Neutrale

21/12/2025

Ndahet nga jeta Ismet Bellova, emblema e komentimit të ndeshjeve të futbollit në Shqipëri.

Ismet Bellova 1934-2025

21/12/2025

Osman Stafa/ Pushteti si banditizem !?
Revolta detyrim për shpëtim.

Krimi godet Krimi grabit.
Krimi vret ... mos prit radhën
të gjithë jemi viktima të tijë.

22 dhjetori, dita e protestës së thirrur nga Partia Demokratike po afron, protestë e cila do të vrasë frikën për Shqipërinë dhe do ofroj mundësinë historike të përmbysjes së madhe dhe të pakthyeshme të regjimit që u instalua dhe sundon me forcën e krimit brutal dhe megakorrupsionit.

Kemi një mijë e një arsye pse në 22 dhjetor, duhet të jemi të gjithë në shesh dhe asnjë arsye për të duruar të gjunjëzuar, atë që në fakt duhet ta kishim refuzuar fort këto 12 vite.

Mos e shikoni protestën e 22 dhjetorit
rehatuar në divanin e shtëpisë sepse:

Mbi 600 mijë shqiptarë kanë emigruar në 12 vitet e fundit, duke shënuar një nga tkurrjet demografike më të shpejta në Europë. Dhe kjo ka prekur edhe familjen tënde, mos e moho!

Shqipëria ka humbur mbi 40 % të popullsisë aktive, kryesisht të rinj dhe profesionistë. Dhe këto janë fakte të keqeverisjes, mos i nënvlerëso!

Qindra milionë euro të buxhetit publik janë lidhur me aferën e inceneratorëve që nuk funksionojnë. Hapi sytë, se edhe ty ashtu si të gjithë ne, po na vjedhin të pangopurit !

Dhjetëra ministra, ish-ministra dhe zyrtarë të lartë janë në burg, nën hetim ose të proceduar për korrupsion. Reflekto, se kjo nuk është qeveri, por bandë hajdutësh!

Mbi 80% e tenderave publikë raportohen me shkelje ose pa garë reale. Abuzimi është bërë mal, por të gjithë bashkë,edhe malet mund t'i shembim.

Pagat mesatare mbeten ndër më të ulëtat në Rajon, ndërsa çmimet janë rritur mbi 40% në një dekadë. Pa mendohu, sado të punosh, prapë mbetesh i varfër, se po të vjedhin deri në palcë!

Pensioni mesatar mbulon vetëm nevojat bazë të mbijetesës, jo jetesën dinjitoze. I shikon lajmet, apo jo? Sa tê moshuar gjenden të vdekur dhe të harruar derisa dekomopozohen në shtëpitë e tyre, mes vetmisë, varfërisë dhe mungesës së kujdesit social.

Qindra shkolla janë mbyllur në zonat urbane dhe rurale për shkak të shpopullimit, ndërsa universitetet publike tenderojnë godina të reja, auditorët janë teatro bosh, ndërsa diplomat nuk garantojnë punësim. Dhe kjo nuk besoj që nuk të shqetëson edhe ty për fëmijët e tu !?

Borxhi publik ka kaluar 14 miliard euro, ndërsa shërbimet për qytetarët mbeten minimale, PPP-të dhe koncesionet kanë lidhur shtetin për dekada me kosto miliardëshe për taksapaguesit, por ti ende je në dyshim, të vish a të mos vish në protestë! Edhe nëse nuk vjen, do të protestoj unë dhe mijra të tjerë si unë, për ty.

Shqipëria identifikohet si vend tranzit kyç për kokainën, heroinën dhe kanabisin drejt BE-së.

Grupet kriminale shqiptare përmenden si aktive në tregjet europiane të drogës, pastrimit të parave dhe trafikut ndërkombëtar. Mos bëj sikur nuk kupton dhe sikur e keqja nuk ka arritur apo nuk arrin dot deri tek shtëpia jote!

Zgjedhjet raportohen vazhdimisht me blerje votash, presion administrativ, keqpërdorim të burimeve shtetërore.

Administrata publike
përdoret si instrument elektoral.

Media dhe institucionet e pamvarura
sot janë pronë e pushtetit dhe sjan gjë
tjetër veçse shërbëtor elektoral të Ramës.

Ndaj mos rri, por reago !
Mos hesht, por ulurijm të gjithë bashk,
kundër këj regjimi, produkt i krimit.

Krimi godet
Krimi grabit
Krimi vret ... mos prit radhën
të gjithë jemi viktima të tijë.

21/12/2025

Banaliteti i Universiteti Publik Politeknik Tiranës

Kulmi i kulmit!! Çtë shikojnë sytë, përbe nuk eshtë IA!!

Shikoni ku është katandisur Universiteti Publik Politeknik i Tiranës. Në fasadën e tempullit të arsimit projektohet imazhi i emisionit te një televizioni privat komerçial. Universiteti Publik Politeknik i Tiranës që duhet të përgatisë brezin e shkencës dhe diturisë, projekton imazhet e "Vëllait të Madh". E gjithë rinia sytë nga modeli i Big Brother, si dikur nga 2-shi i Jugosllavit. Vizioni i tmerrshëm i 1984-s të George Orwell-it depërton deri tek Universiteti i Tiranës që në vend të kontribojë ne edukimin e një brezi me mendim kritik, përgatit skllevërit e ardhshëm të sistemit

E paimagjinueshme deri ku ka arritur tirania e banalitetit në këtë vend.

/Andi Tepelena/

21/12/2025

Natyra e mrekullueshme shqiptare/ Shiroka

Video nga ing. Abdulla Diku

20/12/2025

Gent Strazimiri/ Nuk është korrupsion! Është "buxheticid"!

Nuk është vjedhje!
Vjedhje do quhej nëse me firmën e saj do kishte futur dorën "në xhepin" e shtetit për të marrë diçka që nuk i takon, pavarësisht se sa.

Nuk është as korrupsion!
Korrupsion do të ishte nëse, me firmën e saj do të kishte përfituar nga vlera e tenderit duke favorizuar fituesin për të ndarë bashkë fitimin, pavarësisht se sa.

Është pakrahasimisht më shumë se vjedhje, është pakrahasimisht më shumë se ajo që quanim dikur korrupsion.

ËSHTË "BUXHETICID"!!!

Është shfarosje në masë, me sistem e çdo centi që ka hyrë në buxhetin e shtetit dhe ka dalë prej tij për punë publike a investime.

Firma e saj ka patur efektin e një "arme të shfarosjes në masë" të fondeve buxhetore, me të gjitha mënyrat e mundëshme, 100%!

E ka patur të pamundur ta kryejë e vetme, madje e ka patur të pamundur ta kryejë edhe vetëm në bashkëpunim me drejtorët në vartësi të saj.

Është "buxheticid" që e ka kryer hapur, me koordinimin, prokurën dhe mbrojtjen deri në pikën e fundit të gjakut të shefit të saj.

Është "buxheticid" prej të cilit kanë përfituar të gjitha mediat kombëtare, e portalet, të rëndësishme apo jo, si dhe "gazetarët" përkatës.

Pjesë në këtë shfarosje në masë të "buxhetit" ka marrë secili prej atyre që i keni dëgjuar të thonë kudo nëpër studiot e mbrëmjes që "janë të gjithë njësoj", "s'ka opozitë", apo që "kanë bërë marrëveshje", "janë bashkë"...

Dhe në fund, është një "buxheticid" që e ke ndihmuar, financuar, inkurajuar edhe ti, qofsh shtëpiake a punëtore, student a fermer, intelektual a shofer taksie, pensionist fshati a qyteti, pavarësisht se përmes tij kanë shfarosur çdo cent që do të duhej të vinte tek ti!

E ke bërë duke çuar telekomandën në kanalet në fjalë për të ndjekur debatet, sherret, "argumentat" e secilit prej tyre, pavarësisht nëse në fund ke qenë apo jo dakord me ta...

E ke bërë duke klikuar në celular portalet dhe lajmet "bombastike" për skandalet e...opozitës, pavarësisht nëse në fund e ke besuar apo jo atë që ke lexuar...

Ke marrë pjesë në këtë "buxheticid" pavarësisht se ti ke humbur gjithçka, e ata kanë fituar gjithçka...

"Ata" që edhe në përgjime del se e konsiderojnë njëri-tjetrin, plehra, k*rva, që i shërbejnë vetëm parasë, duke të sh*tur parime....🤷‍♂️

Deri dje, nuk e dije që plehrat, k*rvat që sheh në televizione a portale, të kanë sh*tur moral që ti ua ke blerë me lekët që të takonin nga buxheti i shfarosur...

Sot që ti e di, e ke në dorë vetë të vazhdosh të blesh moralin e k*urvës e higjenën e plehrës, e ta ushqesh e të shtojë apartamente, resorte, jahte e jetë luksi me paret që të mungojnë për të ushqyer fëmijën tënd, apo t'i presësh dorën që të ka futur në xhep...

E bën kollaj, edhe pa lëvizur nga vendi, edhe pa dalë në rrugë: BOJKOTOI !!!

KAQ!

20/12/2025

Basir Çollaku/ “Gysi-Bela-Rama” dhe "zbërthyesi" izraelit i sekreteve

Blloku mbetet bllok për disa lloj pushtetesh, sidomos atyre të trashëgimisë së të shkuarës. Një zyrë në këtë lagje të Tiranës kishte edhe koordinatori Ergys

20/12/2025

Berisha: Protesta të hënën është fillimi i madh i stinës, ndalet vetëm me largimin e Edi Ramës!

Kreu i PD, Sali Berisha, theksoi se protesta e së hënës shënon fillimin e një stine të madhe, e cila do të ndalet vetëm me largimin e Edi Ramës. Ai bëri

20/12/2025

Legjenda e portes shkodrane PAULIN NDOJA (19 DHJETOR 1945 -16 prill 2025) do te mbushte sot 80 vjeç...

Nje portier i talentuar dhe spektakular, me i madhi i historise se futbollit shkodran, por edhe i pafat per shkak te biografise se tij.

Lindi ne Shkoder me 19 dhjetor 1945.

Me Vllaznine ka fituar dy Kupa Republike (1965; 1972) dhe nje titull kampion (1972).

Ishte protagonist ne fitimin e Kupes se pare te Republikes per Vllaznine ne vitin 1965.

Strategu i fushes dhe i stolit, i madhi Skender Jareci, asokohe trainer i Vllaznise besoi ne talentin e Paulin Ndojes duke e vendosur midis portave pa mbushur 20 vjec...

Ne ate edicion te Kupes se Republikes, ne nje ndeshje kunder Luftetarit ka pritur 4 penallti gjate 120 minutave... nje rekord ende i pathyer ne historine e futbollit shqiptar.

Bashkelojtar tek Vllaznia me R. Rragamin, Selami Danin, Capalikun, Zmijanin (babai), Bizin, Zhegen, Kocobashin, Hajro Leken, Ismet Hoxhen, Esat Rakiqin, Duraj, Dedjen, Xhelal Juken, Osman Djepaxhian, Jonuz Telin, Halil Puken, Viktor Plumbinin, Cesk Ndojen...

Ka luajtur pak kohe edhe me "5 Shtatorin" Skraparit, kur kryente sherbimin ushtarak.

Kishte kundershtare ne fushe dhe dashakeq ne tribunen qendrore qe talentin e tij e quanin sfide ndaj regjimit.

Nuk luajti asnje ndeshje nderkombetare me Vllaznine jashte vendit dhe per ironi te fatit te vetmen ndeshje me perfaqesuesen e ka kunder Kines ne nje ndeshje miqesore ne fillim te viteve 70'. ne Tirane.

Biografia e keqe i dha fund karrieres se tij ne vitin 1973, kur nuk kishte mbushur ende 28 vjec.

"Mekatet" e Ndojes ishin fakti qe halla e tij ishte gruaja e Kol Bibe Mirakajt, ministrit shqiptar qe shpetoi rreth 2000 hebrej ne vitin 1943...si dhe vjehrri i tij ishte akuzuar për bombën në Ambasadën sovjetike në Tiranë në vitin 1951.

Pavarsisht fatit te keq ne karrieren e tij, Ndoja mbeti gjithe jeten "dashnor" i Vllaznise.

"Vllaznia eshte jeta ime" eshte shprehur legjenda e portes shkodrane.

Nga Saimir Kadiu

20/12/2025

Protesta e Adriatik Lapaj dhe mbështetësve, përplasje me policinë para kryeministrisë

20/12/2025

Mbreti Zog, ja si e përshkruan nipi i tij, Princ Leka:

Zogu ishte fëmija i tretë i Xhemal Pashë Zogollit dhe djali i parë me bashkëshorten e tij, Sadije Toptani.

Pas ndërrimit jetë të babait në vitin 1908, Zogu u bë trashëgimtari i krahinës së Matit, duke u zgjedhur nga këshilli i pleqve të fisit, në vend të vëllait më të madh, Xhelal Bej Zogolli. Nëna e Zogut - Sadije Toptani, do të këmbëngulte që ai të arsimohej në gjimnazin Gallata Sarai në Bejoglu, Stamboll. Arsimimi i tij jashtë vendit e mbajti atë të sigurtë nga intrigat politike klanore.

Në vitin 1912, Zogu u rikthye në Shqipëri dhe udhëhoqi lëvizjen kryengritëse të krahinës së Matit ndaj xhonturqve. Gjatë kësaj kohe Zogu do të luftonte gjithashtu edhe kundër një ushtrie tjetër pushtuese, asaj malazeze, në zonën e Kakarriqit, duke fituar reputacion si lider ushtarak.

20/12/2025

Legalistët kthehen te Rrënjët, nderojnë familjet mbështëse të Mbretit Zog

Njoftimi nga Shpetim Axhami, Kryetar i Partisë Lëvizja e Legalitetit:

“Kthim tek Rënjët”
Vlerësojmë, motivojmë, rideminsionehemi!
Përkujtojmë 101 vjetorin e “Triumfit të Legalitetit”
Ngjarje e shënuar historike për nga nisi stabiliteti politik dhe shtetbërja e Shqipërisë.
Ditë kur legjitimiteti fitoj mbi rebelimin!
Korçë, me datë 20/12/2025 Ora 11.00
Salla Hotel Koçobelli.

20/12/2025

Tiranë/ Arrestohet 24-vjeçari, transportonte një kallashnikov me municion, me qëllim sh*tjen.

Njoftimi zyrtar nga Policia e Shtetit:

Finalizohet operacioni policor i koduar “Luggage”.

Transportonte me valixhe, një kallashnikov me municion, me qëllim sh*tjen, kapet në afërsi të terminalit të autobusëve, në rrugën “Kastriotët”, 24-vjeçari.

Sekuestrohet arma e zjarrit.

Shërbimet e Komisariatit të Policisë Nr. 3, në vijim të punës operative dhe operacionale, me fokus goditjen e posedimit të kundërligjshëm dhe sh*tjes së armëve të zjarrit, finalizuan operacionin “Luggage”.

Si rezultat i ndërhyrjes së menjëhershme, pas informacionit të siguruar në rrugë operative, u kap në flagrancë dhe u vu në pranga, në afërsi të terminalit të autobusëve, në rrugën “Kastriotët”, shtetasi H. M., 24 vjeç, banues në Bathore, i cili mbante në një valixhe udhëtimit, dyshohet me qëllim sh*tjen, 1 armë zjarri kallashnikov me municion luftarak.

Materialet procedurale iu referuan Prokurorisë së Tiranës, për veprime të mëtejshme.