Ստեփանավանի համայնքապետարան/Stepanavan municipality

Ստեփանավանի համայնքապետարան/Stepanavan municipality Բարի գալուստ Ստեփանավանի համայնքապետարանի պաշտոնական էջ

Ստեփանավան համայնքի ղեկավար Արմեն Գրիգորյանի նախաձեռնությամբ համայնքապետարանում ոլորտային պատասխանատուների մասնակցությամ...
07/11/2025

Ստեփանավան համայնքի ղեկավար Արմեն Գրիգորյանի նախաձեռնությամբ համայնքապետարանում ոլորտային պատասխանատուների մասնակցությամբ տեղի ունեցավ աշխատանքային խորհրդակցություն:

Քննարկվեցին համայնքի սեփական եկամուտների հավաքագրմանը վերաբերող մի շարք հարցեր։ Համայնքի ղեկավարը կարևորեց գործընթացի արդյունավետ կազմակերպումը՝ ընդգծելով մշտադիտարկման և վերահսկողության անհրաժեշտությունը, ինչը կնպաստի առավել թափանցիկ և հետևողական համակարգի ձևավորմանը։

Նշվեց, որ ընդհանուր առմամբ եկամուտների հավաքագրման ընթացքը նորմալ է, սակայն տրվեց հանձնարարական առավել ակտիվ աշխատանք իրականացնել այս ուղղությամբ, քանի որ եկամուտների հավաքագրման ցուցանիշն ուղիղ համեմատական է համայնքում իրականացվող սուբվենցիոն ծրագրերի ծավալներին։

Համայնքի ղեկավարի կողմից տրվեցին ոլորտին առնչվող այլ հանձնարարականներ:

Հարգելի տնտեսվարողներ ՀՀ կառավարության 9 հոկտեմբերի 2025 թվականի N 1422-Լ որոշմամբ փոփոխություններ և լրացումներ են կատար...
07/11/2025

Հարգելի տնտեսվարողներ
ՀՀ կառավարության 9 հոկտեմբերի 2025 թվականի N 1422-Լ որոշմամբ փոփոխություններ և լրացումներ են կատարվել Հայաստանի Հանրապետության կառավարության 2019 թվականի փետրվարի 28-իN 201-Լ որոշմամբ հաստատված «Գյուղատնտեսական հումքի մթերումների նպատակով տրամադրվող վարկերի տոկոսադրույքների սուբսիդավորման ծրագրի մեջ։

ՀՀ կառավարության 9 հոկտեմբերի 2025 թվականի N 1426-Լ որոշմամբ հաստատվել է 2025 թվականին խաղողի մթերումներ իրականացնող տնտեսավարողներին գյուղատնտեսական հումքի մթերումների նպատակով տրամադրվող վարկերի շրջանակներում բյուջետային երաշխիքների տրամադրման կարգը :

Կարգին կարելի է ծանոթանալ հետևյալ հղումով https://www.e-gov.am/gov-decrees/item/45367/։

Ծրագրի և կարգի վերաբերյալ լրացուցիչ խորհրդատվություն կարելի է ստանալ՝ զանգահարելով էկոնոմիկայի նախարարության կարճ համարին՝ 81-40։

Ստեփանավան համայնքի ղեկավարի հանձնարարությամբ Ստեփանավանի «Կոմունալ սպասարկում և բարեկարգում» ՀՈԱԿ-ի աշխատակիցները սկսել...
06/11/2025

Ստեփանավան համայնքի ղեկավարի հանձնարարությամբ Ստեփանավանի «Կոմունալ սպասարկում և բարեկարգում» ՀՈԱԿ-ի աշխատակիցները սկսել են գերեզմանոցների տարածքների մաքրման աշխատանքները։ Տարիների ընթացքում կուտակված մացառներն ու խոտածածկը հեռացվում են՝ տարածքը բարեկարգ տեսքի բերելու նպատակով։

Արմեն Գրիգորյանը, կարևորելով համայնքի մաքուր և խնամված միջավայրի ապահովումը, այսօր տեղում հետևել է աշխատանքների ընթացքին, արել իր դիտարկումները։

Ստեփանավանի դպրոցականները բացահայտում են հայկական ձեռագրերի աշխարհը «Դպրոցական Մատենադարան» կրթամշակութային ծրագիրը Ստեփ...
06/11/2025

Ստեփանավանի դպրոցականները բացահայտում են հայկական ձեռագրերի աշխարհը
«Դպրոցական Մատենադարան» կրթամշակութային ծրագիրը Ստեփանավանում է

Ստեփանավանի քաղաքային գրադարանում մեկնարկել է «Դպրոցական Մատենադարան» կրթամշակութային ծրագիրը, որը Մատենադարանի նախաձեռնությամբ իրականացվող շրջիկ ցուցադրություն-վարպետաց դաս է՝ նախատեսված տարբեր տարիքային խմբերի՝ 4-6-րդ, 7-9-րդ և 10-12-րդ դասարանների աշակերտների համար։

Ծրագիրը նպատակ ունի ներկայացնել հայկական ձեռագրերի ընդօրինակման, նկարազարդման և վերականգնման արվեստը, ձևավորել հետաքրքրություն և սեր հայկական միջնադարյան մշակույթի նկատմամբ, նպաստել մշակութային ժառանգության արժևորմանն ու պահպանմանը։

Ստեփանավանում ծրագիրը մեկնարկել է մեծ հետաքրքրությամբ․ առաջին փուլում իրականացվել է չորս դասընթաց, որոնց մասնակցել են շուրջ 70 աշակերտ՝ ինչպես Ստեփանավան քաղաքի, այնպես էլ վարչական բնակավայրերի դպրոցներից։

Գործնական հատվածում աշակերտները հանդես եկան որպես գրիչներ՝ եղեգնյա գրչով ընդօրինակելով նախապես ընտրված տեքստեր իրենց համար պատրաստված ձեռագրի մանրակերտում: Նրանք ծանոթացան նաև ձեռագրերի վերականգնման գաղտնիքներին․ վերականգնման բաժնի մասնագետի աջակցությամբ սովորեցին վերականգնել վնասված թղթեր և պահպանել հնատիպ գրքերի էջերից հատվածներ։ Ստացած գիտելիքներն ու հմտությունները կարող են հետագայում կիրառել սեփական գրադարանների պահպանման և վերականգնման աշխատանքներում:

Ծրագրի հաջորդ փուլը Ստեփանավանում կանցկացվի նոյեմբերի 19-ից 21-ը, ինչը հնարավորություն կտա ավելի շատ աշակերտների միանալ կրթամշակութային այս արժեքավոր նախաձեռնությանը։

Ծրագիրն իրականացվում է ՀՀ ԿԳՄՍ նախարարության դրամաշնորհով և «Մատենադարան» Մեսրոպ Մաշտոցի անվան հին ձեռագրերի գիտահետազոտական ինստիտուտ հիմնադրամի համատեղ ֆինանսավորմամբ։

Սոցիալական ոլորտի հարգելի աշխատակիցներՍրտանց շնորհավորում եմ ձեզ մասնագիտական տոնի՝ Սոցիալական աշխատողի օրվա առթիվ։ Ձեր ...
04/11/2025

Սոցիալական ոլորտի հարգելի աշխատակիցներ

Սրտանց շնորհավորում եմ ձեզ մասնագիտական տոնի՝ Սոցիալական աշխատողի օրվա առթիվ։

Ձեր աշխատանքը հանդիսանում է մեր հասարակության մարդասիրական և պատասխանատու ոլորտներից մեկը։ Դուք մեծ նվիրումով և բարեսրտությամբ աջակցում եք սոցիալական խնդիրներ ունեցող քաղաքացիներին, նպաստում նրանց կյանքի որակի բարելավմանը։

Ձեր հետևողական ու նվիրական գործունեությունը կարևոր ներդրում է պետության սոցիալական քաղաքականության իրականացման գործում։

Իմ անկեղծ շնորհավորանքներն եմ հղում համայնքապետարանի, միասնական սոցիալական ծառայության Ստեփանավանի տարածքային կենտրոնի, ինչպես նաև համայնքում գործող աջակցության կենտրոնների բոլոր մասնագետներին՝ խոցելի խմբերի անձանց ու ընտանիքների սոցիալական խնդիրների լուծման, նրանց հասարակության լիարժեք ինտեգրման ուղղությամբ իրականացվող հետևողական աշխատանքի համար։

Թող ձեր բարի գործը միշտ գնահատվի, իսկ ձեր աշխատանքը շարունակի բարեբեր արդյունքներ տալ։
Մաղթում եմ ձեզ առողջություն, անսպառ եռանդ և նոր հաջողություններ ձեր պատասխանատու ու կարևոր գործի մեջ։

Ստեփանավան համայնքի ղեկավար` Արմեն Գրիգորյան

ՄԱԶԾ "Քաղաքների Էքսպերիմենտային ֆոնդ" ծրագրի շրջանակում, Ստեփանավանի համայնքապետարանի հետ սերտ համագործակցությամբ, օրերս...
03/11/2025

ՄԱԶԾ "Քաղաքների Էքսպերիմենտային ֆոնդ" ծրագրի շրջանակում, Ստեփանավանի համայնքապետարանի հետ սերտ համագործակցությամբ, օրերս, Ստեփանավանի «Լույս» երիտասարդական կենտրոնում տեղի ունեցավ «Հայաստանում Շրջանաձև տնտեսության կոալիցիայի» կողմից կազմակերպված դասընթաց՝ շրջանաձև տնտեսության վերաբերյալ։

Դասընթացին մասնակցեցին Ստեփանավան և Տաշիր համայնքների համայնքապետարանների, հասարակական կազմակերպությունների, մասնավոր սեկտորի, ինչպես նաև երիտասարդական կենտրոնների ներկայացուցիչներ։

Դասընթացի ընթացքում մասնակիցները ծանոթացան շրջանաձև տնտեսության գաղափարին, դրա հիմնական փուլերին, ինչպես նաև հանդիպեցին շրջանաձև բիզնեսների ներկայացուցիչներին, ովքեր մասնակիցների հետ կիսվեցին իրենց փորձով։

Դասընթացի արդյունքում մասնակիցները քարտեզագրեցին Ստեփանավան և Տաշիր համայնքների հիմնական ոլորտները, որոնք ամենից ավելի են թափոն առաջացնում և առաջարկեցին լուծումներ տվյալ ոլորտները դեպի շրջանաձևություն բերելու համար։




https://www.facebook.com/UNDPArmenia

Ուշադրություն«Վեոլիա Ջուր» ընկերությունից տեղեկացնում են, որ Ստեփանավան համայնքի 3-րդ և 4-րդ միկրոշրջանի ջրագծերը արդիակ...
03/11/2025

Ուշադրություն
«Վեոլիա Ջուր» ընկերությունից տեղեկացնում են, որ Ստեփանավան համայնքի 3-րդ և 4-րդ միկրոշրջանի ջրագծերը արդիականացվել են, որոնց փորձարկումը նախատեսվում է նոյեմբերի 6-ին և 7-ին՝ ժամը՝ 9:00-ից մինչև 19:00-ն։

Խնդրում ենք փորձարկման ընթացքում հնարավոր ջրատարումների կամ ջրի ճնշման տատանումների դեպքում պահպանել զգուշություն:

Հարգելի քաղաքացիներՆոյեմբերի 9-ին՝ ժամը 11:00-ից 16:00-ն, ՆԳՆ սպասարկման գրասենյակները շրջիկ սպասարկման ծառայություններ ...
03/11/2025

Հարգելի քաղաքացիներ

Նոյեմբերի 9-ին՝ ժամը 11:00-ից 16:00-ն, ՆԳՆ սպասարկման գրասենյակները շրջիկ սպասարկման ծառայություններ կմատուցեն Ստեփանավան համայնքում՝ քաղաքային հրապարակում (համայնքապետարանի դիմաց)։

Գրասենյակի միջոցով մատուցվում են ինչպես Միգրացիայի և քաղաքացիության ծառայության, այնպես էլ հաշվառման-քննական ծառայությունների մատուցման, թույլտվությունների և լիցենզավորման վարչության կողմից իրականացվող ծառայություններ, մասնավորապես.
ՀՀ ՆԳՆ ՄՔԾ կողմից՝
ա․ անձնագրի փոխանակում,
բ․ hանրային ծառայությունների համարանիշի տեղեկանքի տրամադրում,
գ․ հաշվառման տեղեկանքի տրամադրում,
դ․ ժամանակավոր պաշտպանության վկայականի տրամադրում և (կամ) փոխանակում,
ե․ հաշվառումից հանում,
զ․ Լեռնային Ղարաբաղից տեղահանված անձանց Հայաստանի Հանրապետության քաղաքացիություն ստանալու դիմումների ընդունում,
է․ անձնագրերի մասին տեղեկանքի դիմումի տրամադրում,
ը․ խորհրդատվության տրամադրում․
թ. Լեռնային Ղարաբաղից տեղահանված անձանց Հայաստանի Հանրապետության Նախագահի հրամանագրով ՀՀ քաղաքացիություն ստանալուց հետո առաջին անգամ ՀՀ քաղաքացու անձնագիր ստանալու վերաբերյալ դիմումների ընդունում։
ՀՀ ՆԳՆ ՀՔԾՄԹԼՎ կողմից՝
ա․ տրանսպորտային միջոցի սեփականության վկայականի փոխանակում կամ կորստի դեպքում նորի տրամադրում,
բ․ տրանսպորտային միջոցի հաշվառման վկայագրի փոխանակում կամ կորստի դեպքում նորի տրամադրում,
գ․ տրանսպորտային միջոցի հաշվառման վկայագրում անձնագրային տվյալների փոփոխություն,
դ․ տրանսպորտային միջոցի խոտանում,
ե․ տրանսպորտային միջոցի հաշվառման ժամանակավոր կասեցում,
զ․ սահմանափակումների մասին տեղեկանքի տրամադրում,
է․ վարորդական իրավունքի վկայականի փոխանակում կամ կորստի դեպքում նորի տրամադրում։

Ստեփանավանում անցկացվեց «Օրգանական թափոնների կառավարում» թեմայով դասընթացՕրերս ՄԱԶԾ-ի «Քաղաքների էքսպերիմենտային ֆոնդ» ծ...
29/10/2025

Ստեփանավանում անցկացվեց «Օրգանական թափոնների կառավարում» թեմայով դասընթաց

Օրերս ՄԱԶԾ-ի «Քաղաքների էքսպերիմենտային ֆոնդ» ծրագրի շրջանակում՝ Ստեփանավանի համայնքապետարանի աջակցությամբ և սերտ համագործակցությամբ, Ստեփանավանի «Լույս» երիտասարդական կենտրոնում կայացավ «Օրգանական թափոնների կառավարում» թեմայով ուսուցողական դասընթաց։

Դասընթացին մասնակցեցին համայնքապետարանի, «Ստեփանավանի կոմունալ սպասարկում և բարեկարգում» ՀՈԱԿ-ի աշխատակիցներ, վարչական բնակավայրերի պատասխանատուներ, Գյուղատնտեսական քոլեջի, դպրոցների, մանկապարտեզների, «Լույս» երիտասարդական կենտրոնի, ինչպես նաև ֆերմերային տնտեսությունների ներկայացուցիչներ։

Դասընթացը վարում էր թափոնների կառավարման փորձագետ Մխիթար Ավետիսյանը, ով մասնակիցների հետ քննարկեց օրգանական թափոնների արդյունավետ վերամշակման և կառավարման հնարավորությունները։

✅ Մասնակիցները սովորեցին, թե ինչպես կարելի է օրգանական թափոնները վերածել արժեքավոր կոմպոստի,
✅ Ուսումնասիրեցին վերամշակման եղանակները՝ ինչպես տնային տնտեսությունների, այնպես էլ կրթական ու համայնքային մակարդակում,
✅ Իսկ ֆերմերների և երիտասարդների ակտիվ մասնակցությամբ ծնվեցին նոր, իրագործելի գաղափարներ՝ համայնքում կայուն զարգացման ուղղությամբ։

Մոտ ապագայում կկազմակերպվի ուսուցողական և փորձի փոխանակման այց Հայաստանի այն դպրոցներից մեկը, որը հաջողությամբ իրականացնում է օրգանական թափոնների կոմպոստացում և օգտագործում է ստացված արտադրանքը։ 2026թ-ին Ստեփանավանում արդեն իսկ կիրականացվեն օրգանական թափոնների կառավարմանն ուղղված միջամտություններ։

Այսօր՝ Սոս Սարգսյանի ծննդյան օրը, նրա անունը կրող մշակույթի պալատում հյուրընկալվել էր Համազգային թատրոնը՝ Սոս Սարգսյանի ...
24/10/2025

Այսօր՝ Սոս Սարգսյանի ծննդյան օրը, նրա անունը կրող մշակույթի պալատում հյուրընկալվել էր Համազգային թատրոնը՝ Սոս Սարգսյանի «Լակոտը» ներկայացմամբ։

Ներկայացումը նվիրված էր վարպետի հիշատակին՝ որպես հարգանքի և սիրո արտահայտություն։

Միջոցառման ընթացքում հանդիսատեսը կրկին ապրեց Սոս Սարգսյանի արվեստի շունչը, որը շարունակում է ոգեշնչել սերունդներին։

Օրվա ավարտին Համազգային թատրոնը` ի դեմս գեղարվեստական ղեկավար Նարինե Գրիգորյանի, արժանացավ Ստեփանավան համայնքի ղեկավար Արմեն Գրիգորյանի պատվոգրին՝ մշակույթի ոլորտում ունեցած ներդրման, վարպետի գաղափարներին հավատարիմ մնալու և Ստեփանավան համայնքի հետ սերտ համագործակցության համար։

Address

Սոս Սարգսյան 1
Stepanawan-Lori

Website

Alerts

Be the first to know and let us send you an email when Ստեփանավանի համայնքապետարան/Stepanavan municipality posts news and promotions. Your email address will not be used for any other purpose, and you can unsubscribe at any time.

Shortcuts

Share

Category