EconoMood

EconoMood Տնտեսական միտումներ ու լուրեր Հայաստանում և նրա շուրջ

✈️ «Wizz Air» ավիաընկերությունը 2026թ. հունիսի 12-ից գործարկելու է Երևան🇦🇲- Լոնդոն🇬🇧-Երևան🇦🇲 երթուղով չվերթները:🔹 Թռիչքն...
24/12/2025

✈️ «Wizz Air» ավիաընկերությունը 2026թ. հունիսի 12-ից գործարկելու է Երևան🇦🇲- Լոնդոն🇬🇧-Երևան🇦🇲 երթուղով չվերթները:

🔹 Թռիչքները «Զվարթնոց» միջազգային օդանավակայանից դեպի Լոնդոնի «Լյուտոն» օդանավակայան կիրականացվեն շաբաթական 2 չվերթ հաճախականությամբ՝ յուրաքանչյուր երկուշաբթի և ուրբաթ օրերին:

🔹 Ընդհանուր առմամբ, «Wizz Air» ավիաընկերությունը կիրականացնի չվերթներ 18 ուղղություններով դեպի 10 երկիր:

🔗 Ավիատոմսերի և այլ մանրամասների համար՝ Wizzair.com

Wizz Air
https://t.me/EconoMood/7012

📌 Եվրասիական տնտեսական հանձնաժողովի (ԵՏՀ) կոլեգիայի համապատասխան որոշմամբ սահմանվել է հակագնագցման տուրք ԵԱՏՄ տարածք ներ...
24/12/2025

📌 Եվրասիական տնտեսական հանձնաժողովի (ԵՏՀ) կոլեգիայի համապատասխան որոշմամբ սահմանվել է հակագնագցման տուրք ԵԱՏՄ տարածք ներմուծվող՝ չինական ծագում ունեցող վառարաններում օգտագործվող գրաֆիտացված էլեկտրոդների նկատմամբ:

◾️ Միաժամանակ Հայաստանի համար սահմանվել է հակագնագցման տուրքի վճարումից ազատում ՀՀ տարածք ներմուծվող նշված ապրանքի համար տարեկան 700տ ծավալով։

☑️ Վերոնշյալ արտոնությունը գործելու է 5 տարի ժամկետով։

☑️ Հակագնագցման տուրքից ազատումը տրամադրվելու է տնտեսվարող սուբյեկտներին բացառապես որոշման մեջ նախատեսված ապրանքը ներմուծելու ժամանակ ՀՀ էկոնոմիկայի նախարարության կողմից տրամադրված ՀՀ տարածք ներմուծվող առանձին ապրանքների նպատակային նշանակությունը հաստատող եզրակացությունը ներկայացնելու դեպքում։

ՀՀ էկոնոմիկայի նախարարություն
https://t.me/ministryofeconomyRA/9405
https://t.me/EconoMood/7013

🏦 Համաշխարհային բանկը (ՀԲ) հրապարակել է ՀՀ ամսական տնտեսական զարգացումների վերաբերյալ զեկույցը, համաձայն որի՝ 2025թ. հոկ...
23/12/2025

🏦 Համաշխարհային բանկը (ՀԲ) հրապարակել է ՀՀ ամսական տնտեսական զարգացումների վերաբերյալ զեկույցը, համաձայն որի՝ 2025թ. հոկտեմբերին տնտեսական ակտիվության երկնիշ աճը պահպանվել է՝ կազմելով 10.1%:

📈 Հոկտեմբերին զուտ ոչ առևտրային դրամական փոխանցումներն աճել են 31.2%-ով՝ բարձրանալով սեպտեմբերի 16.2%-ից: Մեծամասամբ պայմանավորված է Ռուսաստանից զուտ ներհոսքերի 2.2-ապատիկ աճով:

📈 Հոկտեմբերին գրանցված՝ տարեկան կանխատեսվող ՀՆԱ-ի 1.4%-ի հասնող պակասուրդն առաջինից երրորդ եռամսյակների ընթացքում գրանցված ընդհանուր պակասուրդի կրկնապատիկն էր։

World Bank Armenia - Համաշխարհային բանկ Հայաստան
Աղբյուրը՝https://thedocs.worldbank.org/en/doc/7a8d16840cbf3431f31f28eaee393dc5-0080012025/original/ARM-MEU-Dec-2025-arm.pdf

ԱԺ բյուջետային գրասենյակի կողմից ներկայացվել է ՀՀ 2025թ. հունվար-հոկտեմբեր ամիսների սոցիալ-տնտեսական վիճակի վերաբերյալ ա...
19/12/2025

ԱԺ բյուջետային գրասենյակի կողմից ներկայացվել է ՀՀ 2025թ. հունվար-հոկտեմբեր ամիսների սոցիալ-տնտեսական վիճակի վերաբերյալ ամփոփ տեղեկատվություն (արտաքին հատված)։

https://t.me/EconoMood/6999
Հայաստանի Հանրապետության Ազգային ժողովի բյուջետային գրասենյակ

🏦 ՀՀ ԿԲ-ն հրապարակել է «Դրամավարկային քաղաքականության» հեռանկարները 2025թ. 4-րդ եռամսյակի քաղաքականության շրջափուլում, ո...
18/12/2025

🏦 ՀՀ ԿԲ-ն հրապարակել է «Դրամավարկային քաղաքականության» հեռանկարները 2025թ. 4-րդ եռամսյակի քաղաքականության շրջափուլում, որի համաձայն՝ ՀՀ-ի տնտեսական աճը պահպանվել է բարձր մակարդակներում ի հաշիվ ծառայությունների և շինարարության ճյուղերի բարձր աճերի:

📈 Շինարարության ճյուղը շարունակում է արագ տեմպերով աճել, սակայն անշարժ գույքի գների աստիճանական ճշգրտման պայմաններում տնտեսության հարակից ոլորտներում աճի, պահանջարկի թուլացման և, հետևաբար, գնանկումային ռիսկերը պահպանվում են:

📉 2025թ. եկամուտների հավաքագրման բարձր կատարողականին զուգահեռ նկատվում է հատկապես կապիտալ ծախսերի որոշակի թերակատարում:

📈 Աշխատավարձերի աճի կայունացումը և կենտրոնցվածության նվազումը կարող են վկայել աշխատանքի շուկայի առավել հավասարակշռված պայմանների մասին:

Central Bank of Armenia
🔗 Տեղեկատվությունն ամբողջությամբ՝ https://www.cba.am/file_manager/Monetary%20policy/Outlook/Monetary_Policy_Outlook_16.12.2025_ARM.pdf?fbclid=IwY2xjawOwnulleHRuA2FlbQIxMABicmlkETFDaXU2UUhHbzBtOVZpZ3psc3J0YwZhcHBfaWQQMjIyMDM5MTc4ODIwMDg5MgABHt4N16PeYj7adrnSRcJYd7Xt8ppVyLXNX4XojBZyjcJ-9MXxBx1chkAPnkO2_aem_khOdYn5t8ml6h-WlFjFB-Q

🔎 Եվրասիական զարգացման բանկը (ԵԱԶԲ) հրապարակել է «Մակրոտնտեսական կանխատեսում 2026 - 2028թթ.» զեկույցը, որի համաձայն՝ ՀՀ-...
18/12/2025

🔎 Եվրասիական զարգացման բանկը (ԵԱԶԲ) հրապարակել է «Մակրոտնտեսական կանխատեսում 2026 - 2028թթ.» զեկույցը, որի համաձայն՝ ՀՀ-ում 2025թ. համար կանխատեսվել է 6%, իսկ 2026թ. համար՝ 5.3% տնտեսական աճ։

📊 ԵԱԶԲ կանխատեսմամբ՝ ՀՀ-ում գնաճը մոտ կլինի նպատակային ցուցանիշին ողջ կանխատեսման հորիզոնում՝ 2026թ. վերջին կազմելով 3.3%:

☑️ Ներքին բարձր պահանջարկի ֆոնին ներմուծման աճի հետևանքով դրամի տարեկան միջին փոխարժեքը 2026թ. համար կանխատեսվել է 1 դոլարի դիմաց 393 դրամ:

📈 2026թ. համար եվրասիական տարածաշրջանի երկրներից համեմատաբար բարձր աճ է կանխատեսվել Ղրղզստանում՝ 9.3%, և Տաջիկստանում՝ 8.1%: Ղազախստանում ակնկալվում է տնտեսական աճի 5.5%, իսկ Բելառուսում և ՌԴ-ում՝ համապատասխանաբար 1.8% և 1.4% մակարդակ:

🔗 Զեկույցն ամբողջությամբ՝ https://eabr.org/press/releases/ekonomiki-stran-evrazii-pokazhut-rost-do-9-3-v-2026-godu-eabr-predstavil-novyy-makroprognoz/
https://t.me/EconoMood/6996

📊 2025թ. նոյեմբերին բաց է թողնվել 23 հազ. 16 ապրանքների հայտարարագիր, իսկ 2024թ. նույն ամսին՝ 23 հազ. 159։ Եթե 2024թ. նո...
18/12/2025

📊 2025թ. նոյեմբերին բաց է թողնվել 23 հազ. 16 ապրանքների հայտարարագիր, իսկ 2024թ. նույն ամսին՝ 23 հազ. 159։ Եթե 2024թ. նոյեմբերին հայտարարագրերի 56․4%-ն էր բաց թողնվել «կանաչ ուղի» միջերեսային արտացոլմամբ, ապա 2025թ. նույն ամսում՝ արդեն 70․2%-ը։ Աճը կազմել է 13․8 տոկոսային կետ, զուգահեռաբար զգալի նվազել է նաև «դեղին ուղի» և «կարմիր ուղի» միջերեսային արտացոլմամբ ապրանքների հայտարարագրերի բացթողումների քանակը։

🔹 «Մաքսային ռիսկերի կառավարման համակարգն ավելի թիրախային և արդյունավետ է աշխատում․ ավելի քիչ «անհարկի» ստուգումներ, ավելի շատ վստահություն կարգապահ արտաքին տնտեսական գործունեության մասնակիցների նկատմամբ»,-հայտնել է ՀՀ ՊԵԿ նախագահ Էդուարդ Հակոբյանը։

ՀՀ պետական եկամուտների կոմիտե / State Revenue Committee of Armenia
https://t.me/EconoMood/6995

🏦 ՀՀ ԿԲ-ն հրապարակել է 2025թ. 4-րդ եռամսյակի «Դրամավարկային քաղաքականության» զեկույցը, ըստ որի՝ համաշխարհային տնտեսությո...
18/12/2025

🏦 ՀՀ ԿԲ-ն հրապարակել է 2025թ. 4-րդ եռամսյակի «Դրամավարկային քաղաքականության» զեկույցը, ըստ որի՝ համաշխարհային տնտեսությունում և Հայաստանի հիմնական գործընկեր երկրներում պահանջարկի աճի հետագա դանդաղման, իսկ ԱՄՆ-ում՝ զուգահեռաբար նաև գնաճի արագացման ռիսկերը պահպանվում են:

📊 2025թ. մայիսից ի վեր դեպի ՀՀ զբոսաշրջային հոսքը կտրուկ արագացել էր, ինչն ուղեկցվել է կազմի և կառուցվածքի որոշակի փոփոխություններով, սակայն սեպտեմբերից նկատվել է զբոսաշրջային հոսքի բնականոն դանդաղում:

📈 Ընթացիկ տարվա ընթացքում շարունակում է արձանագրվել հարկային եկամուտների բարձր կատարողական, իսկ ընթացիկ և կապիտալ ծախսերի գերակատարման ռիսկերն էապես նվազել են:

📈 2025թ. սկզբից գնաճը ցուցաբերել է արագացման միտումներ՝ արտացոլելով հիմնականում առաջարկի գործոնների ազդեցության ընդլայնման պայմաններում համաշխարհային տնտեսությունից փոխանցվող գնաճային ճնշումների արագացումը (հատկապես ներմուծվող պարենային ապրանքների մասով):

Central Bank of Armenia
🔗 Զեկույցն ամբողջությամբ՝ https://www.cba.am/file_manager/Monetary%20policy/Reports/MPR_2025_Q4_ARM.pdf?fbclid=IwY2xjawOwc7ZleHRuA2FlbQIxMABicmlkETFjVFhPNFBVY29mME9PR1JOc3J0YwZhcHBfaWQQMjIyMDM5MTc4ODIwMDg5MgABHpsJu9inonTX7wlNAXoF--QAs6e8tVNMuSjmtwR8Nxryd4Ju_pINBCGu6yNP_aem_F43ee-ebOmYmLqkRGoIzjw
https://t.me/EconoMood/6994

‼️ Ազգային ժողովը երկրորդ ընթերցմամբ և ամբողջությամբ ընդունել է «Առողջության համընդհանուր ապահովագրության մասին» օրենքը:...
18/12/2025

‼️ Ազգային ժողովը երկրորդ ընթերցմամբ և ամբողջությամբ ընդունել է «Առողջության համընդհանուր ապահովագրության մասին» օրենքը:

☑️ Ապահովագրական համակարգը կսկսի գործել 2026թ. հունվարի 1-ից:

▪️ Առաջին փուլով համակարգում կընդգրկվեն մինչև 18տ երեխաները, 65+ տարիքի քաղաքացիները, հաշմանդամության 1-ից 3-րդ խումբ ունեցող քաղաքացիները, ֆունկցիոնալության սահմանափակում ունեցող անձինք, սոցիալապես անապահով խմբերը և սոցիալական աջակցության համակարգում ներառված անձինք, այդ թվում` զոհված զինծառայողների ընտանիքները, ինչպես նաև 200 հազ. 1 դրամ և ավելի աշխատավարձ ստացողները:

☑️ Ապահովագրության փաթեթը բոլորի համար նույնն է լինելու, արժեքը` տարեկան 129 հազ. 600 դրամ:

▪️ 2026թ. պետությունն ամբողջովին վճարելու է մինչև 18տ երեխաների, ֆունկցիոնալության սահմանափակումներ ունեցող քաղաքացիների, հաշմանդամության 1-ից 3-րդ խումբ ունեցող անձանց, սոցանապահով խմբերի, զոհված զինածառայողների ընտանիքների, ինչպես նաև 65+ տարիքի անձանց ապահովագրության գումարը:

ՀՀ առողջապահության նախարարություն
https://www.facebook.com/photo/?fbid=1178051534516715&set=a.178228197832392
https://t.me/EconoMood/6992

☑️ Երեխա ունեցող ընտանիքների բնակարանային ապահովման պետական աջակցության ծրագրի շրջանակում դիմումների ընդունման գործընթաց...
17/12/2025

☑️ Երեխա ունեցող ընտանիքների բնակարանային ապահովման պետական աջակցության ծրագրի շրջանակում դիմումների ընդունման գործընթացը շարունակվում է։

📊 2025թ. ընթացքում արդեն իսկ աջակցություն է ստացել 2 հազ. 876 շահառու, վճարվել է շուրջ 2.4 մլրդ դրամ։ Ծրագրի մեկնարկից մինչ օրս աջակցություն է ստացել 14 հազ. 997 ընտանիք, վճարվել է շուրջ 11 մլրդ դրամ։

☑️ Երեխա ունեցող ընտանիքների բնակարանային ապահովման պետական աջակցության ծրագրի շրջանակում պետության կողմից միանվագ դրամական աջակցություն է տրամադրվում՝ մարզային բնակավայրերում բնակարան ձեռք բերելու կամ բնակելի տուն կառուցելու դեպքում, հիփոթեքային վարկ մարող ընտանիքում երեխա ծնվելու դեպքում։

ՀՀ աշխատանքի և սոցիալական հարցերի նախարարություն
Աղբյուրը՝ https://www.facebook.com/story.php?story_fbid=1281399337365214&id=100064854781936&mibextid=wwXIfr&rdid=sAx7CtQQggmojkGH #

📊 ԵԱՏՄ երկրներում շինարարական աշխատանքների ծավալը 2025թ. առաջին 10 ամիսներին նախորդ տարվա նույն ժամանակահատվածի համեմատ ...
17/12/2025

📊 ԵԱՏՄ երկրներում շինարարական աշխատանքների ծավալը 2025թ. առաջին 10 ամիսներին նախորդ տարվա նույն ժամանակահատվածի համեմատ աճել է 4.5%-ով։

📈 Աճ է նկատվել Միության բոլոր երկրներում։ Ամենաբարձր տեմպերը գրանցվել են Ղրղզստանում (28.6%) և Հայաստանում (28.3%)։ Հաջորդը Ղազախստանն է՝ 15.1%-ով, Բելառուսը՝ 9.5%-ով և Ռուսաստանը՝ 4%-ով։

Աղբյուրը՝ https://t.me/MidRusEvrazes/4602
https://t.me/EconoMood/6989

‼️🏦 ՀՀ կենտրոնական բանկի խորհրդի նիստի ժամանակ որոշվել է իջեցնել վերաֆինանսավորման տոկոսադրույքը 0.25 տոկոսային կետով՝ ...
16/12/2025

‼️🏦 ՀՀ կենտրոնական բանկի խորհրդի նիստի ժամանակ որոշվել է իջեցնել վերաֆինանսավորման տոկոսադրույքը 0.25 տոկոսային կետով՝ սահմանելով 6․5%:

📌 ՀՀ կենտրոնական բանկի կողմից տրամադրվող լոմբարդային ռեպոյի տոկոսադրույքը սահմանվել է 8%,
📌 ՀՀ կենտրոնական բանկի կողմից բանկերից ներգրավվող միջոցների տոկոսադրույքը սահմանվել է 5%:

Central Bank of Armenia
https://t.me/EconoMood/6984

Address

Yerevan

Telephone

+37455243404

Website

Alerts

Be the first to know and let us send you an email when EconoMood posts news and promotions. Your email address will not be used for any other purpose, and you can unsubscribe at any time.

Contact The Business

Send a message to EconoMood:

Shortcuts

Share

Category

EconoMood տեղեկատվական-վերլուծական հարթակ

EconoMood-ը բացառապես տնտեսական ուղղվածությամբ տեղեկատվական-վերլուծական հարթակ է։ Որո՞նք են մեր նպատակները՝ 🔺 Հայաստանի տնտեսական և սոցիալական ոլորտներում տեղի ունեցող զարգացումների համակողմանի լուսաբանում 🔺 Սոցիալ-տնտեսական հարցերի վերաբերյալ վերլուծական բովանդակության տրամադրում 🔺 Լայն լսարանների համար մասնագիտական, պաշտոնական տեքստերի մատչելի հանրայնացում։

Մենք առաջարկում ենք տեղեկատվության ստացման երեք հարթակ՝ 📌Economood.am լրատվական կայքը՝ https://economood.am/ 📌EconoMood տելեգրամյան ալիքը՝ https://t.me/EconoMood 📌EconoMood ֆեյսբուքյան էջը։ 📢Կապ մեզ հետ 📞+374 55 24 34 04 📨 [email protected]