JOQ News

JOQ News Krijuar më 5 shkurt 2010, JOQ News është platforma më e madhe e lajmeve në hapësirën shqipfolëse.

Misioni ynë
Qëllimi i ynë është të themi të pathënat, të përcjellim pozitivitet dhe t'ju shpërqëndrojmë sadopak nga streset e jetës së përditshme.

06/06/2026

Respekti për hapësirën publike nuk tregohet gjatë fjalimeve dhe mitingjeve, por në mënyrën se si e lë qytetin pas përfundimit të tyre. Pikërisht ky ndryshim u vu re mes protestuesve në Tiranë dhe pjesëmarrësve në mitingun e zhvilluar në Vlorë.

Pas përfundimit të mitingut të socialistëve në Sheshin e Flamurit, sheshi mbeti i mbushur me mbeturina të lëna nga pjesëmarrësit. Pamjet tregojnë një shesh të ndotur, pa asnjë përpjekje për pastrimin e mbetjeve të krijuara gjatë aktivitetit.

Në kontrast të plotë me këtë sjellje, qytetarët që protestojnë prej gjashtë ditësh në Tiranë kanë treguar një shembull qytetarie. Pas çdo proteste, ata kanë mbledhur vetë mbeturinat, letrat, pankartat dhe materialet e përdorura, duke e lënë hapësirën publike të pastër.

Kjo tregon se kujdesi për qytetin nuk është vetëm çështje partie, por kulturë dhe përgjegjësi qytetare. Dhe në këtë aspekt, protestuesit në Tiranë kanë dhënë një shembull që meriton të ndiqet.

06/06/2026

Edhe shqiptarët e Anglisë janë mbledhur për të protestuar ditën e sotme para Ambasadës Shqiptare ne Londër kundër dy liderëve politikë Edi Rama e Sali Berisha, duke kërkuar një revolucion politik për të ardhmen e vendit.

06/06/2026

Një qytetar ka ngritur një shqetësim lidhur me korsinë e katërt në anën e djathtë të autostradës Tiranë – Qafë Kashar, duke kërkuar sqarim mbi funksionin e saj dhe mënyrën se si po përdoret në praktikë.

Ai thotë se kjo korsi përdoret në mënyrë të pakontrolluar nga drejtues të ndryshëm mjetesh, duke krijuar konfuzion në trafik dhe situata të rrezikshme për përdoruesit e rrugës.

Ai madje shtron edhe pyetjen nëse kjo korsi është e dedikuar për emergjenca e raste të veçanta apo është lënë pa një rregullim të qartë që lejon keqinterpretim nga shoferët.

Qytetari thekson gjithashtu se mungesa e qartësisë dhe moszbatimi i rregullave sjellin kaos në një nga segmentet më të frekuentuara të daljes nga Tirana ku edhe ambulancat duhet të vuajnë pasojat e kësaj papërgjegjshmërie të qytetarëve dhe institucioneve ligjzbatuese që nuk janë aty për t’i dhënë zgjidhje.

Denoncimi i qytetarit:

Pershendetje JOQ! Nëse e bën dot publike desha te pyes se ajo korsia e 4 djathtas ne autostradën Tr - Qafe Kashar eshte per injorantet, te fortët apo për emergjenca, jam shume i lodhur nga ky vend e nuk po zgjatem se ketu eshte katastrofë sa i përket shtetit por nga ana tjetër duket se jemi dhe popull i degraduar (sigurisht qe pjesërisht kjo), anonim nëse publikohet. Flm.

06/06/2026

Një grup punonjësesh të një rrobaqepësie të quajtur BLD në Durrës kanë denoncuar në redaksinë tonë faktin se prej rreth tre muajsh nuk kanë marrë pagat e tyre.

Ato thonë se kjo situatë problematkke prek të paktën 80 punëtorë, përfshirë edhe punonjës të huaj, të cilët kanë familje e detyrime mujore.

Punonjëset shprehen se deri më tani nuk kanë asnjë informacion konkret lidhur me pagesat e prapambetura, ndërsa theksojnë se kanë frikë të largohen nga puna pasi mund të humbasin mundësinë për të marrë pagat që u detyrohen.

Ato kërkojnë ndërhyrjen e institucioneve përgjegjëse për verifikimin e situatës dhe zgjidhjen e problemit. Për arsye sigurie dhe për të shmangur pasoja në vendin e punës, denoncuesit kanë kërkuar të mbeten anonimë.

Nëse nuk marrin rrogat e prapambetura, ato thonë se do bojkotojnë punën deri në zgjidhjen e situatës ashtu siç duhet dhe e meritojnë.

Denoncimi i qytetares:

Pershendetje te lutem dua te shpreh nje shqetesim!!! Une punoj ne nje rrobaqepsi
ne durres kemi prej 3 muaj pa mar rrogat askush sna jep shpres. Pronari Ralf Nushi
Dhe pronari italina Valter Boldrini!! Po e shpreh kte shqetesim te ju si fillim mbase marim nje zgjidhje kjo firma BLD po tallet me te pakten 80 puntor perfshir edhe Filipinase…. Ne kemi frik tw ikim diku tjeter se smund ti marim ato lek kurr. Ju lutem publikonja kete sms. Dhe anonim se sdua ti humbas ato lek

06/06/2026

Shqiptarët e Italisë në Milano dhe Firenze kanë dalë sot për të protestuar kundër kasës së vjetër politike në Shqipëri.

Me thirrjet “Rama në burg, Berisha në burg” shqiptarët kanë mbushur sheshin
Piazza Signoria dhe Duomo me flamuj kuqezi.

Ata i bashkohen protestës që ka nisur prej disa ditësh në Tiranë për një të ardhme më të mirë për fëmijët dhe një frymë të re politike që ka kujdesin ndaj qytetarit para interesit personal.

06/06/2026

Një denoncim ka mbërritur në redaksinë tonë nga një banor i zonës së Kombinatit në Tiranë, i cili ngre shqetësimin për bllokimin e kanalit të ujërave të zeza në rrugën “Shaban Bardhoshi”, në territorin e njësisë bashkiake Nr. 6.

Sipas qytetarit, problemi vazhdon prej disa kohësh dhe po krijon vështirësi për banorët e lagjes. Ai shprehet se bllokimi i kanalit rrezikon të përkeqësohet edhe më tej me rritjen e temperaturave, duke sjellë erëra të pakëndshme dhe shqetësime për shëndetin e komunitetit.

Banorët kërkojnë ndërhyrjen e menjëhershme të strukturave përgjegjëse për pastrimin dhe zhbllokimin e kanalit, pasi situata po ndikon në jetën e përditshme të familjeve që banojnë në këtë zonë.

“Tek rruga ‘Shaban Bardhoshi’ në Kombinat, është bllokuar kanali i ujërave të zeza. Ju lutem postojeni”, shkruan qytetari në mesazhin e dërguar.

Probleme të tilla me rrjetin e kanalizimeve janë denoncuar herë pas here edhe në zona të tjera të kryeqytetit, ndërsa banorët kërkojnë reagim më të shpejtë nga institucionet përgjegjëse për mirëmbajtjen e infrastrukturës.

05/06/2026

Një automjet tip “Benz” është përfshirë nga flakët mbrëmjen e sotme në zonën e Kaninës, në Vlorë.

Sipas informacioneve paraprake, zjarri ka shpërthyer teksa mjeti ishte në lëvizje. Brenda pak çastesh, flakët janë përhapur me shpejtësi duke përfshirë gjithë automjetin dhe duke shkaktuar dëme të konsiderueshme materiale.

Në vendngjarje kanë mbërritur forcat zjarrfikëse, të cilat kanë ndërhyrë duke bërë të mundur shuarjen e zjarrit dhe vënien e situatës nën kontroll.

Fatmirësisht, nga të dhënat e para nuk raportohet për persona të lënduar.

Ndërkohë, policia dhe grupi hetimor ndodhen në terren dhe po punojnë për të zbardhur shkaqet e rënies së zjarrit, ndërsa hetimet vijojnë.

05/06/2026

Një aksident me pasojë vdekjen është regjistruar në autostradën Vlorë–Fier, në afërsi të Novoselës.

Sipas të dhënave paraprake, një person dyshohet se ka tentuar të kalojë autostradën në momentin kur është përplasur nga një automjet që po qarkullonte në këtë segment rrugor.

Për shkak të shpejtësisë dhe mungesës së ndriçimit ai dyshohet se është përplasur edhe nga mjete të tjera dhe për shkak të plagëve të marra nuk ka mundur të mbijetojë.

Burime nga vendngjarja bëjnë me dije se personi që humbi jetën nuk është identifikuar ende, ndërsa paraprakisht dyshohet se mund të ketë qenë një endacak.

Menjëherë pas aksidentit, në vendngjarje kanë mbërritur shërbimet e policisë, të cilat kanë nisur hetimet për të sqaruar shkaqet dhe rrethanat e plota të ngjarjes.
Paralelisht po punohet edhe për identifikimin e viktimës.

Address

Tirana

Website

Alerts

Be the first to know and let us send you an email when JOQ News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to JOQ News:

Shortcuts

Share

Category