Muzë Radio

04/10/2026

Të dashur dëgjues të Muzë Radio!

Sot, nga ora 20:00–22:00, në “Dhuro Dashuri”, ejani të dehemi me poezinë… 🍷📖

T’i mbushim gotat e shpirtit me vargje,
të pimë nga fjala pikë-pikë,
derisa kujtimet të humbasin rrugën
dhe zemra të fillojë të flasë pa drojë.

Do të ketë poezi që digjen si verë e vjetër,
vargje që mbajnë aromën e një dashurie,
fjalë që të puthin…
dhe të tjera që të lënë një plagë të ëmbël.

E mes gjithë kësaj dehjeje poetike, kemi përgatitur një surprizë për një nga poetët tanë… 🤫
Kush është? Nuk po e zbulojmë ende…

✍️ Poetë të dashur, na dërgoni poezitë tuaja deri në orën 12:00 të drekës, që sonte t’u japim zë në valët e Muzë Radios.

Dhe ju, dëgjues të dashur, na lini një koment:
Cili është ai varg që ju ka dehur shpirtin të paktën një herë në jetë? Ose...ose për aq kohë sa më dëgjoni......dhe degjoni formatjn "Dhuro Dashuri"

Me dashuri,
nga ajo që dashurinë e ka binjaken e shpirtit,
që flet me të, merr frymë me të
dhe në çdo fjalë lë një grimcë zemre… (Evi)

fans

03/10/2026

https://youtu.be/w5EZtNQ3pxg?si=xm-f3gcN7Wlf3G5y

MBYLL DERËN NGADALË

✍️ Teksti: Evi
🎼 Realizimi: Evi
📻 Produksion: Muzë Radio

fans

Enjoy the videos and music you love, upload original content, and share it all with friends, family, and the world on YouTube.

03/10/2026

Miq të mrekullueshëm, të Muzë Radio ju urojmë të shtunë të bukur🙏🏻

Disa jetojnë në pallate, por brenda tyre ka vetëm dhoma bosh. Sepse pasuria pa dashuri është veç një shtëpi pa dritë. (Evi)

01/10/2026

🎙️ SONTE NË MUZË RADIO | 21:00–23:00

Sonte… mos e ndërro stacionin.

Ndoshta diku, në një shtëpi të heshtur,
është një nënë që pret të dëgjojë zërin e fëmijës së saj.

Ndoshta është një baba që thotë:
“Jam mirë…”
edhe pse ka gjithë ditën që pret të hapet dera.

Ndoshta është një gjyshe që ende ruan fotografinë tënde mbi komodinë…
apo një gjysh që kujton kohën kur të mbante për dore, ndërsa sot do të donte vetëm… t’ia mbaje ti dorën.

Ne u rritëm.
U larguam.
U mbushëm me punë, halle, telefonata, takime…

Ndërsa ata u plakën duke na pritur.

Sot, në Ditën Botërore të të Moshuarve, Muzë Radio ua kushton dy orë atyre që dikur na dhanë gjithë kohën e tyre.

Nga ora 21:00 deri në 23:00, do të flasim për prindërit dhe gjyshërit tanë, për kujtimet, për mungesën, për vetminë… por mbi të gjitha, për dashurinë.

Dhe sonte kam vetëm një lutje:

Nëse i ke ende pranë…
mos prit nesër.

Telefonoji.
Shko përqafoji.
Ulu pranë tyre.

Sepse një ditë, mund të japësh gjithçka që telefoni të bjerë edhe një herë…

dhe në anën tjetër të dëgjosh vetëm:

“Alo, bir…?”
“Alo, bija ime…?”

📻 Muzë Radio
🕘 Sonte | 21:00–23:00

Sonte, mikrofonin ua lëmë zemrave që kanë pritur gjatë.

01/10/2026

THINJAT E BARDHA

Sot, në ditën e tyre, kjo këngë shkon për të gjitha ato duar që dikur na mbanin fort e sot dridhen pak…
Për nënat e baballarët që thinjat nuk ua sollën vetëm vitet, por netët pa gjumë, pritjet, sakrificat dhe dashuria për ne.

Mos prisni t’ua puthni fotografinë.
Puthjani sot thinjat e bardha.

✍️ Teksti: Evi
🎼 Muzika: realizim me AI
🎙️ Realizimi: Evi
📻 Muzë Radio

https://youtube.com/shorts/QOuq92RHbs0?si=FE6mOX1E3am1EoFk

01/10/2026

Sot, në Ditën Ndërkombëtare të të Moshuarve, do të doja të mos flisnim vetëm për moshën e tyre. Do të doja të flisnim për vetminë që ndonjëherë fshihet pas një dere të mbyllur, për një telefon që presin të bjerë, për një karrige pranë tyre që prej kohësh mbetet bosh.

Ne vrapojmë. Kemi punë, angazhime, halle, jetën tonë. Dhe shpesh themi: “Do të shkoj nesër”, “Do ta marr më vonë në telefon”, “Kur të kem pak kohë…”.
Por ata presin........
Presin fëmijët që dikur i prisnin zgjuar deri vonë. Presin zërin e atyre për të cilët dikur harruan veten. Dhe nuk kërkojnë shumë. Ndonjëherë u mjafton një kafe së bashku, një dorë mbi sup, një pyetje e thjeshtë: “Si je sot?” dhe dikush që të mos nxitojë, por të qëndrojë e ta dëgjojë përgjigjen.

Mos u mërzitni kur tregojnë të njëjtën histori për të disatën herë. Ndoshta ajo histori është një copëz e një kohe që për ta ende jeton; kur shtëpia ishte plot, tavolina kishte më shumë karrige dhe zërat e fëmijëve mbushnin dhomat.

Një ditë, ajo derë mund të mos hapet më. Ajo karrige mund të mbetet përgjithmonë bosh. Dhe atëherë, do të jepnim gjithçka vetëm për ta dëgjuar edhe një herë atë histori që dikur mendonim se e kishim dëgjuar tepër.

Prandaj, sa i kemi, t’i duam. Sa na presin, të shkojmë. Sa mund t’i përqafojmë, të mos e kursejmë përqafiminSot, në Ditën Ndërkombëtare të të Moshuarve, do të doja të mos flisnim vetëm për moshën e tyre. Do të doja të flisnim për vetminë që ndonjëherë fshihet pas një dere të mbyllur, për një telefon që presin të bjerë, për një karrige pranë tyre që prej kohësh mbetet bosh.

Ne vrapojmë. Kemi punë, angazhime, halle, jetën tonë. Dhe shpesh themi: “Do të shkoj nesër”, “Do ta marr më vonë në telefon”, “Kur të kem pak kohë…”.

Por ata presin.

Presin fëmijët që dikur i prisnin zgjuar deri vonë. Presin zërin e atyre për të cilët dikur harruan veten. Dhe nuk kërkojnë shumë. Ndonjëherë u mjafton një kafe së bashku, një dorë mbi sup, një pyetje e thjeshtë: “Si je sot?” — dhe dikush që të mos nxitojë, por të qëndrojë e ta dëgjojë përgjigjen.

Mos u mërzitni kur tregojnë të njëjtën histori për të disatën herë. Ndoshta ajo histori është një copëz e një kohe që për ta ende jeton; kur shtëpia ishte plot, tavolina kishte më shumë karrige dhe zërat e fëmijëve mbushnin dhomat.

Një ditë, ajo derë mund të mos hapet më. Ajo karrige mund të mbetet përgjithmonë bosh. Dhe atëherë, do të jepnim gjithçka vetëm për ta dëgjuar edhe një herë atë histori që dikur mendonim se e kishim dëgjuar tepër.

Prandaj, sa i kemi, t’i duam. Sa na presin, të shkojmë. Sa mund t’i përqafojmë, të mos e kursejmë përqafimin..🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻

Përulësisht Evi

Muzë Radio
fans

30/09/2026

Dëgjues të mrekullueshëm të Muzë Radios, dua t’ju dëgjoj JU!

Kam një pyetje për ju, por kujdes… përgjigje pa diplomaci!

Cila është ajo gjë që ua falni të tjerëve… por vetes nuk ia falni dot?

Dhe mos më bëni vetëm një “like” e pastaj të zhdukeni!
Dua t’ju shoh aktivë — shkruajeni përgjigjen tuaj në koment, qoftë edhe me një fjali.

Përgjigjet më interesante do të bëhen pjesë e bisedave tona në Muzë Radio.

Hajde… kush e thyen akullin i pari?

Muzë Radio
fans

27/09/2026

📻 NJOFTIM NGA MUZË RADIO

Të dashur dëgjues, të Muzë Radio

Me shumë kënaqësi ju bëjmë me dije se sonte, në orën 21:00, Evi ynë do të rikthehet pranë mikrofonit.

Mesazhet, urimet dhe gjithë dashuria që i keni dhuruar këto ditë nuk mund të kalonin pa u ndier. E pritët me mall, e thirrët me zemër… dhe sonte ajo rikthehet tek ju.

Ndoshta jo për të qëndruar gjatë, por mjaftueshëm për t’ju thënë me zërin e saj: “Jam këtu.”

Sonte, ora 21:00 — në Muzë Radio.

Me dashuri,
Stafi i Muzë Radio
Elisa & Xhon

27/09/2026

📻 A DO TA RIKTHEJMË EVIN TONË SONTE? 🤍

Të dashur miq të Muzë Radio,

Kemi një pyetje për ju… dhe ndoshta na duhet pak ndihma juaj. 😊
Si mendoni, a do të mundemi ta bindim Evin tonë të rikthehet sonte në emision, qoftë edhe vetëm për pak minuta?
Na ka munguar zëri i saj në studio… dhe e dimë që i ka munguar edhe mikrofonit të Muzë Radios.
Ndoshta, po t’i mbushim komentet me pak dashuri, do ta bindim të ulet përsëri përballë mikrofonit.

Evi, po të presim… edhe për pak minuta.
Pjesën tjetër e bëjnë zemrat e dëgjuesve tanë.

Stafi i Muzë Radio
(Elisa&Xhon)

25/09/2026

E dashur Zysh Dudiana,
Në emër të gjithë stafit të Muzë Radio, ju falënderojmë për mënyrën kaq të ndjerë dhe të sinqertë me të cilën keni folur për të. Të vlerësosh një zë është bukur, por të dallosh njeriun, përkushtimin dhe frymën që qëndron pas tij, është shumë më tepër.
Ne që kemi privilegjin të jemi pranë Evit tonë, e dimë se pas atij zëri është një vajzë që radion nuk e bën thjesht si punë. Ajo e jeton. E ka kthyer shpirtin në frekuencë, ndjeshmërinë në zë dhe zemrën në mikrofon.
Dhe ndoshta kjo është edhe arsyeja pse Evi ka zgjedhur gjithmonë të mbështesë edhe të tjerët: sepse beson se në radio, ashtu si në jetë, drita e njërit nuk e zbeh dritën e tjetrit.
Sot, kur Evit tonë i duhet pak kohë dhe qetësi për t’u rikthyer, fjalët tuaja kanë një domethënie të veçantë. Ato janë dëshmi se ajo që është dhënë me zemër, ka mbërritur po në zemër të çdo dëgjuesi🙏🏻🙏🏻🙏🏻
Faleminderit, Zysh Dudiana, që e dëgjuat Evin përtej mikrofonit.
Faleminderit që e doni Evin tonë dhe Muzë Radio kaq bukur.

Me respekt dhe mirënjohje,
Stafi i Muzë Radio Elisa & Xhon