News24

News24 News24 që prej vitit 2002 është televizioni i parë informativ në Shqipëri i dedikuar tërësisht lajmit
(3)

25/07/2025

Programet e studimit nga Shkolla Ekonomike e Londrës të cilat do të nisin këtë vit akademik në universitetin “Luarasi” në Tiranë do të ofrohen për studentë shqiptarë edhe të huaj.

Zv/rektorja e “Luarasit” Ani Dasho, tha se ideja për të qenë të hapur ndaj çdo kërkese prej studentëve të huaj ishte e presidentes së universitetit “Luarasi” Fabjola Hysenbelliu dhe rektorit Ethem Ruka.

Sipa saj, prania e faqes së webit të universitetit “Luarasi” dhe qendrës ekselente në faqen e universitetit të Londrës dhe LSE në internet, e ka bërë “Luarasin” të aksesueshëm në të gjithë botën.

Dasho tha se deri më tani janë 30 kërkesa nga studentë jashtë vendeve të Ballkanit Perëndimor, të cilat po përpunohen.

“Data Science mban top listën, biznes menaxhim është programi tjetër që ka paraqitur interesa nga të huajt jashtë vendeve të Ballkanit Perëndimor.

Jemi duke menduar me presidenten e grupit Fabjola Hysenbelliu dhe rektorin Ethem Ruka për diçka të dytë. Duam të vazhdojmë me Londrën për programet master jo vetëm për fakultetin e Ekonomisë, por dhe Drejtësisë. Jemi duke punuar fort dhe duam të sjellim më të mirën”, tha zv/rektorja Ani Dasho.

Nga data 29 korrik deri më 3 gusht, maturantët që duan të ndjekin arsimin e lartë do të përzgjedhin 10 degët e studimit, mes të cilave, në u-albania do të jenë të aksesueshme dhe 3 programet e LSE.

Zv/rektorja Dasho tha se të rinjtë mund t’i përzgjedhin të treja programet dhe më pas në universitet gjatë procesit të regjistrimit do të asistohen nga stafi duke i këshilluar për të përzgjedhur programin që dëshirojnë.

“Hapi i dytë është regjistrimi në universitetin “Luarasi” për tu regjistruar si studentë të rinj të ardhshëm dhe më pas pedagogët do ti ndihmojnë për tu regjistruar në universitetin e Londrës, për të marrë diplomat në dy universitetet”, tha Dasho.

Presidenti i Republikës, Bajram Begaj, vizitoi mbrëmjen e sotme në urgjencën e QSUT-së shefin e Komisariatit të Delvinës...
25/07/2025

Presidenti i Republikës, Bajram Begaj, vizitoi mbrëmjen e sotme në urgjencën e QSUT-së shefin e Komisariatit të Delvinës, komisar Agim Troci, i cili pësoi djegie në bark, krah dhe këmbë gjatë përpjekjeve për të ndihmuar në shuarjen e një zjarri në zonën e Senicës, Delvinë.

Presidenti vlerësoi aktin e guximshëm dhe përkushtimin e komisar Trocit dhe dha një mesazh ndërgjegjësues për qytetarët:
“Vlerësoj maksimalisht angazhimin e forcave zjarrfikëse, emergjencave civile, forcave të armatosura dhe pushtetit vendor në përballimin e kësaj situate të vështirë me temperatura shumë të larta.

Ftoj qytetarët të tregojnë kujdes dhe përgjegjësi – parandalimi fillon nga secili prej nesh. Bashkëpunimi dhe kontributi me këto struktura është thelbësor për sigurinë e jetës dhe të pronës.

Çdo akt zjarrvënieje është i dënueshëm dhe sjell pasoja të rënda për jetën dhe pasurinë.”

Presidenti Begaj theksoi se institucionet janë në gatishmëri të plotë dhe të pranishme në të gjitha zonat më problematike të vendit.

25/07/2025

Universiteti “Luarasi” është i pari universitet në Shqipëri që do të ofrojë 3 programe studimi të Shkollës Ekonomike të Londrës për gjimnazistët e rinj, shqiptarë dhe të huaj, konkretisht, programet e studimit Financë, Business & Management dhe Data Science & Business Analytics.

Zv/rektorja e universitetit “Luarasi”, Ani Dasho tha se të studiosh në universitetin “Luarasi” që është një qendër e ekselencës së universitetit të Londrës, në drejtimin akademik të LSE nuk ka asnjë ndryshim me diplomën që lëshohet në Londër po nga ky institucion prestigjioz.

Sipas saj, pas 3-viteve të studimit, studentët do të kenë dy diploma, atë të Londrës dhe të “Luarasit”.

“Një tjetër përfitim për studentët, është se ata do të jetojnë pranë familjeve të tyre në Shqipëri, duke reduktuar në zero koston e jetesës, këtë diferencë shumë të madhe që ata do e kishin në Londër.

Dhe e treta stafi i mrekullueshëm i universitetit “Luarasi” i cili ka aplikuar, licencuar, certifikuar do të jetë prezent në të tre këto programe me lektorë të huaj jo vetëm nga Londra, por dhe nga partnerët tanë në vendet e Ballkanit Perëndimor në lëndët më të rëndësishme të këtyre 3 programeve”, tha zv/rektorja Dasho.

Më tej, zv/rektorja Dasho tha se të rinjtë maturantë që do të zgjedhin një nga 3 programet e LSE në universitetin “Luarasi”, do të jenë studentë primarë të universitetit të Londrës.
Ata do të jenë pjesë e një rrjeti ndëruniversitar, kanë një akses falas në të gjithë bibliotekat e 17 universiteteve që janë pjesë e universitetit të Londrës.

25/07/2025

VIDEO E PLOTE: https://youtu.be/dSdFXjGl6EQ

Universiteti “Luarasi” ka realizuar më në fund ëndërrën e shumë të rinjve që të kenë një diplomë të universitetit të Londrës duke studiuar në Tiranë.

Zv/rektorja e “Luarasit” Ani Dasho tha se futja e 3 programeve të “The London School of Economics and Political Science” (LSE) erdhi pas një pune intensive 3-mujore për plotësimin e dokumentacionit të nevojshëm për aplikimin në universitetin e Londrës.
“Ka qenë një punë e lodhshme me një kënaqësi të jashtëzakonshme dhe kur e merr këtë lloj kënaqësie, sepse kemi kaluar 3 borde akreditimi, licencimi dhe certifikimi.

Sot “Luarasi” zyrtarisht është një qendër ekselence për të dhënë programet e Universitetit të Londrës në drejtimin akademik të LSE.

Pandemia e Covid e zgjati procesin, por ne ishim ata që fituam. Mes aplikantëve kishte nga vende te Ballkanit Perëndimor, Mali i zi dhe Maqedonia, dhe ne rezultuam të suksesshëm në këtë aplikim të vështirë që zgjati 3 muaj intensiv në plotësimin e dokumentacionit”, tha zv/rektorja Ani Dasho.

Ajo tha se ideja e aplikimit për 3 programet e LSE ishte e presidentes së Universitetit “Luarasi” Fjoralba Hysenbelliu.

Dasho e vlerësoi një nismë e bukur që nuk mbeti një ëndërr që nuk mbeti në sirtar, futjen e 3 programeve të LSE në universitetin “Luarasi” për vitin akademik 2025-2026.

“Ne lancojmë këtë vit akademik 3 klasat e para, BSc in Data Science & Business Analytics BSc in Finance, BSc in Business & Management. Është diplomë londinezë që do të jetë në drejtimin akademik të London School. Shkolla ekomomike e Londrës ishte ajo që ne përzgjodhëm dhe na përzgjodhën për këto 3 programe akademike.

Ani Dasho: Është një ëndërr për këdo, qoftë dhe për ne, që jemi në stadet jo më të një gjimnazisti që zgjedh universitetin, por pse jo në nivel master në LSE numër 1 në Angli dhe numër 1 e 2 në të gjithë rankimet botërore do të ishte ëndërr për të gjithë ne.

Një nismë e bukur që nuk mbeti një ëndërr që nuk mbeti në sirtar, por u realizua për vitin akademik 2025-2026, ku ne lancojmë 3 klasat e para, BSc in Data Science & Business Analytics BSc in Finance, BSc in Business & Management.

25/07/2025

Zjarr në Molung, Mirditë – Flakët përfshijnë zonën malore!

👉Për më shumë mund të shihni videon e plotë në YouTube, kanali zyrtar News24 Albania

Address


Telephone

+355693666663

Website

Alerts

Be the first to know and let us send you an email when News24 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News24:

Shortcuts

  • Address
  • Telephone
  • Alerts
  • Contact The Business
  • Claim ownership or report listing

  • Want your business to be the top-listed Media Company?

Share