28/05/2025
🔴පක්ෂයේ නිර්ණායක වලට පිටින් යමින් චමින්ද විජේසිරි පැරදුන සහෝදරයට මන්ත්‍රීකමක් ඉල්ලලා.
දෙන්න බෑ කියපු නිසා සංවිධායකකමින් ඉල්ලා අස්වෙලා............................
සමගි ජනබලවේගයේ පාර්ලිමේන්තු මන්ත්‍රී චමින්ද විජේසිරි මහතා තමන් දැරූ ආසන සංවිධායකධූරයෙන් ඉල්ලා අස්වීමට හේතු වුයේ බණ්ඩාරවෙල ප්‍රාදේශීය සභාවට සමගි ජනබලවේගයෙන් තරඟ කල ඔහුගේ සහෝදරයාට ලැයිස්තු මන්ත්‍රීධූරයක් නොලැබීම නිසා බව වාර්ථා වේ.
බණ්ඩාරවෙල ප්‍රාදේශීය සභාවට තරඟ කල චමින්ද විජේසිරිගේ සහෝදරයා වන ලක්ශ්මන් විජේසිරි ඔහුගේ කොට්ඨාෂය පරාජයට පත්ව ඇති අතර ඔහු ලබාගත් ප්‍රතිශතය අනුව සිටින්නේ දෙවන ස්ථානයෙයි.
ප්‍රතිශතය අනුව ප්‍රථම ස්ථානය නලින්ද විජේරත්න මහතා ලබාගෙන ඇති අතර චමින්ද විජේසිරිව දේශපාලනයට ගෙනඒමට මූලිකව ක්‍රීයාකර ඇත්තේද විජේරත්න මහතා බව වාර්ථා වේ.
බණ්ඩාරවෙල නගර සභාවේ සමගි ජන බලවේගයට ලැයිස්තු මන්ත්‍රීධූර 3ක් පමණක් ලැබී ඇති අතර එයින් කාන්තා නියෝජනය හා තරුණ නියෝජනය සැලකිල්ලට ගත්විට පරාජයට පත්වූ අපේක්ෂකයන්ට ලබාදීමට හැකිව තිබෙන්නේ එක් මන්ත්‍රීධූරයක් පමණි.
මෙහිදී සමගි ජනබලවේගය තීරණය කර ඇත්තේ ප්‍රතිශතය අනුව මන්ත්‍රීධූර ලබාදීමට බැවින් වැඩිම ප්‍රතිශතයට හිමි මන්ත්‍රීධූරය හිමිවීමට අවස්ථාව ඇත්තේ නලින්ද විජයරත්න මහතාටය.කෙසේවෙතත් ඒ මහතාට මන්ත්‍රීධූරය නොදී පාර්ලිමේන්තු මන්ත්‍රී චමින්ද විජේසිරි මහතාගේ සහෝදරයාට එම මන්ත්‍රීධූරය ලබාදෙන ලෙස දිගින් දිගටම පක්ෂ නායකත්වයට විජේසිරි මහතා බලකරමින් සිටින බව අපට වාර්ථා වී තිබේ.
ජාතික ජනබලවේගය මන්ත්‍රී ආසන 6ක් ලබා ගනිමින් වැඩි මන්ත්‍රී ආසන ප්‍රමාණයක් ලබාගන ඇති අතර ස්වාධීන කණ්ඩායම් අංක1 මන්ත්‍රී ආසන 5ක් ලබා ගනිමින් දෙවන ස්ථානය හිමිකරගෙන ඇත. චමින්ද විජේසිරිගෙ මෙහෙයවීමෙන් සමගි ජනබලවේගයට බණ්ඩාරවෙල ප්‍රාදේශීය සභාවේ හිමිව ඇත්තේ තුන්වන ස්ථානයයි. ඔවුනට ලැබී ඇත්තේ මන්ත්‍රී ආසන 3ක් පමණක් වන අතර එකදු කොට්ඨාෂයක ජයක්වත් ඔවුන්ට ලබාගැනීමට නොහැකි විය. ශ්‍රීලංකා පොදුජන පෙරමුණ හා ස්වාධීන කණ්ඩායම් අංක 2 මන්ත්‍රී ආසන එක බැගින් හිමිකරගෙන ඇත.
තමන්ගේ සහෝදරයාද තරඟ කල සංවිධායකධූරය දරණ බණ්ඩාරවෙල ප්‍රාදේශීය සභාවෙ බලය ලබාගැනීමට තියා විපක්ෂයේ ප්‍රධාන පක්ෂය බවට පත්වීමටද නොහැකි සංවිධායකවරයෙක් පක්ෂයේ නිර්ණායකවලට පිටින් යමින් තම සහෝදරයාට මන්ත්‍රීධූර ඉල්ලීමට යෑම ඉතා අසෝබන හා අසාධාරණ ඉල්ලීමක් බව සමගි ජනබලවේගයේ මන්ත්‍රීවරයෙකු අප සමඟ ප්‍රකාශ කලේය.
