JOQ Sport

JOQ Sport Shtëpia sportive më e mirë e lajmeve, fotove dhe videove në internet. Part of JOQ Media.

Kai Havertz i dha Arsenalit epërsinë 1-0 ndaj PSG-së në finalen e Ligës së Kampionëve 2026, duke shënuar një gol spektak...
30/05/2026

Kai Havertz i dha Arsenalit epërsinë 1-0 ndaj PSG-së në finalen e Ligës së Kampionëve 2026, duke shënuar një gol spektakolar në minutën e 5-të në Puskás Aréna të Budapestit. Gjermani vazhdoi reputacionin e tij si lojtar i ndeshjeve të mëdha, duke realizuar pas një asistimi të Leandro Trossard dhe duke rikujtuar golin vendimtar që i solli Chelseat titullin evropian në vitin 2021. Pavarësisht dominimit në posedim nga PSG, mbrojtja e Arsenalit ka ruajtur avantazhin, duke i afruar “Topçinjtë” drejt ëndrrës për trofeun e parë të Champions League në historinë e klubit.

30/05/2026

Atmosfera e finales së madhe të Ligës së Kampionëve është ndezur jo vetëm brenda stadiumit, por edhe në rrugët e qytetit pritës. Tifozët e PSG-së dhe Arsenalit janë përfshirë në incidente dhe përplasje në prag të sfidës së shumëpritur që do të përcaktojë kampionin e ri të Europës.

Sipas raportimeve, grupime rivale tifozësh janë përballur në disa zona të qytetit, duke detyruar policinë të ndërhyjë për të shmangur përshkallëzimin e situatës. Forcat e rendit kanë shtuar masat e sigurisë, ndërsa mijëra tifozë nga Franca dhe Anglia kanë mbërritur për të ndjekur nga afër finalen.

Pavarësisht incidenteve, autoritetet shpresojnë që situata të mbetet nën kontroll dhe vëmendja të përqendrohet te spektakli në fushën e lojës. Sonte, PSG dhe Arsenali do të luftojnë për trofeun më të rëndësishëm europian për klube, në një finale që pritet të mbajë të mbërthyer miliona tifozë në mbarë botën.

Dita e madhe ka mbërritur. Pas javësh pritjeje dhe emocionesh, sonte sytë e gjithë Europës do të jenë të drejtuar nga Bu...
30/05/2026

Dita e madhe ka mbërritur. Pas javësh pritjeje dhe emocionesh, sonte sytë e gjithë Europës do të jenë të drejtuar nga Budapesti, ku do të luhet finalja e madhe e Ligës së Kampionëve mes Paris Saint-Germain dhe Arsenalit.

Për londinezët, kjo është një mundësi historike. Arsenali rikthehet në finalen e kompeticionit pas dy dekadash dhe synon të fitojë për herë të parë trofeun më të rëndësishëm europian për klube. Me një skuadër solide dhe një ecuri mbresëlënëse, “Topçinjtë” besojnë se ka ardhur momenti për të shkruar historinë.

Nga ana tjetër, PSG kërkon të konfirmojë dominimin dhe të mbrojë titullin e fituar sezonin e kaluar. Përveç prestigjit sportiv, mediat raportojnë se lojtarët parizienë do të shpërblehen me bonuse të majme në rast triumfi, duke shtuar edhe më shumë motivimin në kampin francez.

Finalja do të drejtohet nga arbitri gjerman Daniel Siebert, i cili përjeton momentin më të rëndësishëm të karrierës së tij në arenën europiane.

Ndërkohë, jashtë fushës nuk kanë munguar debatet, pasi tifozët anglezë kanë kritikuar vendimin që ndeshja të mos transmetohet falas në Britaninë e Madhe.

Gjithçka është gati për një mbrëmje spektakolare. Njëra skuadër synon të ruajë fronin, tjetra të realizojë ëndrrën e kahershme. Budapesti pret të njohë kampionin e ri të Europës.

Ka momente në futboll që ndihen më shumë se thjesht ndeshje. Momente që mbajnë mbi supe emocione, kujtime dhe një ndjesi...
29/05/2026

Ka momente në futboll që ndihen më shumë se thjesht ndeshje. Momente që mbajnë mbi supe emocione, kujtime dhe një ndjesi boshllëku që afrohet ngadalë. Kupa e Botës 2026 po vjen me gjithë madhështinë e saj, por këtë herë ka diçka ndryshe. Një përzierje mes entuziazmit të zakonshëm të Botërorit dhe nostalgjisë së një epoke që po shkon drejt fundit.

Sepse për herë të fundit, skena më e madhe e futbollit do të ketë bashkë Lionel Messin, Cristiano Ronaldon dhe Neymar Jr. Tre emra që nuk ishin thjesht futbollistë. Ata formësuan një brez të tërë tifozësh, krijuan rivalitete legjendare dhe kthyen çdo ndeshje në spektakël botëror.

Ky Botëror nuk do të jetë vetëm një turne. Do të jetë “vallëzimi i fundit” i tre ikonave që ndryshuan përgjithmonë historinë e futbollit.

Cristiano Ronaldo – simboli i njeriut që nuk u dorëzua kurrë. Një makineri e ndërtuar mbi disiplinë, sakrificë dhe obsesion për perfeksionin. Çdo sprint, çdo goditje dhe çdo festim i tij në këtë Botëror do të ketë peshën e fundit të një karriere që sfidoi kohën dhe logjikën njerëzore. Ronaldo nuk hyn në fushë për t’u përshëndetur me sportin. Ai hyn si gjithmonë: për të luftuar deri në sekondën e fundit.

Lionel Messi rikthehet si kampion bote, tashmë i pavdekshëm në historinë e futbollit. Por magjia e tij mbetet po aq hipnotizuese sa ditën e parë. Messi është arti që ecën mbi bar. Është qetësia që çmend stadiumet. Në këtë Botëror ai duket më i lirë se kurrë, pa barrën e provave ndaj askujt.

Dhe pastaj është Neymar Jr., shpirti i “Jogo Bonito”. Futbollisti që nuk harroi kurrë ta trajtonte lojën si argëtim. Ai solli sambën në epokën moderne, driblimet e çmendura, buzëqeshjen dhe çmendurinë e bukur që vetëm brazilianët dinë ta japin. Neymar ishte gjithmonë emocioni i pastër i futbollit. Dhe ky mund të jetë shansi i fundit për ta parë duke ndezur stadiumet me atë shkëndijën që vetëm ai di të krijojë.

Brezi që vjen do të lexojë statistika, do të shohë video në internet dhe do të diskutojë trofetë. Por ne patëm fatin t’i jetonim live. Patëm fatin të shihnim rivalitetin Messi-Ronaldo që ndau botën më dysh. Patëm fatin të shohim Neymarin duke luajtur sikur futbolli të ishte vallëzim.

Trajneri i ri i Kombëtares shqiptare, Rolando Maran, ka publikuar listën e parë të futbollistëve të grumbulluar, duke ni...
28/05/2026

Trajneri i ri i Kombëtares shqiptare, Rolando Maran, ka publikuar listën e parë të futbollistëve të grumbulluar, duke nisur zyrtarisht epokën e tij në stolin kuqezi.

Për dy ndeshjet miqësore ndaj Izraelit dhe Luksemburgut, tekniku italian ka ruajtur bazën e grupit aktual, por nuk kanë munguar edhe surprizat, afrimet e reja dhe disa rikthime të rëndësishme në ekip.

Risia më e madhe është ftesa për Luis Hasën, talentin në pronësi të Napolit, i cili për herë të parë do të jetë pjesë e Kombëtares shqiptare. Mesfushori ka përfaqësuar të gjitha ekipet zinxhirë të Italisë deri te U-21, por tashmë ka vendosur të veshë fanellën kuqezi në nivel ndërkombëtar.

Për herë të parë një ftesë nga Kombëtarja A ka marrë edhe portieri i Partizanit, Pano Qirko, i cili shpërblehet pas paraqitjeve pozitive në kampionat.

Në listën e Maran rikthehen gjithashtu Alen Sherri, Simon Simoni, Andi Hadroj, Taulant Seferi dhe Cristian Shpendi, emra që mungonin prej kohësh në grumbullimet e fundit.

Nga ana tjetër, dëmtimet kanë detyruar stafin teknik të lërë jashtë disa lojtarë të rëndësishëm si Thomas Strakosha, Ernest Muçi, Nazmi Gripshi dhe Rey Manaj.

Kombëtarja shqiptare do të nisë përgatitjet më 1 qershor në “Shtëpinë e Futbollit”, aty ku kuqezinjtë do të përgatiten për dy sfidat miqësore të muajit qershor.

Lista e plotë e lojtarëve:

Portierë: Alen Sherri, Simon Simoni, Pano Qirko.

Mbrojtës: Berat Gjimsh*ti, Arlind Ajeti, Ardian Ismajli, Klisman Cake, Bujar Pllana, Mario Mitaj, Naser Aliji, Stavro Pilo, Elseid Hysaj, Andi Hadroj.

Mesfushorë: Kristjan Asllani, Ylber Ramadani, Juljan Shehu, Qazim Laçi, Luis Hasa, Adrion Pajaziti, Nedim Bajrami, Arbër Hoxha, Taulant Seferi, Anis Mehmeti.

Sulmues: Mirlind Daku, Armando Broja, Myrto Uzuni, Cristian Shpendi.

27/05/2026

Tensione dhe incidente janë shënuar në qendër të Leipzigut vetëm pak orë përpara finales së UEFA Conference League mes Crystal Palace dhe Rayo Vallecanos. Skenat e publikuara në rrjetet sociale tregojnë përplasje mes tifozëve të të dyja skuadrave pranë një pub-i irlandez, duke detyruar policinë gjermane të ndërhyjë për të rikthyer qetësinë dhe për të parandaluar agravimin e situatës.

Në videot që po qarkullojnë online shihen efektivët e policisë duke ndërhyrë me shpejtësi mes turmave të tifozëve, ndërsa në disa momente në drejtim të grupeve janë hedhur shishe qelqi dhe karrige. Persona të pranishëm në zonë e kanë përshkruar situatën si një “kaos i vërtetë”, ndërsa disa tifozë janë parë të rrëzohen gjatë përleshjeve përpara se të largoheshin nga vendi i ngjarjes.

Sipas raportimeve të deritanishme, autoritetet kanë bllokuar një pjesë të zonës pranë Market Square, ndërsa dhjetëra tifozë janë shoqëruar dhe mbajtur për disa orë nga policia për shkak të dyshimeve për prishje të rendit publik.

Deri tani nuk ka një konfirmim zyrtar mbi personat e përfshirë në incident, ndërsa mbetet e paqartë nëse përplasjet janë shkaktuar nga tifozë të Rayo Vallecanos apo nga grupe ultras gjermane. Gjithashtu, deri në këto momente nuk raportohet për persona të lënduar.

Finalja e kësaj të mërkure konsiderohet një moment historik për të dy klubet, pasi si Crystal Palace ashtu edhe Rayo Vallecano janë në kërkim të trofeut të tyre të parë madhor në arenën europiane. Përveç trofeut, skuadra fituese do të sigurojë edhe një vend në Europa League për sezonin e ardhshëm.

24/05/2026

Ajo që pritej të ishte kulmi i një sezoni të luftuar dhe një festë e vërtetë e futbollit në “Final Four”, përfundoi duke u kthyer brenda pak minutash në një skenë kaotike që la njollë mbi ndeshjen dhe imazhin e futbollit shqiptar.

Sfida mes Vllaznisë dhe Egnatias nuk ishte vetëm një përballje për tri pikë apo një ndeshje e zakonshme, por një duel me peshë titulli, ku tensioni dhe ngarkesa emocionale u ndjenë gjatë gjithë takimit. Barazimi 1-1 mbajti gjithçka të hapur dhe presioni mbi skuadrat u bë gjithnjë e më i madh, deri në momentin vendimtar që ndryshoi rrjedhën e gjithçkaje.

Minuta e 88-të solli jo vetëm golin që i dha avantazhin 2-1 Egnatias, por edhe nisjen e një serie incidentesh që dolën jashtë çdo kuadri sportiv. Festimet e rrogozhinasve u shoqëruan me tensione dhe provokime që ndezën reagimin e kampit shkodran.

Situata doli plotësisht jashtë kontrollit në momentin kur përplasja mes kapitenëve Albano Aleksi dhe Erdenis Gurishta u shndërrua në konflikt fizik. Emocionet e forta, nervat e tendosura dhe pesha e rezultatit krijuan një skenar që i ngjante më shumë një ringu boksi sesa një fushe futbolli, ndërsa në përleshje u përfshinë edhe lojtarë të tjerë.

Për Vllazninë, kjo humbje përfaqëson një goditje të rëndë jo vetëm në aspektin sportiv, por edhe psikologjik. Skuadra shkodrane humbi sfidën më të rëndësishme të sezonit dhe e mbylli në mënyrën më të hidhur një rrugëtim që kishte krijuar pritshmëri të mëdha. Situata mund të rëndohet më tej edhe nga masat disiplinore që pritet të pasojnë.

Nga ana tjetër, Egnatia tregoi edhe një herë aftësinë për të menaxhuar ndeshje me ngarkesë të lartë dhe për të marrë maksimumin në momentet vendimtare. Me dy fitore në dy sfida të kësaj faze, skuadra nga Rrogozhina ka hedhur një hap të rëndësishëm drejt objektivit të saj, duke lënë pas rivalin kryesor në garën për trofeun.

Elseid Hysaj i ka dhënë fund aventurës së tij me Lazion. Pas pesë sezonesh të kaluara me skuadrën kryeqytetase, mbrojtës...
24/05/2026

Elseid Hysaj i ka dhënë fund aventurës së tij me Lazion. Pas pesë sezonesh të kaluara me skuadrën kryeqytetase, mbrojtësi i kombëtares shqiptare dhe klubi italian kanë vendosur të ndajnë rrugët.

Përmes një postimi në rrjetet sociale, Hysaj ka zgjedhur të përshëndesë klubin dhe tifozët bardhekaltër me një mesazh emocionues, duke shprehur mirënjohjen për periudhën e kaluar në Romë.

“Pas pesë vitesh me këtë fanellë ka ardhur momenti për të thënë lamtumirë. Kanë qenë vite intensive, të mbushura me emocione, me çaste të bukura, por edhe me vështirësi. Gjithmonë kam dhënë maksimumin me profesionalizëm dhe respekt deri në ditën e fundit”, shkroi ai.

Futbollisti shqiptar falënderoi gjithashtu shokët e skuadrës për momentet e ndara së bashku, si dhe tifozët e Lazios për mbështetjen dhe pasionin e treguar ndër vite.

Hysaj theksoi se Roma do të mbetet gjithmonë një pjesë e rëndësishme e jetës së tij dhe të familjes së tij, ndërsa i uroi skuadrës rikthimin aty ku, sipas tij, meriton të jetë.

Tashmë vëmendja është zhvendosur te hapi i radhës në karrierën e mbrojtësit kuqezi, ndërsa mbetet për t’u parë se cili do të jetë destinacioni i tij i ardhshëm.

Shqiptari Ernest Muçi ka shtuar një tjetër trofe në karrierën e tij, duke u shpallur fitues i Kupës së Turqisë pas trium...
23/05/2026

Shqiptari Ernest Muçi ka shtuar një tjetër trofe në karrierën e tij, duke u shpallur fitues i Kupës së Turqisë pas triumfit të Trabzonsporit ndaj Konyasporit me rezultatin 2-1 në finalen e zhvilluar në Antalja.

Përballja dhuroi emocione dhe rivalitet deri në minutat e fundit, me të dy ekipet që luftuan fort për të ngritur trofeun e dytë më të rëndësishëm të futbollit turk.

Trabzonspori zhbllokoi sfidën në minutën e 18-të falë golit të Onuachus, duke marrë avantazhin në pjesën e parë. Megjithatë, Konyaspori reagoi pas pushimit dhe riktheu ekuilibrin në minutën e 50-të me Mulekën.

Vetëm tetë minuta më vonë, Konyaspori pati mundësinë ideale për të përmbysur gjithçka, por Enis Bardhi nuk arriti të shfrytëzonte penalltinë e fituar, duke gabuar nga pika e bardhë.

Gabimi i kundërshtarëve rezultoi vendimtar, pasi në minutën e 79-të ishte sërish Onuachu ai që mori përgjegjësinë nga 11-metërshi dhe këtë herë nuk gaboi, duke shënuar golin që vulosi fitoren dhe trofeun për Trabzonsporin.

Ernest Muçi e nisi sfidën si titullar dhe qëndroi në fushë deri në minutat shtesë, duke dhënë kontributin e tij në suksesin e skuadrës dhe duke zhvilluar një paraqitje pozitive.

Ky është trofeu i tretë i fituar nga futbollisti shqiptar në Turqi dhe i pari me fanellën e Trabzonsporit, pas triumfeve të mëparshme me Besiktasin, ku kishte fituar një Kupë dhe një Superkupë.

Trajneri i kombëtares së Anglisë, Thomas Tuchel, ka zbuluar listën me 26 futbollistët e përzgjedhur për Botërorin që do ...
22/05/2026

Trajneri i kombëtares së Anglisë, Thomas Tuchel, ka zbuluar listën me 26 futbollistët e përzgjedhur për Botërorin që do të zhvillohet në SHBA, duke marrë disa vendime që pritet të ndezin debat në opinionin sportiv.

Mes alternativave të shumta që ofron skuadra e “Tre Luanëve”, tekniku gjerman është përballur me zgjedhje të vështira, duke lënë jashtë emra të rëndësishëm të futbollit europian. Lojtarë si Alexander-Arnold, Tomori, Palmer, Maguire, Foden dhe Calvert-Lewin nuk kanë arritur të sigurojnë një vend në listën finale.

Përjashtimi i këtyre emrave të njohur pritet të shoqërohet me reagime dhe diskutime të shumta, pasi shumë prej tyre konsideroheshin kandidatë të fortë për të qenë pjesë e ekipit.

Duke folur për vendimet e marra, Tuchel pranoi se përzgjedhja nuk ka qenë e lehtë.

“Kanë qenë tri ditë me shumë telefonata, reflektime dhe vendime. Jam i emocionuar dhe gati për Botërorin, sepse kur ndjen se ke marrë vendimet e duhura, kjo të jep më shumë qartësi dhe besim. Tani mezi pres të nisem”, u shpreh trajneri anglez.

LISTA ZYRTARE E ANGLISË

Portierë: Jordan Pickford (Everton), Dean Henderson (Crystal Palace), James Trafford (Manchester City).

Mbrojtës: Reece James (Chelsea), Tino Livramento (Newcastle), John Stones (Manchester City), Marc Guéhi (Manchester City), Ezri Konsa (Aston Villa), Dan Burn (Newcastle), Jarell Quansah (Bayer Leverkusen), Nico O’Reilly (Manchester Stepence).

Mesfushorë: Jordan Henderson (Brentford), Elliot Anderson (Nottingham Forest), Declan Rice (Arsenal), Kobbie Mainoo (Manchester United), Eberechi Eze (Arsenal), Jude Bellingham (Real Madrid), Morgan Rogers (Aston Villa).

Sulmuesit: Bukayo Saka (Arsenal), Noni Madueke (Arsenal), Marcus Rashford (Barcelona), Anthony Gordon (Newcastle), Harry Kane (Bayern Munich), Ollie Watkins (Aston Villa), Ivan Toney (Al-Ahli).

Address

Hoxha Tahsim
Tirana

Telephone

0699299998

Website

Alerts

Be the first to know and let us send you an email when JOQ Sport posts news and promotions. Your email address will not be used for any other purpose, and you can unsubscribe at any time.

Shortcuts

Share

Category