Gazeta Albania Times

20/10/2025

Tragjedia në Maliq, nënë e bir humbën jetën, përcillen sot për në banesën e fundit

Sot do t’i jepet lamtumira e fundit, nënës dhe djalit të saj të mitur, Merjeme dhe Luka Azisllari, të cilët humbën jetën dje pasi banesa e tyre u përfshi nga flakët në Maliq.

Kryefamiljari, Valentino Azisllari, përmes një postimi në rrjetet sociale njofton se ceremonia e varrimit do të mbahet sot pasdite, ora 15:00.
Si pasojë e zjarrit ka mbetur e lënduar dhe vajza e mitur, vetëm 6 vje֛çe, e cila ndodhet në spitalin e Traumës.

20/10/2025

Kandidatja për kryetare të Bashkisë Vlorë, Brunilda Mersini, zhvilloi takim të hapur me banorët e Rajonit 2, ku diskutoi për nevojat e përditshme të komunitetit dhe vizionin e saj për një administratë efikase, transparente dhe gjithmonë në dialog me qytetarët.

19/10/2025

🔴 Tone të ashpra, Trump ia thotë hapur Zelenskyt: Hiqni dorë nga Donbasi ose do të shkatërroheni!

Gjatë takimit në Shtëpinë e Bardhë midis Donald Trump dhe Volodymyr Zelensky, presidenti amerikan thuhet se i kërkoi udhëheqësit ukrainas të pranonte kushtet e Rusisë për t’i dhënë fund luftës, duke paralajmëruar se Putin kishte deklaruar se do ta “shkatërronte” Ukrainën nëse nuk i pranonte.

Financial Times raporton se takimi përshkallëzoi vazhdimisht në “debate të tërbuara”.

Sipas burimeve, Trump hodhi tutje hartat e vijës së frontit në Ukrainë, këmbënguli që Zelensky t’ia dorëzonte të gjithë Donbasin Putinit dhe përsëriti pikat kryesore të ngritura nga udhëheqësi rus në bisedën e tyre një ditë më parë.

19/10/2025

Vlora ka nevojë për një hov të ri!
Për të mirëmbajtur të gjitha projektet e mëdha që janë në zbatim dhe për ta çuar zhvillimin në çdo cep të qytetit që ende pret vëmendje.
👉Brunilda Mersini është garancia e punës së vazhduar, e organizimit dhe e vendosmërisë.
Një grua që e ka provuar me fakte, si në politikë, ashtu edhe në administratë,
se di të udhëheqë me përkushtim, efikasitet dhe frymë bashkëpunuese.
🌹Ajo mishëron ADN-në e vërtetë të Partisë Socialiste:
vizion, përgjegjësi dhe zhvillim të qëndrueshëm.

19/10/2025

Verstappen dominon në Austin: fiton Sprintin dhe siguron “pole” të 47-të në karrierë

Pergatiti Agron Brataj Austin, SHBA 18 Tetor 2025Max Verstappen konfirmon edhe një herë dominimin e[Read More...]

19/10/2025

Ministria e Kulturës franceze publikoi këtë mbrëmje listën zyrtare të “tetë objekteve me vlerë të paçmuar trashëgimore” të vjedhura këtë mëngjes nga Luvri.

Ato janë: një diademë nga oborri i Mbretëreshës Marie-Amélie dhe Mbretëreshës Hortense; një gjerdan nga oborri i safirit i Mbretëreshës Marie-Amélie dhe Mbretëreshës Hortense; vathë me dy gurë nga oborri i safirit i Mbretëreshës Marie-Amélie dhe Mbretëreshës Hortense; një gjerdan smeraldi nga oborri i Marie-Louise; një palë vathë smeraldi nga oborri i Marie-Louise; një broshë e njohur si “broshë relike”; një diademë e Perandoreshës Eugénie; dhe një xhevahir i madh korse i Perandoreshës Eugénie.

Nga këto objekte të vjedhura, vetëm diademja e Perandoreshës Eugénie është gjetur deri më tani, e dëmtuar, jashtë Luvrit

19/10/2025

Kryeministri Edi Rama në Vlorë,vizitë e papritur në qytetin bregdetar

Kryeministri Edi Rama ka mbërritur këtë të diel në qytetin bregdetar të Vlorës.

Sipas informacioneve paraprake, kreu i qeverisë pritet të ndalet në vilat qeveritare, ndërsa nuk përjashtohet mundësia e një inspektimi në disa zona të qytetit.

Aktualisht nuk dihet arsyeja e saktë e vizitës së tij në Vlorë, por nuk përjashtohet që ajo të ketë lidhje me zhvillimet politike dhe përgatitjet për zgjedhjet vendore në Bashkinë e Vlorës.

19/10/2025

Agron Brataj

Trajtimi i Heroizmit dhe Nderit të Ushtrisë Çlirimtare të Kosovës nuk mundë të diskutohet nga idiotët e istitucioneve ndërkombëtare nga dëshmitar që shesin edhe familjet e tyre për vlera monetare.

Në një kohë kur historia e popullit tonë është ende në zhvillim e sipër dhe sakrificat e luftëtarëve të Ushtrisë Çlirimtare të Kosovës (UÇK) vazhdojnë të jenë në qendër të kujtesës kombëtare, është e papranueshme dhe e dhimbshme që disa individë, të cilët nuk kanë asnjë lidhje me luftën dhe as me vlerat e lirisë, të përdorin këtë moment për të shpifur dhe manipuluar me interesat e tyre personale.

Luftëtarët e UÇK-së dhanë gjithçka për mbrojtjen e atdheut, për ruajtjen e nderit dhe dinjitetit të popullit shqiptar, për të mbrojtur motrat, nënat dhe fëmijët, duke sakrifikuar jetën e tyre vetëm për një kauzë: lirinë.

Ata luftuan për çlirimin e Kosovës dhe mundësinë që brezat e ardhshëm të jetojnë në një shtet të pavarur dhe demokratik.

Çdoherë, ata e dinin se çmimi i lirisë mund të ishte jeta e tyre, por ata e përballuan këtë mundësi me krenari dhe guxim.

Për fat të keq, sot ka individë që shesin nderin dhe dinjitetin e tyre për disa copa para, duke u bërë dëshmitarë të rremë dhe duke shpifur për ata që janë sakrifikuar për lirinë.

Ata janë bastardë të kujtesës historike, që në emër të interesave të ngushta financiare janë gatshëm të shesin edhe familjet e tyre, pa pasur asnjë ndjeshmëri për atë që përfaqësojnë ata që luftuan.

Këta individë janë një turp i vërtetë për shoqërinë dhe për çdo qytetar që e nderon dhe respekton sakrificën e luftëtarëve të UÇK-së.

Për ne, ata që kanë luftuar për lirinë e Kosovës do të mbeten gjithmonë heronj, dhe ne kemi detyrën për t’i mbrojtur dhe nderuar ata.

Çdo tentativë për të poshtëruar dhe për të manipuluar me këtë histori është një sulm ndaj vlerave tona, ndaj sakrificave të atyre që dhanë gjithçka, për të na siguruar lirinë që gëzojmë sot.

19/10/2025

Emisari Special i Presidentit të SHBA Donald Trump për Misionet e Posaçme, Richard Grenell ka kërkuar që të ndërpritet financimi për Gjykatën Speciale të Hagës.

Lajmin e kka bërë të ditur vetë ai me anë të një postimi në X, ku vjen një tjetër reagim ndaj kësaj gjykate e cila po gjykon padrejtësisht ish-krerët e UÇK-së.

Ai është shprehur se është totalisht e korruptuar.

Po ashtu Grenell ka sulmuar edhe Prokurorin Special Jack Smith, i cili urdhëroi arrestimin e Hashim Thaçit.

“Haga është totalisht e korruptuar dhe duhet t’i ndërpritet financimi. Jack Smith ishte një nga prokurorët e tyre që arrestoi presidentin në detyrë të Kosovës më shumë se pesë vjet më parë.

Ai ende ndodhet në burg. Gjykimi ka filluar vetëm së fundmi,” shkruan ai.

Kujtojmë se dy ditë më parë pas protestës së madhe në sheshin “Skënderbej” në Tiranë e cila mblodhi mijëra shqiptarë, Grenell bëri një reagim përmes së cilit theksoi se Haga ka dalë jashtë kontrollit dhe se Smith e kishte shkaktuar këtë reagim qytetar.

Ai ka qenë një ndër kritikët më të zëshëm ndaj kësaj gjykate

19/10/2025

https://www.facebook.com/share/v/1BGwYkvn3G/?mibextid=wwXIfr

19/10/2025

Presidenti amerikan Donald Trump ka njoftuar se një “nëndetëse e madhe e trafikut të drogës” është shkatërruar nga forcat amerikane, ndërsa dy prej personave që ndodheshin në bord, të cilët i quajti “narko-terroristë”, janë dërguar në vendet e tyre të origjinës, Ekuador dhe Kolumbi.

“Pata nderin të shkatërroja një nëndetëse të madhe që transportonte drogë drejt Shteteve të Bashkuara, në një rrugë të njohur trafiku. Sipas shërbimeve tona të inteligjencës, ajo ishte e mbushur kryesisht me Fentanil dhe lëndë të tjera të paligjshme”, shkroi Trump në rrjetin e tij Truth Social.

Sipas tij, në bord ndodheshin katër persona. Dy prej tyre u vranë gjatë operacionit, ndërsa dy të tjerët u kapën të gjallë dhe janë dorëzuar autoriteteve në vendet e tyre përkatëse për t’u ndjekur penalisht.

19/10/2025

Mersini takim me të rinj, gra, qytetarë dhe aktivistë të PS

Çuçi: Mersini, zgjedhja e duhur, në kohën e duhur për Vlorën

Kandidatja për kryetare të Bashkisë Vlorë, Brunilda Mersini, zhvilloi një takim të gjerë me të rinj, gra, aktivistë, qytetarë, politikanë të rinj dhe koontributorë të Partisë Socialiste, në prani të Drejtuesit Politik të PS për qarkun e Vlorës, Bledi Çuçi.

Në takim, u ndanë ide, mendime dhe vizione mbi të ardhmen e qytetit bregdetar, duke u ndalur te pritshmëritë dhe mundësitë që hap kandidimi për herë të parë i një gruaje në krye të Bashkisë së Vlorës.

Drejtuesi politik i Partisë Socialiste, Bledi Çuçi, e cilësoi kandidaturën e Brunilda Mersinit si zgjedhjen e duhur në kohën e duhur për Vlorën, duke theksuar se me Mersinin në drejtim, qyteti do të njohë një rrugëtim të suksesshëm zhvillimi, bashkëkohor dhe gjithëpërfshirës.

Bledi Çuçi

Mbështetje për kandidaturën e saj dhanë edhe figura të njohura të politikës shqiptare si Valentina Leskaj dhe deputeti Ardit Bido, të cilët nënvizuan se Brunilda Mersini përfaqëson vizionin, profesionalizmin dhe energjinë që i duhen sot Vlorës për t’u ringritur dhe për të ecur përpara me ritme të reja.

Valentina Leskaj, Ardit Bido

Vetë kandidatja për kryetare bashkie, Brunilda Mersini, u shpreh se besimi që i është dhënë është një përgjegjësi e madhe dhe një vlerësim i çmuar, duke shtuar se dialogu, bashkëpunimi dhe partneriteti me qytetarët, bizneset, të rinjtë dhe çdo aktor lokal do të jenë në themel të mënyrës së saj të qeverisjes lokale.

Brunilda Mersini

Takimi u shoqërua me diskutime të hapura dhe ide konkrete se si Vlora mund të zhvillohet në mënyrë të qëndrueshme, të përmirësojë shërbimet ndaj qytetarëve dhe të rrisë rolin e qytetarëve në vendimmarrje.

Ky bashkëbisedim ishte në vijim të turit të takimeve që kandidatja Mersini po zhvillon në të gjitha rajonet e Vlorës, me qëllim njohjen e drejtpërdrejtë me nevojat, problematikat dhe kërkesat e qytetarëve të Vlorës.