Դետք

01/10/2026

🪖🚀 JEF-ի նոր մարտական ստորաբաժանումների ստեղծման մասին համաձայնագիրը կստորագրվի նոյեմբերին՝ Օսլոյում կայանալիք հանդիպման ժամանակ։

«Դետքի» գործունեությանը կարող եք աջակցել՝ բաժանորդագրվելով մեր «Patreon»-ին՝ https://www.patreon.com/detq_analytics

01/10/2026

Ֆիդայական շարժման տարիներին Սոսե Մայրիկը զենք վերցրեց՝ Արևմտյան Հայաստանում օսմանյան բռնապետությանն ու ավազակախմբերին դիմակայելու և սեփական օջախը պաշտպանելու համար։

Այսօր Շաքիում երեք երեխաների մայրն է ստիպված լինում միայնակ ետ մղել տուն մտած զինված ադրբեջանցու հարձակումը։ Չնայած անցած հարյուրամյակին և պետության առկայությանը, որի պարտականությունն է քաղաքացու անվտանգությունը, հայ կինը/քաղաքացին դարձյալ հայտնվում է սեփական տունն ինքնուրույն պաշտպանելու իրականության առջև։

01/10/2026

2020-ի սեպտեմբերից 2023-ի սեպտեմբերը ներառյալ աշխարհը պասիվ հանդիսատես էր Լեռնային Ղարաբաղում, որը հայտնի է նաև որպես Արցախ, կատարված սարսափելի հանցագործություններին․ ԵԽԽՎ-ում ելույթ ունենալիս ասել է ԱԺ փոխխոսնակ Արամ Վարդևանյանը։

«2023-ի սեպտեմբերին ավելի քան 120․000 հայ բռնի տեղահանվեց իր տներից։ Սա էթնիկ զտում է, պարզ ու հասարակ, բայց Միջազգային քրեական դատարանը լիակատար անգործության էր մատնված այս հարցում։

Մենք հավատում ենք խաղաղությանը, մենք հավատում ենք խաղաղությանը մեր երկրների միջև, և ես ավելի քան վստահ եմ, որ միջազգային հանրությունը կարծում է, որ չի կարող լինել իրական խաղաղություն առանց պատասխանատվության։ Հետևաբար՝ մենք կարծում ենք, որ ընտրովի անգործությունն անընդունելի է՝ թե՛ ՄՔԴ-ի, թե՛ միջազգային հանրության համար։

Օրենքի գերակայությունը պետք է հաղթի»։

01/10/2026

Այսօր զինված ադրբեջանախոս տղամարդը մտել է Սյունիքի մարզի Շաքի գյուղի բնակելի տներից մեկը։

Գյուղապետ Ռուբեն Մանուչարյանի փոխանցմամբ՝ տղամարդը վնասել է տանտիրուհուն՝ նրա երեք երեխաների ներկայությամբ։

Իրավապահները տղամարդուն հայտնաբերել և ձերբակալել են։ Դեպքի վայրում արյան հետքեր են հայտնաբերվել: Կնոջ կյանքին վտանգ չի սպառնում։

«Բռնեցին տարան, իրավապահները, չեմ կարա ասեմ կրակել է, թե ուրիշ-կտրող ծակող գործիքով է հարվածել: Մենք որ մտանք դեպքի վայր, արյան հետքեր տեսանք, բայց կնոջ կյանքին վտանգ չի սպառնում», – ասել է գյուղապետը:

ԱԱԾ-ի տվյալներով՝ Շաքիում հայտնված զինված տղամարդը Ադրբեջանի զինված ուժերի զինծառայող է։ Սեպտեմբերի 29-ին ադրբեջանական կողմը հայկական կողմին տեղեկացրել էր նրա՝ ծառայության վայրից հեռանալու մասին՝ նշելով, որ նա կարող է ապօրինաբար հատել Հայաստանի սահմանը։

01/10/2026

1943 թվական․ Երկրորդ համաշխարհային պատերազմի տարիներին արված այս լուսանկարում պատկերված են երկու հայուհիներ՝ Արցախից։
Wikimedia Commons-ում լուսնակարին կից նշված է՝ հայուհի դեսանտային զինվոր և նրա տատիկը։

Նրանց ինքնության մասին ստույգ տվյալներ, սակայն, աղբյուրում նշված չեն։ Լուսանկարը պահպանվել է որպես պատերազմի տարիների հայ կանանց մասին պատմող հետաքրքիր վկայություն։

📷 1943, Wikimedia Commons

01/10/2026

🪖🇦🇲Հավերժի ճամփորդ. Դավիթ Գրիգորյան

Դավիթ Լյովայի Գրիգորյանը ծնվել է 2000 թ. նոյեմբերի 17-ին Արմավիրի մարզի Սարդարապատ գյուղում։ Դպրոցն ավարտելուց հետո ընդունվել է Հայաստանի պետական տնտեսագիտական համալսարան։

2019 թ. զորակոչվել է բանակ։ Գյումրու ուսումնական զորամասում «Ֆագոտ» հակատանկային համակարգն ուսումնասիրելուց և սերժանտի կոչում ստանալուց հետո տեղափոխվել է Հադրութ։

Որպես հակատանկային դասակի ավագ սերժանտ և «Ֆագոտ» համակարգի օպերատոր-նշանառու՝ նա պատերազմի առաջին իսկ ժամերից եղել է ամենաթեժ կետերում, Վարանդայի հատվածում ակտիվորեն մասնակցել է պաշտպանական մարտերին։

Իր հակատանկային հաշվարկով նա խոցել է հակառակորդի 15 տանկ և 1 Հետևակի մարտական մեքենա։ Այս ցուցանիշը պատերազմի պատմության մեջ մեկ հակատանկային հաշվարկի համար համարվում է ռեկորդային և բացառիկ արդյունավետություն։

Այս բացառիկ սխրանքի համար դեռևս կենդանության օրոք՝ 2020 թ. հոկտեմբերի 4-ին, նրան շնորհվել է «Արցախի հերոս» կոչումը և «Ոսկե արծիվ» շքանշանը։

Նոյեմբերի 2-ին Ճարտարի մատույցներում ընթացող ծանր մարտերի ժամանակ, երբ հակառակորդը կիրառում էր մեծաքանակ հրետանի և հարվածային ԱԹՍ-ներ, Դավիթը մինչև վերջին վայրկյանը չի լքել իր դիրքը և շարունակել է հարվածներ հասցնել թշնամուն։ Զոհվել է արկի պայթյունից։

Աճյունն ամփոփված է հայրենի Սարդարապատ գյուղում։

01/10/2026

Հաջորդ տարի Հայաստանի ռազմական բյուջեն կավելանա

Submitted by H.Aslanyan on Հնգ, 10/01/2026 - 12:24 Տեղական Հաջորդ տարի Հայաստանի ռազմական բյուջեն կավելանա 10/01/2026 - 12:24 Հայաստանի կառավարությունը հոկտեմբերի 1-ի նիստում հավանություն է տ....

01/10/2026

«Արևմտյան Ադրբեջանի» օրակարգը տեղափոխվում է ՄԱԿ․ ո՞ւր է Փաշինյանի «անշրջելի խաղաղությունը». Սուրենյանց

Submitted by H.Aslanyan on Հնգ, 10/01/2026 - 10:36 Կարծիքներ Տարածաշրջանային Տեղական «Արևմտյան Ադրբեջանի» օրակարգը տեղափոխվում է ՄԱԿ․ ո՞ւր է Փաշինյանի «անշրջելի խաղաղությունը». Սուր...

01/10/2026

Իրանում առաջին անգամ ռազմական պատրաստություն են անցկացրել կին կամավորների համար

Submitted by H.Aslanyan on Հնգ, 10/01/2026 - 10:08 Տարածաշրջանային Իրանում առաջին անգամ ռազմական պատրաստություն են անցկացրել կին կամավորների համար 10/01/2026 - 10:08 Իրանում առաջին անգամ ռազ....

01/10/2026

2 կարևոր բան է տեղի ունեցել մեր դատավարության հետ կապված վերջին 10-12 օրվա ընթացքում, ասել է Արցախի նախկին ԱԳ նախարար Դավիթ Բաբայանը Բաքվի բանտից

«Ամսի 18-ին մեզ ներկայացվել են արդեն վերաքննիչ դատարանի վճիռների էլեկտրոնային տարբերակը, բնական է, որ այնտեղ, ինչպես նախկինում, ոչ մի ստորագրություն չկա։ Նմուշ անգամ չկա, բայց, այնուամենայնիվ, բերել են և տվել են մեզ՝ 47 հատոր ընդհանուր ծավալով, և 2-րդ այն է, որ մեր պաշտպանները ներկայացրել են վճռաբեկ բողոք իրենց Գերագույն դատարան»,- ասել է նա: Part 1