StreamSet

30/05/2025

LIVE_մոնտաժ

Վավերագրության մեջ կարծում եմ կարելի է առանձնացնել ուղիղ եթերները, քանի որ այն ինչ ֆիքսեց տեսախցիկն ու ռեժիսորը հանձնեց դիտողին՝ անդառնալի է, խոսքի լավ ու վատ իմաստներով։

Այդուամենայնիվ չկա ավելի սրտատրոփ, ուրախալի ու գերհաճելի զգացում քան իրական ժամանակում պատմություն ստեղծելը։

Այն ռիթմի զգացողությունը, որը գալիս է համերգից ու նկարահանող թիմից, երբեք չես կարող ստանալ հետարտադրական մոնտաժի ժամանակ։

Այն, ինչ զգում ես հիմա, հետո չես զգա։ 😘

24/05/2025

Ստեղծագործական․․․

Ուղիղ եթերը չի կայանա ոչ տեխնիկապես, ոչ էլ բովանդակային առումով, եթե ստեղծագործական միտքը չլինի հիմքում։

Սցենար, դրամատուրգիա, հերթականություն՝ այս ամենը անդադար պտտվում է միջոցառման բոլոր կազմակերպիչների միջև և կարևոր է ոչինչ չմոռանալ, չէ որ կա պահը ֆիքսելու մեկ հնարավորություն։

Ստեղծագործեք հաճույքով։🤓

18/05/2025

DOP

Նկարահանումներն իրենցից ենթադրում են մանրակրկիտ նախապատրաստական աշխատանք, որպեսզի վերջնարդյունքը առավել մոտ լինի նախնական պատկերացմանը։

Ուղեղ եթերների ժամանակ նախապատրաստությունը իրականացվում կրկնակի մանրամասներով։

Պատճառն այն է, որ հիմնականում օպերատորը պետք է զբաղեցնի այնպիսի դիրք, որը մինչև միջոցառման ավարտ կկատարի ամենաարդյունավետ խնդրի իրականացումը, առանց տեղաշարժի։

Վերջնարդյունքի պատկերացումը պետք է լինի յուրաքանչյուրի գլխում, դրա համար էլ այսպիսի նախապատրաստություն ենք իրականացնում։ 😎

11/05/2025

Հոգու կանչ դառձավ)))

30/03/2025

Directing

կարճ ժամանակում ցույց տալ ամբողջ աշխատանքը հնարավոր չի, 2 տողով բացատրելն էլ չի ստացվի։ Պետք է զգալ։

Տեղադրելու, միացումներ անելու, ռեժիսորի ու պրոդյուսերի աշխատանքը, արձագանքը, հաղորդավարների ու մասնակիցների ինքնամոռաց ստեղծագործական միջավայրը։

Ամենամեծ գնահատականն է, երբ մարդիկ առանց տեխնիկական խոչընդոտների, ժպիտով հանդիսատեսին են հանձնում իրենց մտահղացումները։

#ԱռաջինԱլիք
#հիշաչար

18/03/2025

REPLAY

Կրկնապատկերնների թեման շարունակելով․․․

Մի պահ պատկերացրեք եթե մեզ հայտնի սպորտաձևերը լինեին առանց կրկնապատկերի։ Գեղարվեստական մասը ակնհայտ տուժած կլիներ, էլ չեմ ասում սրտի տրոփյունով սպասող հանդիսատեսի հիասթափության մասին։

Բռնցքամարտի և նմանատիպ սպորտային մրցույթներում առանց կրկնապատկեր հնարավոր չի զգալ հարվածի ուժն ու դիպուկ լինելը՝ ամեն ինչ շատ արագ է ընթանում։

Այս համեստ միջավայրը, որը ստեղծել ենք մեր գործընկերների հետ Վրաստանում իրական հաճույք էր սկզբից մինչև վերջ։

https://www.facebook.com/share/v/16EThMEuv5/

11/03/2025

CHALLENGE

Կարծում եմ ամենանուրբ մասնագիտություններից մեկն է մրցավար լինելը։ Հատկապես աշխարհի մրցույթներում այն էլ օտար երկրում։

Չելենջ համակարգի շնորհիվ մրցավարը միլիվարկյանի ճշտությամբ կարող է արձանագրել և բոլորին ապացուցել իր որոշումը։

Տեխնիկապես շատ պատասխանատու վերբերմունք է պետք ցուցաբերել նախապատրաստական աշխատանքներին, քանի որ հենց դրանից է կախված չեմպիոնի ճակատագիրը։

06/03/2025

23/02/2025

+Bonding

Ասեմ, որ հեռարձակելու համար շատ ջանք պետք չի.

- հիմնական պատկերը անցնում է մոտ 500 մետր օպտիկական մանրաթելով
- ստացված պատկերը բաժանվում է 4-5 SIM քարտերի միջև
- այնուհետև մոտ 2 տասնյակ կիլոմետր հետո 4-5 քարտի տվյալները դառնում են մեկ կայուն լարային ինտերնետ
- վերջում հազարավոր կիլոմետրեր այնկողմ սոցիալական կայքը ստանում է հիմնական պատկերը

իսկապես, հեչ բան է :)

Այս պարագայում ճկունությունը այնքան մեծ է, որ կարելի է պատկերը և ձայնը 1 լարով հասցնել շուրջ 10 լոկալ և հեռավար կետեր