Neutrale

15/09/2026

Gjyqi i komandantëve të UÇK-së, mijëra shqiptarë mblidhen në Hagë.

15/09/2026

Taulant Balla detyrohet të çohet nga lokali.
Teksa ishte duke pirë kafe në një bar pranë Air Albania Arena, një grup qytetarësh kanë filluar thirrjet: O hajdut !

Balla është ngritur nga tavolina dhe është larguar nga ato ambjente.

15/09/2026

Statuja e Mbretëreshës Ilire, Teuta, vendoset në segmentin rrugor Shëngjin–Velipojë/ Kryebashkiaku i Lezhës, Pjerin Ndreu shpërndan videon dhe shkruan:

MBRETËRESHA TEUTË, me gjithë madhështinë e saj, tashmë në ballkonin panoramik të rrugës Shëngjin–Velipojë! 👑🇦🇱

Një vepër e jashtëzakonshme artistike dhe historike, e frymëzuar nga Marin Mema, realizuar mjeshtërisht nga skulptori Julian Muçollari, me kontributin e historianit Paulin Zefi, shumë aktorëve nga trojet shqiptare dhe Këshillit Bashkiak Lezhë.

Përballë Adriatikut, Teuta rikthehet si simbol i historisë, identitetit dhe krenarisë sonë!

Lezha ka sot një arsye më shumë për t’u vizituar!
Një aset i ri turistik që bashkon bukurinë e natyrës me madhështinë e historisë!

15/09/2026

Sot, 108 ditë protestë në Tiranë

15/09/2026

Deputeti, Klevis Balliu: Përgjimet e Ron Yeffet hedhin dritë mbi aferën e dyshuar të trafikut të armëve përmes KAYO-s dhe përpjekjet për të përfshirë edhe emrin e Shteteve të Bashkuara.

SHBA nuk ka asnjë lidhje me këtë aferë. Përgjegjësia dhe hetimi duhet të fokusohen tek Edi Rama, Ron Yeffet dhe roli i tyre në këtë çështje.

15/09/2026

Ministrja e Shëndetësisë, Spahiu: Rreth 11 mijë fëmijë me aftësi të kufizuara nisin programin e specializuar të shërbimit dentar.

Lajmin e bën me dije Klodiana Spahiu, Ministre e Shëndetësisë dhe Mirëqenies Sociale, e cila ka vizituar sot një shkollë 9-vjeçare në Elbasan.
Spahiu ka qenë e shoqëruar me Kryebashkiakun e Elbasanit, Gledian Llatja.

Postimi në rrjetet sociale:

👧🧒 Çdo fëmijë meriton kujdes shëndetësor të hershëm, cilësor dhe të vazhdueshëm.

🏫Bashkë me Llatja vizituam shkollën 9-vjeçare “Jorgji Dilo” në Elbasan, ku ndamë disa nga hapat konkretë që po ndërmarrim për të forcuar depistimin, diagnostikimin dhe trajtimin e fëmijëve.

🦷 Brenda këtij viti nisim programin e specializuar të shërbimit dentar për rreth 11 mijë fëmijë me aftësi të kufizuara, fillimisht në Elbasan dhe më pas në 12 spitale rajonale.

15/09/2026

Belind Këlliçi: 5 viktima në pak javë nga telat e energjisë, kur do mbajë përgjegjësi Ministria e Infrastrukturës dhe Energjisë, apo qoftë dhe një zyrtar i vetëm i shtetit?!

Belind Këlliçi: 5 viktima në pak javë nga telat e energjisë, kur do mbajë përgjegjësi Ministria e Infrastrukturës dhe Energjisë, apo qoftë dhe një zyrtar i vetëm i shtetit?! Last updated: 2026/09/15 at 1:37 PM Neutrale 1 second ago Share SHARE Brenda pak javësh 5 punonjës të OSHEE dh...

15/09/2026

Dr. Flora Brovina iku në amshim/ Mesazhi prekës nga ish-Presidentja Vjosa Osmani: Sot ndahemi me dhimbje nga Dr. Flora Brovina, një grua që tërë jetën e saj ia kushtoi Kosovës, lirisë dhe dinjitetit njerëzor.

Në vitet e errëta të ’90-ta, ajo nuk qëndroi anash. Si mjeke, humaniste dhe zë i fuqishëm i gruas shqiptare, ajo u përball me represionin, dhunën dhe padrejtësinë serbe.

Më 20 prill 1999, në ditët më të rënda të luftës, u arrestua dhe u dërgua në burgjet serbe. Por as burgu, as torturat, as presioni nuk e thyen.

Flora Brovina u bë simbol i qëndresës së një gruaje që, edhe në robëri, nuk hoqi dorë nga Kosova dhe nga e drejta e saj për liri. Aktivitetin e saj nuk e ndali as pas luftës, duke shërbyer në disa mandate si deputete e Kuvendit të Kosovës.

Kujtimi për jetën, sakrificën dhe qëndresën e saj do të mbetet pjesë e pandashme e historisë së Kosovës.

15/09/2026

Irena Beqiraj: Kur fotoja zëvendëson politikat, rroga e deputetit rezulton 47 herë më e lartë se shpenzimet vjetore për një nxënës !

Teksa shikoja fotot e deputeteve me fëmijët ditën e parë të shkollës, më erdhën në mendje vargjet e këngës së Parashqevisë:

“ Të gjitha do t’i dhuroja, kaq të lumtur t’i shikoja,
fëmijët e gjithë globit anë e mbanë.”
Të lumtur fëmijët (besoj edhe prindërit e tyre), por më të lumtura deputetet.

Por le të përpiqemi të hulumtojmë burimin e lumturisë…

Shqipëria shpenzon mesatarisht 785 € në vit për një nxënës/student, ndërsa një deputet përfiton një pagë bazë prej rreth 3,100 € në muaj (37,200 € në vit). Raporti i pagës së deputetit me shpenzimet publike për çdo fëmijë është 47 herë më i lartë. Kjo do të thotë se buxheti i shtetit alokon afërsisht 47 herë më shumë fonde për pagesën vjetore të një politikani sesa për financimin vjetor të arsimit publik të një nxënësi/studenti.

Gjermania shpenzon afërsisht 9,200 euro për nxënës/student çdo vit në arsimin publik, ndërsa një anëtar i parlamentit gjerman (Bundestag) merr një pagë mujore prej 11,833 € ose 142,000 € në vit. Raporti i pagës së deputetit gjerman me shpenzimet vjetore për një nxënës/student është 15 herë më i lartë. Pra, buxheti i shtetit gjerman alokon 15 herë më shumë për rrogën e një deputeti, krahasuar me financimin vjetor të arsimit publik të një nxënësi/studenti.

Gjermania është vend i zhvilluar dhe mund të mos jetë një bazë e mirë krahasimore. Ndaj, le të shikojmë Kroacinë. Shpenzimet publike vjetore të Kroacisë për një nxënës/student janë mesatarisht rreth 8,150 €, ndërsa një anëtar i Parlamentit kroat merr një pagë mujore neto prej rreth 4,000 €, duke arritur në një total prej rreth 48,000 € në vit. Pra, buxheti i shtetit kroat alokon 5.8 herë më shumë për shpërblimin e një deputeti, krahasuar me financimin vjetor të arsimit publik të një nxënësi/studenti.

Në Shqipëri ekziston kontrasti më i madh në Europë midis shpenzimeve publike për arsimin për një nxënës/student dhe shpërblimit financiar të një deputeti.

Populli kënaqet me pak begenisje. Deputetet, për ta dhënë atë me foto e video, u duhet një pamje e kuruar .Sepse kur nuk hartohen politika që ulin hendekun e shpenzimeve publike që harxhojmë për një nxënës a student që kemi me rajonin e më gjerë , fotoja zëvendëson politikat , edhe look-u i deputetit në foto duhet financuar . Në një mentalitet të tillë politik nuk ka sesi që rroga e deputetit të mos jetë 47 herë më e lartë sesa financimi për edukimin e një nxënësi.

Dhe thoni po të doni që këto nuk dhurojnë lumturi me anë të një përqafimi !

15/09/2026

Artan Fuga: Ka qytete që janë zhytur në vjetërsinë e tyre, kudo nëpër Evropë. Por, ka edhe qytete që për arsye të ndryshme nuk ruajnë asgjë nga e kaluara e tyre.

Janë pa histori. Ose ua kanë prishur bombardimet gjatë luftës së dytë botërore, ose sepse forca e parasë i ka mundur qytetarët dhe kujtesën e tyre.

Ka ca që ruajnë ndonjë gjë të vogël që duket e mjerë, e braktisur, që më shumë tregon plagët që ka marrë tradita sesa është ndonjë gjë për t'u vizituar.

Imagjinoni, vjen ndonjë turist ta zemë nga Veriu i Evropës, ka lexuar për "urën e tabakëve" nëpër sita turistika, në fletëpalosje, mbërrin në Rinas, hyn në kryeqytet, objekti tregohet edhe me anë të tabelave të qarkullimit, sikurse "castello di Tirana". Pret të shohë ku janë!

Zemra i mbushet me kërshëri, shpreson se do të bëjë foto që do t'ua tregojë miqve, do të marrë kartolina që andej, do të ruajë kujtime për qytetërimin e lashtë shqiptar që shkon përtej pellazgëve, ka dëgjuar.

Cfarë të shohë! Një hark i vogël prej guri, tre a katër metra, mbuluar me kalldrëm të ri. Te Casteglio nuk ka as bedena, as kulla, as gjë prej gjëje, restorant, ndonjë kafe, tregti objektesh që i gjen në cdo cept të Ballkanit.

Shumë foto të Mao Ce Dunit! (në ndonjë qytet tjetër). Deri këtu ka ardhur marshimi i madh? - pyet norvegjezja!

Tjetri në Tiranë me siguri pyet : Ore ku është lumi nën këtë që e quani urë? Kush e ka ndërtuar këtë gjënë? Po casteglio ku i ka bedenat!

Lëre i thotë guida, hajde shkojmë andej nga muzetë që janë memorje e lavdishme ku shqiptarët përgjonin të tjerët, iu hiqnin thonjtë me darë, iu hapnin letrat, i burgosnin. Aty mund të bësh fotografi eksituese" për miqtë e tu!

Për t'u bërë interesant shton dozat e horrorit. Turistët ndjenë dridhje në duar e këmbë! Po sikur të fillojnë prapë këta utut dhe tucit të genocidojnë njëri tjetrin.

Kur është avioni i parë për Milano, Napoli, Roma a kudo qoftë ! Mendon nordiku!

Ka qytete pa histori nëpër Evropë, por të rrallë, shumica gëlon nga kujtesa historike, madje ajo kujtesë i mban me të ardhura sepse industria iu tha qyteteve : Mirëupafshim në ndonjë mijëvjeçar tjetër!

Hajde krijojmë ca objekte historike:

Caraca e Cenit!
Hurma e Cetit!
Avllia e Ismetes
Hamomi i jeniçerëve
Këndi i hajdutëve
Kafja e qokave

Nuk kërkojnë ndonjë investim të madh. Mbi to krijojmë histori pastaj! Shtypim fletë-palosje, bëjmë albume!

Këto qytete pa histori iu ngjanë njerëzve pa kujtesë. Nuk dinë nga vijnë dhe ku shkojnë! Duken si ardhacakë në mes kontash e princash. Si qytete pa babë e pa nënë, qytete kopila!