Microsoft Albania, në bashkëpunim me Shoqatën e Unionit të Gazetarëve Shqiptare dhe mbështetur nga ICTS Media, më 12 Maj 2017,organizon Tryezë të Rrumbullakët “Revolucioni dixhital ne media”. Jetojmë në epokën e transformimeve dixhitale ku media natyrshëm është prekur thelbësisht si në përmbajtjen e editorialeve ashtu edhe në mënyrat sesi mblidhet dhe shpërndahet lajmi apo informacioni tek qytetari. Ky dixhitalizim vitet e fundit ka prekur gjithashtu te gjithë shoqërinë si në demokratizimin e informacionit ashtu dhe në transformimin e çdo aspekti te jetës qe tyre. Duke qenë se ky fenomen po ndodh me një dinamike të lartë është krijuar një nevoje urgjente për një bashkëpunim me te ngushtë të komunitetit të medias me atë te teknologjisë ne këtë rrugëtim transformimi për te arritur një përshtatje natyrale me ketë realitet te ri dixhital. Kjo Tryezë e Rrumbullakët synon të përcaktojë konceptet themelore, të analizojë faktorët kryesorë ekonomikë, politikë, teknologjikë dhe kulturorë në prodhimet mediatike, te shkëmbeje ide dhe praktika te vlefshme sesi gazetaret mund te përdorin teknologjinë, ne mbështetje efikasitetit te tyre ne pune, si dhe trendet ne zhvillim ne këtë fushe.
