31/10/2024
Mit’hat Havari, ish-drejtues i lartë i Policisë, në një intervistë për “Breaking” në Top News, ka akuzuar ish-presidentin Ilir Meta për nxjerrjen e informacionit nga dokumente të klasifikuara kur ishte kryeministër. Sipas Havarit, Meta ka dekonspiruar tri herë informacione sekrete në botën e krimit, duke përmendur konkretisht raste kur ai, si drejtor policie, i kishte dërguar Metës dokumente të rëndësishme të cilat më pas përfundonin në duart e personazheve të lidhur me krimin.
Havari thekson se e ka parë Metën si një person me karakter të ulët, të lidhur me Ish-Sigurimin e Shtetit. Ai kujton rastin kur, pas dërgimit të një dokumenti të klasifikuar për një grup kriminal, është përballur me një deputet të përmendur në të, që i bëri një koment domethënës duke nënkuptuar se ishte në dijeni të përmbajtjes. Havari ndjeu zhgënjim dhe pa sinqeritetin e Metës të vihej në dyshim për herë të tretë nga tradhtia e tij.
Në një tjetër rast, babai i një të përfshiri të rëndësishëm e vizitoi Havarit për të kërkuar sqarime mbi një hetim. Ai tregoi gjithashtu se si, pas një periudhe të vështirë në punë, u rrëmbye nga një person me emrin Artur, i cili ishte një "ushtar" i Metës. Ky rrëmbim kishte si qëllim të detyronte tërheqjen e tij nga një tender rrugor.
Këto rrëfime, sipas Havarit, tregojnë për natyrën e dyshimtë të Metës dhe lidhjet e tij të forta me personazhe të botës së krimit, duke e cilësuar atë si të pabesueshëm dhe të pandershëm në raport me detyrën e tij publike.
"Emrin e kam dërguar në 1992 kur kam qenë drejtor i policisë së Elbasanit, për keq, ai është marrë vendosur nën përgjegjësi penale për sjellje të ashpra, të rënda. Pastaj ai u katapultua shpejt në politikë. Dua të j*p një kontribut sot dhe të them një të vërtetë të madhe, Ilir Meta nuk është një burrë i mirë, dinjitoz, përveç se ka qenë bashkëpunëtor i Ish Sigurimit të Shtetit me dokumente që e bën atë me karakter të ulët.
Mua personalisht më ka tradhtuar 3 herë, në tre raste më ka dekonspiruar me botën e krimit. Kur kam qenë drejtor i policisë së Tiranës i kam dërguar një dokument zyrtar të klasifikuar një kopje të ministrit të Brendshëm dhe një kopje kryeministrit që ishte Ilir Meta, aty përmendeshin dy persona në një situatë të caktuar të një grupi kriminal, njëri ishte deputet dhe tjetri ishte thjesht një pronar lokali po që ishin miq të tyre.
Kur po shkoja në shkallët e Kryeministrisë u përballa me deputetin që tani është i vdekur, dhe më tha drejtor unë jam i pasur nuk kam nevojë të përfitoj nga lekë të pandershme. Ilir Meta i kishte thënë, unë e kuptova batutën kuptimplotë të zotërisë, me çfarë di unë s’më takon të them je apo s’je i pasur, të kam dëgjuar në intervistë që je rritur i varfër në Gjirokastër, jetim, me çfarë u pasur9ive me rrogën e kryetarit të bashkisë së Gjirokastrës 300 mijë lekë? Heshti dhe iku. Unë i shkova në zyrë dhe i thash kështu më ndodhi me filanin.
Nuk e di tha, ngriti supet. Pas disa ditësh më vjen në zyrë babai i personit tjetër të përfshirë, është i rëndësishëm ai pavarësisht se nuk është në politikë. Më tha ç’ke me djalin tim. I thash s’kam asgjë personale. Para disa vitesh unë isha i papunë, Sali Berisha nuk më afroi në çifligun e tij më merr një biznesmen në telefon, e njihja.
Do të tregoj një problem shumë të rëndë që më ka ndodhur, më ka rrëmbyer Arturi tha, ai është personazhi i vërtetë, s’po ia them mbiemrin, me një furgon mallrash llamarinë, më vuri kapuçin, më çuan në breg të lumit dhe më mbajtën 6 orë. E detyruan të tërhiqej nga një tender rruge që shpallej atë ditë në kryeministri. Arturi ishte ushtar i Ilir Metës", tha Havari.
