euro, që do të shërbejë si një alternativë për të udhëtuar drejt Durrësit. Në këtë aks rrugor Banka Botërore ka financuar edhe rehabilitimin e urës së Beshirit. Një tjetër projekt rrugor për të cilin është hapur tenderi në Lotin e I në vlerën 18.5 milionë euro është aksi Berat – Ballaban, i cili do të shmangë rrugën e vjetër aktuale që të dërgon për në Këlcyrë, e më pas Përmet, duke hapur një korridor të ri në Jug të vendit.

02/04/2024

Zarfi i zi, skualifikohen nga gara Ilnisa dhe Meritoni

Produksioni i Big Brother VIP Albania, ka skualifikuar nga gara Meriton Mjekiqin si dhe Ilnisa Agollin, pas situatave tensionuese brenda shtëpisë gjatë këtyre tre ditëve. Vendimi vjen pas mbërritjes së zarfit të zi gjatë ditës brenda shtëpisë. “Keni përndjekur banorë brenda shtëpisë. Vëllai i Madh pasi ka analizuar me kujdes ngjarjen dhe çdo veprim tuajin, ka vendosur që të dy të skualifikoheni nga gara”.

25/03/2024

Kush eshte Alma Cami drejtoresha e re e QSUT

Pas kaosit të krijuar nga mosfunksionimi i Urgjencës së re në QSUT prej 44 ditësh, drejtoresha e Qendrës Spitalore Albana Fico është larguar nga detyra. Zbulohet emri që do të zëvendësojë në krye të QSUT-së, Albana Ficon. Mësohet se ky post i është besuar Alma Camit.

Cami aktualisht është shefe e Shërbimit në Reanimacionin e spitalit “Shefqet Ndroqi”.
Alma Cani ¨Pasi mbaroi Fakultetin e Mjekesise ne vitin 1991 me rezultate shume te mira, bazuar ne Urdhrin e Ministrise se Arsimit Per studentët më te mirë, të perfshiheshin ne 3%, e te emeroheshin ne institucione qendrore, u emerua qe ne vitin 1991, menjehere pas mbarimit te studimeve ne Spitalin e Semundjeve te Mushkerive (Sanatorium), ku tashme prej disa vitesh eshte kthyer ne Spitalin Universitar: Shefqet Ndroqi (SUSN),

Ne vitet 91-93 specializohet si mjeke pneumologe. Duke qene se spitali kishte nevoje per hapjen e nje reparti bashkehor te terapise intensive pulmonare ne vitin 1993-1997 uspecializua per anestezi-reanimacion.

¨Nderkohe ka bere disa specializime edhe jashte vendit ne fushen e Anestezi-Reanimacionit, Pneumologjise dhe Terapise se Dhimbjes si ne Gjermani, Kanada, Egjipt, Turqi. Po keshtu kam marre pjese ne Kongrese e Konferenca shkencore, te organizuara brenda dhe jashte vendit si ne Shqiperi, Ballkan, Europe, Amerike e Afrike, duke qene referuese gjithashtu ne Gjermani, Itali, Malin e Zi, Greqi, Turqi, Egjipt, Spanje, France, Hollande, USA, Maqedoni, Kosove. ¨Marr pjese gjithashtu ne disa grupe kerkimore shkencore (Research), ku nje nga grupet me te rendesishme, eshte ai ne fushen e terapise intensive, ku jam dhe koordinatore per Shqiperine e Shoqates Europiane te Terapise Intensive ESICM LUNG SAFE per Insuficiencen Respiratore Akute.

Ne vitin 2009 mbron doktoraturen me teme: Efikasiteti i PEEP-it ne Detresin Respirator Akut (A.R.D.S), ku kam marre vleresimin maksimal nga Keshilli Shkencor i Fakultetit te Mjekesise te Universitetit te Tiranes, me graden Doktor i Shkencave .

¨Ne vitin 2016, nga Keshilli i Profesoratit te Universitetit te Mjekesise ka marre titullin Profesor i Associuar.

Qe nga viti 1999 ka punuar edhe si pedagoge e jashtme e Fakultetit te Mjekesise per lenden e Anestezi-Reanimacionit. Ne vitin 2021 emerohet pedagoge e brendeshme ne Universitetin e Mjekesise per lenden e Anestezi Reanimacionit.

30/12/2023

Milionat qe marrin këngtarët shqiptar per natën e ndërrimit te viteve

Nata e ndërrimit të viteve është një ndër festat kryesore në vendin tonë. Të shumtë janë ata që zgjedhin për ta festuar këtë festë në klube, për të shijuar atmosferën deri në orët e para të mëngjesit.

Por nëse për shumicën, kjo është një mundësi për t’u zbavitur, për artistët është natyrisht një natë e mirë për të bërë biznes të majmë. E tillë do të jetë situata edhe këtë vit, ku disa prej artistëve më në zë janë pronotuar tanimë në klube të ndryshme, për ta bërë këtë natë magjike, për të gjithë publikun që do të zgjedhë ti dëgjojë live. Ajo që bie në sy, këtë vit ndryshe nga herët e tjera, është fakti se thuajse të gjithë artistët kanë zgjedhur që të jenë në Shqipëri për natën e ndërrimit të viteve. Konkretisht, Ledri Vula, do të jetë i ftuar për të kënduar në Vlorë, dhe shuma e marrë për një koncert në fundvit, kap vlerën e 20 mijë eurove.

Nga sa paguhen artistët natën e ndërrimit të viteve, këngëtarët kosovarë të preferuarit në Shqipëri ana tjetër, Noizy, një prej artistëve më të dashur për publikun, do të jetë në Tiranë dhe do të marrë po 20 mijë euro për natën e ndërrimit të viteve. Ndryshe nga pak vite më parë, Noizy do të ndalojë vetëm në një koncert këtë natë, ndërkohë që vitet e shkuara, ka pasur edhe 2 koncerte në natën e ndërrimit të viteve, duke dyfishuar kështu pagesën e tij.

Një artiste që ka rritur ndjeshëm pagesat e saj, pas sukseseve të fundit është edhe Dafina Zeqiri. E cilësuar si një ndër këngëtaret femra më të pëlqyera aktualisht, artistja kosovare do të jetë në Tiranë dhe do të marrë 20 mijë euro natën e ndërrimit të viteve. Ajo që na ra në sy ishte pikërisht mungesa e Luizit në postimet për natën e ndërrimit të viteve. Ndoshta artisti ka zgjedhur që këtë natë ta shijojë pranë familjes, ose publikimi i vendit ku do të këndojë, nuk bën pjesë në pagesat e majme që artisti këndon. Megjithatë, ajo që dihet është se Luizi aktualisht është këngëtari më i paguar për netët live, ndaj edhe nëse do të ngjitet në skenë natën e ndërrimit të viteve, pagesa do të jetë më e lartë se e kolegëve.

Një tjetër emër që nuk ka ende një destinacion për ndërrimin e viteve është edhe Elvana Gjata. Si një nga artistet më të pëlqyera, Elvana rrjedhimisht është edhe ndër më të ndjekurat e pëlqyerat në netët live, por deri më tani, ajo nuk ka njoftuar nëse do të jetë në skenë atë natë apo jo.

Sakaq ka edhe nga ato personazhe që ndryshe nga vitet e shkuara, këtë herë ka ulur tarifat. I tillë është edhe rasti i Fifit, që nëse do të ktheheshim disa vite para, artistja do të ishte ndër më të kërkuarat dhe më të paguarat. Por 2 vitet e fundit, kanë qenë të vështira për të. Gjatë sezonit të verës, vetë Fifi deklaroi se kërkesat për netët live të saj kishin rënë ndjeshëm, duke red uktuar kështu edhe koncertet e saj. Natën e ndërrimit të viteve, Fifi do të jetë në Korçë, ku edhe pagesa do të jetë më e ulët se ajo që Fifi kërkonte deri para 2 vitesh.

Një tjetër artiste që ka një agjendë të ngjeshur në netët festive është edhe Aurela Gaçe. Përgjithësisht, artistja ka kënduar në klubin e saj, por që kur ky vend është mbyllur, edhe Aurela preferon të këndojë netë “live”, ndonëse jo shumë shpesh. Natën e ndërrimit të viteve, ajo do të jetë në Golem, me një pagesë goxha të majme, por gjithsesi larg asaj të kolegëve të saj.

Ndërkohë, edhe artistë të tjerë janë pronotuar në lokacione të ndryshme në vendin tonë, por edhe në Kosovë. Ndryshe nga vitet e shkuara, sivjet duket edhe më e lartë kërkesa për artistët Kosovar në vendin tonë, duke nxjerrë në vend të dytë artistët vendas. Prej disa vitesh tashmë, ata janë edhe më të paguarit, si në sezonin veror, ashtu edhe përgjatë festave të fundvitit.

29/12/2023

Tregtarët e gjelave të detit në Baldushk ankohen për mungesën e blerësve🐓

Tregtarët e gjelave ankohen se këtë vit nuk kanë pasur shumë sh*tje.

Edhe pse gjeli i detit është mbreti i tavolinës në natën e vitit të sipas tregtarëve në krahasim me një vit numri i sh*tjeve ka rënë.

Tregtarët e gjelave të detit në Tiranë ankohen për mungesën e blerësve.Çmimi shkon deri në 1400 L/Kg.

Tregtarët e gjelit të detit thone se s’ka njerëz. Shumë prej tyre, duket se nuk do të jenë “Mbretër” të tavolës së vitit të ri, por do të jenë duke vërshëllyer edhe më 1 janar

Cmimi i gjetlit këtë vit varion nga 12 deri në 14 mijë lek të vjetra për kilogram.

Të paktën kjo situatë është në tregun e Baldushkut në periferi të Tiranës.

Tregtarët thonë se këtë vit sh*tjet kanë qenë më pak se një vit më parë, dhe këtë e lidhin me mungesën e njerëzve.

Thonë se kostot janë të mëdha për të mbështuar gjelat dhe pulat, ndaj sytë i kanë nga klientët për të blerë.

Situatë e ngjashme me cmimet dhe ankesat për mungesën e sh*tjeve të gjelit të detit është thuajse në të gjithë vendin.

Çmimi varion nga 1 300-1 500 mijë lekë për kilogram, ndërsa fuqia blerëse është e ulët.

19/12/2023

Rriten çmimet e banesave në qendër të Vlorës ekspertët: Shkak janë investimet e mëdha dhe interesi i të huajve që zgjedhin qytetin bregdetar

Edhe Vlora është duke u përballur me një bum në sektorin imobiliar, ku vlera e apartamenteve, shtëpive, por edhe banesave me qira, kanë njohur rritje të konsiderueshme. Më e lakmuar është zona e ashtuquajtur “Lungomare”, ku sipas agjencive imobiliare, çmimet janë dyfishuar duke shkuar deri në 1500 dhe 2500 euro metri katror

“Kemi shumë kërkesa për zonën e Lungomare por tashmë nuk kemi alternativa pasi pronarët janë orientuar drejt kthimit të apartamenteve në njësi akomodimi në ‘booking’ dhe ‘airbnb’ të cilat shkojnë në 100- 200 euro nata. Qiratë gjithashtu janë rritur ndjeshëm ndërsa kërkesat më të shumta janë nga italianët. Sa i përket faktorëve ndikues patjetër mbeten investimet e shumta të kryera në Vlorë të cilat kanë reflektuar në rritjen çmimeve edhe në zona të tjera si Bulevardi Ismali Qemali, 800-1000 euro/m2 por edhe Zona e vjetër Historike cmimet në këte zonë 1400-2000 euro/m ,Bulevardi Ismali Qemali, rruga e cila të çon nga porti drejt plazhit të vjetër 750-900 euro/m2 por edhe në transballkanike 600-800 euro/ m2

Rritja e kërkesës për blerje banesash, ka bërë që edhe një pjesë e stokut imobiliar në vite të kthehet në hapësira pushimi për turizëm familjar.

“Kemi filluar si biznes ndërtimi të ndërtojmë në Lungomare rreth viteve 2004 dhe jemi nisur me çmime nga 500 maksimumi 600 euro/m2 kurse sot cimet në vijën e parë shkojnë deri në 1300 euro/m2 çka tregon se ēshtë rritur gati 100% asetet e sektorit të ndërtimit”

Ekspertët e agjencive imobiliare parashikojnë se trendi i rritje së çmimeve të vijojë edhe ne 2024 me 15-20 % me shumë .Ata pohojnë se çmimet e ndërtimeve të reja në Vlorë aktualisht variojnë nga 1000- 2200 euro metri katror.

Por edhe çmimet e qerave jane rritur.
Kërkesat e larta për apartamente me qera kanë shtrenjtuar ndjeshëm çmimet në Vlorë.

Në qytetin bregdetar një apartament i vogël me qera kushton 350 euro në muaj ndërsa në varësi të zonës çmimi mund të shkoj edhe në 900 euro.

Në zonat afër detit dhe ato në qendër çmimet janë të kripura më të lira apartamentet janë në periferi të qytetit.

29/11/2023

Samir Mane, përdorimi i duhur i inteligjencës artificiale do të përcaktojë suksesin apo dështimin e një biznesi

Sipërmarrësi Samir Mane ishte pjesë e Web Summit. Gjatë samitit ai takoi të gjithë pjesëmarrësit shqiptarë, ku dha mesazhet dhe këndvështrimin e tij për qasjen ndaj teknologjisë. Më poshtë ju sjellim një intervistë me z. Mane.

Z. Mane, keni marrë pjesë në aktivitetin më të madh kushtuar risive teknologjike dhe digjitale që organizohet në Evropë, Web Summit. Ish*t për të mësuar mbi inovacionet më të fundit, apo për të parë për ndonjë start-up, ku mendoni të investoni?

Sipërmarrësi Samir Mane ishte pjesë e Web Summit. Gjatë samitit ai takoi të gjithë pjesëmarrësit shqiptarë, ku dha mesazhet dhe këndvështrimin e tij për qasjen ndaj teknologjisë. Më poshtë ju sjellim një intervistë me z. Mane.

Z. Mane, keni marrë pjesë në aktivitetin më të madh kushtuar risive teknologjike dhe digjitale që organizohet në Evropë, Web Summit. Ish*t për të mësuar mbi inovacionet më të fundit, apo për të parë për ndonjë start-up, ku mendoni të investoni?Unë si sipërmarrës jam gjithnjë në mbështetje të ideve të reja që mund të krijojnë biznes të dobishëm për shoqërinë, por që edhe të krijojnë të ardhura. Gjithashtu, besoj shumë që inovacionet e fundit teknologjike, sidomos në botën digjitale, paraqesin mundësi të mëdha për të investuar. Web Summit që organizohet në Portugali nuk është eventi i vetëm që lidhet me zhvillimet digjitale që unë ndjek. Mundohem që gjatë vitit të përcaktoj një kalendar me disa evente të rëndësishme që lidhen me inovacionin në mbarë botën e të jem i pranishëm. Kjo më ndihmon të mësoj për zhvillimet më të fundit, por edhe “gjuaj” për start-up që paraqesin mundësi të mira investimi dhe kanë nevojë për mbështetje.Të gjithë flasin për një revolucion digjital. Sa i rëndësishëm mendoni se është dhe do të jetë aplikimi i inovacioneve digjitale?Jemi dëshmitar të disa ndryshimeve madhore dhe të shpejta që po ndodhin në fusha të ndryshme të shoqërisë, rrjedhimisht edhe në biznes. Zhvillimi është aq i vrullshëm sa ndonjëherë bëhet e vështirë ta ndjekësh. Unë mendoj se revolucioni digjital po ia lë vendin revolucionit të inteligjencës artificiale. Shumë shpejt procese të tëra, që aktualisht kërkojnë shumë kohë dhe shumë mundim për t’u realizuar, do të ndihmohen nga inteligjenca artificiale, duke fituar shumë kohë dhe duke kursyer resurse. Ky trend po merr përparësi të mëdha në biznes, por edhe në sektorin publik të shërbimeve. Përditë shikojmë krijimin e mjeteve të reja të inteligjencës artificiale që po gjejnë përdorim gjithnjë e më të gjerë.

Përdorimi i zgjidhjeve që ofron inteligjenca artificiale shikohet me skepticizëm nga shumë personalitete ndërkombëtare. Mund të përmend këtu Yuval Noah Harari, i cili e shikon si shkatërrues për njerëzimin. Ju si pozicionoheni në këtë diskutim?

Unë e shikoj inteligjencën artificiale si ndihmë për procese apo punë që harxhojnë shumë kohë, që kërkojnë shumë energji dhe shumë mund. Jam mbështetës i përdorimit të inteligjencës artificiale për t’i bërë gjërat më të lehta. Patjetër që do të ridimensionojë shumë aspekte të jetës tonë. Patjetër që disa profesione mund të rrezikohen, por po aq e vërtetë është që po krijohen edhe specializime dhe profesione të reja, ku kërkohen aftësi të tjera. Ashtu si edhe më parë, njerëzimi ka ditur të përshtatet dhe të përdorë gjithçka që i ofrohet në të mirën e tij.Nuk duhet të kemi frikë në përdorimin e inteligjencës artificiale. Përdorimi i zgjuar dhe i duhur i inteligjencës artificiale do të përcaktojë edhe fatet e shumë bizneseve në të ardhmen. Prandaj, sa më shpejt të mësohemi me idenë e një ndihme nga inteligjenca artificiale dhe sa më shpejt të mësojmë si ta përdorim në mënyrën e duhur, aq më shumë shanse do kemi që të përparojmë.Mane, ju operoni në disa tregje rajonale dhe më gjerë, a mendoni se ka ardhur koha që kompanitë shqiptare të kthejnë sytë nga teknologjia që të kthehen në kompani rajonale dhe pse jo edhe globale?Ka disa tregues për përdorimin e teknologjisë dhe inovacioneve digjitale. Pavarësisht se vendet e rajonit të Ballkanit nuk pozicionohet mirë, ka rritje të konsiderueshme nga viti në vit. Nga takimet që kam me biznesmenë dhe drejtues kompanish nga rajoni mund të them që sektori privat ka interes dhe po investon në këtë drejtim. Do ishte marrëzi që në ditët e sotme të mos fokusoheshe dhe të mos investoje në teknologji dhe në digjitalizimin e proceseve të ndryshme të një biznesi. Nëse nuk ndjek dot ritmin e vendeve të tjera, nuk u përgjigjesh dot as partnerëve ndërkombëtarë, që janë në një stad të caktuar të përdorimit të zgjidhjeve digjitale dhe e presin edhe nga kompanitë me të cilat ndërtojnë partneritete.

Vendet mesdhetare si Shqipëria preferohen shumë nga nomadët digjital nga vende të ndryshme të botës, sidomos Evropa e veriut. Njoh dy të tillë që janë transferuar bashkë me familjet e tyre në Green Coast. U pëlqen shumë klima, ushqimi dhe ambienti social. Tani ka ardhur momenti që vendi të mos jetë joshës vetëm për individë që operojnë në fushën e teknologjisë, programimit dhe zhvillimeve digjitale, por edhe për kompani. Duhet të ndërtojmë paketa që kompanitë ndërkombëtare të zhvendosin selitë e tyre tek ne. Shqipëria dhe gjithë rajoni duhet të gjejnë një pikë referimi në një shtet që është shumë më përpara në aplikimin e teknologjisë në jetën e përditshme e të mundohen ta ndjekin

Porta Tiranës

08/04/2024

07/04/2024

06/04/2024

06/04/2024

06/04/2024

05/04/2024

02/04/2024

25/03/2024

30/12/2023

29/12/2023

19/12/2023

29/11/2023

Address

Website

Alerts

Shortcuts

Share

Category