21/03/2025
नारायणघाट बुटवल सडक खण्ड Update :
पूर्वपश्चिम राजमार्गको नारायणघाट–बुटवल खण्डमा चार लेन विस्तार कार्य अन्तर्गत ६५ किलोमिटर बाटो मध्ये ४७ किलोमिटर कालोपत्र गरिएको छ। नारायणघाट बुटवल सडक आयोजना (पूर्वखण्ड) कार्यालयका अनुसार, यो खण्डमा ५८.७ प्रतिशत भौतिक प्रगति भइसकेको छ। गैँडाकोटतर्फ १६ किलोमिटर कालोपत्र पूरा गरी देवचुली नगरपालिकामा काम तीव्र गतिमा भइरहेको छ। यस खण्डमा २२ वटा साना पुल निर्माण भएका छन् र ६५० भन्दा बढी कामदार सडक, पुल, कल्भर्ट, ड्रेनेज, सब बेस लगायतका संरचनामा काम गरिरहेका छन्। आगामी वैशाख महिनाभित्र दुम्कीबाससम्म कालोपत्र पुरा गर्ने लक्ष्य राखिएको छ।दाउन्नेमा पूर्वीखण्डमा पर्ने सबैभन्दा कठिन डाँडाको भित्तो कटान पूरा भएको छ। विनयी खोलाको पुल आगामी मनसुन अघि पूरा गर्ने योजना छ। केही हप्ता अघि अत्यधिक भारवहनको ट्रकका कारण पुलमा क्षति पुगेको थियो, तर पथान्तरण गरेर सवारीसाधन सञ्चालन भइरहेको छ।
स्रोत:- सामाजिक संजाल बाट
