Revista fokusohet në edukimin rreth natyrës, duke luajtur një rol shumë të rëndësishëm në sjelljen e brezave të rinj në Shqipëri. “Hapat e Gjelbër” (“Green Steps”) e cila i drejtohet të rinjve dhe publikut të gjerë, synon të rrisë njohuritë mbi mjedisin dhe të krijojë ura lidhëse mes lexuesve të saj dhe natyrës, duke i frymëzuar me dashuri dhe kujdes për natyrën si dhe duke krijuar mbështetës të r
inj që do të lobojnë për mbrojtjen e saj. Revista do të botohet një herë në 3 muaj në gjuhën shqipe dhe rubrikat e saj kryesore përfshijnë:
Aktivitete (lajme rreth natyrës dhe mjedisit, veprimet ndërgjegjësuese)
Zonat e Mbrojtura (prezantimi i zonave të mbrojtura në Shqipëri, biodiversiteti dhe vlerat e habitateve)
Fauna (një përzgjedhje e kujdesshme e specieve që ndodhen në zonat e mbrojtura)
Flora (prezantimi i florës shqiptare, specie parësore dhe ato që gëzojnë statusin special të mbrojtjes)
Shkëncëtarët dhe kërkuesit shqiptarë (të njihemi me personalitetet që kanë kontribuar në themelimin e kërkimit shkencor në vend)
Kuriozitete (etimologjia e kafshëve të egra dhe njohja me sjelljen e tyre)
Vitamina N (gjugjerime mbi eksperimentet bazike që mund të kryhen në natyrë). Ky material mund t’u vijë në ndihmë mësuesve të shkollave si material shtesë. Lojra të thjeshta
Fjalori – edukimi i lexuesve me konceptet themelore rreth mjedisit dhe natyrës, njohja me konceptet e përdorura në revistë. Autorët e revistët janë Artenisa Peçulaj dhe Erald Xeka.
