24/04/2026
Premiera e filmit “Michael” në kinematë shqiptare
-Shumë prej nesh nuk kemi pasur mundësinë të ndjekim një koncert të legjendës së muzikës botërore, Michael Jackson.
Ndërsa nipi i tij Jaafar Jackson, protagonisti kryesor në filmin që ka nisur shfaqjen në kinematë shqiptare, duket se e interpreton në mënyrë pothuajse perfekte, duke të bërë të ndihesh sikur je pjesë e asaj atmosfere të dikurshme që vetëm “Mbreti i Popit” mund ta krijonte.
Filmi biografik “Michael”, me regji nga Antoine Fuqua, ka nisur shfaqjen në Shqipëri dhe Kosovë që më 22 prill, duke u pritur me një interes dhe shikueshmëri rekord. Kjo vë në dukje edhe një herë “urinë” e publikut për muzikën e një prej artistëve më të mëdhenj që ka njohur bota.
