LAJME SHQIP, Tirana (2025)

16/09/2025

E rëndë/ Shqiptari në Kanada vritet me armë në makinë

Një 43-vjeçar nga Shkodra është vrarë me armë zjarri në Toronto, Kanada.

Viktima i identifikuar si Paulin Harusha -baba i dy fëmijëve, u gjend i pajetë në një automjet pranë Victoria Park Avenue dhe Meadowacres Drive pak para mesnatës të së shtunës.

Sipas autoriteteve kanadeze autorët u larguan nga vendi i ngjarjes me një makinë tip SUV me ngjyrë të çelët përpara se të mbërrinin oficerët.

Në një konferencë për shtyp të dielën, Inspektori Jonathan Rose nga Shërbimi i Policisë së Torontos deklaroi se motivi i krimit mbetet ende i panjohur.

Hetimet vijojnë, ndërsa autoritetet u bëjnë thirrje qytetarëve që kanë informacion të kontaktojnë policinë.

11/09/2025

Edi Rama kap në befasi Ogerta Manastirliun: Do jesh kandidate për Bashkinë Tiranë

Pasi kërkoi nga Këshilli Bashkiak i Tiranës shkarkimin e Erion Veliajt dhe shpalljen e zgjedhjeve të reja për bashkinë e kryeqytetit, Edi Rama ka propozuar Ogerta Manastirliun si kandidate për kryebashkiake.

Aktualisht Manastirliu mban detyrën e ministres së Arsimit, por ky vendim i Ramës duket se e kapi në befasi.

Lajmi për kandidimin që u njoftua në Asamblenë e PS, ishte i papritur për të gjithë. Këtë e tha edhe Rama, që e konsideroi “bo mbë të palajmëruar”.

Ndërkohë, kryeministri i shprehu mbështetjen Manastirliut dhe tha se është figura e përshtatshme për të drejtuar Bashkinë e Tiranës.

“E di që nuk do ma falësh kollaj në një kohë më të gjatë mbase kësaj here këtë bombë të palajmëruar, por Shqipëria ka nevojë për Tiranën si treni për lokomotivën. Prandaj PS nuk ka më as çfarë pret për ta vënë lokomotivën në lëvizje me ritmin e saj më të lartë, duke ngritur në kabinën e drejtimit makinistin e duhur. Duhet të më besosh ti e të gjithë. Nuk kemi pse kërkojmë një person më të përshtatshëm. Është radha jote ta udhëheqësh Tiranë me ambicien, qetësinë që të karakterizon në të gjitha detyrat sfiduese. Ndërsa detyra jonë është të të mbështesim duke u bënë në rresht pas teje”, u shpreh Kryeministri Edi Rama.

31/08/2025

I shpëtoi një aksidenti kur ishte 8 vjeç/ Fati këtë herë nuk tregoi mëshirë për Gabrielin, i riu humbi jetën pranë shtëpisë së gjyshes

Aksidenti i rëndë rrugor i cili i mori jetën 24-vjeçarit Gabriel Lluca në orët e para të mëngjesit të sotëm ndodhi pranë shtëpisë së gjyshes së tij nga babai, aty ku Gabriel kishte kaluar fëmijërinë, por që sot u bë vendi i tragjedisë.
Sipas informacioneve paraprake, automjeti me të cilin udhëtonte Gabriel Lluca, së bashku me mikun e tij Denis Korbi, ka dalë nga rruga dhe është përplasur me shkallët e një banese. Përplasja ka qenë fatale për të dy pasagjerët, të cilët kanë ndërruar jetë në vend, pavarësisht përpjekjeve të shërbimeve të emergjencës për t’i ndihmuar.

Dhimbja bëhet edhe më e madhe kur kujtohet se Gabriel Lluca i kishte mbijetuar një aksident të rëndë në moshën 8-vjeçare, kur një makinë e kishte përplasur para derës së shkollës. Atëherë, mrekullisht, ai kishte shpëtuar, edhe pse automjeti i kishte kaluar mbi trup.
Historia e tij e mbijetesës kishte emocionuar gjithë Peqinin , duke e parë si një fëmijë me fat.

Por fati nuk tregoi mëshirë këtë herë. Gabriel Lluca u nda nga jeta pranë derës së shtëpisë ku ishte rritur, duke lënë pas një dhimbje të madhe në zemrat e familjarëve, miqve dhe gjithë atyre që e njohën

25/08/2025

“Kur të flas unë ti do jesh lajm i fundit” Kë po “kërcënon” i burgosuri Erion Veliaj?

Kryebashkiaku i arrestuar i Bashkisë së Tiranës, Erion Veliaj ndodhet në burg, por komunikimin e tij e vijon me anë të rrjeteve sociale. Këtë herë sërish me një video në rrjetin e tij social të "preferuar", TikTok ka dhënë një mesazh të koduar. Teksa shkruan se momentalisht është i heshtur, kryebashkiaku paralajmëron se në momentin që do të flasi do të ketë breaking news (lajm i fundit).

"Je kaq i qetë. Modaliteti i heshtur është aktiv sepse nuk më pëlqen më. Kur te flas une ti do jesh lajm i fundit", shkruan në Tiktok Veliaj, krahas pamjeve të tij nga evente të ndryshme.

Nuk dihet se për kë është ky mesazh apo me cilën çështje ka të bëjë informacioni, i cili Veliaj pretendon se do të mbulojë faqet e mediave, deri në momentin që do të flasë. Kjo nuk është hera e parë që kryebashkiaku përcjell mesazhe nëpërmjet Tik Tok, ku shpesh herë me anë të trendeve zgjedh të flasë për gjendjen e tij në qeli, apo t'u përgjigjet hetimeve.

Kreu i Bashkisë së Tiranës, Erion Veliaj, është zyrtarisht i pandehur, ku akuzohet për 9 raste korrupsioni pasiv, fshehje pasurie dhe pastrim parash. Ai u vendos në pranga më 10 Shkurt. Që prej asaj dite, Veliaj është mbajtur në qelinë e paraburgimit me kërkesë të Strukturës së Posaçme kundër Korrupsionit dhe Krimit të Organizuar, pasi mbi të rëndojnë disa vepra penale.

SPAK e akuzon Veliajn se bashkë me të shoqen ka krijuar një skemë përfitimi ryshfetesh për pasurim personal përmes një numri organizatash 'OJF'. Kallëzimi për Veliajn u dorëzua nga një profil i rremë, nën identikitin Nesti Angoni, një person që nuk ekziston në Republikën e Shqipërisë. Që nga zbulimi i këtij fakti ka pasur shumë aludime se cili është personi që fshihet pas kësaj nofke, por deri më tani nuk është zbuluar. /ZËRI

25/08/2025

FOTO/ I mori jetën dy motrave në lule të rinisë, ky është 23-vjeçari Kevi Norra që drejtonte makinën i dehur

Personi që shihni në foton mësipër është Kevi Norra, 23-vjeçari, i cili shkaktoi aksidentin tragjik në Sarandë, ku humbën jetën dy motrave Elvisa dhe Rozina Dhimaku.

Nga aksidenti i rëndë mbeti e plagosur edhe 24-vjeçarja Antonela Zhupa, e cila po udhëtonte me motrat. Aktualisht, Zhupa ndodhet nën kujdesin e mjekeve. I riu u vu në pranga nga policia, ndërsa pas testit të alkoolit, rezultoi se ishte në gjendje të dehur.

Dy viktimat ishin motrat më të mëdha të familjes Dhimaku, me banim në fshatin Kopaçez.

Në familje është hapur dera e mortit, ndërsa lajmi ka shokuar komunitetin lokal. Prindërit e vajzave kujdeseshin edhe për një djalë 10-vjeçar, i cili vuan nga leuçemia, duke e bërë situatën familjare edhe më të rëndë.

Ndërkohë, e plagosura e aksidentit, 24-vjeçarja Antonela Zhupa, ka marrë trajtim të menjëhershëm në spitalin e Sarandës. Sipas mjekëve, ajo ka pësuar politrauma, por është jashtë rrezikut për jetën. Për një trajtim më të specializuar, ajo është transportuar me ambulancë drejt Spitalit të Traumës në Tiranë.

17/08/2025

Sa bukur, Arbëreshët nuk e harrojnë origjinën e tyrë 😍😍😍🇦🇱🇦🇱🇦🇱🇽🇰🇽🇰🇽🇰

14/08/2025

Zjarret, Rama: 207 shtëpi të dëmtuara, 40 të djegura plotësisht! Do dëmshpërblejmë të gjithë të prekurit, edhe për 3 619 krerët e bagëtive të humbura

11/08/2025

Deputetët mbushin xhepat! Për qershorin, 300 mijë euro paga, mbi 220 mijë euro dietat

Kjo është vetëm një nga seancat plenare të muajit qershor, kur pas zgjedhjeve të 11 majit, rikthimi në parlament i deputetëve të legjislaturës së shkuar ishte me jo pak përtesë.

Salla plenare thuajse bosh, mungesat e një pjese të mirë të deputetëve, diskutime të vakëta e thuajse asnjë nismë nga ligjvënësit, gjithsesi nuk është reflektuar në pagën e tyre e cila në llogaritë bankare të deputetëve është derdhur e plotë.

Raporti financiar i pagave për muajin Qershor, i publikuar së fundmi në faqen zyrtare të Kuvendit tregon se në fakt, pasiviteti që pushtoi jetën parlamentare pas zgjedhjeve nuk i ka penalizuar financiarisht ligjvënësit në ikje.

Sipas raportit, vetëm 17 deputetë kanë bërë vetëm nga një mungesë gjatë Qershorit dhe u janë hequr nga 10 mijë lekë nga paga.

Në total për Qershorin, janë paguar për pagat e deputetëve plot 30,161,365 lekë, ose rreth 300 mijë euro.

Por jo vetëm paga. Ndonëse një muaj jo shumë aktiv, deputetët kanë marrë rreth 22 milionë lekë për karburant, telefon, qira e dieta udhëtimesh brenda vendit. Vetëm për udhëtimet për llogari të rolit të tyre si ligjvënës, për muajin Qershor Kuvendi u ka paguar deputetëve mbi 13 mln lekë ose rreth 130 mijë euro. Ata që kanë përfituar më shumë për këto udhëtime, janë emra si Agron Duka, Bujar Çela, Klodiana Spahiu, Lindita Metaliaj e Vangjel Dule.

Për qira, Kuvendi u ka paguar nga 35 mijë lekë 21 deputetëve, që nga Antoneta Dhima, Pendavinji, Fadil Nasufi, Nusret Avdulla, Saimir Korreshi apo Greta Bardeli.

Ndërsa më aktivët në Komisione, duke marrë edhe shpërblimin më të lartë financiar për qershorin janë Ismet Beqiraj, Etjen Xhafaj, Petro Koçi apo Pranvera Resulaj, shpërblimi për të cilët arrin në rreth 20 mijë lek.

09/08/2025

Shpëtoi tre të plagosurit e aksidentit! Polici nderohet për guximin

Inspektori i Policisë Klajdi Mustaj është nderuar me Certifikatën për Shërbime të Dalluara, pas një akti të jashtëzakonshëm guximi dhe profesionalizmi, ku shpëtoi tre qytetarë të plagosur gjatë një aksidenti të ndodhur mbrëmjen e djeshme në aksin rrugor Levan-Fier.

Ngjarja ndodhi në zonën e Qafë Koshovicës, ku një automjet tip “Benz” humbi kontrollin, doli nga rruga dhe u përmbys. Brenda mjetit ndodheshin katër persona, tre prej të cilëve mbetën të plagosur dhe u transportuan me urgjencë në spitalin rajonal të Fierit për ndihmë mjekësore.

Falë reagimit të shpejtë dhe ndërhyrjes së menjëhershme të inspektorit Mustaj, të lënduarit u nxorën në kohë nga automjeti, duke shmangur pasoja edhe më të rënda për jetën e tyre.

Certifikata iu dorëzua nga drejtues të Policisë së Shtetit si një vlerësim për përkushtimin, humanizmin dhe kurajën në krye të detyrës. Ky akt është cilësuar si shembull frymëzues për të gjithë efektivët e rendit.

Mesazhi i Drejtorit të Përgjithshëm Ilir Proda:

“Veprimi i Inspektor Klajdi Mustaj tregon më së miri misionin e Policisë së Shtetit: të jemi aty ku qytetarët kanë më shumë nevojë për ne. Guximi, profesionalizmi dhe reagimi i shpejtë i punonjësit tonë në shpëtimin e tre bashkëqytetarëve është shembull frymëzues për të gjithë trupën policore. I shpreh mirënjohjen time dhe të gjithë Policisë së Shtetit për këtë akt human e profesional. Faleminderit për guximin dhe zemrën e madhe që tregove në shërbim të qytetarëve.

Angazhimi, përkushtimi, profesionalizmi, sakrifica, ndershmëria dhe humanizmi duhet të jenë motoja jonë në përmbushjen e detyrës, fytyra dhe imazhi i ri i Policisë së Shtetit.”

Inspektor Klajdi Mustaj është pjesë e Policisë së Shtetit prej shkurtit 2024, kur përfundoi Kolegjin Profesional për Patrullë të Përgjithshme. Ka përfunduar studimet për Shkencat Juridike (Bachelor) dhe aktualisht vazhdon studimet për Master.

08/08/2025

I akuzuar se vrau shoqen e klasës, gjendet i vdekur në burg i riu! Dyshohet se...

Stefano Argentino, 27 vjeç, i cili ndodhej në paraburgim me akuzën për vrasjen e shoqes së tij të klasës, Sara Campanella, u gjet i vdekur të mërkurën në qelinë e tij në burgun e Mesinës.

I riu dyshohet se ka kryer vetëvrasje duke u varur, pasi ishte ndarë nga dy të burgosurit me të cilët ndante qelinë. Sipas karabinierëve, ngjarja ndodhi rreth orës 17:00 kur policia e burgut e gjeti të riun pa ndjenja dhe, pavarësisht përpjekjeve të menjëhershme për ta shpëtuar, ai ndërroi jetë pak minuta më pas.

Argentino ndodhej në paraburgim që nga fundi i marsit, pasi kishte pranuar autorësinë e krimit që tronditi opinionin publik. Sipas autoriteteve, ai kishte shfaqur shenja të rënda depresioni dhe mendime vetëvrasëse që në ditët e para të burgosjes, gjë që solli vendosjen e tij në mbikëqyrjeje të veçantë.

Megjithatë, pas vlerësimeve nga psikologët dhe terapistët e burgut, kjo masë u ndërpre 15 ditë më parë, pasi gjendja e tij u konsiderua e stabilizuar. Sipas avokatit të Argentinos, ai e ka quajtur ngjarjen “dramë të një tragjedie të paralajmëruar”.

“Kërkova një vlerësim psikiatrik për Stefanon, sepse e njihja gjendjen e tij dhe problematikat që e shoqëronin. Por gjykata refuzoi. Të paktën një jetë mund të ishte shpëtuar. Tani shteti duhet të mbajë përgjegjësi për këtë fund të dhimbshëm”, deklaroi ai.

Nga ana tjetër, avokatja Concetta La Torre, përfaqësuese e nënës së viktimës, Sara Campanella, theksoi se kjo ngjarje ka hapur plagë të reja për të dyja familjet.

“Është një fund i tmerrshëm për një histori të tmerrshme. Ai vendosi fatin e dy familjeve. Familja e Sarës po kalon një dhimbje të papërshkrueshme.”u shpreh avokatja.

Sara Campanella, 22 vjeç, studente, u qëllua për vdekje më 31 mars në Viale Gazzi, në afërsi të Spitalit Policlinico në Messina, menjëherë pas përfundimit të mësimeve. Sipas autoriteteve, arma e krimit, thikë, nuk është gjetur ende ndërsa pas ngjarjes, Argentino u largua drejt qytetit të tij, Noto, ku u arrestua disa orë më vonë nga karabinierët.

Prokuroria e Mesinës kishte kërkuar gjykim të menjëhershëm për të akuzuarin, i cili pritej të dilte në seancën e parë më 10 shtator ku do të përballej me akuza të rënda për vrasje me paramendim dhe akte mizorie.

Prokuroria Publike e Mesinës ka nisur tashmë një hetim mbi rrethanat e vdekjes së Argentinos, për të përcaktuar nëse kishte ndonjë mangësi në mbikëqyrjen e tij.

03/08/2025

E zuri korrenti/ Ky është 21-vjeçari shqiptar që ndërroi jetë tragjikisht gjatë punës në Itali

Një aksident i rëndë në vendin e punës ka marrë jetën e një të riu nga Kosova në qytetin Villadossola, në provincën Verbano-Cusio-Ossola të Italisë. Viktima është Pashtrik Krasniqi, 21 vjeç, i cili humbi jetën pasi u godit nga rryma elektrike teksa po çmontonte skela në një lartësi prej gjashtë metrash, pas përfundimit të punimeve në një ndërtesë në zonë.

Sipas raportimeve të para, i riu dyshohet se ka prekur aksidentalisht një kabllo elektrike me pulpën e këmbës, duke pësuar një goditje fatale nga tensioni i lartë. Ngjarja ka tronditur komunitetin lokal, ndërsa autoritetet italiane kanë nisur hetimet për të sqaruar rrethanat e sakta të tragjedisë.

02/08/2025

Renato Hoxhaj u vra nga një rumun! U pagua nga “djemtë e Dubait”

Vrasja e rojës Renato Hoxhaj në Vlorë më 27 prill të këtij viti duket se ka pasur një parapërgatitje dhe një investim të madh nga grupi kriminal.

Personi që u kontraktua për të kryer këtë ngjarje ishte i huaj. Identiteti i tij tashmë është në duar të policisë së Vlorës, e cila e ka shpallur në kërkim ndërkombëtar. Ai është një rumun i cili është rezident në Greqi, aty ku u zhvendos menjëherë pas krimit.

Top Channel mëson se rumuni qëndroi në Shqipëri plot një javë duke vëzhguar me imtësi jo vetëm objektivin e tij, por edhe gjithë rrugët ku do të ndiqte para dhe pas krimit.

Guidë për të shërbeu 42-vjeçari Kleanth Bylyku, alias Armando Gega, i cili ra në prangat e policisë së Vlorës dy ditë më parë. Ai doli zbuluar teksa shihej në shoqërinë e vrasësit çdo ditë të qëndrimit të tij në Shqipëri, që nga marrja e makinës në Tiranë deri në ditën kur u krye vrasja.

Pavarësisht se ai ka qëndruar i heshtur para hetuesve, provat kundër tij janë të qarta. Gjykata e Vlorës ka caktuar ndaj tij masën e sigurisë “arrest me burg”, i dyshuar për veprën penale “vrasje me paramendim, kryer në bashkëpunim”. Edhe më herët ai ka qenë në pranga për armëmbajtje.

Për vrasjen e Hoxhajt, më datë 30 prill u arrestua edhe Eris Mehmetaj, i akuzuar si bashkëpunëtor. Mehmetaj dyshohet se ka siguruar automjetin me të cilin autori ka lëvizur në Vlorë ditën e ngjarjes. Po kështu ai ka ndërruar targat për të shmangur identifikimin nga policia. Ai ishte mik i Roan Brahimit, i ekzekutuar në Greqi.

Grupi hetimor dyshon se ekzekutimi i 58-vjeçarit u porosit nga Dubai, ku strehohet një grup kriminal nga Vlora, pasi kishin dyshime se viktima kishte qenë informator për grupin kundërshtar. Kontraktimi i një vrasësi rumun për të eliminuar Renato Hoxhajn nga një grup kriminal në Vlorë nuk është një rast i izoluar. Edhe më herët grupe kriminale kanë kontraktuar vrasës të huaj për të larë hesapet.

Kujtojmë se në janar të 2018 në Tiranë u vra Devi Kasmi nga një ish-komando grek, Eftimio Eftimiu. Ndërsa në prill 2023 një skuadër britanikësh u angazhua për të vrarë Ardian Nikulajn në Shëngjin.

LAJME SHQIP

16/09/2025

11/09/2025

31/08/2025

25/08/2025

25/08/2025

17/08/2025

14/08/2025

11/08/2025

09/08/2025

08/08/2025

03/08/2025

02/08/2025

Address

Website

Alerts

Shortcuts

Share

Category