VD7NEWS, Brisbane City (2025)

07/08/2025

ខ្ញុំក្នុងនាមជានាយករដ្ឋមន្ត្រីនៃព្រះរាជាណាចក្រកម្ពុជា បានផ្ញើលិខិតជាផ្លូវការទៅគណៈកម្មការពានរង្វាន់ណូបែលសន្តិភាព ដើម្បីគាំទ្របេក្ខភាពឯកឧត្តមប្រធានាធិបតី Donald Trump សម្រាប់ពានរង្វាន់ណូបែលសន្តិភាព។

I, as the Prime Minister of Cambodia, have submited to the Norwegian Nobel Committee an official letter of nomination for President Donald Trump for the Noble Peace Prize.

07/08/2025

ឯកឧត្តមអភិសន្តិបណ្ឌិត ស សុខា ទទួលអំណោយពីលោកជំទាវ ស ពៅ និងក្រុមការងារ នៃក្រុមអ្នកម្តាយមនុស្សធម៌
ភ្នំពេញ ៖ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃនៅព្រឹកថ្ងៃទី៧ ខែសីហា ឆ្នាំ២០២៥ នេះ បានអញ្ជើញទទួលអំណោយជាថវិកា និងគ្រឿងឧបភោគ-បរិភោគ របស់ក្រុមអ្នកម្តាយមនុស្សធម៌ ពីលោកជំទាវ ស ពៅ ជាតំណាងដ៏ខ្ពង់ខ្ពស់លោកជំទាវ ញ៉ែម សាខន ស ខេង ប្រធានកិត្តិយសក្រុមអ្នកម្តាយមនុស្សធម៌ និងក្រុមការងារ សម្រាប់ជួយឧបត្ថម្ភដល់សមរភូមិជួរមុខ និងជនភៀសសឹក នៅទីស្តីការក្រសួងមហាផ្ទៃ។
អំណោយរបស់ក្រុមអ្នកម្តាយមនុស្សធម៌ ដែលបានប្រគល់ជូនក្រសួងមហាផ្ទៃ រួមមាន ៖ ថវិកា ចំនួន ៦៤លានរៀល មី ចំនួន ៣០០កេស ត្រីខកំប៉ុង ចំនួន ១០០កេស ភេសជ្ជៈ ចំនួន ៥០កេស នំ ចំនួន ១០០កេស បាយក្តាំង ចំនួន ២០០កញ្ចប់ និងអំបុកលីងលាយសាច់ជ្រូកបង្គារក្រៀម ចំនួន ១ ៤១០ថង់។
សូមគោរពថ្លែងអំណរគុណយ៉ាងជ្រាលជ្រៅបំផុត និងសូមគោរពជូនពរដល់ថ្នាក់ដឹកនាំ និងក្រុមការងារទាំងអស់ នៃក្រុមអ្នកម្តាយមនុស្សធម៌ ព្រមទាំងក្រុមគ្រួសារ សូមបានជួបប្រទះតែនឹងពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

07/08/2025

ទីភ្នាក់ងារអង្គការសហប្រជាជាតិនៅកម្ពុជា រួមជាមួយនឹងដៃគូមនុស្សធម៌ជាតិ និងអន្តរជាតិ បានចាប់ផ្តើមកៀងគរការឆ្លើយតបមនុស្សធម៌ ដើម្បីជួយដោះស្រាយសេចក្តីត្រូវការបន្ទាន់របស់សហគមន៍ជនភៀសសឹកនៅកម្ពុជា
[English Below]
"នៅថ្ងៃទី០៦ ខែសីហា ឆ្នាំ២០២៥, ទីភ្នាក់ងារអង្គការសហប្រជាជាតិនៅកម្ពុជា រួមមាន FAO Cambodia International Labour Organization IOM Cambodia United Nations Human Rights in Cambodia UN Women UN-Habitat Cambodia UNDP Cambodia UNDSS UNESCO Cambodia UNFPA Cambodia UNICEF Cambodia - ដើម្បីកុមារគ្រប់រូប UNIDO Cambodia World Food Programme និង World Health Organization (WHO) បានចូលរួមដំណើរទស្សនកិច្ច ដែលរៀបចំឡើងដោយ ក្រសួងការបរទេស និងសហប្រតិបត្តិការអន្តរជាតិ ដើម្បីជួបជាមួយសហគមន៍ជនភៀសសឹក នៅក្នុងខេត្តឧត្តរមានជ័យ និងខេត្តសៀមរាប ដែលរងប៉ះពាល់ដោយសារជម្លោះព្រំដែនកម្ពុជា-ថៃ។
ពួកយើងបានស្តាប់ការព្រួយបារម្ភរបស់គ្រួសារជនភៀសសឹក និងបានវាយតម្លៃស្ថានភាពជាក់ស្តែងនៅទីនោះ។ ដោយបានសម្របសម្រួលជាមួយនឹងអាជ្ញាធរជាតិ អង្គការសហប្រជាជាតិ រួមជាមួយនឹងដៃគូរមនុស្សធម៌ជាតិ និងអន្តរជាតិ ក៏បានចាប់ផ្តើមកៀងគរការឆ្លើយតបមនុស្សធម៌ ដើម្បីជួយដោះស្រាយសេចក្តីត្រូវការបន្ទាន់របស់សហគមន៍ជនភៀសសឹកទាំងនោះផងដែរ។
សំខាន់ជាងនេះទៅទៀត ពួកយើងសង្ឃឹមថានឹងមានសន្តិភាពយូរអង្វែង ដើម្បីអាចឱ្យសហគមន៍ជនភៀសសឹកទាំងនេះត្រឡប់ទៅផ្ទះរបស់គេវិញដោយសុវត្ថិភាព និងកសាងជីវិតរបស់ពួកគាត់ឡើងវិញដោយគ្មានការភិតភ័យ"។

"On August 6, 2025, UN agencies in Cambodia — including FAO, ILO, IOM, OHCHR, UN Women, UN-Habitat, UNDP, UNDSS, UNESCO, UNFPA, UNICEF, UNIDO, WFP, and WHO — joined a field visit organized by the Ministry of Foreign Affairs and International Cooperation to meet with displaced communities in Oddar Meanchey and Siem Reap provinces, affected by the Cambodia–Thailand border armed clashes.

We listened to the concerns of displaced families and assessed the situation on the ground. In coordination with national authorities, the UN — together with international and local humanitarian partners — has begun mobilizing a humanitarian response to address the immediate needs of displaced communities.

Above all, we hope for a lasting peace that enables communities to return home safely and rebuild their lives without fear."

07/08/2025

នៅថ្ងៃទី៥ ខែសីហា ឆ្នាំ២០២៥នេះ ឯកឧត្តមនាយ ឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងគណៈប្រតិភូយោធាជាន់ខ្ពស់នៃកងយោធពលខេមរភូមិន្ទ ជួបជាមួយនាយឧត្តមសេនីយ៍ Mohamed Nizam អគ្គមេបញ្ជាការកងទ័ពម៉ាឡេស៊ី និងសហការី នៅប្រទេសម៉ាឡេស៊ី។
នៅក្នុងជំនួបនោះផងដែរ ភាគីម៉ាឡេស៊ីបានបង្ហាញពីឆន្ទៈក្នុងការសម្របសម្រួល ដើម្បីអនុវត្តបទឈប់បាញ់រវាង ប្រទេសកម្ពុជា និងប្រទេសថៃ ដោយជំរុញឱ្យមានការបង្កើតឯកសារក្រមប្រតិបត្តិ (TOR )និងឈានដល់ការបង្កើតក្រុមអ្នកសង្កេតការណ៍អាស៊ាន (AMT)ដែលនឹងក្លាយទៅជាយន្តការតាមដាន និងការអនុវត្តបទឈប់បាញ់ដោយប្រសិទ្ធភាពខ្ពស់ អោយបានត្រឡប់មកវិញនូវសន្តិភាពឆាប់រហ័សជាទីបំផុត។
ឯកឧត្តម Nizam បានបញ្ជាក់ឃ្លាមួយដ៏មានអត្ថន័យ "Peace is expensive." (សន្តិភាពមិនអាចកាត់ថ្លៃបាន) "Life is precious," (ជីវិតពិតជាមានតម្លៃ ) "Time is of the Essence," (ពេលវេលាពិតជាសំខាន់)
ស្របតាមអនុសាសន៍របស់សម្តេចធិបតី តែងតែលើកឡើងថា "មួយថ្ងៃ មួយម៉ោង មួយនាទី ដែលយើងកំពុងចរចា គឺអាចជួយសង្គ្រោះដល់ជីវិតរបស់កងកម្លាំងយើង និងប្រជាជនយើងបាន។ កាន់តែឆាប់កាន់តែល្អ" កិច្ចប្រជុំ ៣ថ្ងៃកន្លងមកនេះ ក្រុមការងារលេខាធិការដ្ឋានរបស់ GBC នៃប្រទេសទាំងពីរ បានផ្លាស់ប្ដូរចំណុចសំខាន់ៗជាច្រើនប្រកបដោយភាពវិជ្ជមាន។ ធាតុចូលជាច្រើនរបស់កម្ពុជា ក៏បានភាគីថៃយល់ស្រប និងទទួលយក ដោយឡែកភាគីថៃ ក៏មានចំណុចល្អខ្លះៗ ដែលកម្ពុជាទទួលយកបានដូចគ្នា។

On August 5, 2025, His Excellency General Tea Seiha, Deputy Prime Minister and Minister of National Defence, together with a senior delegation from the Royal Cambodian Armed Forces, held a meeting in Malaysia with General Mohamed Nizam, Commander-in-Chief of the Malaysian Armed Forces, and his colleague.
During the meeting, the Malaysian side expressed its readiness to facilitate the implementation of the ceasefire between Cambodia and Thailand by supporting the development of a Terms of Reference (TOR), paving the way for the establishment of the ASEAN Monitoring Team (AMT), which is expected to serve as a highly effective mechanism for monitoring and enforcing the ceasefire to help restore peace as swiftly as possible.
His Excellency General Nizam expressed a series of meaningful remarks, stating: “Peace is expensive,” “Life is precious,” and “Time is of the essence.”
In line with the remarks of Samdech Thipadei, “Every day, hour, and minute that we are negotiating can save the lives of our forces and our people. The sooner, the better,” the GBC Secretariat teams of both countries have, over the past three days, engaged in the positive exchange of many important points. Several of Cambodia’s proposals have been accepted by the Thai side, while Cambodia has also agreed to a number of constructive points put forward by Thailand.

07/08/2025

សម្តេចធិបតី រំភើបចិត្តឃើញនូវស្មារតីស្នេហាជាតិ សាមគ្គីឯកភាពជាតិរបស់ប្រជាពលរដ្ឋខ្មែរនៅទូទាំងពិភពលោក
«ខ្ញុំមានការរំភើបដោយក្នុងមួយរយៈនេះ បានឃើញនូវស្មារតីស្នេហាជាតិ សាមគ្គីឯកភាពជាតិ របស់ប្រជាពលរដ្ឋខ្មែរ នៅទូទាំងពិភពលោក ដែលបានរៀបចំប្រមូលផ្ដុំគ្នា សំដែងមតិគាំទ្រទៅដល់សន្តិភាព គាំទ្រដល់កងកម្លាំងរបស់យើងក្នុងកិច្ចការការពារបូរណៈភាពទឹកដី ក៏ដូចជាការទាមទារឲ្យថៃដោះលែងយោធិនយើងចំនួន១៨រូប ដែលស្ថិតក្រោមការឃុំគ្រងរបស់កងទ័ពថៃ។
ក្នុងនាមរាជរដ្ឋាភិបាលកម្ពុជា និងក្នុងនាមខ្លួនខ្ញុំផ្ទាល់ ខ្ញុំសូមអរគុណចំពោះបងប្អូនប្រជាពលរដ្ឋខ្មែរទាំងក្នុងប្រទេស និងក្រៅប្រទេស នូវទឹកចិត្តដ៏ថ្លៃថ្លានេះ។ សកម្មភាពទាំងអស់នេះ គឺបង្ហាញយ៉ាងច្បាស់នូវស្មារតីស្នេហាជាតិ សាមគ្គីឯកភាពជាតិ ដែលជាកត្តាសំខាន់របស់ជាតិខ្មែរយើង ជាពិសេសគឺបង្ហាញយ៉ាងច្បាស់នូវស្មារតីស្រឡាញ់សន្តិភាព ដេីម្បីឈានទៅបញ្ចប់សង្គ្រាម។
រាជរដ្ឋាភិបាលនៅតែប្រកាន់ជំហរដាច់ខាតក្នុងកិច្ចការពារបូរណភាពភាពទឹកដី និងការដោះស្រាយបញ្ហាជម្លោះដោយសន្តិវិធី ដើម្បីបញ្ចប់ជម្លោះរវាងកម្ពុជា និងថៃអោយបានឆាប់រហ័ស។
ថ្ងៃស្អែកទី០៧ ខែសីហា នឹងមានកិច្ចប្រជុំពិសេសនៃគណៈកម្មាធិការព្រំដែនទូទៅកម្ពុជា-ថៃ (GBC) រវាងកម្ពុជា និងថៃ នៅប្រទេសម៉ាឡេស៊ី ដោយមានការចូលរួមសង្កេតការណ៍ពីម៉ាឡេស៊ី សហរដ្ឋអាមេរិក និងចិន ដើម្បីពិភាក្សាគ្នាអំពីការជំរុញអនុវត្តបទឈប់បាញ់គ្នា ដែលបានឯកភាពកាលពីថ្ងៃទី២៨ ខែកក្កដា ឆ្នាំ២០២៥កន្លងទៅ។
ទន្ទឹមនេះ យើងក៏មិនភ្លេចយោធិនកម្ពុជាទាំង ១៨រូបដែលស្ថិតក្រោមការឃុំគ្រងរបស់កងទ័ពថៃ ដោយរាជរដ្ឋាភិបាលបាននិងកំពុងបន្តព្យាយាមតាមរយៈគ្រប់យន្តការ ដើម្បីទាមទាអោយមានការដោះលែងពួកគេ អោយវិលត្រលប់មកកម្ពុជាវិញអោយបានឆាប់រហ័សជាទីបំផុត»៕

07/08/2025

សម្តេចតេជោ ហ៊ុន សែន៖ សូមកុំពង្រីករឿងថៃបានអាវុធមកពីណា ហើយរឿងប៉ងធ្វើឃាតខ្ញុំ និងសម្តេចធិបតី ពិបាកឱ្យជឿណាស់
«ប៉ុន្មានថ្ងៃនេះមានការផ្សព្វផ្សាយព័ត៌មានពីរ គឺទីមួយទាក់ទងដល់ការផ្តល់ជំនួយដ្រូនរបស់ជប៉ុនឲ្យថៃ ការផ្តល់ដ្រូនពីចិនឲ្យកម្ពុជា និងការលក់គ្រាប់ និងយន្តហោះពីកូរ៉េខាងត្បូងឲ្យថៃ ដើម្បីធ្វើឃាតលើ ហ៊ុន សែន និងហ៊ុន ម៉ាណែត។ ទីពីរគឺការរៀបចំផែនការធ្វើឃាតពីសំណាក់មេដឹកនាំ
ថៃ មកលើខ្ញុំ និងនាយករដ្ឋមន្ត្រី ហ៊ុន ម៉ាណែត។ បញ្ហាទាំងពីរនេះបើមិនមានការបកស្រាយ ឬរំលត់ទេ វានឹងក្លាយជាបញ្ហាធំសម្រាប់ថ្ងៃក្រោយ។ ដូចនេះខ្ញុំសូមធ្វើការបកស្រាយដូចខាងក្រោម ៖
១.រឿងដ្រូន និងអាវុធ ឬយន្តហោះ ទោះកម្ពុជា ឬថៃ បានមកពីប្រភពណាក៏ សូមមេត្តាកុំពង្រីកបញ្ហាចេញផុតពីជម្លោះរវាងកម្ពុជា និងថៃទៅកាន់ប្រទេសផ្សេង ក្នុងពេលប្រទេសទាំងនោះកំពុងជួយដល់ការបញ្ឈប់ជម្លោះ និងគាំទ្រដល់ការឈប់បាញ់ និងជំរុញឲ្យមានសន្តិភាពឡើងវិញរវាងប្រទេសទាំងពីរកម្ពុជា-ថៃ។
២.រឿងផែនការធ្វើឃាតរបស់មេដឹកនាំថៃ មកលើរូបខ្ញុំ និងនាយករដ្ឋមន្ត្រី ហ៊ុន ម៉ាណែត រឿងនេះពិបាកជឿណាស់ បើទោះបីជាមេដឹកនាំថៃស្អប់ ឬមិនចូលចិត្តខ្ញុំ និងហ៊ុន ម៉ាណែតក៏ដោយ ក៏មេដឹកនាំថៃមិនទាន់ឈានដល់កំរិតអគុណធម៌ មករៀបចំផែនការសម្លាប់ខ្ញុំ និងហ៊ុន ម៉ាណែត នោះដែរ។
ក្នុងប្រវត្តិសាស្ត្រ គេតែងតែរកវិធីសម្លាប់មេទ័ពដែលពូកែ ដើម្បីងាយយកឈ្នះលើសង្រ្គាមតែសម័យនេះមិនដូចសម័យមុនទេ គេត្រូវការមនុស្សដែលអាចនិយាយគ្នាបាន ដើម្បីកសាងសន្តិភាព។
កម្ពុជាក៏ត្រូវការមេដឹកនាំថៃរូបណាដែលមានអំណាចខ្លាំង ដើម្បីចរចារកសន្តិភាពបាន។ ឯថៃក៏ត្រូវការមេដឹកនាំកម្ពុជាណាដែលមានអំណាចខ្លាំង ដែលពេលនេះ គឺមានតែ ហ៊ុន សែន និងហ៊ុន ម៉ាណែតប៉ុណ្ណោះ ដើម្បីចរចាដែល ហ៊ុន ម៉ាណែត ចេញមុខចរចាដោយផ្ទាល់។ យោងលើហេតុផលនេះ គឺគ្មានមូលហេតុណាមួយ ដែលមេដឹកនាំថៃ មានគម្រោងសម្លាប់ ហ៊ុន សែន និងហ៊ុន ម៉ាណែត នោះឡើយ។ ប្រសិនបើ ហ៊ុន សែន ឬហ៊ុន ម៉ាណែត ស្លាប់ដោយស្នាដៃមេដឹកនាំថៃមែន វាច្បាស់ជាកើតមាន ហ៊ុន សែន ឬហ៊ុន ម៉ាណែត រាប់មុឺនរាប់សែន រាប់លាននាក់ នៅលើទឹកដីកម្ពុជាភ្លាមដែល
វានឹងក្លាយជាសត្រូវសួរពូជពិបាករំលត់។ សម្រាប់ខ្ញុំក្តី ហ៊ុន ម៉ាណែត ក្តី ក៏មិនមែនជាកូនសត្វកង្កែបដែលគេងាយនឹងសម្លាប់នោះដែរ។ ទាំងនេះក៏ជាការពន្យល់បន្ថែមថា មេដឹកនាំថៃ មិនរៀបចំផែនការដើម្បីសម្លាប់ ហ៊ុន សែន និងហ៊ុន ម៉ាណែត នោះទេ។
នៅក្នុងផែនការសម្លាប់ ហ៊ុន សែន និងហ៊ុន ម៉ាណែត ដោយមេដឹកនាំថៃគេលើកឡើងថា និងប្រើយន្តហោះ។ ចំណុចនេះគួរតែប្រទេសដែលលក់យន្តហោះ ចម្បាំងឲ្យថៃ ត្រូវរឹតបណ្តឹងលើកិច្ចសន្យាប្រើប្រាស់យន្តហោះ ព្រោះកន្លងទៅនេះ ថៃបានប្រើយន្តហោះ ដែលទិញពីអាមេរិក និងស៊ុយអែត វាយចូលជ្រៅក្នុងទឹកដីកម្ពុជា។ កម្ពុជាមិនជំទាស់នឹងការលក់យន្តហោះចម្បាំងឲ្យថៃទេ តែសូមកុំឲ្យថៃប្រើប្រាស់យន្តហោះវាយប្រហារចូលទឹកដីកម្ពុជា ទឹកដីឡាវ ម៉ាឡើសុី ឬមីយ៉ាន់ម៉ា ដែលជាប្រទេសជាប់ព្រំដែនជាមួយថៃ៕

07/08/2025

រដ្ឋបាលខេត្តក្រចេះ បញ្ជាក់ពីលទ្ឋផលនៃការអនុវត្តន៍ ការងារប្រចាំឆមាសទី១ ក្នុងស្ថានីយ៍វិទ្យុ និងទូរស្សន៍ របស់ក្រសួងមហាផ្ទៃ ឆ្នាំ ២០២៥

ខេត្តក្រចេះ ៖ ឯកឧត្តម វ៉ា ថន អភិបាល នៃគណៈអភិបាលខេត្តក្រចេះ និងជាមេបញ្ជាការឯកភាព នៃរដ្ឋបាលខេត្តក្រចេះ អញ្ជេីញដឹកនាំ ក្រុមការងារ និងថ្នាក់ដឹកនាំខេត្ត មន្ទីរ អង្គភាព ជុំវិញរដ្ឋបាលខេត្តក្រចេះ ដេីម្បីធ្វេីពីបទបង្ហាញ និងបញ្ជាក់ពី ការអនុវត្តការងារ បានផ្លែផ្កា ប្រកបដោយជោគជ័យ និងមានប្រសិទ្ធភាព ប្រចាំឆមាសទី១ ឆ្នាំ ២០២៥ ជូនថ្នាក់ដឹកនាំជាតិ និងបានបំភ្លឺយ៉ាងជាក់លក្ខណ៍ នៅក្នុងស្ថានីយ៍វិទ្យុ និងទូរទស្សន៍ នៃទីស្តីការ របស់ក្រសួងមហាផ្ទៃ រាជធានីភ្នំពេញ ។
ការធ្វេីបទបង្ហាញនេះ បានបង្កេីតនៅក្នុង ស្ថានីយ៍ វិទ្យុ និងទូរទស្សន៍ នៃទីស្ដីការ របស់ក្រសួង មហាផ្ទៃ រាជធានីភ្នំពេញ ដោយ ឯកឧត្តម វ៉ា ថន អភិបាល នៃគណៈអភិបាលខេត្តក្រចេះ នាព្រឹក ថ្ងៃពុធ ១២ កេីត ខែស្រាពណ៍ ឆ្នាំ ម្សាញ់ សប្តស័ក ពុទ្ធសករាជ ២៥៦៩ ត្រូវនឹង ថ្ងៃទី ០៦ ខែ សីហា ឆ្នាំ ២០២៥ ៕
ដោយ ស៊ាន ច័ន្ទដា

07/08/2025

មេបញ្ជាការ ឥណ្ឌូប៉ាស៊ីហ្វិក សហរដ្ឋអាមេរិក និងរដ្ឋទូតសហរដ្ឋអាមេរិក ប្រចាំនៅប្រទេសម៉ាឡេស៊ីបានជួបជាមួយរដ្ឋមន្ត្រីក្រសួងការពារជាតិកម្ពុជា

នៅថ្ងៃទី៦ ខែសីហា ឆ្នាំ២០២៥ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងគណៈប្រតិភូយោធាជាន់ខ្ពស់នៃកងយោធពលខេមរភូមិន្ទ បានជួបជាមួយ នាយឧត្តមនាវី Samuel Paparo មេបញ្ជាការ បញ្ជាការដ្ឋានឥណ្ឌូប៉ាស៊ីហ្វិក សហរដ្ឋអាមេរិក (USINDOPACOM) និងឯកឧត្តម Edgard Kagan ឯកអគ្គរដ្ឋទូតសហរដ្ឋអាមេរិក ប្រចាំនៅប្រទេសម៉ាឡេស៊ី។
នៅក្នុងកិច្ចជំនួបនោះ សហរដ្ឋអាមេរិក បានបញ្ជាក់ពីជំហររបស់ខ្លួន ក្នុងការគាំទ្របទឈប់បាញ់ ដែលជាគំនិតផ្តួចផ្តើម របស់ ឯកឧត្តមប្រធានាធិបតី Donald Trump (ដូណាល់ ត្រាំ) និងបានដឹកនាំដោយប្រទេសម៉ាឡេស៊ី ដែលជាប្រធានអាស៊ានប្តូរវេន ក្នុងការអនុវត្តបទឈប់បាញ់។
ឯកឧត្តមទាំងពីរ ក៏បានគូសបញ្ជាក់ ផងដែរថានឹងធ្វើការតាមដានយ៉ាងយកចិត្តទុកដាក់បំផុត ដើម្បីឲ្យការអនុវត្តនេះដំណើរទៅប្រកបដោយភាពជោគជ័យ និងមានប្រសិទ្ធភាព។ សហរដ្ឋអាមេរិកនឹងចូលរួមគាំទ្រ ផ្នែកភស្តុភា និងបច្ចេកទេសសំខាន់ៗ ដើម្បីបង្កើតក្រុមការងារអ្នកសង្កេតការណ៍អាស៊ាន (AMT) ឲ្យបានលឿនបំផុត។ លើសពីនេះទៅទៀត សហរដ្ឋអាមេរិក ក៏បានបង្ហាញពីអ្វីដែលជាការអនុវត្តបន្តរបស់សហរដ្ឋអាមេរិក រួមមាន៖ ការធ្វើផែនការយោធា, គ្រឿងបរិក្ខារ, ប្រព័ន្ធបញ្ជូនកម្លាំង, ប្រព័ន្ធឃ្លាំមើលតាមអាកាស និងសម្ភារបច្ចេកទេសទំនើបជាច្រើនទៀត។ ទាំងនេះគឺជាការបង្ហាញពីការតាំងចិត្តខ្ពស់ និងបានត្រៀមខ្លួនចូលរួម កសាងឱ្យមានសន្តិភាពកើតឡើងពិតប្រាកដ។

On August 6, 2025, His Excellency General Tea Seiha, Deputy Prime Minister and Minister of National Defence, along with a senior military delegation of the Royal Cambodian Armed Forces, met with Admiral Samuel Paparo, Commander of the United States Indo-Pacific Command (USINDOPACOM), and His Excellency Edgard Kagan, United States Ambassador to Malaysia.

At the meeting, the United States reaffirmed its support for the ceasefire, an initiative originally proposed by President Donald Trump and actively facilitated by Malaysia as the rotating chair of ASEAN in overseeing its implementation.

The two Excellencies also emphasized their commitment to closely monitor the ceasefire’s implementation to ensure its success and effectiveness. The United States pledged to provide crucial logistical and technical support to expedite the establishment of the ASEAN Monitoring Team (AMT). Additionally, the United States highlighted its ongoing commitment to military planning, equipment provision, deployment systems, space-based and aerial surveillance technologies, and other cutting-edged technologies. These efforts demonstrate a strong dedication and readiness to contribute toward building a genuinely peaceful future.

#ក្រសួងការពារជាតិ #កម្ពុជា #សន្តិភាពនៅកម្ពុជា

07/08/2025

អ្នកនាំពាក្យរាជរដ្ឋាភិបាលកម្ពុជា៖ ថៃប្រើល្បិច «ស្វាស៊ីបាយលៀបមាត់ពពែ» ចាប់តាំងពីមុនផ្ទុះអាវុធនៅថ្ងៃទី២៤ ខែកក្កដា ឆ្នាំ២០២៥ រហូតមកដល់ពេលនេះល្បិចកលរបស់ថៃនៅតែដដែល គឺគេបង្វែអ្វីដែលបានធ្វើចំពោះកម្ពុជា ទៅជាកម្ពុជាធ្វើទៅលើគេវិញ។
ប្រសាសន៍របស់ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល ធ្វើឡើងនៅក្នុងសេចក្តីសង្ខេបព័ត៌មាន ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» នៅល្ងាចថ្ងៃពុធ ទី០៦ ខែសីហា ឆ្នាំ២០២៥ នៅទីស្តីការគណៈរដ្ឋមន្ត្រី។

06/08/2025

មានប្រជាពលរដ្ឋខ្មែរប្រមាណ១២ម៉ឺននាក់ទៀត បន្ដចាកចេញពីប្រទេសថៃ ដើម្បីវិលត្រឡប់មកកាន់ស្រុកកំណើតវិញ នៅថ្ងៃទី៦ ខែសីហា ឆ្នាំ២០២៥ តាមច្រកទ្វារព្រំដែនអន្ដរជាតិដូង ស្ថិតក្នុងស្រុកកំរៀង។

06/08/2025

បណ្ដាអង្គទូត និងអង្គការសុខភាពពិភពលោក (WHO) រួមទាំងអង្គការពាក់ព័ន្ធផ្សេងទៀត ក្នុងការចុះត្រួតពិនិត្យទីតាំងផ្ទាល់នៅជំរុំជនភៀសសឹក (បន្ទាយអំពិល) ស្ថិតក្នុងវត្តថ្មកំបោរ ភូមិពោធិ៍ចាស់ ស្រុកបន្ទាយអំពិល ខេត្តឧត្តរមានជ័យ នៅរសៀលថ្ងៃទី០៦ ខែសីហា ឆ្នាំ២០២៥ បានអញ្ជើញដល់ហើយ។
សូមជម្រាបជូនថា បណ្ដាអង្គទូតដែលបានអញ្ជើញចុះត្រួតពិនិត្យទីតាំងផ្ទាល់នៅជំរុំជនភៀសសឹកនេះមានចំនួន ១១ប្រទេស និងទីភ្នាក់ងាររបស់អង្គការសហប្រជាជាតិសរុបប្រមាណ ១៥ស្ថាប័ន៕

ប្រភព៖ទទក

06/08/2025

សូមអញ្ជើញទស្សនាខ្លឹមសារទាំងស្រុងនៃសេចក្តីសង្ខេបព័ត៌មានប្រចាំថ្ងៃ ស្តីពី «លទ្ធផលនៃការអនុវត្តបទឈប់បាញ់រវាងកម្ពុជា-ថៃ» គិតត្រឹមវេលាម៉ោង ១១:០០នាទី ថ្ងៃពុធ ១២កើត ខែស្រាពណ៍ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី០៦ ខែសីហា ឆ្នាំ២០២៥ នៅទីស្តីការគណៈរដ្ឋមន្ត្រី។

VD7NEWS

07/08/2025

07/08/2025

07/08/2025

07/08/2025

07/08/2025

07/08/2025

07/08/2025

07/08/2025

07/08/2025

06/08/2025

06/08/2025

06/08/2025

Address

Telephone

Website

Alerts

Contact The Business

Shortcuts

Share

Category