Armenia Talk

21/10/2025

ԵՐԵՎԱՆՈՒՄ ԱՅՍՕՐ
ադրբեջանական բորտ է վայրէջք կատարել, փաստորեն։ Ո՞վ է եկել, որ քիչ անց հեռանալու է։ Ու՞մ են բերել, որ դեռ հայտնի չէ։

21/10/2025

Վարչապետ Նիկոլ Փաշինյանն աշխատանքային այցով մեկնել է Վրաստան

Այսօր նախատեսված է Հայաստանի և Վրաստանի վարչապետներ Նիկոլ Փաշինյանի և Իրակլի Կոբախիձեի առանձնազրույցը։

Վաղը վարչապետ Փաշինյանը Թբիլիսիում կմասնակցի «Մետաքսի ճանապարհ» 5–րդ համաժողովին։

21/10/2025

21/10/2025

Բուլղարիայի իշխանությունները պատրաստակամություն են հայտնել թույլատրել Ռուսաստանի Դաշնության նախագահ Վլադիմիր Պուտինին տեղափոխող ինքնաթիռի թռիչքը իրենց օդային տարածքով՝ ԱՄՆ նախագահ Դոնալդ Թրամփի հետ Բուդապեշտում կայանալիք գագաթնաժողովին մասնակցելու համար:

Այս կարևոր դիվանագիտական քայլի մասին, Euractiv հրատարակության փոխանցմամբ, հայտարարել է Բուլղարիայի արտաքին գործերի նախարար Գեորգ Գեորգիևը։

Հայտարարությունը հնչել է հոկտեմբերի 20-ին Լյուքսեմբուրգում՝ ԵՄ արտգործնախարարների հանդիպման շրջանակում։

21/10/2025

Պարտադիր զինծառայության ժամկետը կրճատելու նախագիծը ընդունվելու դեպքում ուժի մեջ կմտնի 2026թ. հունվարի 1-ից:

Այդ մասին հայտարարել է ՀՀ վարչապետ Նիկոլ Փաշինյանը՝ նշելով, որ ի սկզբանե նախագծում ժամկետ էր նշվել 2026-ի հուլիսը, բայց պաշտպանության նախարարի և խորհրդարանական գործընկերների հետ քննարկումների արդյունքում փոխել են մոտեցումը:

Հիշեցնենք, որ ՀՀ ՊՆ-ն առաջարկել է պարտադիր զինվորական ծառայության ժամկետը 24-ից դարձնել 18 ամիս։

21/10/2025

Կառավարությունը պաշտոնապես դիմել է ՌԴ-ին` առաջարկելով (միգրանտների ՌԴ-ում մնալու համար) սահմանված 90 օրը փոխարինել 180 օրով, ասել է Էկոնոմիկայի նախարար Գևորգ Պապոյանը։

«Իմ տեղեկություններով՝ արդեն իսկ ՌԴ-ում օրենսդրական նախաձեռնությունը ներքին շրջանառության փուլում է, որը հենց այդ խնդրի լուծմանն է միտված»:

Հիշեցնենք, որ, ի նշան ստեղծված իրավիճակի առթիվ իրենց դժգոհության, բեռնատարների վարորդները երկկողմանի փակել են Հայաստան-Վրաստան ճանապարհները՝ սահմանափակելով բեռնատարների շարժը։

21/10/2025

Գյումրիի համայնքապետի պարտականությունները կկատարի փոխքաղաքապետը՝ Վարդան Ղուկասյանի փեսան՝ Ավետիս Առաքելյանը։

Այդ մասին ArmeniaSputnik-ին ասել է համայնքապետի խորհրդական Լիլիթ Աղեկյանը։

Հիշեցնենք, Գյումրիի քաղաքապետ Վարդան Ղուկասյանը 2 ամսով կալանավորվել է։ Նրա պաշտոնավարումը կասեցվել է։

21/10/2025

Ալիևը հայտարարել է Ադրբեջանի տարածքով Հայաստան ապրանքների տարանցման սահմանափակումների վերացման մասին։

Այս մասին գրում է ТАСС-ը։

Այդ մասին Ադրբեջանի նախագահն ասել է Աստանայում Ղազախստանի նախագահ Կասիմ-Ժոմարտ Տոկաևի հետ համատեղ մամուլիս ասուլիսին:

Ադրբեջանական APA-ն էլ փոխանցում է՝ Ալիևը հայտնել է, որ առաջին նման տարանցիկ բեռը ղազախական հացահատիկի տեղափոխումն է եղել դեպի Հայաստան։

21/10/2025

ՀՀ արտաքին գործերի նախարար Արարատ Միրզոյանը ԵՄ արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասի հետ քննարկել է ՀՀ-ԵՄ գործընկերության նոր օրակարգի վերջնականացմանն ու հաստատմանն առնչվող հարցեր։

Երկուստեք ընդգծվել է տնտեսական ու տրանսպորտային փոխկապակցվածության խթանման հարցում փոխշահավետ ծրագրերի կյանքի կոչման կարևորությունը, ինչին մեծապես կարող են նպաստել Հայաստանի և Ադրբեջանի միջև հաստատված խաղաղությունն ու օգոստոսին Վաշինգտոնում ձեռք բերված պայմանավորվածությունները։

Արարատ Միրզոյանը և Կայա Կալասը մտքեր են փոխանակել ներկայիս հիբրիդային սպառնալիքների հաղթահարման մեխանիզմների շուրջ։

20/10/2025

Լավրովը հեռախոսազրույց է ունեցել Ռուբիոյի հետ, հայտնում է ՌԴ ԱԳՆ-ն

📌 Գերատեսչությունից հայտնել են, որ կողմերը քննարկել են Պուտինի և Թրամփի բանակցությունների ընթացքում ձեռք բերված փոխըմբռնումների իրականացմանն ուղղված հնարավոր կոնկրետ քայլերը։

20/10/2025

Իրանի գերագույն հոգևոր առաջնորդ Այաթոլլա Ալի Խամենեին կոշտ քննադատության է ենթարկել ԱՄՆ նախագահ Դոնալդ Թրամփի՝ Իսրայել կատարած այցի ընթացքում արված հայտարարությունները՝ նրան անվանելով «դատարկախոս»

Իրանցի մարզիկների հետ հանդիպման ժամանակ Խամենեին հայտարարել է, որ Թրամփը փորձել է հույս ներշնչել «հուսահատված սիոնիստներին»։

20/10/2025

«Միջտարածաշրջանային անվտանգություն և փոխկապակցվածություն» թեմայով նախարարական հանդիպման շրջանակներում նախարար Միրզոյանը մի շարք երկկողմ շփումներ է ունեցել

📌 Նա հանդիպել է Լյուքսեմբուրգի, Սլովենիայի, Լատվիայի, Թուրքիայի, Դանիայի ԱԳ նախարարների, ԵՄ ընդլայնման հարցերով հանձնակատարի և այլ գործընկերների հետ։