Portali Vizion

04/06/2026

Më shumë se një recetë: Kur ushqimi bëhet gjuha e vetme që e bashkon Ballkanin

📸 🍲 Përtej politikës, debateve të pafundme dhe kufijve tanë të ndërlikuar, ka një vend ku Ballkani nuk ka nevojë për përkthyes: rreth tryezës së ngrënies. Nga pazaret e zhurmshme e deri te rituali i përgatitjes së zahireve të dimrit, ne ndajmë të njëjtat gjeste, të njëjtat shije dhe të njëjtat histori familjare.

Pikërisht këtë anë të patreguar të rajonit tonë sjell nisma më e re kulturore që bën bashkë artistët e rinj ballkanas.

Çfarë po ndodh në Shkodër?
Këtë të premte (5 qershor 2026), në orën 11:00, Biblioteka “Marin Barleti” në Shkodër do të kthehet në një stacion ballkanik falë premierës së filmit dokumentar dhe ekspozitës fotografike "Frames of Flavours" (Kornizat e Shijeve).

Ky nuk është thjesht një dokumentar gatimi. Autorë të rinj nga mosha 18 deri në 35 vjeç kanë marrë aparatet në dorë dhe kanë dokumentuar jetën e përditshme: drekat familjare, bisedat në oborr, punën në fshat dhe ato rituale të vogla që përcillen brez pas brezi e që tregojnë se sa shumë ngjajmë me njëri-tjetrin.

"Në fokus nuk janë vetëm gatimet, por njerëzit dhe marrëdhëniet që krijohen rreth tyre. Ushqimi këtu shihet si një hapësirë kërkimi artistik dhe afërsie njerëzore."

Diskutimi: Arti si urë komunikimi

Pas shfaqjes së filmit, do të zhvillohet edhe një bisedë e hapur me mentorët e projektit, të cilët vijnë nga qendra të ndryshme të rajonit:

Aleksandra Petrushevska (artiste vizuale nga Shkupi)

Zvezdan Mančić (drejtor i Festivalit Ndërkombëtar të Fotografisë në Beograd)

Senad Xhexhovi (artist vizual dhe pedagog nga Shkodra)

Ata do të diskutojnë se si kultura dhe praktikat tona të përditshme mund të krijojnë hapësira takimi e paqeje në një rajon që shpesh njihet vetëm për ndasitë e tij.

📍 Ku dhe Kur?

Vendi: Biblioteka “Marin Barleti”, Shkodër

Data: E premte, 5 qershor 2026

Ora: 11:00

Nëse jeni në Shkodër, mos e humbisni këtë udhëtim vizual në shpirtin e vërtetë të Ballkanit – atë që shijon më mirë kur ndahet me të tjerët.

Frames of Flavours organizohet nga Qendra për Zhvillimin e Fotografisë nga Beogradi, Serbi, dhe IRSH nga Shkodra, Shqipëri. Projekti zbatohet në kuadër të Programit të Mbështetjes Financiare për Organizatat e Shoqërisë Civile (FSTP), të cilin e zbaton Agjencia e Demokracisë Lokale – LDA Subotica në bashkëpunim me Fondacionin Novi Sad – Kryeqyteti Evropian i Kulturës, koordinator i projektit District of Reconciliation, i bashkëfinancuar nga Bashkimi Evropian përmes Programit IPA III për mbështetjen e shoqërisë civile dhe medias në Ballkanin Perëndimor.

28/05/2026

Reagon grupi “Jehona Labe” ndaj reklamës së kompanisë Erzeni: “Tallje dhe fyerje ndaj këngës labe.

Grupi i njohur i polifonisë “Jehona Labe” ka reaguar ashpër ndaj reklamës së fundit të kompanisë Erzeni, duke e cilësuar atë si një tallje dhe poshtërim të këngës labe dhe trashëgimisë kulturore shqiptare.

Në reagimin e tyre publik thuhet:
“Kjo është tragjedi dhe fatkeqësi kombëtare. Duhet urgjentisht që ky akt të shkojë në institucionet e drejtësisë. Nuk mund të përdoret kënga labe për reklama qesharake dhe pa asnjë respekt për traditën. Nëse kompania ka një apo dy lopë shtëpie, le të bëjë reklamë për to, por jo të përdhosë këngën labe për qumësht pluhur. Kjo është një poshtërsi ndaj kulturës sonë kombëtare.”

Anëtarët e grupit kërkojnë reagim institucional dhe masa të menjëhershme ndaj asaj që e konsiderojnë “përdorim denigrues” të një prej thesareve më të rëndësishme të folklorit shqiptar.
Kënga labe, pjesë e trashëgimisë shpirtërore shqiptare dhe e mbrojtur nga UNESCO, vazhdon të mbetet simbol identiteti për Jugun e Shqipërisë dhe kulturën kombëtare.

22/05/2026

🇪🇺 🤝 🇦🇱 We are united Europe.

Java e Europës në Gjirokastër.

.al # UGJ

RTSH 24 është një kanal informativ i paketës së RTSH. Informacionet...

18/05/2026

Kushte atmosferike të paqëndrueshme gjatë ditës/ Parashikimi i motit, 18 Maj 2026

Ditën e hënë vendi ynë do të ndikohet nga kushte atmosferike relativisht të paqëndrueshme. Moti parashikohet me alternime kthjellimesh dhe vranësirat mesatare e lokalisht të dendura, më të theksuara në male në veri e lindje të territorit, nga ku edhe do të pasohen me reshje të dobëta e të izoluara shiu, gjatë orëve të mesditës dhe pasdites. Era do të fryjë me drejtim nga veriperëndim-perëndim me shpejtësi mesatare 6 m/s, e cila përgjatë vijës bregdetare, zonave luginore dhe në momentin e zhvillimit të vranësirave pritet të fitojë shpejtësi deri në 10 m/s.
Deti – Valëzimi në detet Adriatik dhe Jon i forcës 1-2 ballë.

17/05/2026

Bullgaria fitoi “Eurovision 2026” me votat e audiencës dhe jurive, ndërsa Shqipëria me këngën e Alis u rendit në vendin e 13-të.

15/05/2026

Policia e Shtetit/Plan masash për të garantuar mbarëvajtjen e aktivitetit ndërkombëtar sportiv “Turi Çiklistik i Shqipërisë 2026”.

Aktiviteti, i ndarë në 5 etapa, do të zhvillohet në territorin e Republikës së Shqipërisë, më datat 18, 19, 20, 21 dhe 22 maj 2026, dhe do të organizohet në bashkëpunim me Federatën Shqiptare të Çiklizmit, Ministrinë e Turizmit, Kulturës dhe Sportit, Komitetin Olimpik Kombëtar Shqiptar, si dhe me bashkitë përkatëse. Në aktivitet do të marrin pjesë skuadra çiklistike nga Shqipëria, vendet e Ballkanit dhe Europa.

Nisur nga fakti se Turi i 83-të Çiklistik i Shqipërisë do të përshkojë disa nga akset dhe qytetet kryesore të vendit, Policia e Shtetit ka hartuar një plan të posaçëm masash, i cili do të angazhojë strukturat vendore të Policisë, shërbimet e Policisë Rrugore dhe strukturat mbështetëse, me objektiv garantimin e rendit publik dhe sigurisë rrugore, eskortimin e çiklistëve dhe mbarëvajtjen e aktivitetit gjatë gjithë itinerarit.

Itinerari i etapave do të jetë si më poshtë:

-Etapa I-data 18.05.2026
Orari i bllokimit: 12:00
Sheshi “Skënderbej” – bulevardi “Zogu i Parë” – rruga “Dedë Gjo Luli” – rruga “Myslym Shyri” – bulevardi “Dëshmorët e Kombit” – rruga “Lekë Dukagjini” – rruga “Ibrahim Rugova” – bulevardi “Gjergj Fishta” – Unaza e Madhe – autostrada Tiranë–TEG–Thumanë–Milot–Rrëshen–Reps – kthimi për në Milot – finishi në Lezhë.

-Etapa II-data 19.05.2026
Orari i bllokimit: 12:00
Lezhë–Vorë–Golem–Rrogozhinë – finishi në Elbasan.

-Etapa III-data 20.05.2026
Orari i bllokimit: 12:00
Elbasan–Belsh–Kuçovë–Lushnjë–Unaza e Fierit – finishi në Vlorë.

-Etapa IV-data 21.05.2026
Orari i bllokimit: 12:00
Vlorë–Tuneli i Llogarasë–Himarë–Kuç–Lepincë–Kotë – finishi në Vlorë.

-Etapa V-data 22.05.2026
Orari i bllokimit: 10:00
Vlorë–Rrethrrotullimi i Lushnjës – finishi në Fier.

Policia e Shtetit apelon për mirëkuptimin dhe bashkëpunimin e qytetarëve gjatë zhvillimit të aktivitetit, si dhe rekomandon përdorimin e akseve alternative në segmentet ku do të ketë kufizime të përkohshme të qarkullimit.

Strukturat e Policisë së Shtetit do të jenë maksimalisht të angazhuara për garantimin e sigurisë dhe mbarëvajtjen e këtij eventi sportiv ndërkombëtar.

14/05/2026

🇪🇺 Gjirokastra drejt Europës: Rajone të Forta për një Europë më të Fortë

Një atmosferë entuziaste, dialog europian dhe vizion për zhvillimin rajonal karakterizoi Forumin e Hapur Europian të zhvilluar në Universitetin “Eqrem Çabej” në kuadër të Javës së Europës.

Aktiviteti u organizua nga projekti europian EU4EduGov RegAL – “Education for Better Governance in the Regions of Albania”, pjesë e Programit Jean Monnet Module, financuar nga Komisioni Europian.

I ftuar special i forumit ishte Z. Sokratis Sourvinos, Konsull i Përgjithshëm i Greqisë në Gjirokastër, i cili ndau një ekspertizë të vyer mbi rëndësinë e bashkëpunimit rajonal, diplomacisë dhe lidhjes ndërkufitare në ndërtimin e një Europe më të integruar dhe më të zhvilluar.

Diskutimet theksuan se Komisioni Europian nuk është thjesht një institucion politik europian, por një partner real në përmirësimin e jetës së komuniteteve, përmes mbështetjes së arsimit, inovacionit, qeverisjes së mirë dhe zhvillimit të rajoneve.

Forumi solli së bashku akademinë, institucionet, median, biznesin dhe studentët, duke krijuar një hapësirë aktive dialogu mbi të ardhmen europiane të rajonit tonë.

Në fjalën e tij, drejtuesi i projektit Dr. Arjan Gjini theksoi se:
“Europa nuk fillon vetëm në Bruksel. Ajo ndërtohet çdo ditë në universitetet tona, në bashkitë tona dhe në komunitetet që zgjedhin dijen, bashkëpunimin dhe zhvillimin.”

Ky forum konfirmoi edhe një herë moton e projektit:
“Rajone të Forta – Europë e Fortë.”

Kur universitetet, diplomacia dhe institucionet bashkëpunojnë, standardet europiane nuk mbeten vetëm aspiratë, por shndërrohen në realitet konkret për qytetarët dhe rajonet tona.

.al

13/05/2026

10/05/2026

''Petrit Lulo'' 🥰🥰🫶🫶