Շառավիղ Մեդիա Գրուպ / Sharavigh Media Group

  • Home
  • Armenia
  • Goris
  • Շառավիղ Մեդիա Գրուպ / Sharavigh Media Group

Շառավիղ Մեդիա Գրուպ / Sharavigh Media Group Մեր նպատակն է՝ նպաստել մարդու իրավունքների ու հիմնարա?

12/02/2024

Կանանց տոների առթիվ ձեր սիրելիներին մատուցեք յուրահատուկ անակնկալ։Նվիրեք վարդեր դրոնի միջոցով💐✈️
Պատվերների համար գրել -ին անձնական նամակով։ Հեռ.` 077854999

Հայաստանի ագրարային համալսարանը ՀՀ մարզաբնակ և Լեռնային Ղարաբաղից բռնի տեղահանված ու մարզում բնակություն հաստատած, մինչև...
12/12/2023

Հայաստանի ագրարային համալսարանը ՀՀ մարզաբնակ և Լեռնային Ղարաբաղից բռնի տեղահանված ու մարզում բնակություն հաստատած, մինչև 29 տարեկան երիտասարդների համար հայտարարում է անվճար կարճաժամկետ դասընթացներ: Մանրամասների համար կարող եք զանգահարել համալսարանի աշխատակից Մանյա Կարապետյանին՝ 099 21 73 53 հեռախոսահամարով կամ դիմել Գորիսի համայնքապետարան (077 07 45 15)։ Կից ներկայացնում ենք դասընթացների ցանկը՝

1. Մեղվաբուծության հիմունքներ
2. Ձկնաբուծություն
3. Ինտենսիվ այգեգործությւան հիմունքներ
4. Ջերմատնային տնտեսության կառավարման հիմունքներ
5. Շոկոլադագործություն
6. Հացատեսակների եւ հրուշակեղենի արտադրություն
7. Ավանդական պանիրների պատրաստման գաղտնիքները
8. Դասական կաթնամթերք՝ հումքից մինչև պատրաստի արտադրանք
9. Եվրոպական քաղցրավենիքի գաղտնիքները
10. Եվրոպական հրուշակեղեն
11. Հավելումներով հացատեսակներ
12. Քրաֆտ գարեջրագործություն
13. Բուսաբուծական ծագման մթերքների վերամշակում – պահածոյացման տեխնոլոգիաներ
14. Քիմիկ լաբորանտ
15. ԱԹՍ-ների (դրոնների) կիրառմամբ գյուղատնտեսական սրսկումների իրականացում
16. Տրակտորիստ - մեքենավար
17. Փափուկ հմտություններ

«Եղիր հրեշտակը» ֆրանս-հայկական ներկայացումը--------------------------------------------------------------Գորիս-Վիեն քույ...
24/11/2023

«Եղիր հրեշտակը» ֆրանս-հայկական ներկայացումը
--------------------------------------------------------------
Գորիս-Վիեն քույր քաղաքների համագործակցության շրջանակներում Ֆրանսիայից ժամանած պատվիրակության անդամների կողմից Գորիս համայնքի երիտասարդների համար կազմակերպվել էին եռօրյա պարային սեմինարներ` «Ալե Էգայան» պարային համույթի և ֆրանսահայ կոմպոզիտոր Միշել Պետրոսյանի «Ասոնանս» անսամբլի գլխավորությամբ։ Սեմինարներն անց են կացրել Ֆրանսիայից ժամանած պարային խմբերը` «Վահե Մելքումյան» պարային ստուդիայի սաների հետ։
Սեմինարներից հետո Գորիսի Վաղարշ Վաղարշյանի անվան դրամատիկական թատրոնի դահլիճում տեղի է ունեցել «Եղիր հրեշտակը» ֆրանս-հայկական ներկայացումը, որը երգի, պարի և պոեզիայի մի յուրահատուկ համարդրություն էր։ Բեմում «Ալե Էգայան» պարային համույթի և «Ասոնանս» անսամբլի հետ միասին ելույթ ունեցան նաև «Վահե Մելքումյան» պարային ստուդիայի սաները։ Միջոցառման նպատակն էր երիտասարդներին հայ մշակույթին և արվեստին մոտեցնելը։

Աղբյուրը՝ Գորիսի համայնքապետարան

Վերիշեն բնակավայրում կրթական և ժամանցային կենտրոն է ստեղծվում-----------------------------------------------------------...
24/11/2023

Վերիշեն բնակավայրում կրթական և ժամանցային կենտրոն է ստեղծվում
--------------------------------------------------------------
Վերիշեն բնակավայրում կրթական և ժամանցային կենտրոն է ստեղծվում։ Բնակավայրի վարչական ղեկավարի նստավայրի առաջին հարկում կապիտալ վերանորոգվում է մեկ սենյակ, որտեղ երիտասարդները կկարողանան աշխատել համակարգիչներով, ստանալ համակարգչային կրթություն։ Ժամանցի կազմակերպման պայմաններ են ստեղծվում նաև ավագ սերնդի ներկայացուցիչների համար` նրանք կկարողանան կենտրոնում խաղալ նարդի, շաշկի, կազմակերպել իրենց առօրյան։ Կարևոր է բնակավայրերում նման կենտրոնների հիմնումը, որը հնարավորություն է տալիս և' մեծահասակներին, և' երիտասարդներին ստանալ կրթություն, ունենալ զբաղվածություն, վերականգնել և պահպանել հին ու բարի ավանդույթները։ Ծրագիրն իրականացվում է Գորիսի համայնքապետարանի, UNHSR-ի և ՄԱԶԾ «Կայուն համայնքներ» ծրագրի համագործակցության շրջանակներում։

Աղբյուրը՝ Գորիսի համայնքապետարան

Գորիսը շուտով երեկոյան ժամերին հեքիաթային տեսք կստանա----------------------------------------------------------Գորիսը շո...
24/11/2023

Գորիսը շուտով երեկոյան ժամերին հեքիաթային տեսք կստանա
----------------------------------------------------------
Գորիսը շուտով երեկոյան ժամերին հեքիաթային տեսք կստանա, կլուսավորվեն Գորիսի ժայռերը: Ժայռերի լուսավության ծրագրի նախագծային աշխատանքները ավարտական փուլում են, ավարտից հետո կմեկնարկեն լուսավորության անցկացման աշխատանքները: Լուսանկարներում լուսավորվող ժայռերի նախնական տեսքն է: Լույսերը լինելու են միագույն, սակայն հնարավոր է լինելու երանգները փոխել տարվա տարբեր եղանակներին համահունչ:
Ծրագիրը Գորիսի գրավչությունը էլ ավելի բարձրացնելու նոր հնարավորություն է, որն իրականացվելու է Գորիսի համայնքապետարանի կողմից՝ Գերմանական միջազգային համագործակցության ընկերության (GIZ) կողմից իրականացվող «Լավ կառավարում հանուն տեղական զարգացման Հարա­­վա­յին Կովկասում» ծրագրի շրջանակներում, Գերմանիայի տնտեսական համագոր­ծակ­ցության և զար­գացման դաշնային նախարարության աջակցությամբ և Հայաստա­նում՝ Շվեյցարիայի զար­­գաց­ման և համագործակցության գործակալության (ՇԶՀԳ) համաֆի­նան­սավորմամբ: Ծրա­գիրն իրականացվում է ՀՀ տարածքային կառավարման և ենթակառուցվածքների նախա­րա­րության (ՏԿԵՆ) հետ համատեղ։

Աղբյուրը՝ Գորիսի համայնքապետարան

ԱՄՆ Կալիֆորնիա նահանգում Կապան համայնքի ղեկավար Գևորգ Փարսյանի առաջին հանդիպումը կապանցիների հետ -----------------------...
20/11/2023

ԱՄՆ Կալիֆորնիա նահանգում Կապան համայնքի ղեկավար Գևորգ Փարսյանի առաջին հանդիպումը կապանցիների հետ
-----------------------------------------------------------
Ամերիկայի Հայ դատի հանձնախմբի արևմտյան տարածաշրջանի (ANCA Western Region) հրավերով նոյեմբերի 10-ից 16-ը «Թաթոյան» հիմնադրամի տնօրեն Արման Թաթոյանի ուղեկցությամբ՝ Կապան և Գորիս համայնքների ղեկավարները աշխատանքային այցով գտնվում էին ԱՄՆ Կալիֆորնիա նահանգում: ԱՄՆ-ում պատվիրակությունը ղեկավարում էր ամերիկահայ փաստաբան Կարօ Ղազարեանը (Garo Ghazarian):
Այցի ընթացքում տեղի են ունեցել մի շարք հանդիպումներ ԱՄՆ Կալիֆորնիա նահանգի, Լոս Անջելեսի և Գլենդելի քաղաքային խորհուրդների համապատասխան ներկայացուցիչների հետ:
Հնգօրյա այցի շրջանակում Կապան համայնքի ղեկավար Գևորգ Փարսյանի առաջին իսկ հանդիպումը կայացել է Գլենդելում բնակվող կապանցիների հետ: Համայնքի ղեկավարը ողջույնի խոսք է հղել հանդիպման մասնակիցներին, որում մանրամասն անդրադարձել է Կապանի՝ վերջին 5 տարվա ընթացքում իրականացված զարգացման ծրագրերին և բարեփոխումներին, տարբեր ոլորտներում ունեցած ձեռքբերումներին ու հաջողություններին, ինչպես նաև արցախահայության կյանքում վերջին շրջանում տեղի ունեցած իրադարձություններին:
Հանդիպմանը համայնքի ղեկավարն անմիջական մթնոլորտում զրուցել է ներկաների հետ, պատասխանել նրանց հետաքրքրող հարցերին և հորդորել հաճախակի այցելել Կապան՝ այդ կերպ չկորցնելով, նաև ամրապնդելով ծննդավայրի հետ կապը:

Աղբյուրը՝ Կապանի համայնքապետարան

Հանդիպում Գլենդելի քաղաքապետի և քաղաքային խորհրդի անդամների հետ --------------------------------------------------------...
20/11/2023

Հանդիպում Գլենդելի քաղաքապետի և քաղաքային խորհրդի անդամների հետ
-------------------------------------------------------------
ԱՄՆ Կալիֆորնիա նահանգ կատարած աշխատանքային այցի շրջանակում Կապան համայնքի ղեկավար Գևորգ Փարսյանը պատվիրակության անդամների հետ համատեղ հանդիպել է Գլենդելի քաղաքապետ Դանիել Բրոտմանին և քաղաքային խորհրդի անդամներ Էլեն Ասատրյանին, Արա Նաջարյանին, Փաուլա Դիվայնին և Արդի Քասախյանին:
Հանդիպման գլխավոր նպատակը քույր քաղաքներ՝ Կապանի և Գլենդելի միջև համագործակցության վերականգնումն ու խորացնումն էր:
Համայնքի ղեկավարը ներկաներին շնորհակալություն է հայտնել ջերմ հյուրընկալության համար և հայ ամերիկյան հարաբերությունների զարգացման համատեքստում կարևորել մասնավորապես միջհամայնքային համագործակցության վերակազմակերպման անհրաժեշտությունը և տարբեր ոլորտներում համատեղ ծրագրերի իրականացումը:
Կողմերը քննարկել են նաև Արցախի շուրջ ստեղծված իրավիճակի հաղթահարման հնարավորությունները, կարիքները և հումանիտար բնույթի մի շարք հարցեր։
Գևորգ Փարսյանը առանձին հանդիպում է ունեցել նաև Գլենդելի աշխատակազմի քարտուղար Ռուբիկ Գոլանյանի և քաղաքային խորհրդի անդամ Էլեն Ասատրյանի հետ, որի ընթացքում առարկայական քննարկում է տեղի ունեցել կոնկրետ գործընթացների շուրջ, որոնց իրականացման ուղղությամբ կիրականացվեն համապատասխան քայլեր:
Կողմերը պայմանավորվածություն են ձեռք բերել պահպանել կապը, ստեղծել աշխատանքային խումբ և մշակել հստակ ծրագրերի օրակարգ՝ առաջիկայում իրագործելու նպատակով:

Աղբյուրը՝ Կապանի համայնքապետարան

Աշխատանքային մի շարք հանդիպումներ Ամերիկայի Միացյալ Նահանգներում--------------------------------------------------------...
20/11/2023

Աշխատանքային մի շարք հանդիպումներ Ամերիկայի Միացյալ Նահանգներում
---------------------------------------------------------------------
Հնգօրյա աշխատանքային այցի շրջանակում Կապան համայնքի ղեկավար Գևորգ Փարսյանը պատվիրակության անդամների հետ համատեղ մասնակցել է նաև Ամերիկայի Հայ դատի հանձնախմբի 2023 Գալա միջոցառմանը, որին ներկա են եղել ԱՄՆ հայտնի քաղաքական, հասարակական ու մշակութային գործիչներ։
Պատվիրակությունը հանդիպումներ է ունեցել նաև Հայաստանյայց Առաքելական Սուրբ Եկեղեցու Արևմտյան Ամերիկայի թեմի առաջնորդ Տեր Հովնան Արքեպիսկոպոս Տերտերյանի, Ռոզ և Ալեք Փիլիպոս վարժարանի մանկավարժական և աշակերտական կազմի, ինչպես նաև Ամերիկայի Հայ դատի հանձնախմբի արևմտյան տարածաշրան (ANCA Western Region) ուղեկցությամբ և ամերիկահայ փաստաբան Կարօ Ղազարեանի (Garo Ghazarian) ղեկավարությամբ՝ Լոս Անջելեսի քաղաքային խորհրդի նախագահ Փոլ Քրեքորյանի, Կալիֆորնիա նահանգի սենատոր Էնթոնի Պորտանտինոյի և Լոս Անջելեսի հայ համայնքի հետ:
Վերոնշյալ հանդիպումների առանցքային թեման եղել է Սյունիքի մարզի Կապան և Գորիս համայնքների շուրջ ստեղծված հետպատերազմական շրջանի սպառնալիքները և տարածաշրջանում առկա մարտահրավերները:
Աշխատանքային հանդիպումներն ընթացել են բովանդակային քննարկումների ձևաչափով, ձեռք են բերվել մի շարք պայմանավորվածություններ հետագա համագործակցությունը գործնական հիմքերի վրա դնելու վերաբերյալ:

Աղբյուրը՝ Կապանի համայնքապետարան

‼️ՀԱՅՏԱՐԱՐՈՒԹՅՈՒՆ✅Նոյեմբերի 18-ին Ինֆորմացիայի ազատության կենտրոնը կազմակերպում է «Մեդիագրագիտություն եվ փաստերի ստուգու...
17/11/2023

‼️ՀԱՅՏԱՐԱՐՈՒԹՅՈՒՆ

✅Նոյեմբերի 18-ին Ինֆորմացիայի ազատության կենտրոնը կազմակերպում է «Մեդիագրագիտություն եվ փաստերի ստուգում բիզնեսի համար» անվճար պրակտիկ դասընթաց փոքր և միջին բիզնեսի ներկայացուցիչների և բիզնեսի հետ աշխատող հաղորդակցման մասնագետնրի համար։

📣Դասընթացին կարող են դիմել նաև Արցախից բռնի տեղահանցած անձինք, ովքեր ունեցել են բիզնես և ցանկանում կամ արդեն իսկ շարունակում են իրենց բիզնես գործունեությունը ՀՀ տարածքում։

🏬Դասընթացը տեղի կունենա Իմփաքթ Հաբ Սյունիքում (հասցե՝ Գորիս, Մաշտոցի 100) ժամը ⏳10:30-16:00-ն։

✒Մասնակցության համար անհրաժեշտ է մինչև նոյեմբերի 17-ի ժամը 13։00-ն լրացնել առցանց հայտադիմումը։
👩💻Հղումը՝ https://forms.gle/AZjRQjiupW9UBvs68
Դասընթացավարներ՝
💁♀️ ԱՆԻ ԳՐԻԳՈՐՅԱՆ - փաստերի ստուգման փորձագետ, CivilNetCheck թիմի ղեկավար
💁 ՀԱՐՈՒԹՅՈՒՆ ԾԱՏՐՅԱՆ - մեդիա հետազոտող, փաստերի ստուգման փորձագետ

✅Դասընթացը կազմակերպում է ԻՆֆորմացիայի ազատության կենտոնը Միջազգային մասնավոր ձեռնարկատիրության կենտրոնի (CIPE) կողմից ֆինանսավորվող «Ապատեղեկատվության դեմ պայքարի ազգային ռազմավարությունը Հայաստանում» ծրագրի շրջանակում։

📒✒Դասընթացի թեմատիկ շրջանակը
📌 Ի՞նչ է ապատեղեկատվությունը, ինչպես է այն ազդում բիզնեսի վրա։ Մեդիագրագիտության և փաստերի ստուգման հմտությունների դերը բիզնես համար։
📌 Մեդիագրագիտություն․ հայաստանյան համատեքստ: Մեդիայի տեքստ, համատեքստ, մանիպուլյացիա, փաթեթավորում։
📌 Տեղեկությունների ճշգրտումը և փաստերի ստուգում․ ինչպե՞ս օգտվել փաստերի ստուգման գործիքներից մասնավոր սեկտորում ապատեղեկության կանխարգելման և դրա դեմ պայքարի համատեքստում։
📌 Փաստերի ստուգման գործիքների կիրառման հմտությունների զարգացում․ աղբյուրների ուսումնասիրություն, կայքերի խորացված զննում, լուսանկարների և տեսանյութերի ստուգում, հաշիվների ստուգումը սոցցանցերում, խորացված որոնում։
📌 Ապատեղեկատվության դեմ պայքար․ ինչպես պետք է բիզնեսն արձագանքի արձագանքի։ Ապատեղեկատվության միտումներն ու մեդիագրագիտության կարիքները բիզնես համայնքում․ հետազոտության արդյունքների ներկայացում, անհատական կարիքների քարտեզագրում և գնահատում։
📌 Ապատեղեկատվության արդյունքում առաջացած բիզնես-խոչընդոտների հաղթահարում. անհատական և համագործակցային ծրագրի կազմում։

Կապան համայքի ղեկավար Գևորգ Փարսյանի և Գորիսի համայանքի ղեկավար Առուշ Առուշանյանի հետ միասին աշխատանքային այցով գտնվում ...
14/11/2023

Կապան համայքի ղեկավար Գևորգ Փարսյանի և Գորիսի համայանքի ղեկավար Առուշ Առուշանյանի հետ միասին աշխատանքային այցով գտնվում ենք ԱՄՆ Կալիֆորնիա նահանգում: Այցին մասնակցում է ամերիկահայ միջազգային փաստաբան Գառնիկ Քերքոնեանը: Այցը կազմակերպված է Ամերիկայի Հայ դատի հանձնախմբի արևմտյան տարածաշրանի աջակցությամբ` ամերիկահայ փաստաբան Կարօ Ղազարեանի ընդհանուր ղեկավարությամբ:

Այցի ընթացքում տեղի կունենան հանդիպումներ Լոս Անջելոսի և Գլենդելի քաղաքային խորհուրդների, Հայաստանյայց Առաքելական Սուրբ Եկեղեցու Արևմտյան Ամերիկայի թեմի առաջնորդ Տեր Հովնան Արք. Տերտերյանի, Հայ դատի հանձնախմբի, Լոս Անջելոսի հայ համայնքի հետ և այլն:

Այցի նպատակն է ԱՄՆ հասարակական-քաղաքական շրջանակներին ադրբեջանական հանցանքների, այդ թվում` Հայաստան ներխուժումները, դրանց հետևանքով ՀՀ Սյունիքի մարզի Կապան և Գորիս համայնքներում ստեղծված իրավիճակը, մարդու իրավունքների խախտումները ներկայացնելը, ինչպես նաև Կապանի ու Գորիսի կապերի ամրապնդումը ԱՄՆ Կալիֆորնիա նահանգի, Լոս Անջելոսի համապատասխան մարմինների հետ: Այցը հատկապես կարևոր է` հաշվի առնելով, որ Գլենդելը և Կապանը քույր քաղաքներ են:

Աղբյուրը` Իրավունքի և արդարության կենտրոն «Թաթոյան» հիմնադրամ/ “Tatoyan” foundation

Հարգելի' գորիսեցիներՆոյեմբերի 11-ին, ժամը` 18։00-ին սիրով հրավիրում ենք բոլորին Վ. Վաղարշյանի անվան դրամատիկական թատրոնի...
09/11/2023

Հարգելի' գորիսեցիներ

Նոյեմբերի 11-ին, ժամը` 18։00-ին սիրով հրավիրում ենք բոլորին Վ. Վաղարշյանի անվան դրամատիկական թատրոնի դահլիճ` մասնակցելու «Հրեշտակը եղի'ր» ֆրանս-հայկական ստեղծագործության բեմադրությանը` «Ալլե Էգայան» պարային համույթի, «Ասոնանս» անսամբլի և «Վահե Մելքումյան» պարային դպրոցի սաների մասնակցությամբ։

Հանրապետության նախագահ Վահագն Խաչատուրյանը Սյունիքի մարզ կատարած աշխատանքային այցի շրջանակում խորհրդակցություն է անցկացր...
02/11/2023

Հանրապետության նախագահ Վահագն Խաչատուրյանը Սյունիքի մարզ կատարած աշխատանքային այցի շրջանակում խորհրդակցություն է անցկացրել Սյունիքի մարզպետ Ռոբերտ Ղուկասյանի, մարզային իշխանության ներկայացուցիչների և մարզի ուժային կառույցների ղեկավարների մասնակցությամբ:

Խորհրդակցության ընթացքում մարզպետ Ռոբերտ Ղուկասյանը նախագահին է ներկայացրել մարզում իրականացվող տարբեր ծրագրերը, դրանց իրականացման ընթացքը, առաջացած խնդիրները, ընդհանուր իրավիճակը։ Ուժային կառույցների ներկայացուցիչները Հանրապետության նախագահին են զեկուցել օպերատիվ իրավիճակը Սյունիքի մարզում։

Նախագահ Վահագն Խաչատուրյանը կարևորել է նման հանդիպումներն ու քննարկումները: «Ցանկանում եմ նաև շնորհակալություն հայտնել բոլորիդ ձեր կատարած աշխատանքի համար, մասնավորապես՝ սեպտեմբերյան իրադարձությունների ժամանակ Լեռնային Ղարաբաղից բռնի տեղահանված մեր հայրենակիցներին դիմավորելու և նրանց առաջնային խնդիրները համակարգված կերպով լուծելու համար», - նշել է նախագահը:

Խորհրդակցության ընթացքում նախագահ Խաչատուրյանն անմիջական մթնոլորտում զրուցել է ներկաների հետ, անդրադարձել երկրի արտաքին քաղաքական և ներքաղաքական ընդհանուր իրավիճակին վերաբերող թեմաների:

Աղբյուրը՝ ՀՀ Սյունիքի մարզպետի աշխատակազմ

Գևորգ Փարսյանը հանդիպել է Հայաստանում Եվրոպական միության դեսպան Վասիլիս Մարագոսի հետ -----------------------------------...
02/11/2023

Գևորգ Փարսյանը հանդիպել է Հայաստանում Եվրոպական միության դեսպան Վասիլիս Մարագոսի հետ
-------------------------------------------------------
Հոկտեմբերի 27-ին Կապան համայնքի ղեկավար Գևորգ Փարսյանը հանդիպել է Հայաստանում Եվրոպական Միության պատվիրակության ղեկավար, արտակարգ և լիազոր դեսպան Վասիլիս Մարագոսի հետ:
Ողջունելով դեսպանի այցը Կապան՝ համայնքի ղեկավարը կարևորել է ԵՄ ջանքերը Հայաստանի և Ադրբեջանի միջև խաղաղության հաստատման գործընթացներում, նշելով, որ ներկա դրությամբ թե՛ Սյունիքի մարզի, և թե՛ Կապան համայնքի համար առաջնային խնդիր է շարունակում մնալ անվտանգությունը, և այդ համատեքստում կարևորել նաև ԵՄ դիտորդական առաքելության դերը Կապան համայնքում։
Հանդիպմանը կարևորվել է նաև ԵՄ ֆինանսավորմամբ Կապանում իրականացվող, մասնավորապես Թումո ստեղծարար տեխնոլոգիաների կենտրոնի հիմնման և «Համայնքի ղեկավարներ հանուն տնտեսական զարգացման» ծրագրերը, ինչպես նաև նոր գործարկված՝ Ոստիկանության Պարեկային ծառայության Սյունիքի մարզի ստորաբաժանման աշխատանքների մեկնարկը, որտեղ ԵՄ–ն հանդես է եկել տեխնիկական և փորձագիտական աջակցության տրամադրմամբ։
Դեսպանն իր պատրաստակամությունն է հայտնել խթանելու առկա համագործակցությունը, ինչպես գործող ծրագրերի զարգացման, այնպես էլ նոր ծրագրերի ու գաղափարների իրագործման հարցում։
Կողմերը քննարկել են նաև Արցախից բռնի տեղահանված անձանց հետ կապված մի շարք հարցեր։ Համայնքի ղեկավարը դեսպանին է ներկայացրել Կապանում բնակություն հաստատած ընտանիքների՝ կարճաժամկետ, միջնաժամկետ ու երկարաժամկետ լուծում պահանջող առաջնային կարիքները:

Աղբյուրը՝ Կապանի համայնքապետարան

Փոխվել են Գրիգոր Տաթևացու անվան հրապարակի և հարակից տարածքների լուսատուները։ Մեր համաքաղաքացներին հորդորում ենք, հոգատ...
02/11/2023

Փոխվել են Գրիգոր Տաթևացու անվան հրապարակի և հարակից տարածքների լուսատուները։ Մեր համաքաղաքացներին հորդորում ենք, հոգատար վերաբերմունք ցուցաբերել համայնքում կատարվող աշխատանքների, միջավայրի նկատմամբ, սակայն, ցավոք, հաճախ անբարեխիղճ վերաբերմունքով փչացնում, ջարդում են։ Հերթական անգամ ջարդված լուսատուները փոխարինվել են նորերով, որոնք առավել դիմացկուն են: 40 հատ նոր լուսատուներ են տեղադրվել՝ ավելի ամուր, երկաթե տարբերակներ։ Համայնքի բնակիչներին խնդրում ենք հետևողական լինել համայնքային գույքի նկատմամբ, դրսևորել սրտացավ վերաբերմունք, քանի որ համայնքում արվում է ամեն ինչ բնակիչների հարմարավետության համար։

Աղբյուրը՝ Գորիսի համայնքապետարան

Address

Goris

Website

Alerts

Be the first to know and let us send you an email when Շառավիղ Մեդիա Գրուպ / Sharavigh Media Group posts news and promotions. Your email address will not be used for any other purpose, and you can unsubscribe at any time.

Shortcuts

Share

Category