Bon FM

Bellen Routebeschrijving Website Contact opnemen met het bedrijf

Bon FM BON F.M. 102.7 ta un emisora di radio di Boneiru for di 6 di sèptèmber 1995. Dunando informashon den boletinnan di notisia i otro programanan informativo.

Tambe bo por skucha e hitnan na BON F.M. 102.7. The best radio station on the island of Bonaire for News, Information and Music

Riba djabièrnè 9 di òktober nos tabatin komo invitado den nos programa Bon dia Boneiru Jolinda Craane, lider polítiko in...
10/10/2026

Riba djabièrnè 9 di òktober nos tabatin komo invitado den nos programa Bon dia Boneiru Jolinda Craane, lider polítiko interino di UPB. Por skucha e programa aki via e siguiente link; https://on.soundcloud.com/yEFQaJOt96g1y2CbXp

𝐊𝐨̀𝐧𝐭𝐫𝐨̀𝐥 𝐦𝐚𝐫𝐢́𝐭𝐢𝐦𝐨 𝐝𝐮𝐫𝐚𝐧𝐭𝐞 𝐞𝐝𝐢𝐬𝐡𝐨𝐧 𝟓𝟗 𝐝𝐢 𝐑𝐞𝐠𝐚𝐭𝐭𝐚 𝐁𝐨𝐧𝐚𝐢𝐫𝐞Djadumingu 11 di òktober edishon 59 di Regatta Bonaire ta kumin...
10/10/2026

𝐊𝐨̀𝐧𝐭𝐫𝐨̀𝐥 𝐦𝐚𝐫𝐢́𝐭𝐢𝐦𝐨 𝐝𝐮𝐫𝐚𝐧𝐭𝐞 𝐞𝐝𝐢𝐬𝐡𝐨𝐧 𝟓𝟗 𝐝𝐢 𝐑𝐞𝐠𝐚𝐭𝐭𝐚 𝐁𝐨𝐧𝐚𝐢𝐫𝐞

Djadumingu 11 di òktober edishon 59 di Regatta Bonaire ta kuminsá. Tim Hub Marítimo Multidisiplinario Boneiru (MMHB), bou di kua diferente partner di kadena ta kai, e aña aki tambe lo kontribuí aktivamente na seguridat riba awa durante di Regatta.

Duana Hulanda Karibense, Koninklijke Marechaussee (KMar), Wardakosta di Karibe Hulandes, Kuerpo Polisial Hulanda Karibense (KPCN) i Entidat Públiko Boneiru (OLB), lo supervisá i kontrolá kumplimentu ku tur legislashon i regulashon ku ta importante pa kada partner di kadena.

Tambe, e partnernan di kadena lo sostené otro ku ehekushon di nan tareanan durante e evento. Ademas e diferente partnernan di kadena ta manda refuerso èkstra pa posibel asistensia di emergensia. Supervishon i e kòntròl ta tuma lugá den e awanan entre Kòrsou i Boneiru, rondó di Boneiru i den e bahia di Kralendijk.

𝘋𝘶𝘢𝘯𝘢 𝘏𝘶𝘭𝘢𝘯𝘥𝘢 𝘒𝘢𝘳𝘪𝘣𝘦𝘯𝘴𝘦
Duana lo supervisá riba tráfiko di merkansia ku ta pasa frontera i sòru pa kumplimentu ku e proseduranan korekto di importashon i eksportashon. Tambe nan lo kontrolá riba presensia di merkansia prohibí.

𝘒𝘰𝘯𝘪𝘯𝘬𝘭𝘪𝘫𝘬𝘦 𝘔𝘢𝘳𝘦𝘤𝘩𝘢𝘶𝘴𝘴𝘦𝘦 (𝘒𝘔𝘢𝘳)
KMar ta responsabel pa vigilansia di frontera na Boneiru. Nan ta kontrolá e kondishonnan di entrada pa personanan i ta kontribuí na kombatimentu di kriminalidat ku ta pasa frontera.

𝘞𝘢𝘳𝘥𝘢𝘬𝘰𝘴𝘵𝘢 𝘥𝘪 𝘒𝘢𝘳𝘪𝘣𝘦 𝘏𝘶𝘭𝘢𝘯𝘥𝘦𝘴
Wardakosta di Karibe Hulandes lo ehekutá kòntròl riba balides di dokumento di boto manera karchi di registrashon i pèrmit pa nabegá. E dokumentonan aki mester ta bálido pa e área di Boneiru i Kòrsou. Ademas, Wardakosta di Karibe Hulandes ta kontrolá riba e kantidat di persona na bordo di un boto konforme e karchi di inspekshon i ta mantené órden públiko i seguridat.

Den kaso di emergensia por tuma kontakto ku Wardakosta di Karibe Hulandes via 913 òf whatsapp 5100913.

𝘒𝘶𝘦𝘳𝘱𝘰 𝘗𝘰𝘭𝘪𝘴𝘪𝘢𝘭 𝘏𝘶𝘭𝘢𝘯𝘥𝘢 𝘒𝘢𝘳𝘪𝘣𝘦𝘯𝘴𝘦 (𝘒𝘗𝘊𝘕)
Durante Regatta, KPCN ta responsabel pa mantenshon di órden públiko i seguridat, tantu riba laman komo riba i rondó di e área di evento. E énfasis ta riba supervishon, seguridat di tráfiko i prevenshon di molèster. Den kaso di insidente òf situashon di emergensia, KPCN ta sòru pa e intervenshon polisial nesesario i ta kordiná e asistensia ku e otro servisionan di emergensia i partnernan marítimo.

𝘌𝘯𝘵𝘪𝘥𝘢𝘵 𝘗ú𝘣𝘭𝘪𝘬𝘰 𝘉𝘰𝘯𝘦𝘪𝘳𝘶 (𝘖𝘓𝘉) – 𝘚𝘦𝘳𝘷𝘪𝘴𝘪𝘰 𝘥𝘪 𝘏𝘢𝘧 𝘪 𝘓𝘰𝘵𝘴
OLB ta kontrolá si ta hasi uso korektamente di bui i lugánan pa mara boto. Tambe lo kontrolá ankramentu i lo retirá bui ku ta mará sin outorisashon. Tambe ta ilegal pa transportá persona sin e pèrmitnan nesesario, esaki ta pa sigurá nan bida riba laman. Ku asistensia di Wardakosta di Karibe Hulandes lo kontrolá riba pèrmit, registro i sertifikado nashonal di seguridat.

MMHB ta pidi atenshon pa subi awa bon prepará i ta konsehá pa aserká e instansianan konserní den kaso di pregunta. Ademas, MMHB ta deseá pueblo di Boneiru i su bish*tantenan un Regatta dushi i seif.

𝐓𝐮𝐫𝐢𝐬𝐦𝐨 𝐧𝐚 𝐁𝐨𝐧𝐞𝐢𝐫𝐮 𝐚 𝐫𝐞𝐠𝐢𝐬𝐭𝐫𝐚́ 𝐤𝐫𝐞𝐬𝐞𝐦𝐞𝐧𝐭𝐮 𝐤𝐨𝐦𝐩𝐚𝐫𝐚́ 𝐤𝐮 𝐬𝐞̀𝐩𝐭𝐞̀𝐦𝐛𝐞𝐫 𝟐𝟎𝟐𝟓Tourism Corporation Bonaire (TCB) a kompartí infor...
08/10/2026

𝐓𝐮𝐫𝐢𝐬𝐦𝐨 𝐧𝐚 𝐁𝐨𝐧𝐞𝐢𝐫𝐮 𝐚 𝐫𝐞𝐠𝐢𝐬𝐭𝐫𝐚́ 𝐤𝐫𝐞𝐬𝐞𝐦𝐞𝐧𝐭𝐮 𝐤𝐨𝐦𝐩𝐚𝐫𝐚́ 𝐤𝐮 𝐬𝐞̀𝐩𝐭𝐞̀𝐦𝐛𝐞𝐫 𝟐𝟎𝟐𝟓

Tourism Corporation Bonaire (TCB) a kompartí informashon turístiko preliminar pa sèptèmber 2026, for di kua ta resultá ku Boneiru a risibí 12.758 bish*tante stayover. Esaki ta un oumento di 4,6% kompará ku luna di sèptèmber 2025, ora ku 12.196 bish*tante a yega nos isla.

E bish*tantenan for di Hulanda a forma e grupo di mas grandi, representando 48,9% di e kantidat total di yegada ku 6234 bish*tante. E bish*tantenan for di Merka tabata e di dos grupo mas grandi, representando 20,4% di e yegadanan ku 2613 bish*tante.

En total 1601 bish*tante (12,5%) for di Kòrsou a bish*tá nos isla, siguí pa Aruba ku 265 bish*tante (2,1%), Alemania ku 259 bish*tante (2%), Bélgika ku 243 bish*tante (1,9%), Brazil ku 174 (1,4%), Argentina ku 166 bish*tante (1,3%), Colombia ku 152 bish*tante (1,2%) i Reino Uní ku 102 (0,8%) bish*tante.

Mayoria di e bish*tantenan for di Merka a biaha ku un partner, siguí pa esunnan ku a biaha nan so. Mayoria a bini pa sambuyá (48,1%), pa vakansi (40,5%) i pa bish*tá amigu i famia (1,6%). Mayoria di nan a hospedá den un hotèl (58,1%), un vila (11,3%), nan propio bibienda (6,8%), un apartamento (5,4%), òf serka un miembro di famia (3,1%). E bish*tantenan for di Merka a bini prinsipalmente for di Florida, Texas, California, Georgia i North Carolina. E repartishon di edat ta mustra ku e biaheronan di 55 pa 64 aña a representá 27,2% di e bish*tantenan, miéntras ku esunnan di 65 aña bai ariba a representá 19,4% di e bish*tantenan.

Mayoria di e bish*tantenan for di Hulanda a biaha ku un partner, siguí pa esunnan ku a biaha nan so. Mayoria bish*tante a bini pa vakansi (69,7%), pa bish*tá amigu i famia (9,3%) i pa negoshi (7,8%). Mayoria di e bish*tantenan a hospedá den un hotèl (54,4%), siguí pa un apartamento (14,7%), serka un miembro di famia (10,1%), den un vila (4,3%) i den nan propio bibienda (3,8%). Mayoria di e bish*tantenan hulandes a bini for di Zuid-Holland, Noord-Holland, Noord-Brabant, Gelderland i Utrecht, kaminda e grupo di edat di 55 pa 64 aña (26,4%) i esun di 25 pa 34 aña (23,8%) tabata e segmentonan di mas grandi.

𝐃𝐨𝐬 𝐦𝐮𝐬𝐞𝐨 𝐤𝐚𝐫𝐢𝐛𝐞𝐧𝐬𝐞 𝐭𝐚 𝐫𝐢𝐬𝐢𝐛𝐢́ 𝐁𝐞𝐤𝐚 𝐩𝐚 𝐌𝐮𝐬𝐞𝐨 𝐝𝐢 𝐍𝐖𝐎Bon notisia pa sektor di patrimonio den e área karibense. Dos museo a...
08/10/2026

𝐃𝐨𝐬 𝐦𝐮𝐬𝐞𝐨 𝐤𝐚𝐫𝐢𝐛𝐞𝐧𝐬𝐞 𝐭𝐚 𝐫𝐢𝐬𝐢𝐛𝐢́ 𝐁𝐞𝐤𝐚 𝐩𝐚 𝐌𝐮𝐬𝐞𝐨 𝐝𝐢 𝐍𝐖𝐎

Bon notisia pa sektor di patrimonio den e área karibense. Dos museo a gana un Beka pa Museo di NWO: Saba Archaeological Center Foundation i Sint Maarten National Heritage Foundation. Esaki ta demostrá ku organisashon- i investigadónan di e region realmente ta bini na remarke den e programanan di NWO. Nan ta entre e 16 ganadónan di e buèlta di supsidio nobo akí.

E Programa di Beka pa Museo ta fortifiká e funshon di investigashon di museo. E ta finansiá profeshonalnan di museo pa hasi investigashon profundo di nan kolekshon, patrimonio i práktika di museo. Ta kompartí e resultadonan via publikashonnan ku tin akseso liber, di manera ku e konosementu ta benefisiá sektor di museo mas amplio.

𝑷𝒓𝒐𝒚𝒆𝒌𝒕𝒐𝒏𝒂𝒏 𝒌𝒂𝒓𝒊𝒃𝒆𝒏𝒔𝒆 𝒌𝒖 𝒂 𝒈𝒂𝒏𝒂:
𝑆𝑎𝑏𝑎 𝐻𝑒𝑟𝑖𝑡𝑎𝑔𝑒 𝐶𝑒𝑛𝑡𝑒𝑟: 𝑃𝑜𝑛𝑒 𝑢𝑛 𝑏𝑎𝑠𝑒 𝑓𝑢𝑒𝑟𝑡𝑒 𝑝𝑎 𝑓𝑢𝑡𝑢𝑟𝑜
Un di e proyektonan otorgá ta prosedente di Saba Archaeological Center Foundation. E proyekto ta bou di guia di S. Balfour. Komo preparashon pa apertura di un sentro di patrimonio nobo na 2029, e proyekto ta investigá kon pa duna struktura na maneho di kolekshon den e partinan karibense di Reino i na Hulanda Europeo. E investigashon ta inventarisá bon ehèmpelnan i ta desaroyá rekomendashonnan pa sostené futuro Saba Heritage Center.

𝑆𝑖𝑛𝑡 𝑀𝑎𝑎𝑟𝑡𝑒𝑛: 𝑅𝑒𝑣𝑒𝑙𝑎́ ℎ𝑖𝑠𝑡𝑜𝑟𝑖𝑎 𝑑𝑖 𝑠𝑘𝑙𝑎𝑏𝑖𝑡𝑢𝑡 𝑖 𝑒𝑚𝑎𝑛𝑠𝑖𝑝𝑎𝑠ℎ𝑜𝑛
Sint Maarten National Heritage Foundation tambe a risibí un Beka pa Museo. S.M. Dehaney ta guia e proyekto. E investigashon ta enfoká riba historia di sklabitut i emansipashon riba e isla. Ademas ta studia sitionan históriko, ruinanan, storianan di famia, kolekshonnan di museo i archivonan.

E dos supsidionan ta demostrá algu importante. Organisashon- i investigadónan karibense por haña finansiamentu nashonal, igual ku instansianan na Hulanda Europeo. Via diferente programa di NWO, inkluyendo ‘Investigashon karibense: un aserkamentu multidisiplinario’, investigadónan karibense tambe por pidi otro supsidionan pa investigashon. E supsidionan akí ta sostené un variedat amplio di inisiativa pa investigashon ku ta atendé retonan sosial, fortifiká desaroyo di konosementu i krea impakto den e parti karibense di Reino.

𝐒𝐞𝐧𝐭𝐫𝐨 𝐀𝐤𝐬𝐞𝐬𝐨 𝐚 𝐞𝐧𝐭𝐫𝐞𝐠𝐚́ 𝐬𝐨𝐟𝐚 𝐢 𝐟𝐫𝐢𝐬𝐡𝐢𝐝𝐞̀𝐫 𝐧𝐚 𝐩𝐞𝐫𝐬𝐨𝐧𝐚𝐧𝐚𝐧 𝐤𝐮 𝐭𝐢𝐧 𝐦𝐞𝐬𝐭𝐞𝐫Sentro Akseso Boneiru a entregá un sofa i un frish...
08/10/2026

𝐒𝐞𝐧𝐭𝐫𝐨 𝐀𝐤𝐬𝐞𝐬𝐨 𝐚 𝐞𝐧𝐭𝐫𝐞𝐠𝐚́ 𝐬𝐨𝐟𝐚 𝐢 𝐟𝐫𝐢𝐬𝐡𝐢𝐝𝐞̀𝐫 𝐧𝐚 𝐩𝐞𝐫𝐬𝐨𝐧𝐚𝐧𝐚𝐧 𝐤𝐮 𝐭𝐢𝐧 𝐦𝐞𝐬𝐭𝐞𝐫

Sentro Akseso Boneiru a entregá un sofa i un frishidèr nobo na personanan ku tabatin mester di sosten. E sofa ta un donashon di Bonaire Office Systems, ku a hasi esaki posibel den kolaborashon ku Sentro Akseso.

E organisashon ta yuda habitantenan di Boneiru ku diferente nesesidat, inkluyendo asistensia práktiko pa personanan ku no tin e posibilidat finansiero pa kumpra artíkulonan esensial pa nan kas.

Segun Sentro Akseso, e donashon ta un ehèmpel di e importansia di kolaborashon i solidaridat den komunidat. E organisashon a gradisí Bonaire Office Systems pa su kontribushon, ku ta yuda brinda mas komodidat i trankilidat na personanan ku tin mester.

Den Bon dia Boneiru riba djarason 7 di òktober nos tabatin komo invitado Patricia Schut di ZW Groep, i tambe Vanessa Tun...
08/10/2026

Den Bon dia Boneiru riba djarason 7 di òktober nos tabatin komo invitado Patricia Schut di ZW Groep, i tambe Vanessa Tunk i Jokasta Inias. Via e siguiente link por skucha e programa; https://on.soundcloud.com/m0QHAnLhcA5QjqqqGc

𝐁𝐨𝐧𝐞𝐢𝐫𝐮 𝐢 𝐀𝐫𝐮𝐛𝐚 𝐭𝐚 𝐞𝐤𝐬𝐩𝐥𝐨𝐫𝐚́ 𝐤𝐨𝐥𝐚𝐛𝐨𝐫𝐚𝐬𝐡𝐨𝐧 𝐫𝐢𝐛𝐚 𝐭𝐞𝐫𝐞𝐧𝐨 𝐝𝐢 𝐦𝐚𝐧𝐞𝐡𝐨 𝐝𝐢 𝐬𝐮𝐬𝐡𝐢Riba djárason 7 di òktober diputado Dennis Marti...
08/10/2026

𝐁𝐨𝐧𝐞𝐢𝐫𝐮 𝐢 𝐀𝐫𝐮𝐛𝐚 𝐭𝐚 𝐞𝐤𝐬𝐩𝐥𝐨𝐫𝐚́ 𝐤𝐨𝐥𝐚𝐛𝐨𝐫𝐚𝐬𝐡𝐨𝐧 𝐫𝐢𝐛𝐚 𝐭𝐞𝐫𝐞𝐧𝐨 𝐝𝐢 𝐦𝐚𝐧𝐞𝐡𝐨 𝐝𝐢 𝐬𝐮𝐬𝐡𝐢

Riba djárason 7 di òktober diputado Dennis Martinus a papia ku minister presidente di Aruba Mike Eman tokante diferente tópiko ku na e momentu akí ta di importansia na Boneiru i Aruba. Maneho di sushi i e posibilidatnan pa kolaborashon entre e dos islanan akí a forma un parti importante di e kòmbersashon.

Tantu Boneiru komo Aruba ta konfrontando desafionan riba tereno di rekohementu i prosesamentu di sushi. Durante e konsulta nan a kompartí nan eksperensianan i nan a deliberá tokante un posibel kolaborashon riba tereno di prosesamentu sostenibel di sushi i resiklahe. Den esaki nan a wak entre otro e posibilidatnan pa prosesá sushi i kombertí esaki den un produkto final ku posibelmente por tin balor ekonómiko tambe.

“Boneiru i Aruba ta islanan ruman i nan ta enfrentando hopi desafio komparabel. Netamente pa e motibu akí ta di gran balor pa siña di otro, kompartí konosementu i huntu wak e solushonnan ku ta yuda nos islanan progresá. Nos ke sigui fortifiká e kolaborashon i konektividat akí,” segun diputado Martinus.

Den e periodo binidero nan ta wak na unda Boneiru i Aruba por sigui interkambiá konosementu i eksperensia i na unda kolaborashon ta posibel.

𝐃𝐞𝐭𝐞𝐧𝐬𝐡𝐨𝐧 𝐩𝐚 𝐢𝐧𝐭𝐞𝐧𝐭𝐨 𝐝𝐢 𝐚𝐬𝐞𝐬𝐢𝐧𝐚𝐭𝐨 𝐢 𝐯𝐚́𝐫𝐢𝐨𝐬 𝐚𝐤𝐬𝐢𝐝𝐞𝐧𝐭𝐞 𝐝𝐢 𝐭𝐫𝐚́𝐟𝐢𝐤𝐨𝘋𝘦𝘵𝘦𝘯𝘴𝘩𝘰𝘯 𝘱𝘢 𝘪𝘯𝘵𝘦𝘯𝘵𝘰 𝘥𝘪 𝘢𝘴𝘦𝘴𝘪𝘯𝘢𝘵𝘰Djamars 6 di òktober, ...
08/10/2026

𝐃𝐞𝐭𝐞𝐧𝐬𝐡𝐨𝐧 𝐩𝐚 𝐢𝐧𝐭𝐞𝐧𝐭𝐨 𝐝𝐢 𝐚𝐬𝐞𝐬𝐢𝐧𝐚𝐭𝐨 𝐢 𝐯𝐚́𝐫𝐢𝐨𝐬 𝐚𝐤𝐬𝐢𝐝𝐞𝐧𝐭𝐞 𝐝𝐢 𝐭𝐫𝐚́𝐟𝐢𝐤𝐨

𝘋𝘦𝘵𝘦𝘯𝘴𝘩𝘰𝘯 𝘱𝘢 𝘪𝘯𝘵𝘦𝘯𝘵𝘰 𝘥𝘪 𝘢𝘴𝘦𝘴𝘪𝘯𝘢𝘵𝘰
Djamars 6 di òktober, alrededor di 10.20 di anochi, durante un kontròl di tráfiko na Kaya Dr. J.G. Hernandez, polis a duna un shofùr señal pa para. E outomobilista a ignorá esaki i kore ku velosidat haltu den direkshon di 2 agente polisial. E agentenan mester a move un banda pa evitá un aksidente. Despues di esaki, shofùr di e vehikulo a sigui kore i polis a start un persekushon.

Poko ratu despues, polis a t**a ku e vehíkulo i a detené e hòmber di inisial M.W.A.G. di 32 aña bou di sospecho di intento di as*****to. Polis a konfiská e vehíkulo pa investigashon mas aleu.
E kaso ta bou di investigashon.

𝘒ò𝘯𝘵𝘳𝘰𝘭 𝘥𝘪 𝘷𝘦𝘭𝘰𝘴𝘪𝘥𝘢𝘵 𝘯𝘢 𝘥𝘰𝘴 𝘴𝘪𝘵𝘪𝘰
Djamars 6 di òktober, entre 11 or di mainta i 1 or di mèrdia, polis a tene kòntròl di velosidat riba E.E.G. Bulevar i Kaminda Tras di Montaña. Riba E.E.G. Bulevar a kòntrolá 30 vehíkulo. 4 shofùr tabata kore mas duru ku e velosidat máksimo pèrmití di 40 km/u. E velosidat mas haltu ku a midi tabata 62 km/u. Riba Kaminda Tras di Montaña a kòntrolá 35 vehíkulo. 3 shofùr tabata kore mas lihé ku e velosidat máksimo permití di 60 km/u. E velosidat mas haltu ku a midi tabata 84 km/u. A traha prosès-ferbal pa tur 7 shofùr.

𝘈𝘬𝘴𝘪𝘥𝘦𝘯𝘵𝘦 𝘦𝘯𝘵𝘳𝘦 𝘰𝘶𝘵𝘰 𝘪 𝘧𝘢𝘵𝘣𝘪𝘬𝘦
Djamars 6 di òktober, “meldkamer” sentral a risibí notifikashon tokante un aksidente entre un outo i un fatbike riba Kaya Neerlandia. Durante e aksidente shofùr di e fatbike a resulta heridá. Na yegada di polis na e sitio, shofùr di e outo no tabata presente mas. Ta investigando e kaso aki.

𝘈𝘬𝘴𝘪𝘥𝘦𝘯𝘵𝘦 𝘦𝘯𝘵𝘳𝘦 𝘰𝘶𝘵𝘰 𝘪 𝘴𝘬𝘶𝘵𝘦𝘳
Djamars 6 di òktober alrededor di 6.50 di anochi, ‘meldkamer’ sentral a risibí notifikashon tokante un aksidente entre un outo i un skuter riba Kaya Nikiboko Noord. Na e sitio a konstatá ku e vehíkulonan a dal den otro den birada.

𝘈𝘬𝘴𝘪𝘥𝘦𝘯𝘵𝘦 𝘳𝘪𝘣𝘢 𝘒𝘢𝘺𝘢 𝘒𝘰𝘳𝘰𝘯𝘢
Riba djamars 6 di òktober, alrededor di 5.20 di atardi, ‘meldkamer’ sentral a risibí notifikashon tokante un aksidente entre 2 outo riba Kaya Korona. Polis a presentá na e sitio i a dirigi tráfiko na e sitio di aksidente. Durante e kontròl, a konstatá ku un di e shofùrnan no tabatin un seguro bálido. E shofùr a haña un but pa esaki.

𝘚𝘰𝘴𝘱𝘦𝘤𝘩𝘰𝘴𝘰 𝘥𝘦𝘵𝘦𝘯é 𝘥𝘦𝘴𝘱𝘶𝘦𝘴 𝘥𝘪 𝘭𝘢𝘥𝘳𝘰𝘯𝘪𝘴𝘪𝘢 𝘥𝘪 𝘱𝘪𝘬ò𝘱
Djaweps promé di òktober, alrededor di 10 or di mainta, "meldkamer" sentral a risibí notifikashon tokante ladronisia di un Toyota Hilux koló kòrá na un supermerkado. Alrededor di 11.30 di mainta, polis a risibí un tep/notifikashon tokante e sito unda e vehíkulo hòrtá lo por ta. Polis a lokalisá e pikòp na Kaya Bongo i a konfiská esaki pa investigashon mas aleu. A transportá e vehíkulo pa warda di polis.

Durante e investigashon, un hòmber di inisial J.J.M. di 37 aña a bini dilanti komo sospechoso. Poko ratu despues, polis a lokalisá e sospechoso na Kaya Kuarta i a pasa ofer na su detenshon.

Mas lat, ku outorisashon di Ministerio Públiko, polis a entregá e pikòp bèk na e doño. E kaso ta bou di investigashon.

Adres

Kaya Irlanda 11
Bonaire

Telefoon

5997173102

Website

Meldingen

Wees de eerste die het weet en laat ons u een e-mail sturen wanneer Bon FM nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.

Contact Opnemen Met Het Bedrijf

Stuur een bericht naar Bon FM:

Snelkoppelingen

Delen