25/10/2025
U zhduk për më shumë se dy muaj, historia e 15-vjeçares që u gjet falë emisionit me "Zemër të Hapur”15-vjeçarja u zhduk nga banesa e saj pa dijeninë e prindërve. Për më shumë se dy muaj, familja e saj jetoi në pasiguri të plotë, ndërsa institucionet ligjzbatuese nuk ndërmorën asnjë veprim konkret për ta gjetur.Prindërit, të dëshpëruar, ngritën akuza për neglizhencë dhe diskriminim nga policia, duke pretenduar se rasti i vajzës së tyre u trajtua me shpërfillje. Babai i 15-vjeçares tregoi në emisionin “Me Zemër të Hapur” se natën e zhdukjes kishte dëgjuar një makinë që u ndal pranë banesës, dhe që dyshohej se kishte marrë vajzën.Emisioni “Me Zemër të Hapur” u bë platforma ku u ngrit zëri i familjes. Gjatë transmetimit live maratonë, në redaksi mbërritën dhjetëra dëshmi dhe materiale nga qytetarë që pretendonin ta kishin parë vajzën në vende të ndryshme. Ndërkohë, në rrjetin social TikTok u publikuan video dhe foto të 15-vjeçares, ku ajo shfaqej duke bërë një jetë luksi dhe duke shkruar përjetime që linin të kuptohej se kishte kaluar përvoja të vështira.Në kulmin e kërkimeve, babai mori dy mesazhe nga vajza, ku ajo i kërkonte që të ndalonte kërkimet live dhe premtonte se do të kthehej vetë në shtëpi, diçka që nuk ndodhi. Por dëshmia më tronditëse mbërriti pas transmetimit: një qytetare deklaroi se vajza ndodhej në një banesë me një të njohur të saj, e cila e përdorte dhe nuk pranonte të zbulonte se jetonte me të. Po sipas dëshmive, 15-vjeçarja shoqërohej me burra të rritur, të cilët i kishte gënjyer për moshën e saj.
Institucionet heshtin, por mediat ndërhyjnë
Pavarësisht thirrjeve të prindërve dhe transmetimeve të përsëritura, as policia dhe as prokuroria nuk ndërmorën veprime konkrete për gjetjen e vajzës. Madje, hetimet u pushuan, duke lënë familjen në dëshpërim total. Ishte angazhimi i stafit të emisionit “Me Zemër të Hapur”, që përmes bashkëpunimit me qytetarët dhe ndjekjes së çdo informacioni në kohë reale, bëri të mundur lokalizimin dhe gjetjen e vajzës.15-vjeçarja u kthye në shtëpi e shëndoshë e mire megjithëse në gjendje të rënduar psikologjike. Tashmë ajo ndodhet pranë prindërve, duke marrë ndihmë dhe përkujdesje për t’u rikthyer në normalitet edhe pse askush nuk ka mbrritur nga instancat apo perfaqesues social per te pare gjendjen e saj,
Kjo histori fatmirësisht përfundoi me kthimin e vajzës pranë familjes, por raste të ngjashme kanë rezultuar tragjik, shpesh duke përfunduar në trafikim apo abuzim të miturish. Ngjarja rikujton rëndësinë e reagimit të menjëhershëm të institucioneve dhe bashkëpunimit të qytetarëve në çdo rast të zhdukjes së një të mituri.
Emisioni “Me Zemër të Hapur” konfirmon edhe një herë rolin e tij si dritare e hapur, e vërtetë dhe njerëzore, ku çdo histori gjen vëmendje dhe çdo zë dëgjohet.Misioni vazhdon, rrefeni historitë tuaja, shprehni shqetësimet tuaja, sepse vetëm duke folur mund të gjendet zgjidhja e duhur.
