The Chin Express

The Chin Express The official page of The Chin Express The Chin Express cu UNHCR, ralzaam le Chinmi thawngpang thanhnak caah dirhmi asi.

Theih phu a simi US le Australia le ramkip thawngpang linsa pawl zong kan leh peng.

18/04/2025

Malaysia Imbi Sang ah cozah nih tlaihkhihnak a tuah
===================================

April 17, 2025 (Thursday) zaan lei 7:30 PM ah Malaysia cozah nawlngeitu (Immigration) nih Kuala Lumpur chung Chin ralzaam le ram dangmi tampi kan umnak Imbi sang ah tlaihkhih (Operasi) an tuah.

Hi tlaihkhihnak (Operasi) ahhin Imbi sang ummi ramdangmi (foreigner) minung 749 le Malaysia rammi 146 checkhlat an tong. Hi chung ah ramdangmi 506 an tlaih hna. Tlaihmi lakah minung 448 hi Pa an si. Bangladesh rammi (165) le Nepal (124) an si. Cun Nu 58 zong an tlaih hna i 40 hi Indesonesia le Nepal 18 an si.

Hi an tlaihmi hna hi Bukit Jalil Immigration Camp an kalpi hna.
Checkhlatnak an tuah lio ah Malaysia cozah nih theihpimi asilomi ramdang chuahmi UNHCR card aa tlaihmi zong an um tiah nawlngeitu lei nih an chim.

Nawlngeitu lei nih an tlaihmi hna minung zat le rammi an langhtermi ah Kawlrammi an i tel lo nain Chin ralzaam chung in zeimawzat an kalpi hna ti kan theih. Cheukhat an thlah than hna i cheukhat cu an thlah hna lo.

Imbi sang hi Operasi an luh duh ngainak hmunhma asi caah ralrin ngai a haumi asi. A tu zong Immigration hruaitu lei hi sang (Imbi) siseh hmumhma dangdang pehzulh in ngiathlainak kan tuah rih lai k*m dongh tiang tlaihkhihnak kan pehzulh peng lai tiah a chim.

Cucaah, kan mah le kan umnak sang cio zong ruahlopi in Operasi luh khawh cio asi caah ralrin cio kan hau.

- Ceumi Lian (CRC Malaysia)

Australia cozah bawmhnak - Inn c**k tikah cozah bawmhnak phun 3 leng um, kannih hi a phun 3 ningin kan ngah. Midang zong...
24/09/2024

Australia cozah bawmhnak - Inn c**k tikah cozah bawmhnak phun 3 leng um, kannih hi a phun 3 ningin kan ngah. Midang zong ngah ve uh ti kan duhpiak hna. Inn c**k aa timmi nan hawile share ve hna u.

1. First Home Buyer Guarantee (FHBG) - Avoi 1nk inn a cawmi bawmhnak asi. Deposit tlawmte (5%) in inn c**k khawhnak bawmhnak asi.

Inn c**k tik ahhin cozah fee (stamp duty), sihni fee le min thlennak man pawl na liam dih hnu ah 20% deposit na ngeih rih hau. Mah lo cun, deposit tling na ngeih lomi zaka ahkhan LMI (Lenders Mortgage Insurance) na cawi/liam chih rih a hau. Inn c**knak man he, LMI he si tikah na leiba a tam chinchin.

Cun, LMI ṭih a nunnak cu, hmailei ah inn man na pek khawh ti lo sual ahcun, bank nih na inn kha aa zuar lai, aa zuarmi man nih na leiba a cham khawh hlei lo ahcun a taangmi kha insurance company nih na bank a chap lai. Insurance company nih bank a chapmi tangka cu nangmah an cawh ṭhan lai -- na inn na sungh pinah leiba thong sawm tampi silole a ting hmanh na ngei kho rih.

Cucaah, Australia Rampumpi Cozah nih, "Inn a caw bal rih lomi pawl hi inn an c**k khawh ve nakhnga deposit 5% an ngeih paoh ahcun a taangmi 15% cu LMI liam hau loin cozah nih aamahkhan piak an si lai..." timi 5% deposit in inn c**k bawmhnak asi.

5% deposit in inn c**k bawmhnak cu bank tampi;

Commonwealth Bank, WestPac, NAB, BankSA, tbk nih an cohlan i anmah sinah avoi 1nk inn c**knak tangka na cawi ahcun LMI na luat. Nain, ANZ nih cun a cohlan lo caah ANZ in na c**k ahcun LMI na cawi/liam peng a hau.

Mah 5% deposit in inn c**k bawmhnak hi hlan ahcun citizen lawng a ngah, nain ni k*m thok khan PR zong a ngah ve cang -- Laimi cu hohmanh 20% deposit aa khon khomi kan um lo caah LMI kan liam dih. Cuccah, ni k*m tiang kha cu ANZ in avoi 1nk inn c**k kha a ṭha tuk ko. Nain atu cu cozah bawmhnak a um cang caah LMI liam hau loin 5% deposit a ngahnak bank in c**k a ṭha deuh. 5% deposit a ngah kho lomi le inn 2nk a cawmi caah cun ANZ zong hi a ṭha peng ve rih ko.

2. Stamp Duty ngaihthiam - Victoria state ah ummi paoh cu avoi 1nk inn na c**kmi kha $600,000 tang asi ahcun stamp duty liam na hau lo. $600,000 in $750,000 kar man na c**k ahcun ting 6 cung lawng kha liam asi.

South Australia ummi balte kan vanchia deuh. Inn thar a cawmi lawnglawng stamp duty liam an luat. Inn ṭhing a cawmi cu liam si ko.

3. Inn thar a cawmi tangka bawmhnak - Victoria state ummi cu $10,000 bawmh an si. South Australia ummi cu $15,000 bawmh an si.

Kannih hi PR kan si. 2023 ahkhan inn kan caw i acunglei bawmhnak 3 ningin kan ngah. Ho paoh ngah cio uh ti kan duhpiak hna.

Nuhmei/pahmei caah 2% deposit lawng in inn c**k bawmhnak zong a um. Khuate (regional area) ah inn cawmi bawmhnak zong um. Victoria le South Australia ah Laimi kan tam cem caah mah state 2 kong lawng ka ṭial - a sau tuk cang caah. State dang zong bawmhnak um cio ko, nan bank le broker sinah hlat khawh asi.

Siaherhnak he
Lian

14/05/2024

UNHCR card ngei bak lomi minung 4 nai ah Australia an phan. Kan theih lomi tampi an um rih kho. UNHCR card nan ngeih lo zongah laknak tuah ko uh.

Australia Lai Paih Champion Tlangval Van Ni Ceu cu US a kal lai2023 Australia Lai Paih Zuamcawh Middleweight Champion 2 ...
07/03/2023

Australia Lai Paih Champion Tlangval Van Ni Ceu cu US a kal lai

2023 Australia Lai Paih Zuamcawh Middleweight Champion 2 a latu Aaceu nih middleweight US Lai pathawng pawl a kal hnawh hna lai.

2023 Chin Miphun Ni paih ah amah umnak Adelaide khua ah middleweight champion a lak. Perth khua ah a va kal i middleweight champion a lak hoi. Middleweight champion 2 bak a lak.

Pe 5’6” a sang i 66kg a ritmi tlangval Aaceu hi ni k*m zong ahkhan Melbourne khua ah a kal i amah tia/weight vialte a huai viar hna. Amah tia (middleweight = 72kg tang) Australia rampumpi Laipa vialte lakah a thawngbik mi si.

Australia ahcun amah weight ah a tei khotu an um ti lo caah, US Lai Paih an tuah tikah kal dingin atu hi aa timhtuah cuahmah lio asi.

A pumrua hrim aa dawh tuk i micheu nih “model” an ti, micheu nih “nungak tanlaih Aaceu” an ti.

Aaceu hi 66kg lawng a rit nain 225kg (500 lbs) deadlift a cawi zungzal mi si — Lai nungak a body fit bakmi 5 a cawi khawh hna kan ti lai cu. Micheu cu gym an kal i a tut in an tut, anih cu a thahri le tit lawngte si i a body aa dawh meisei. Instagram ah follow khawh si.

Ram thumnak thang kan fa/nau tampi cu kan Lai nunphung cu chimlo, kan holh Lai holh bak hmanh a thiam lomi an tamtuk cang. Lai paih hi mino funtomtu kan nunphung pakhat asi caah tha pek a herh ngaingai.

Kan Lai nunphung cu Kawlpa le Mirangpa nih an kan cawnsan piak lai lo, kanmah nih tha kan pek le cawisan a hau 💪

Vawlei cung RC khrihfabu vialte i an lubik Pope Francis nih, “Nu le nu i duh, pa le pa i duh cu sual asi lo. Pathian nih...
26/01/2023

Vawlei cung RC khrihfabu vialte i an lubik Pope Francis nih, “Nu le nu i duh, pa le pa i duh cu sual asi lo. Pathian nih cun a fale vialte hi an sining tein a dawt dih ko hna,” ati.

Ram tampi nih chiatha-khat i duh le thitum cu sual asi tiin upadi an tuahmi a lungtlinlonak kong a chim lio ah acunglei bangin a chim hi si.

“Chiatha-khat aa duhmi cozah nih thongthlak nan timhmi hna hi cu thil dik asi lo. Pathian nih cun a fale vialte hi [chiatha-khat aa duhmi zong] a dawt dih ko hna,” ati.

Thawngtha: US ummi nih Malaysia le India um ralzaam auh khawh asi laiNizaan tihni ah US cozah nih a thanhmi thawngpang ṭ...
23/01/2023

Thawngtha: US ummi nih Malaysia le India um ralzaam auh khawh asi lai

Nizaan tihni ah US cozah nih a thanhmi thawngpang ṭha hrawmh kan duh hna.

US citizen le PR nih ramhnihnak um ralzaam lak khawh asi lai. Chinmi tampi caah a ṭhahnem lai ti ka zumh.

US citizen silole PR minung 5 i bawm in auhnak tuah khawh asi lai. Ralzaam pakhat auhnak caah $2,275 lawng a dih. Mah program cu Welcome Corps tiin an auh - welcomecorps.org ah tling tein rel khawh asi.

Atu lawlawse cu mah nih lak duhmi ralzaam i thim le lak ngah rih lo (chungkhat lak a ngah rih lo), nain 2023 k*m tanṭim hnu cun mah nih duhmi ralzaam auhnak tuah khawh asi lai.

Kan chungkhat le kan dawtmi hna tampi Malaysia le India ah harsa ngai in an um. Mah thawngpang thar nihhin US ah phakter khawh hna nak le i ton khawhnak caan ṭha a kan pek.

Mah kong hi tam deuh hlat ulaw nan chungkhat le nan dawtmi la cio hna uh tiah forhfial kan duh hna.

Nan chungkhat le dawtmi hna dam le lawm tein US phan kho cio hna seh ti duhsahnak he,

Lian
The Chin Express

Chinmi tampi hmuh dingin SHARE ve

Malaysia Prime Minister cu Anwar Ibrahim (PH party) nih a tuan lai. Tu zaanlei 5pm (Malaysia caan) ah siangpahrang nih b...
24/11/2022

Malaysia Prime Minister cu Anwar Ibrahim (PH party) nih a tuan lai.

Tu zaanlei 5pm (Malaysia caan) ah siangpahrang nih biakamnak a tuah lai.

2026 World Cup cu US, Canada le Mexico ah an tuah laiA ra laimi k*m 2026 FIFA World Cup cu ram 3; US, Canada le Mexico a...
24/11/2022

2026 World Cup cu US, Canada le Mexico ah an tuah lai

A ra laimi k*m 2026 FIFA World Cup cu ram 3; US, Canada le Mexico ah an tuah lai.

Ram 3 nih World Cup tuah an i hrawm avoi 1nk si lai.

US ahcun khua 11; Seattle, San Francisco, Los Angeles, Kansas City, Dallas, Atlanta, Houston, Boston, Philadelphia, Miami le New York/New Jersey ah an tuah lai.

Canada ahcun khua 2; Vancouver le Toronto ah an tuah lai.

Mexico ahcun khua 3; Mexico City, Guadalajara le Monterrey ah an tuah lai.

June le July thla ah si te lai. Ani belte cu FIFA nih a khiak rih lo.

Khi tik ahcun ram 48 an chuih lai. Qatar ram ah atu tuah liomi le liamcia World Cup ahcun ram 32 lawng an chuih tawn. World Cup ah avoi 1nk ram 48 an chuih si lai.

Address

Adelaide, SA

Telephone

+61455437176

Website

Alerts

Be the first to know and let us send you an email when The Chin Express posts news and promotions. Your email address will not be used for any other purpose, and you can unsubscribe at any time.

Contact The Business

Send a message to The Chin Express:

Shortcuts

Share

Category

Kan Konglam

The Chin Express cu 2016 July 29 ah Malaysia ah dirhmi, a dikmi le rinhtlak a simi thawngpang lawnglawng a thanhtu kan si. Careltu Chin mipi caah rinhtlak le santlai dingin ni fatin fakpi in kan i zuam peng.

The Chin Express cu zei bantuk bu le pengtlang hmanh nih uk lomi, amah tein a dirmi si bang, ahohmanh ṭanhmi kan ngei lo. Cucaah, ahopaoh nih lungawṭawm lo tein thawngpang pek khawh peng kan si, zeitik hmanh ah kan in thleidang hna lai lo.

Websites: https://www.thechinexpress.com

https://www.thechinexpress.info