I themeluar që në vitin 1997, TV KLAN u licencua nga Këshilli Kombëtar i Radios dhe i Televizionit (KKRT) si një ndër dy kanalet kombëtare private të territorit të Shqipërisë në vitin 2001. TV KLAN mbulon rreth 80% të territorit të Shqipërisë, që do të thotë rreth 90% të popullsisë së vendit. Këto hapësira mbulohen nga një rrjet transmetuesish dhe radiorelesh të shpërndara në të gjithë territorin.
TV KLAN është në transmetim satelitor 24 orë në satelit Eutelsat W2 në të gjithë Europën, njekohësisht edhe në SHBA dhe Kanada. Rekord në prodhimtari, staf profesionistësh, teknologji e lartë, prodhime dhe blerje të suksesshme, programe për të gjithë target-moshat, e bëjnë TV KLAN, të jetë ekrani më i dashur i të gjithë shqiptarëve, kudo ku ata jetojnë. Prej datës 4 Mars, Televizioni KLAN filloi transmetimet në High Definition, standardi më i lartë i transmetimit televiziv në botë. I pari Televizion Kombëtar në Ballkan, që transmeton 24 orë në HD, në valë tokësore falas, pa patur nevojë për dekoder. KLAN HD, i pari me teknologjinë e cilësisë maksimale në transmetimet televizive. Shijoni gjithçka në HD më TV KLAN, fillimisht për banorët e Tiranës e në vazhdim në të gjithë Shqipërinë. Sinjalin e KLAN HD mund ta shihni të gjithë ju që dispononi televizorin HD, mjafton ta fusni në kërkim automatik tek kanalet dixhitale. Cilësia më e lartë e transmetimit televiziv në botë, tani mban emrin Klan High Definition.
