Gazeta Standard

07/06/2026

Reagim i fortë nga Brukseli/ BE paralajmëron Shqipërinë për Zvërnecin

Portali “POLITICO” shkruan se Brukseli po i mban nën vëzhgim trazirat politike në Shqipëri, duke e paralajmëruar Tiranën se trajtimi i situatës mund t’i kushtojë në aplikimin për t'u anëtarësuar në BE. Tirana informon Brukselin se puna për projektin e Kushner është pezulluar. BE kërkon shfuqizimin e ndryshimeve në ligjin për Zonat e Mbrojtura dhe Ligjin për Investimet strategjike.

Nga Jakob Weizman, Politico.eu/ Komisioni Evropian ka paralajmëruar Shqipërinë kundër veprimeve që mund të ndikojnë në rrugën e saj të pranimit në BE, mes protestave të vazhdueshme kombëtare mbi një projekt zhvillimi të lidhur me Jared Kushner në bregdetin jugor të vendit.

Protestat kombëtare hynë në ditën e shtatë radhazi të dielën, ndërsa shqiptarët kërkojnë anulimin e një resorti luksoz të lidhur me dhëndrin e Presidentit të SHBA-së Donald Trump, duke argumentuar se projekti kërcënon një zonë të mbrojtur të jetës së egër ku jetojnë flamingo, foka dhe vende folezimi të breshkave.

Komisioni Europian paralajmëron se projekti mund ta vendosë Shqipërinë në një kurs përplasjeje me rregullat mjedisore të BE-së, duke rrezikuar aftësinë e saj për të mbyllur Kapitullin 27 të gjelbërimit në bisedimet e saj të pranimit.

“Shqipëria duhet të përmbahet nga veprimet që mund të dëmtojnë përmbushjen e standardeve përmbyllëse dhe [ne] presim që autoritetet shqiptare të veprojnë pa vonesë”, - tha një zëdhënës i Komisionit Evropian për POLITICO në përgjigje të një pyetjeje në lidhje me prjektin kontrovers të propozuar

Në procesin e anëtarësimit në BE, si pjesë e standardeve përmbyllëse për negocimin e Kapitullit 27 mbi mjedisin dhe ndryshimet klimatike, Shqipëria pritet të përputhet plotësisht me legjislacionin e BE-së në këtë fushë, duke përfshirë Direktivat për Shpendët dhe Habitatet”, - tha zëdhënësi, duke kërkuar që Shqipëria të shfuqizojë ndryshimet në Ligjin për Zonat e Mbrojtura dhe të “t’i j*pë fund” ligjit për investimet strategjike. Si pjesë e procesit të anëtarësimit në BE, Shqipëria pritet të përputhet me rregullat mjedisore të BE-së.

Zëdhënësi i tha gjithashtu POLITICO-s se ministri i mjedisit i Shqipërisë, Sofjan Jaupaj, e kishte informuar Komisionin Europian në Bruksel se ndërtimi i projektit është pezulluar dhe se një vlerësim i ndikimit në mjedis do të kryhet me shoqërinë civile.

“Ne ia kemi shprehur tashmë shqetësimet tona ministrit të mjedisit në lidhje me mangësitë e mundshme të këtij projekti”, tha zëdhënësi.

Jaupaj nuk iu përgjigj një kërkese për koment deri në kohën e publikimit.


Pas Zvërnecit, dora e pushtetit edhe mbi Aeroportin e Vlorës
7 QERSHOR, 12:56
I quajtur “Revolucioni i Flamingove” sipas emrit të flamingove që banojnë në zonën e mbrojtur, protestat u intensifikuan gjatë fundjavës, me thirrje në rritje për dorëheqjen e kryeministrit Edi Rama. Prokuroria antikorrupsion e Shqipërisë, SPAK, ka hapur gjithashtu një hetim në vitin 2024 mbi ndryshimet kontroverse në statusin e mbrojtur të zonës dhe pronësinë e tokës.

“Vërejmë se projekti është gjithashtu subjekt i hetimeve të vazhdueshme të SPAK-ut që thuhet se shtrihen përtej shqetësimeve mjedisore”, tha zëdhënësi.

Së fundmi, Rama i tha POLITICO-s se për momentin nuk ka shumë interes nga udhëheqësit e BE-së për trazirat politike në Shqipëri. Në një intervistë në margjinat e Samitit BE-Ballkani Perëndimor në Mal të Zi më 5 qershor, Rama gjithashtu pohoi se “nëse nuk do të ishte Jaredi, ata nuk do të interesoheshin fare” për projektin.

Shqiptarët në Nju Jork, Londër, Bruksel, Milano dhe Berlin, si dhe qytete të tjera në Shqipëri, u janë bashkuar thirrjeve që projekti të anulohet dhe që natyra e Shqipërisë të mos bjerë viktimë e turizmit të pakontrolluar.

Shqipëria është një nga vendet kryesore për t’u anëtarësuar në BE së bashku me Malin e Zi, dhe Rama ka vendosur një objektiv për t’u anëtarësuar në bllok deri në vitin 2030, me negociatat teknike që do të mbyllen në fund të vitit 2027.

Ky shqyrtim vjen për shkak të ndryshimeve të vitit 2024 në ligjin e Zonave të Mbrojtura të Shqipërisë, të cilat kritikët thonë se hapën derën për zhvillim në shkallë të gjerë në zonat e ndjeshme të jetës së egër. Kjo përfshin zonën e mbrojtur Vjosë - Nartë, ku ndodhet projekti që lidhet me Kushner dhe ku mungon një vlerësim i ndikimit në mjedis.

Brukseli gjithashtu i ka bërë presion prej kohësh Tiranës që të heqë dorë nga ligji i saj për Investimet Strategjike i vitit 2015, pasi ai u jep projekteve të favorizuara trajtim të përshpejtuar që rrezikon të anashkalojë mbrojtjet mjedisore të BE-së. ©Përshtati në shqip LAPSI.al

07/06/2026

Alizoti i përgjigjet Ramës: Fundi yt nuk do të jetë politik, po afron dita e llogaridhënies

Deputeti i Partisë Demokratike në qarkun e Elbasanit, Tomor Alizoti, ka reaguar ashpër pas përmendjes së emrit të tij nga kryeministri Edi Rama gjatë aktivitetit të organizuar për 35-vjetorin e Partisë Socialiste në Elbasan.

Përmes një reagimi në Facebook, Alizoti akuzoi Ramën për arrogancë politike dhe përpjekje për ta identifikuar fatin e tij politik me fatin e vendit

Në reagimin e tij, deputeti demokrat u shpreh se zhvillimet dhe protestat e ditëve të fundit janë pasojë e drejtpërdrejtë e qeverisjes së kryeministrit, ndërsa vlerësoi protestuesit që, sipas tij, po kundërshtojnë modelin aktual të qeverisjes.

Alizoti theksoi se Shqipëria po përjeton një moment të rëndësishëm politik dhe se qytetarët po shprehin pakënaqësinë e tyre ndaj pushtetit në rrugë dhe sheshe.

Postimi i plotë:

Që e ke humbur fare duket qartë. S’ka nevojë për psikologë e psikiatër. Bashkon fjalë dhe kujton se bën fjali. Më paske përmendur edhe mua si deputet, në ligjëratën e lodhshme para të tutëvëve. Ty të pëlqen të vetëkënaqesh para skllevërve të tu nëpër salla.

Po ky sot është problemi më i vogël që ke ti dhe duartrokitësit e tu. Tani po të j*p një leksion historie, se ti, si i shkolluar nga kinostudio, e ke diapazonin mendor sa ekrani i një televizori Iliria. Po të tregoj që, që nga koha e faraonëve e deri te sivëllai yt, Stalini, të gjithë diktatorët e bashkojnë kombin me veten. Njësoj si ti, po fiks fare si ti, e quajnë fundin e vet si fund të kombit. Por, po të shkollohesh me televizor Iliria, babëzia ta errëson gjykimin.

Këto që po ndodhin këto ditë në Shqipëri janë rezultat i qeverisjes tënde. Mund të bësh kllounin sa të duash, të thërrasësh në ndihmë kë të duash; suksesi i protestës është fundi yt.

Unë jam deputet dhe në politikë ka finale të mira e të këqija politike. Por ti s’je më përballë meje si deputet, as përballë nesh si politikanë. Ndaj mos u përgjëro kot. Fundi i pushtetit tënd duket qartë që s’do të jetë më politik. Do të jetë në shesh, aty ku rrëzohen të gjithë ata që qeverisin si ti. Dhe unë i falënderoj dhe i mbështes nga zemra të gjithë ata që po ta afrojnë këtë fund, që e meriton totalisht.

Kjo ishte përgjigjja politike.

Sa për mbiemrin tim, më vjen keq. Jemi kaq të ndryshëm, sa s’ta kthej dot përgjigjen. Nuk ma lejon edukata familjare të debatoj me sojin tënd

Alizoti theksoi se Shqipëria po përjeton një moment të rëndësishëm politik dhe se qytetarët po shprehin pakënaqësinë e tyre ndaj pushtetit në rrugë dhe sheshe.

Postimi i plotë:

Që e ke humbur fare duket qartë. S’ka nevojë për psikologë e psikiatër. Bashkon fjalë dhe kujton se bën fjali. Më paske përmendur edhe mua si deputet, në ligjëratën e lodhshme para të tutëvëve. Ty të pëlqen të vetëkënaqesh para skllevërve të tu nëpër salla.

Po ky sot është problemi më i vogël që ke ti dhe duartrokitësit e tu. Tani po të j*p një leksion historie, se ti, si i shkolluar nga kinostudio, e ke diapazonin mendor sa ekrani i një televizori Iliria. Po të tregoj që, që nga koha e faraonëve e deri te sivëllai yt, Stalini, të gjithë diktatorët e bashkojnë kombin me veten. Njësoj si ti, po fiks fare si ti, e quajnë fundin e vet si fund të kombit. Por, po të shkollohesh me televizor Iliria, babëzia ta errëson gjykimin.

Këto që po ndodhin këto ditë në Shqipëri janë rezultat i qeverisjes tënde. Mund të bësh kllounin sa të duash, të thërrasësh në ndihmë kë të duash; suksesi i protestës është fundi yt.

Unë jam deputet dhe në politikë ka finale të mira e të këqija politike. Por ti s’je më përballë meje si deputet, as përballë nesh si politikanë. Ndaj mos u përgjëro kot. Fundi i pushtetit tënd duket qartë që s’do të jetë më politik. Do të jetë në shesh, aty ku rrëzohen të gjithë ata që qeverisin si ti. Dhe unë i falënderoj dhe i mbështes nga zemra të gjithë ata që po ta afrojnë këtë fund, që e meriton totalisht.

Kjo ishte përgjigjja politike.

Sa për mbiemrin tim, më vjen keq. Jemi kaq të ndryshëm, sa s’ta kthej dot përgjigjen. Nuk ma lejon edukata familjare të debatoj me sojin tënd. https://www.standard.al/alizoti-i-pergjigjet-rames-fundi-yt-nuk-do-te-jete-politik-po-afron-dita-e-llogaridhenies/

07/06/2026

'O Erion o legen, prite Ramën se po vjen'/ Protestuesit nisin marshimin në rrugët e Tiranës

Pas grumbullimit fillestar përpara Kryeministrisë, protestuesit kanë nisur marshimin e tyre në rrugët e Tiranës.

Gjatë lëvizjes, nuk kanë munguar thirrjet dhe brohorimat kundër qeverisë. Një nga sloganet e dëgjuara gjatë marshimit ishte: “O Erion o legen, prite Ramën se po vjen”, i cili u përsërit nga protestuesit teksa kolona vijonte itinerarin.

Atmosfera u shoqërua me pankarta, fishkëllima dhe thirrje.

07/06/2026

Rama nesër në Shkodër, qytetarët paralajmërojnë nga ballkoni i bashkisë: Do të presim te Kalaja

Mbrëmjen e sotme, protesta e qytetarëve në Shkodër mori një tjetër dimension simbolik, teksa një grup protestuesish u ngjitën në ballkonin e Bashkisë së Shkodrës, nga ku lëshuan thirrje të forta kundër qeverisë.

Mes brohoritjeve dhe duartrokitjeve të turmës së mbledhur në shesh, protestuesit artikuluan sloganet “Rama në burg” dhe “Belinda Balluku në burg”, duke shprehur pakënaqësinë e tyre ndaj qeverisjes dhe drejtuesve të saj.

Nga ballkoni i institucionit vendor, protestuesit bënë edhe një njoftim për vijimin e aksionit të tyre. Ata u bënë thirrje qytetarëve që nesër, në orën 17:00, të mblidhen te Kalaja e Rozafës në Shkodër, ku sipas tyre do të zhvillohet një takim i kryeministrit Edi Rama

Do ta presim Ramën me protestë”, u shprehën protestuesit, duke ftuar qytetarët t’i bashkohen tubimit të paralajmëruar. https://www.standard.al/rama-neser-ne-shkoder-qytetaret-paralajmerojne-nga-ballkoni-i-bashkise-do-te-presim-te-kalaja/

07/06/2026

Fatos Lubonja i bashkohet protestës: Në shesh deri në dorëheqjen e Ramës

Analisti Lubonja iu bashkua protestës së qytetarëve, duke deklaruar se pjesëmarrësit, pavarësisht bindjeve i bashkon kundërshtimi ndaj asaj që ai e cilësoi si kapje e vendit nga krimi dhe oligarkët.

Në fjalën e tij, Lubonja u ndal te slogani i protestës “Shqipëria nuk është në sh*tje”, duke theksuar se ai përfaqëson kundërshtimin ndaj një modeli zhvillimi që, sipas tij, favorizon interesat e një pakice të privilegjuar.

“Këtu jemi shumë dhe jemi të ndryshëm. Por na ka bashkuar një gjë që është më e rëndësishme, ajo parrulla: "Shqipëria nuk është në sh*tje". Kuptimi i saj është kundër një Shqipërie të ndërtuar nga krimi dhe oligarkët.

Unë nuk jam nga ata që bërtasin, por dua t’u them atyre që pyesin se çfarë është zhvillimi. A është zhvillim ai për oligarkët dhe me oligarkët? Ky nuk është zhvillim, por një tumor që po rritet në trupin e Shqipërisë dhe që duhet ta pastrojmë”, deklaroi ai.

Lubonja theksoi se protestuesit do të vijojnë mobilizimin e tyre deri në arritjen e objektivit politik që kërkojnë.

“Do të qëndrojmë këtu derisa ta detyrojmë të j*pë dorëheqjen. Zvërneci na tregoi grabitjen e Shqipërisë.Nga ky shesh i bëj thirrje edhe SPAK-ut të na mbrojë nga ky projekt kriminal”, përfundoi Lubonja

07/06/2026

Protestuesit sjellin gomonen para kryeministrisë

Protestuesit kanë sjellë një gomone në tubimin për Zvërnecin para kryeministrisë, si simbol për emigrantët që janë larguar prej vitesh.

Mijëra qytetarë mbushën edhe këtë të diel sheshin përpara kryeministrisë kundër ndërtimit të resortit në Zvërnec të Vlorës.

Një qytetare u shpreh se diaspora shqiptare do kthehet këtë vetë në Shqipëri, jo për pushime, por për të protestuar kundër qeverisë Rama. https://www.standard.al/protestuesit-sjellin-gomonen-para-kryeministrise/

07/06/2026

Rama kërcënon organizatorët e protestës: Kanë para të padeklaruara

Kryeministrit Edi Rama i ka dal jashtë kontrollit situata me kritikët e investimit në Zvërnec të Vlorës, duke kërcënuar ashpër blogerët dhe influencerët që janë shprehur kundër projektit.

Nga Elbasani, në aktivitetin për 35-vjetorin e degës së Partisë Socialiste, Rama i akuzoi ata se përfitojnë nga rrjetet sociale pa paguar taksa, ndërsa i cilësoi si pjesë të një narrative që, sipas tij, deformon debatin publik mbi investimet strategjike.

“Na tregojnë korrupsionin blogerët që nuk lënë para pa mbledhur duke treguar të gjitha anët e trupit dhe që nuk i j*pin 1 euro taksë shtetit shqiptar,” u shpreh Rama, duke shtuar se shumë prej tyre, sipas tij, e kanë kthyer ekspozimin e trupit në burim fitimi.

“Flamingot i priste pushka dhe horrat që kishin liri të bënin masakër në çdo vend ku kishte shpendë e kafshë. Horrat që e kishin mbushur detin e liqenet me tela korrenti. I vrisnin peshqit me tela korrenti. Nëse flamingot do të kishin gojë të flisnin, nuk diskutohet që… Edhe ngjyrën nuk e kanë rastësisht ngjyrën e PS. Ne nuk jemi tradhtarët. Na tregojnë këta korrupsionin. Na e tregojnë korrupsionin blogerët që nuk lënë para pa mbledhur duke treguar të gjitha anët e trupit, që unë i kam treguar pa lekë kur isha i ri dhe që nuk i j*pin 1 euro taksë shtetit shqiptar. 1 euro taksë nuk paguajnë ata blogerë e influencerë”, tha mes të tjerash Rama.

Në fjalën e tij, kryeministri u ndal edhe te kritikat për projektin në Zvërnec, duke i lidhur ato me një qëndrim më të gjerë kundër zhvillimit, ndërsa solli edhe krahasime të forta për të mbrojtur investimin dhe politikat e qeverisë në zonat turistike. https://www.standard.al/?p=1049902&preview=true

07/06/2026

Çfarë e ka shfazuar Edi Ramën

Përtej teorive komplotiste ka një shpjegim të thjeshtë se si ata të rinj që bërtasin rrugëve të Shqipërisë kundër kryeministrit të tyre, u gjendën në të njëjtën anë të barikadës me mediat më të rëndësishme të globit

Përtej teorive komplotiste ka një shpjegim të thjeshtë se si ata të rinj që bërtasin rrugëve të Shqipërisë kundër kryeministrit të tyre, u gjendën në të njëjtën anë të barikadës me mediat më të rëndësishme të globit

Nuk ka mënyrë më të mirë për të matur efektin e një proteste qytetare sesa ta shikosh atë përmes reagimit të atij kundër të cilit ajo adresohet. Revolucioni i flamingove e ka hutuar, shfazuar, çorientuar Edi Ramën.

fillim, kur në shesh ishin ende pak njerëz, ai bëri tolerantin duke pyetur nëse duhet ta tërhiqte projektin, apo nëse ndoshta duhej të dorëhiqej edhe vetë, për t’u mbyllur në Surrel. Pastaj i sfidoi protestuesit duke thënë, se edhe gjysëm milioni po të bëheshin, Sazani dhe Zvërnesi i takonte Ivanka Trump-it dhge Jared Kushnerit. Në ditët e para të javës, ai kërkoi një përfaqësi nga manifestuesit me të cilën të dialogonte. Por pasi u refuzua me përbuzje tha se s’kishte ndërmend të negocionte me askënd, pasi ai ishte mandatari i votave të 800 mijë socialistëve me të cilat bënte ç‘të donte.

Këto pirueta, lëkundje humori dhe kjo mungesë qetësie shkëlqeu në gjithë mjerimin e saj pasi kryeministri u ul përpara laptopit të vet, për të hartuar një status të gjatë, në të cilin akuzonte CNN, mediat liberale botërore, një sërë TV dhe gazetash të mëdha, se po manipulonin realitetin e asaj që po ndodh në Shqipëri.

Po ti rikthehesh atij teksti të llahtarshëm dallon me lehtësi se shkruesi i tij vuan nga paranoja, se pas shpinës së vet dikush po i organizon një puç. Prandaj Rama bën thirrje se ky konspiracion, që synon të shembë “demokracinë” aktuale, për ta zëvendësuar atë me “demagogë, sharlatanë dhe tregtarët profesionistë të zemërimit”, të cilët bëjnë thirrje për hakmarrje e deri për vdekjen e tij, duhet ndalur sa më shpejt. Nëse kjo nuk ndodh - paralajmëron ai - ky do të ishte shembulli i një shoqërie të mposhtur nga fashizmi.

Po çfarë e detyron një burrë që i ka kapërcyer të gjashtëdhjetat të përdorë këtë gjuhë kundër një brezi 20 vjeçarësh të cilëve u duket përveçse i korruptuar edhe demode dhe “i marrum”? Çfarë e ysht atë të fajësojë mediat më prestigjoze të botës, CNN, New York Times, The Guardian, Der Spiegel, Le Monde për ‘fake news-e” që përmbysin një rend demokratik? A mos vallë u çmend deri në atë pikë sa kazanin e famshëm të Shqipërisë ta eksportojë në Atlanta?
Në fakt e gjithë trullosja e tij e ka një shpjegim. Ajo vjen nga frika e dështimit të një prej makinacioneve më diabolike që media e tij kishte kalkuluar. Ky plan filloi të zbatohet kur ai e nuhati që Donald Trump mund të kthehej në shtëpinë e bardhë. Pikërisht në këtë periudhë, kur ai kuptoi se mbështetja e asministratës demokrate për të shkatërruar opozitën dhe për ti lejuar sundimin personal mbi këtë vend mund të ndërpritej, Rama tentoi mundësinë e lidhjes me familjen Trump. Me deklarata zyrtare nga Afinity Partners e Jared Kushnerit, tashmë është konfirmuar se propozimet për të investuar në Beograd dhe jug të Shqipërisë atyre i kanë ardhur nga qeveritë e dy vendeve. Pra, historia nuk është ajo e treguar në podcastet promovuese të Ivanka Trump-it që notonte në ujrat e kristalta të Jonit dhe ngjiste e zbathur shtigjet e Sazanit. E vërteta qëndron në takimin e stisur në jahtin e një miliarderi hebre që vinte nga Korfuzi, në joshjen e një diplomati që mbante titullin e të dërguarit special në Ballkan, në caktimin e një oligarku shqiptar për ti’u afruar sa më shumë familjes Trump.

Qëllimi për të pasur një kanal lobimi sa më pranë zyrës ovale e yshti Edi Ramën të ofronte llokma të çmuara Shqipërie si Sazani dhe Zvërneci. Pikërisht për këtë ai nuk e përfilli planin urbanistik të Vlorës, që nuk parashikonte botonizim të zonës së lagunës së Nartës. Po për të njëjtën arsye, 12 deputetë sharlatanë të tij, kërkuan dhe më pas miratuan ndryshimin e ligjit për zonat e mbrojtura, duke i hapur rrugë ndërtimeve aty. Po për të njëjtat qëllime ajo perle e natyrës u rrethua së fundi me tela me gjemba, u mor në mbrojtje nga badigardë kriminelë dhe u rrafshua nga bultozerët në bazë të një leje zhvillimi të lëshuar ende pa pasur projekt.

Pra, broçkullat me zhvillim turizmi elitar, me investime 4 miliardshe që s’figurojnë në asnjë dokument, me sjelljen e markave prestigjoze në bregtet, janë legenlliqe kolonizatorësh që donin ti gënjenin indianët autoktonë me pasqyra. Qëllimi i vetëm qe blerja e një influence të rëndësishme politike, përmes shkëmbimit me pasuri të paçmueshme të vendit. Dhe pikërisht në momentin kur ky makinacion i komplikuar po kurorëzohej, filluan protestat në Zvërnec dhe vandalët e trimëruar nga pushteti pa kontroll tërhoqën zvarrë një qytetar.

A ishte vetëm ky episod që i vuri benzinë zjarrit? Natyrisht që jo. Pa qenë aspak idhtar i teorive kospiracioniste, me grekë që duan të bllokojnë zhvillimin, me rusë që mbajnë anën e Sebisë, apo me iranianë që se durojnë dot servilizmin tonë ndaj SHBA-së një fakt duhet pohuar. Në mënyrën më të habitshme të mundshme ndezja e revolucionit të flamingove ndodhi në një simbiozë perfekte midis energjisë të atyre të rinjve që ndiheshin të vjedhur e të nëpërkëmbur dhe interesit të mediave më të mëdha botërore e fuqive që qëndrojnë pas tyre, që kanë si qëllim kryesor diskreditimin e presidencës Trump, si një ndërmarrje që përdor politikën për tu pasuruar familjarisht.

Nga ky bashkim u prodhua festa e bukur për “Shqipërinë e re”. E kjo shpjegon edhe faktin se pse kjo protestë me njerëz dinjitozë, me slogane të gjetura dhe me muzikë joshëse u përkrah kaq masivisht nga TV dhe gazetat më të mëdha të botës, ndryshe nga ato në Rijoll, te unaza e re, apo tek 5 maji. Në këtë bashkim nuk ka asnjë konspiracion. Rinia e revoltuar shqiptare e ka me Ramën. Ata që mbështesin lëvizjen e saj kundër futjes së Jaredit dhe Ivankës në Zvërnec, e kanë me Trumpin.

Por edhe këtu Edi Rama është treguar i paaftë edhe dritëshkurtër. Atë që mund të ndodhte ai duhet ta kishte parashikuar me kohë, që atëhere kur bëri provën gjenerale të një lobimi të madh, duke dashur ti falë sovranitet shqiptar Italisë, për të përkëdhelur Giorgia Melonin. Ashtu si tani edhe në atë rast ai vërtet fitoi afërsinë dhe mbështetjen e kryeministres italiane, por bashkë me të ai u përball edhe me gjithë furinë e kundërshtarëve të saj. Përkëledhja me Giorgian i kushtoi Ramës një valë kritikash nga e majta e kontinentit, një seri artikujsh e reportazhesh kritike si ato të RAI 3 dhe etiketimin për herë të parë të mbretërimit të tij si narkoregjim. Pra kostoja e kësaj tentative për lobim ishte shumë e lartë. Por Edi Rama e shpërfilli, apo s’ deshi ta dëgjojë këtë alarm. Dhe kur ai synoi më lart, për të vajtur deri afër Shtëpisë së Bardhë, pëmes vajzës dhe dhëndrit të Trump, goditja do kishte të njejtin kah por përmasat do të qenë të tjera. Ekuilibri i forcave në një shoqëri të lirë është pikërisht ky: sa më i madh makinacioni dhe tentativa për manipulim, aq më të vrullshme bëhen forcat që i kundërshtojnë ato. https://www.standard.al/cfare-e-ka-shfazuar-edi-ramen/

07/06/2026

Pas Zvërnecit, dora e pushtetit edhe mbi Aeroportin e Vlorës

Pasi fitoi në Gjykatën e Lartë dhe sërish mbeti jashtë kantierit, MABCO po kërkon që SPAK të hetojë nëse Aeroporti i Vlorës është kthyer në një rast të kapjes së drejtësisë

Çdo ditë e më shumë po bëhet e qartë se ansambli i projekteve të mëdha në gjirin e Vlorës, nga ishulli i Sazanit te Zvërneci dhe deri te Aeroporti i Vlorës është një territor ku përplasen interesa të mëdha ekonomike nën hijen e kontrollit të fortë të pushtetit politik.

Por ndërsa Zvërneci është shndërruar në kryefjalë të protestave, një tjetër rast ku grushti i pushtetit po shtrëngohet është ai i Aeroportit të Vlorës.

Kompania MABCO Constructions SA e biznesmenit Behgjet Pacolli, që zotëron 98% të kuotave të shoqërisë koncesionare VIA është përjashtuar sërish nga kontrolli i kantierit, edhe pse vetëm pak ditë më parë kishte fituar betejën në Gjykatën e Lartë.

Absurdi qëndron në faktin se vendimi që rrëzon Gjykatën e Lartë është dhënë nga një gjykatëse e Shkallës së Parë, Miranda Naka e cila tashmë ka përfunduar në SPAK.

Historia e marrjes së aeroportit, thotë MABCO, po shpaloset tanimë si një operacion i udhëhequr nga “grupet e strukturuara kriminale dhe klanet që veprojnë në kundërshtim me ligjin”.

Përmbysja e vendimit të Gjykatës së Lartë për aeroportin

Në datën 26 Maj, Gjykata e Lartë, instanca më e lartë gjyqësore në vend, i riktheu MABCO-s të drejtat e votës si ortake mazhoritare. Vendimi i hapte rrugë kompanisë së Pacollit që të ndryshonte administratorin e emëruar nga ortaku minoritar Valon Ademi, i cili zotëron vetëm 2% të kuotave.

Por vetëm 24 orë përpara mbledhjes së ortakëve, kur pritej ndryshimi i administratorit, në një nga sallat e Gjykatës së Shkallës së Parë, pa u thirrur palët në proces, gjyqtarja Miranda Naka, mori vendimin që e bllokoi sërish procesin dhe zhbëri efektet praktike të Gjykatës së Lartë.

Në deklaratën që shpërndau për mediat, MABCO shprehet se gjyqtarja ka lëshuar një vendim “kontradiktor, të pakuptimtë dhe në kundërshtim të hapur me dispozitivin e Gjykatës së Lartë”, duke cenuar të drejtën ligjore dhe kushtetuese të ortakut mazhoritar për të emëruar administratorin dhe për të zhbllokuar hyrjen në kantier.

Pikërisht për këtë arsye, kompania ka kallëzuar në SPAK gjyqtaren Miranda Naka, si dhe çdo person tjetër që, sipas saj, me veprime ose mosveprime pengon zbatimin e vendimit të Gjykatës së Lartë dhe zhbllokimin e kantierit.

Të gjitha proceset gjyqësore të çojnë në SPAK

Nëse në Shqipëri ka ende kuptim hierarkia gjyqësore, këto zhvillime duhet të alarmojnë SPAK-un, pasi sinjalet e kapjes së gjyqësorit nga interesa okulte janë kudo. Tanimë konflikti ka shkuar përtej përplasjesh mes dy ortakësh.

Fuqia për të neutralizuar një vendim të Gjykatës së Lartë, me një vendim të Shkallës së Parë, në momentin më kritik shkon përtej Valon Ademit, një biznesmen nga Kosova, që po përdoret për të bllokuar investimin prej dhjetëra miliona eurosh.

Çështja tani ka dalë nga kufijtë e konfliktit tregtar dhe është në territorin e drejtësisë penale. Nëse një vendim i Gjykatës së Lartë mund të mbetet pa efekt nga një vendim i beftë i Shkallës së Parë, në fokus është korrupsioni dhe ndikimi i paligjshëm te gjyqtarët.

MABCO pretendon se kjo është pjesë e një skeme më të gjerë. Në deklaratë thuhet se “rreshtimi i disa gjyqtarëve, i MIE-s dhe i organeve të tjera shtetërore nuk mund të trajtohet më si rastësi”. Sipas kompanisë, këto veprime dhe mosveprime “krijojnë dyshime serioze për koordinim në përpjekje për zhveshjen e MABCO-s nga investimi dhe të drejtat e saj ligjore në Aeroportin e Vlorës”.

Ky nuk është episodi i parë kur në rastin e aeroportit të Vlorës rrëzohet hierarkia e gjyqësorit. E njëjta skemë është përsëritur edhe në fund të vitit të kaluar, kur MABCO sapo kishte marrë të drejtën për të kontrolluar aeroportin nga një vendim i Gjykatës së Apelit, por 24 orë më vonë, ende pa u tharë boja mbi letrën e vendimit, erdhi vendimi tjetër ti Shkallës së Parë që bllokoi efektet e Apelit.

Tani historia përsëritet në një nivel edhe më të rëndë. Këtë herë nuk po bllokohet Apeli, por një vendim i Gjykatës së Lartë. Të dyja ngjarjet, si përmbysje të hierarkisë gjyqësore të çojnë drejt një mesazhi: që kemi të bëjmë me një drejtësi të marrë peng.

Kur aksioneri me 98% të kuotave fiton në Gjykatën e Lartë dhe prapë nuk hyn dot në kantier, kur administrimi mbetet te ortaku me 2%, kur policia përmendet si pjesë e bllokimit fizik të hyrjes, kur ministria reagon me vonesë dhe në mënyrë selektive, atëherë shtrohet pyetja: Kush ka fuqinë reale për të përmbysur vendimet gjyqësore në terren?

Ndikimi i qeverisë në bllokimin e aeroportit të Vlorës

Historia e proceseve gjyqësore për aeroportin e Vlorës, tregon se pas aksionerit minoritar me 2% të aksioneve janë njereëz që kanë duar dhe këmbë brenda sistemit.

Në rastin e përmbysjes së vendimit të Gjykatës së Lartë del hapur se në prapaskenë çështja është e kurdisur. Dhe meqë SPAK-u ka nisur tashmë hetimet për Zvërnecit nuk është cudi të zbulojë, që të njëjtat duar që qëndrojnë pas aferës së Zvërnecit, duan të kapin edhe Aeroportin e Vlorës.

Sinjalet janë se në prapaskenë fijet i tërheqin segmente të korruptuara të qeverisë. Situata lidhet drejtpërdrejt me mosveprimet e institucioneve shtetërore dhe me rolin e Ministrisë së Infrastrukturës dhe Energjisë.

Kompania thotë se pas vendimit të Gjykatës së Lartë, në vend që t’i lejohej të ushtronte të drejtat e saj, ajo është përballur me ndalim të përsëritur për hyrje në kantier, me qëndrime të vonuara dhe selektive nga MIE.

Për muaj të tërë, ndërsa kantieri ishte i bllokuar dhe konflikti kontrollohej nga pala minoritare, shteti nuk u duk i shqetësuar. Madje në mbrojtje të vendimeve abuzive u përdor policia e shtetit.

Për disa ditë me radhë qindra policë u përdorën për të mbajtur peng aeroportin, duke bllokuar hyrjen kryesore të tij, ndërkohë që qindra punëtorë, specialistë dhe inxhinierë të huaj nuk lejoheshin të hynin për të vazhduar punën në aeroport, apo për të marrë pajisjet e tyre.

Por sapo Gjykata e Lartë i riktheu të drejtat MABCO-s, lëvizjet e qeverisë u përshpejtuan. Në një konferencë për mediat ministri i Infrastrukturës dhe Energjisë lëshoi ultimatum prej 30 ditësh për t’i zgjidhur mosmarrëveshjet. Në një dalje të dytë brenda pak ditësh, Karakaçi njoftoi papritur se kishte vendosur gjoba për vonesat e punimeve.

Në një vend normal, kjo kronologji do të mjaftonte për të hapur një hetim serioz mbi rolin e institucioneve, mbi veprimet e policisë, mbi qëndrimet e ministrisë dhe mbi vendimet gjyqësore që shfaqen në momentin e duhur për të mbajtur larg aksionerin mazhoritar.

Prandaj kjo dosje është lëndë për SPAK edhe për të kuptuar nëse rreth Aeroportit të Vlorës ka një mekanizëm më të madh që përdor gjykatat, institucionet dhe forcën publike për të prodhuar një fakt të kryer.

Fillimi i procedurave për arbitrazhin

Përplasja duket se po shkon për zgjidhje jashtë kufijve të Shqipërisë. MABCO ka njoftuar qeverinë se ka nisur procedurat për arbitrazh ndërkombëtar, duke u mbështetur në të drejtat kontraktuale dhe në marrëveshjet bilaterale për mbrojtjen e investimeve. Kompania thotë se do t’i drejtohet arbitrazhit për të kërkuar sigurinë juridike, mbrojtjen e investimit dhe rikthimin e administrimit të ligjshëm të VIA-s.

Kjo do të thotë se fatura e një konflikti që sot paraqitet si “mosmarrëveshje ndërmjet ortakësh” mund të përfundojë nesër mbi shpinën e taksapaguesve shqiptarë. Sepse nëse arbitrazhi ndërkombëtar i jep të drejtë MABCO-s, nuk do ta paguajë as gjyqtarja, as ministria, as policia, as ata që sot lëvizin fijet pas perdes. Do ta paguajnë taksapaguesit shqiptare.

Kompania thotë se nuk dëshiron që pasojat financiare të veprimeve të disa individëve të rëndojnë mbi qytetarët shqiptarë, por shton se zgjidhja e situatës varet nga vullneti i institucioneve shqiptare për të respektuar ligjin, vendimet gjyqësore dhe të drejtat e investitorit ligjor.

Kjo është arsyeja pse historia e Aeroportit të Vlorës nuk mund të ndahet nga klima më e gjerë e projekteve në gjirin e Vlorës. Pas debatit për Zvërnecin dhe pas kontrollit politik mbi investimet strategjike në bregdet, edhe aeroporti duket se ka hyrë në të njëjtën logjikë, ku pronësia, gjykatat, policia dhe ministritë nuk funksionojnë më si institucione të ndara, por si pjesë të një mekanizmi të vetëm pushteti.

Dhe nëse SPAK kërkon një rast ku mund të shohë se si kapet një investim madhor përmes vendimeve, mosveprimeve dhe forcës institucionale, Aeroporti i Vlorës është aty, me emra, data, vendime dhe qindra miliona euro në lojë./https://www.standard.al/pas-zvernecit-dora-e-pushtetit-edhe-mbi-aeroportin-e-vlores/

07/06/2026