''Hayastan'' publishing house\''Հայաստան'' հրատարակչություն

23/10/2025

Լույս է տեսել Մերի Կանդալյան-Ասլանյանի «Երևան․ հավատ, հույս, սեր» վեպը

Վեպում նշված են պատմական դեպքեր, հանրահայտ անձինք և գործողությունները տեղի են ունենում իրական և հավաստի միջավայրում։ Վեպի բոլոր կերպարները մտացածին են և որևէ նմանություն իրական անձանց հետ զուտ պատահական է։

19/10/2025

Լույս է տեսել Լուսինե Թոփուզյանի «Ջավախք՝ կարոտիս օրրան» գիրքը

Ժողովածուում ամփոփված են պատանեկան տարիներին գրածս այն բանաստեղծությունները, որոնք 60-ական թվականներին տպագրել եմ Ջավախքում հրատարակվող մամուլի էջերում։ Ոտանավորներս տպագրվում էին նաև Թբիլիսիում հրատարակվող «Սովետական Վրաստան» թերթում, Ախալքալաքում՝ «Փարոս», Նինոծմինդայում՝ «Արշալույս» թերթերը ունեին իրենց ամենամսյա գրական էջերը․ «Ջավախք», «Գրական Փարվանա» էին կոչվում այդ էջերը, որտեղ հանդես էին գալիս տաղանդավոր երիտասարդ ստեղծագործողներից Վիկտոր Հովսեփյանը, Վարդ Ղազարյանը, Միշա Հովսեփյանը, Աշուղ Լեյլին․․․ Շատ ստեղծագործողներ, որոնց հույզերն ու ապրումները դառնում էին մնայուն խոսք ու խրատ, լիրիկական մտորում, հավերժին պահ տված անկեղծ, խոհական զգացումներ․․․

Այս փոքրիկ ժողովածուն մասունքների մի ոսկեփունջ է, որը համեստորեն հոգեխորքումս ապրեցնում եմ որպես հավերժին տրվող հիշատակներ։ Եվ, ի դեպ, հիշյալ քնարական մտորումներս արձակ գործերիս կողքին դարձել են գեղահրաշ նախշային երանգներ և հիշատակելի սրբասուրբ տողեր, որոնցով հոգևորի ուժով էությունս եմ հարստացրել՝ այս մեր տխուր կեցության հեքիաթների մեջ ու անցողիկ տեսիլներում․․․

Լուսինե Թոփուզյան

10/10/2025

05/10/2025

03/10/2025

Լույս է տեսել Դավիթ Խաչիյանի «Երևանյան մթնշաղ» գիրքը

Դավիթ Խաչիյանի այս ժողովածուն մեր մասին է։ Թեև հերոսները հիմնականում երևանցիներ են, իսկ դեպքերն էլ հիմնականում Երևանում են տեղի ունենում, այս ամենը կարող էր պատահել նաև որևէ այլ մեծ քաղաքում։ Քաղաքը պատմություններ է կերտում, իսկ մարդիկ՝ թատրոնի հերոսների պես, խաղում են իրենց վերագրված դերերը, որոնք մեր կյանքի պատմություններ են։ Այդ պատմությունների մի մասն էլ տեղ է գտել ձեզ ներկայացնում սույն ժողովածուի մեջ։

28/09/2025

📺 Շնորհանդեսի ընթացքում ցուցադրվեց գրքի խմբագիր, «Հայաստան հրատարակչության» տնօրեն, ճանաչված գրականագետ, բանասիրական գիտությունների թեկնածու Վահագն Սարգսյանի տեսաձայնային խոսքը 🎥:

04/09/2025

Լույս է տեսել Սոֆյա Սարգսյանի «Համր ճիչ» արձակ և չափածո երկերի ժողովածուն

28/08/2025

Անդրանիկ Մալխասյան - Արեգակը արդար երգիս ընկերանար
Խոսք՝ Մկրտիչ Սարգսյանի,
Երաժշտությունը՝ Մարգարիտ Սարգսյանի,
Գործիքավորումը՝ Արթուր Հակոբյանի

26/08/2025

Լույս է տեսել Մարգար Շարապխանեանի «Երկերի» առաջին հատորը

Կազմող և խմբագիր՝ Մարգարիտա Մամիկոնի Խաչատրեան
բանասիրական գիտությունների դոկտոր

Բազմահատոր այս գրքում ներկայացւում է Մարգար Շարապխանեան (1937-2023թթ․) Հայ մարդու, Ուսուցչի, խմբագրի, Հայ գրի ու մշակոյթի համեստ մշակի թողած գրաւոր ժառանգութեան մի մասը։ Մարգար Շարապխանեանը ծառայեց Հայրենի Հողին, որի նկատմամբ Սէրը նրա կեանքի բուն էութիւնն էր, ու սերունդների յիշողութեան մէջ մնաց որպես Հայրենիքի հաւատարիմ զինուորի տիպար։

Գրքի առաջին հատորում զետեղուած նիւթերը տեղեկութիւն կը տան Մարգար Շարապխանեանի գրական նախընտրութիւնների ու ճաշակի, հայ եւ համաշխարհային գրականութեան մեծերից մի քանիսի գրական ժառանգութեան գնահատման հետաքրքիր փորձերի մասին։ Հայ մարդու թափառիկ ճակատագրի ու աշխարհի տարբեր անկիւններում գոյատեւելու դժուարութիւնների մասին պատմում եմ պրն Մարգարի ճանապարհորդական նոթերը։

Գրքում պահպանել ենք մի քանի բառերի գրության երկձեւութիւնը, արեւելահայերէն քերականական որոշ ձեւերը։

Գրքում զետեղուած լուսանկարները պատմում են բազմաթիւ հետաքրքիր հանդիպումների ու ձեռնարկների մասին։

15/08/2025

Լույս է տեսել Դավիթ Մուրադյանի «Երևանի սառը ջուրը» պատմվածքների ժողովածուն

Դավիթ Մուրադյանի այս գրքի գլխավոր թեման Երևանն է։ Հեղինակն իր պատումներում ներկայացնում է մեր օրերի երևանցուն, հոգսաշատ ու լուսավոր մարդկանց, որոնց գործողության վայրը ընդգրկում է երևանյան տարբեր թաղամասեր՝ տրամվայի պարկից մինչև ժամացույցի գործարան, օպերայի շրջակայքից մինչև Կոնդ և այլուր։

08/06/2025

Լույս է տեսել Նարինե Զաքարյանի «Սինքլեր Լուիսի վիպաշխարհը» գիրքը

Հրատարակության է երաշխավորել ԵՊՀ ԵԼՀ ֆակուլտետի գիտխորհուրդը

Խմբագիր՝ Ալ․ Մակարյան
բանասիրական գիտությունների դոտկոր, պրոֆեսոր

Գրախոս՝ Ա․ Եգանյան
բանասիրական գիտությունների թեկնածու, դոցենտ

Ամերիկացի մեծանուն գրող, Նոբելյան մրցանակի դափնեկիր Սինքլեր Լուիսի բեղուն գրական ժառանգությունն իր անջնջելի հետքն է թողել ամերիկյան գրականության պատմության մեջ։ Գրողի ստեղծած տիպիկ կերպարները հառնում են իբրև իրենց ժամանակի իսկական կրողներ՝ միասին ամբողջացնելով ժամանակի հասարակական-քաղաքական կյանքի իրական պատկերը։
Ներկայացված ուսումնասիրությունն ընդամենը մեկ քայլ է՝ բացահայտելու լուիսյան արվեստի ամենաէական գծերը, վեր հանելու նրա վիպաշխարհի էությունը։
Նախատեսված է բանասիրության ֆակուլտետների ուսանողների, բանասերների և ընդհանրապես անգլո-ամերիկյան գրականությամբ հետաքրքրվողների համար։

01/06/2025