13/10/2025
Բաքուն մերժել է գերիների հետ հանդիպելու իմ խնդրանքը․ Սիրանուշ Սահակյան
«Միջազգային և համեմատական իրավունքի կենտրոն»-ի ղեկավար Սիրանուշ Սահակյանը մասնակցում է Լեհաստանի մայրաքաղաք Վարշավայում հոկտեմբերի 6-ից 17-ը անցկացվող համաժողովին՝ նվիրված ԵԱՀԿ երկրներում մարդու իրավունքների և հիմնարար ազատությունների խնդիրներին։
Իրավապաշտպանը առիթը բաց չի թողել միջազգային գործընկերների շրջանում մեկ անգամ ևս բարձրաձայնելու Բաքվում պահող հայ պատանդների խնդրի և այս հարցում Ադրբեջանի խտրական քաղաքականության մասին։
✔️Հայ պատանդները թիրախավորվում են ոչ թե կատարած գործողությունների, այլ իրենց ինքնության համար։
Իրավապաշտպանը հակադարձել է նաև Ադրբաջանի պատվիրակության կեղծ թեզերին․
✔️ Ադրբեջանը հայ պատանդներին զրկում է անկախ փաստաբաններ ունենալու հնարավությունից,
✔️ Դատական գործընթացներն անկախ և անաչառ չեն և նման են նվաստացման բեմականացված ծեսերի։ Մինչդեռ, Ադրբեջանի կառավարությունը այս ֆորումին վստահեցնում է, որ հայ բանտարկյալները օգտվում են բոլոր իրավունքներից, այդ թվում՝ փաստաբանների հետ կապ հաստատելու հնարավորությունից։ Սակայն Բաքուն մերժել է իմ՝ որպես պատանդների ՄԻԵԴ-ի կողմից լիազորված ներակայացուցիչ, գերիների հետ հանդիպելու խնդրանքը։
✔️ 5 տարի շարունակ «թույլատրված» հանդիպումների թիվը 0 է։
✔️ Եթե «իրավունքների պաշտպանությունը» այսպիսին է, ապա մենք կարող ենք պատկերացնել Ադրբեջանում արդար դատաքննության մյուս բոլոր իրավունքների վիճակը»,-ասել է Սահակյանը։
Ելույթի ամբողջական տարբերակը՝ https://shorturl.at/lw15o
#Արցախ
