10/06/2026
Ergys Alushi
Pak veta e dinë se Lidhja Shqiptare e Prizrenit kishte degën e saj edhe në Vlorë.
Abdyl Frashëri erdhi vetë në Vlorë për të organizuar dhe themeluar këtë degë, në krye të së cilës u zgjodh Mustafa Nuri Vlora, përfaqësues i një prej familjeve më të njohura të qytetit.
Në disa burime dhe dëshmi të kohës përmendet edhe mundësia që, gjatë qëndrimit të tij në Vlorë dhe Kaninë, ai të ketë kryer veprime të lidhura me pasurinë e tij, duke vendosur një pjesë të të ardhurave në shërbim të çështjes kombëtare, një tregues i sakrificës personale që shoqëroi idealin e madh të kohës.
Në ato vite të vështira, kur trojet shqiptare kërcënoheshin nga copëtimi, Dega e Vlorës arriti të mobilizonte rreth 10 mijë burra të armatosur për mbrojtjen e kufijve jugorë.
Gjiri i Vlorës, ndërkohë, shihte shpesh siluetat e anijeve luftarake osmane dhe britanike, si një presion i vazhdueshëm mbi fatin e vendimeve të Kongresi i Berlinit.
Por kjo nuk ishte një histori e lehtë. Ishte një kohë e mbushur me rrezik, pasiguri dhe vendime të mëdha.
Pas shtypjes së Lidhjes, Abdyl Frashëri u arrestua dhe u internua në Çanakkale, larg tokës për të cilën kishte luftuar.
Për tre vjet ai u mbajt i izoluar brenda mureve të një kështjelle, por as burgimi dhe as internimi nuk mundën të shuajnë idealin që kishte ndezur në zemrat e shqiptarëve.
Sot, kur i kthehemi këtyre ngjarjeve, kuptojmë se liria dhe identiteti kombëtar nuk u dhuruan. Ato u ndërtuan mbi sakrifica, mbi njerëz që vendosën atdheun përpara vetes.
Historia vazhdon…
