24/11/2025
❗❗❗Նոր ներկայացված նախագծով վերջապես ֆիքսվել են
1) հայտարարագրման ոչ ենթակա եկամուտների տեսակները, և
2) չհայատարագրվող եկամուտների շեմերը։
🔻Թեպետ նման կարգավորման անհրաժեշտության մասին բազմիցս եմ բարձրաձայնել, սակայն առաջարկված շեմերը այնքան նվազ են, որ փաստացի չեն փոփոխելու համակարգի բեռնվածությունը և չեն ապահովելու հայտարարագրողների ցանկի իրական բեռնաթափում։
👉Սա մոտեցում է, որը լուծման իմիտացիա է, ոչ թե լուծում։
❗Նախագծում ամրացված շեմերը
🔹Նվիրատվությամբ կամ ժառանգությամբ ստացվող գույք/գումար — մինչև 300,000 դրամ
🔹Ոչ առևտրային կազմակերպություններից անհատույց ստացվող ակտիվներ, աշխատանքներ, ծառայություններ — մինչև 300,000 դրամ
🔹Ընտանիքի անդամ չհամարվող անձանցից ստացվող փոխառություններ — մինչև 5 մլն դրամ
🔹Ընտանիքի անդամի մահվան դեպքով միանվագ օգնություն — մինչև 300,000 դրամ
🔹եվ այլ դեպքեր
❗Հայտարարագրման ոչ ենթակա եկամուտների ցանկում ներառվել են նաև՝
🔹Գործուղման ծախսերի փոխհատուցման վճարները՝ նորմերի շրջանակներում
🔹Կամավոր աշխատանքի դիմաց փոխհատուցումներ
🔹Վարկային միջոցների ստացումները
🔹Միջազգային մրցույթներում հաղթած մարզիկների և մարզիչների մրցանակներ
🔹Պետական պարգևներ
🔹եւ այլ դեպքեր
🔻Այս նախագիծը, եթե ընդունվի ներկայիս տեսքով, կպահպանի նույն համակարգային բացերն ու ակնհայտ անհամաչափությունները։
Փոքր շեմերը չեն լուծում խնդիրը, այլ միայն երկարացնում են այն․
❗Հայտարարագրման արտաբեռնման քաղաքական նպատակն այսպես չի իրականացվի,
😏Հասարակ քաղաքացին շարունակելու է բարդ և երբեմն անհասկանալի գործընթացի առաջ կանգնել,
👉Իսկ վերահսկող մարմինները չեն ստանա ակնկալվող պարզեցված գործառույթներ և տեղեկություններ։
❗Այս ամենը նշանակում է, որ մեր օրենսդրությունը կրկին գնում է «փոքր շտկումների» ճանապարհով, մինչդեռ անհրաժեշտ է հստակ, համարձակ և համակարգային վերանայում, որը նախաձեռնությունն ի վերջո կվերածի արդյունավետ գործիքակազմի, ոչ թե հերթական ամբիոնային հայտարարության։
Սերգեյ Ս. Խաչատրյանի էջից։
#հայտարարագրմանՊարզեցում
@топовые поклонники
