27/07/2025
Na Ishte Dikur kujton sot në ditën e lindjes mjeshtrin e madh të humorit, Zef Deda (1950–2023)
Më 27 korrik 1950 lindi në Shkodër një nga figurat më të dashura të skenës shqiptare – Zef Deda, i cilësuar shpesh si Charlie Chaplin-i shqiptar dhe ikonë e humorit shkodran dhe kombëtar. Sot, në ditën e lindjes, e kujtojmë me ndjeshmëri, respekt dhe mirënjohje.
🎭 Me një karrierë prej mbi 40 vitesh në Teatrin "Migjeni" të Shkodrës, Zef Deda krijoi qindra figura artistike, duke sjellë të qeshura, mesazhe dhe reflektim te publiku. Ai ishte mjeshtër i plastikës skenike dhe interpretimit komik, një aktor që rrallë ndodh të përsëritet.
Pas një shkëputjeje disa vjeçare për shkak të emigrimit, u rikthye në atdhe më 1996 për t’iu përkushtuar sërish artit që e deshi aq shumë. Shkëlqeu edhe në komeditë televizive si "Vëllai nga babai", "Kollovari", "Big Brother Shkodra 1 & 2", duke u bërë edhe më i dashur për brezat e rinj.
U nda nga jeta më 24 nëntor 2023 në Tiranë, por figura e tij jeton përmes artit dhe buzëqeshjeve që i dhuroi publikut.
🙏 Nderim i përjetshëm për Zef Dedën nga faqja Na Ishte Dikur...
