13/10/2025
‼️ԿԱՐԵՒՈՐ‼️
«ԴՐՕՇԱԿ» անունը կրող այս նախագիծը շուտով վերջ պիտի գտնէ...
Յարգելի հետեւորդներ, Հոկտեմբեր 13-17 մեր էջի հրապարակումները պիտի նուիրենք Հայ Յեղափոխական Դաշնակցութեան հիմնադիրներէն Խանասորի Իշխան՝ Ընկեր Յովսէփ Արղութեան-Երկայնաբազուկի մահուան 100 ամեակին:
Շատ հաւանաբար, սա մեր էջի վերջին «մեծ» նախաձեռնութիւնն է, որմէ ետք, զգալիօրէն պիտի նուազեցնենք նոր բովանդակութեան, նիւթերու, նկարներու հրապարակումը:
«ԴՐՕՇԱԿ» անունը կրող այս նախագիծը շուտով վերջ պիտի գտնէ եւ մենք պիտի կեդրոնանանք նախագիծի վերամշակման վրայ, աւելի նորաոճ, աւելի լայնածաւալ եւ բազմատեսակ բովանդակութեամբ մը շարունակելու այն առաքելութիւնը, որուն նուիրուած ենք աւելի քան 5 տարի:
Այդ աշխատանքներուն զուգահեռ, այս էջի միջոցով պարբերաբար պիտի դիմենք ձեզի, որոշ հարցումներով, ձեր բարոյական եւ նիւթական աջակցութիւնը խնդրելու, ինչպէս նաեւ ձեր կարծիքները լսելու ի օգուտ այս աշխատանքին:
Այս աշխատանքը պիտի՛ կատարուի եւ նոր նախագիծը իրականութիւն պիտի՛ դառնայ անկախ պայմաններէն, միջոցներէն եւ հնարաւորութիւններէն, որոնք ցաւոք սրտի, միշտ ալ աներեւակայելի փոքր եղած են: Ամբողջ 5 տարուայ ընթացքին շատ անգամ թեւաթափ կամ հիասթափուած, մենք կարողացանք մեր https://arftroshag.blogspot.com/ -ի վրայ ամփոփել աւելի քան 700 նիւթ, որոնցմէ շատերը ունեցան հազարաւոր ընթերցողներ. իսկ վերջին մէկ ամսուայ ընթացքին մեր Facebook-ի այս էջը արձանագրեց աւելի քան 200,000 դիտում (view) եւ 125,000 հասանելիութիւն (reach):
Համոզուած ենք, որ այս էջի կարեւորութիւնն ու անհրաժեշտութիւնը գիտակցողները հազարապատիկ անգամ աւելին են, քան այն երկու ձեռքի մատներու վրայ հաշւըուող անձերը, որոնք նիւթապէս շատ չնչին աջակցութեամբ մեծ շունչ կու տան այս աշխատանքին. լիայոյս ենք նաեւ, որ նոր նախագիծի ձեւավորման աշխատանքներուն հետ պիտի կարողանանք ստեղծել աջակցութեան նոր ձեւեր, որոնք կը յայտարարենք այստեղ:
Առայժմ, կրնաք ձեր նիւթական օժանդակութիւնը բերել մեր նախագիծին Patreon-ի ամսական բաժանորդագրութեամբ (որ կրնաք նաեւ չեղարկել cancel ընել երբ ցանկանաք):
https://www.patreon.com/user/gift?u=73078513
Եթէ մինչեւ վերջ կարդացիք այս հրապարակումը, կը խնդրենք ➕ դնել մեկնաբանութեան (comment) բաժինը:
