31/07/2023
Sot është 31 korrik, Dita Botërore e Rejnxhërsave. Në këtë ditë ne tregojmë, në solidaritet të plotë, respekt dhe mirënjohje për rojet e parqeve tona kombëtare që me përkushtim e sakrifica, mbrojnë ekosistemet e egra natyrore nga rreziqet dhe keqbërja.
Por në mënyrë të veçantë, sot kujtojmë Ardian Kocin, ish-drejtorin e Parkut Kombëtar Divjakë-Karavasta. Publiku e njeh Ardianin për betejën e spikatur kundër resortit famëkeq të kompanisë Mabetex, e projektuar për t'u ndërtuar në zemër të Parkut. Por në vend që të përkrahej, Ardiani u mënjanua nga burokratë të emëruar në mënyrë të pamerituar derisa, gradualisht u largua nga kjo detyrë. Sot, falë Ardianit Parku Kombëtar Divjakë-Karavasta është ende i mbrojtur nga "rreziku prej zhvillimit të gjelbër", por jo nga propaganda në favor të këtij te fundit.
Sot, territoret e parqeve tona kombëtare janë më të rrezikuara se kurrë më parë. Mbrojtja ndaj tyre në terren po dobësohet, ndërkohë që po rritet me shpejtësi presioni nga lart për të miratuar projekte të reja zhvillimore. Të propaganduara me petkun e gjelbër të turizmit ekologjik, shpesh, të tilla projekte shkojnë në favor të interesave të një grupi të ngushtë, qëllimi i të cilëve është përfitimi personal dhe jo zhvillimi i qëndrueshëm në favor të shoqërisë.
Më poshtë është një pjesë e shkëputur nga "Bilbilët që nuk po fryjnë fort", një prodhim i Elementi i peste, në nderim të punës dhe të moralit të Ardian Koçit, trashëgimia e të cilit i shërben rejnxhërsave të rinj, sot, në Ditën Ndërkombëtare të Rejxhërsave.
