Ջավախքի համացանցային պորտալ

24/12/2025

Սիրելի ՋԱՎԱԽՔՑԻՆԵՐ

«Ջավախք» հանրագիտարանի և Ջավախքի համացանցային հանգույցի անունից ջերմորեն շնորհավորում ենք Ձեզ Ամանորի և Սուրբ Ծննդյան տոների կապակցությամբ։
Թող գալիք տարին Ձեզ պարգևի նորանոր հաճելի անակնկալներ, ձեռքբերումներ, հաջողություններ կյանքում ու աշխատանքում։

Խորին հարգանքով` «Ջավախք» հանրագիտարանի և Ջավախքի համացանցային հանգույցի հեղինակ ու գլխավոր խմբագիր Սերգեյ (Արա) Խուդավերդյան:

16/06/2025

Նոր երգ ,,ՋԱՎԱԽԵԹՑԻ ԿԵՆԱՑԴ,, մեր երկու հայրենակիցների՝ Մասիս Հունանյանի և Գրիգորի Եսայանի հիանալի կատարմամբ:

ՋԱՎԱԽԵԹՑԻ ԿԵՆԱՑԴMusic & Lyrics Masis HunanyanArrangement & mix: Artak ZeynalyanMastered: Hov GrigoryanDirector: Mko Hovhannisyan Editing & Color Correction: ...

08/05/2025

Հայրենական մեծ պատերազմ

Հայրենական մեծ պատերազմում իրենց մեծ լուման են ներդրել ջավախքցիները, ոչ հաստատված փաստերով մասնակցել են մոտ 20000 մարդ, որից զոհվել է 9000 հայորդիներ:

Հերոսի կոչման են արժանացել`

Լևոն Խնկանոսի Դարբինյանը ծնված մայիսի 29-ին 1905 թ. Ախալքալաքի շրջանի Ալաստան գյուղում, մահացել է 28 դեկտեմբերի 1943 թ., գնդապետ` 01.06.1943: Խորհրդային Միության հերոս` 10 հունվարի 1944 (հետմահու):

Վաչագան Հունանի Վանցյանը ծնվել է 14 մայիսի 1913 թ. Ախալքալաքի շրջանի Զակ գյուղում, մահացել օգոստոսի 1-ին 1944 թ., շարքային: Խորհրդային Միության հերոսի կոչման է արժանացել 24 մարտի 1945թ. (հետմահու):

Աշոտ Վաղարշակի Ղազարյանը ծնված նոյեմբերի 7-ին 1921 թ. Ծալկայի շրջանի գյուղ Չիֆթքիլիսա գյուղում, մահացել է հոկտեմբերի 15-ին 1995 թ., գեներալ մայոր (29.04.1970): Խորհրդային Միության հերոս` 24 մարտի 1945:

Սերգեյ Վարդանի Գրիգորյանը ծնված 14 ապրիլի 1923 թ., Վլադիկավկազ քաղաքում, մեկ այլ աղբյուրների Թեթրի Ծղարո, իսկ Հայաստանի Ազգային արխիվում եղած նրա կենսագրությունը լուսաբանող բոլոր փաստաթղթերում նշվում է Ախալքալաքը, մահացել է հոկտեմբերի 4-ին 1943 թ., բժշկ. ծառ. ավագ լեյտենանտ: Խորհրդային Միության հերոսի կոչման է արժանացել 20 դեկտեմբերի 1943թ. (հետմահու):

25/03/2025

Խոր կսկիծով տեղեկացանք, որ 88 տարեկան հասակում մահացել ջավախքի արժանավույն զավակներից մեկը՝ Սաթխացի մանկավարժ, պատմական գիտ. թեկնածու Արտյուշ Սանոսյանը: Ջավախքի ու ջավախքահայության անունից ցավակցում ենք հարազատներին, բարեկամներին ու մերձավորներին և կիսում նրանց անդառնալի վիշտը։

https://javakhk.am/encyclopedia/peoples/Ninotsminda-region/Sanosyan-Artyush.html

07/03/2025

Շնորհավոր սիրելի ՋԱՎԱԽՔՑԻ կանայք:

Ջավախքի համացանցային հանգույցը սրտանց շնորհավորում եմ Ձեզ Մարտի 8-ի՝ գարնանային այս գեղեցիկ տոնի կապակցությամբ: Եղեք բարի, ուրախ, երջանիկ: Թող ծիծաղը ձեր դեմքից անպակաս լինի: Ցանկանում ենք հավերժ գեղեցկություն և երիտասարդություն, անսահման սեր, երջանկություն, առողջություն, ամենայն լավն ու բարին:

Հարգանքներով՝ «Ջավախք» հանրագիտարանի և Ջավախքի ինտերնետային պորտալի հեղինակ՝ Սերգեյ (Արա) Խուդավերդյան: