04/05/2025
🎥 Ցանկանու՞մ ես ուսումնասիրել և սկսել քո ստեղծագործական ուղին վավերագրական կինոյի աշխարհում։ Ժամանակն է դիմել #ԵԹԿՊԻ։
🎞️ Այս տարի վավերագրական կինոռեժիսուրայի կուրսը ղեկավարելու է Հայաստանում, Լատինական Ամերիկայում, Ռուսաստանում, Չինաստանում, Եվրոպայի և Կենտրոնական Ասիայի մի շարք երկրներում ավելի քան 40 վավերագրական, հեռուստավավերագրական ֆիլմեր և սերիալներ նկարահանած ռեժիսոր, պրոդյուսեր, «ՕՐԴԵՐ ՖԻԼՄ ՓՐՈԴԱՔՇՆ» ընկերության հիմնադիր, ԵԹԿՊԻ-ի Կինոյի և հեռուստատեսության ամբիոնի դոցենտ Հայկ Օրդյանը։
🎥 Նրա ֆիլմերը ցուցադրվել են «Դիսքավըրի», «Սի Ջի Թի Էն», «Էն Տէ Վէ» և մի շարք այլ միջազգային հեռուստաալիքներով։ «ՏԷՖԻ» հեղինակավոր մրցանակի դափնեկիր է։ Մասնակցել է տարբեր միջազգային կինոփառատոների՝ արժանանալով մի շարք մրցանակների։
📌 Կուրսը նախատեսում է խորքային ուսուցում վավերագրական կինոյի տարբեր ճյուղերի ուղղությամբ՝ սկսած հեղինակային վավերագրությունից մինչև դոկուդրամա, ինչպես նաև հեռուստատեսային վավերագրական ձևաչափեր։
🤗 Ուսանողները կաշխատեն իրական նախագծերի վրա, կանցնեն գործնական դասընթացներ, կստանան մասնագիտական զարգացման եզակի հնարավորություն՝ ներգրավվելով արտադրական գործընթացների մեջ։
🎥 Եթե հետաքրքրված ես կինոյի լեզվով պատմություններ պատմելու արվեստով, ապա սա քո հնարավորությունն է։ Շտապի՜ր։
❗️Հայտագրման վերջնաժամկետը մայիսի 10-ն է։
🖇️ 2025 թ. ընդունելության քննական առաջադրանքները, գիտելիքների գնահատման չափանիշները, մասնագիտական ծրագրերը հասանելի են մեր կայքում՝
https://www.ystfi.am/admissions/baccalaureate
