23/10/2025
ՄԱՐԿ ԲԼՈԿ
ՊԱՏՄՈՒԹՅԱՆ ՊԱՇՏՊԱՆԱԿԱՆ,
ԿԱՄ
ՊԱՏՄԱԲԱՆԻ ԱՐՀԵՍՏԸ
Երկրորդ, վերանայված հրատարակություն
Ֆրանսերենից թարգմանեց՝
ՇՈՒՇԱՆ ՄԱԿԱՐՅԱՆ
Հետազոտություն և մեկնություններ՝
ՍՄԲԱՏ ՀՈՎՀԱՆՆԻՍՅԱՆ
ՍԱՐԳԻՍ ԽԱՉԵՆՑ • ՓՐԻՆԹԻՆՖՈ
ԵՐԵՎԱՆ 2025
‘ԻՄԱՑՈՒԹՅՈՒՆ’ ԳՐԱԴԱՐԱՆԻ հերթական հատորը ներկայացնում է Աննալների պատմագիտական դպրոցի հիմնադիր հայրերից մեկի՝ XX դարի ֆրանսիացի խոշորագույն պատմագետ Մարկ Բլոկի (1886–1944) «Պատմության պաշտպանական, կամ Պատմաբանի արհեստը» անավարտ կոթողային աշխատությունը՝ հրատարակված հետմահու (1949) Լյուսիեն Ֆևրի ջանքերով: Բլոկի ոչ բոլոր ձեռագրերն են հասանելի եղել Ֆևրին, և նա տեքստային որոշ փոփոխություններ է արել: Գրքի հրատարակության հիսնամյակի կապակցությամբ Մարկ Բլոկի որդին՝ Էտիեն Բլոկը, լույս է ընծայել աշխատության նոր՝ ֆևրյան խմբագրումից զերծ տարբերակը, որն էլ հիմք է ծառայել հայերեն թարգմանության համար: Ընդ որում, այդ հրատարակության առաջաբանը գրել է Աննալների դպրոցի ականավոր ներկայացուցիչ, ֆրանսիացի մեծ պատմագետ Ժակ Լը Գոֆֆը:
Բլոկն այս երկը սկսել է գրել 1941–1943 թվականներին՝ մշակման աշխատանքները շարունակելով անգամ գերության մեջ (1944): Հեղինակը քննարկում է ինչպես պատմագիտության նպատակի, առարկայի և մեթոդների, այնպես էլ պատմագետի ինքնըմբռնման և մտածելակերպի հիմն ախնդիրները:
Թարգմանությունն ուղեկցվում է ընդարձակ ուսումնասիրությամբ և հանգամանալից մեկնություններով:
Երկրորդ, վերանայված հրատարակություն:
