Jana Nikas HD

11/09/2025

सिंहदरबारको इतिहास यसरी मेटियो🥲

10/09/2025

जलेका सवारी साधन व्यवस्थापन गर्दै खैरहनीका युवा

10/09/2025

जेन जि आन्दोलन - खैरहनी नगरपालिकामा अत्याधिक क्षती, ३ महिना अघि कार्यालय सन्चालनमा समस्या

09/09/2025

आ*न्दोलनको आ*गो खैरहनी नगरपालिकामा

जेनजि समुहले खैरहनी नगरपालिकाको मुल गेट फुटाएर आगजनी गरेका छन् । प्रमुख ,उपप्रमुखको कार्यकक्ष तोडफोड गरेका छन् । प्रमुख ,उपप्रमुख चढ्ने गाडीको सिसा फुटाएका छन् ।

08/09/2025

चितवनको रात्रीकालिन Gen Z आन्दोलन

05/09/2025

field report - बिहारमा चुनावी सरगर्मी, नितिषको निरन्तरता रोक्ने महागठबन्धको दाउ

04/09/2025

अब फेसबुक बन्द हुन्छ

Just In: NTA has instructed all the ISP of Nepal to restrict social media platform that are not registered. 🫨 फेसबुक बन्द गर्न नेपाल दुरसंचार प्राधिकरणले सबै ईन्टरनेट सेवा प्रदायकलाइ नोटिस पठाइ सकेको छ ।

04/09/2025

सरकारले फेसबुक लगायत सामाजिक संजालमा प्रतिबन्ध लगायको कारणले हाम्रो टिकटक एकाउन्टमा जोडिनु होला

2461 Followers, 337 Following, 58.6k Likes - Watch awesome short videos created by jana nikas media

03/09/2025

बिहारमा चुनावी सरगर्मी

बिहारमा चुनाव नजिकिदै जादा चुनावी सरगर्मी बढ्दै गएको छ । सभा, समारोह, नारा जुलुस बढ्दै छ । चुनावमा एकातर्फ निरन्तर ८ पटक मुख्यमन्त्री भैसकेका नितिष कुमारको पार्टी, नरेन्द्र मोदिको भाजपा र जेडेयुको गठबन्धन छ भने अर्को तर्फ राहुल गान्धीले नेतृत्व गरेको काङ्ग्रेस पार्टी, सिताराम यचुरीको नेकपा माले लगायतको ८ वटा पार्टीको महागठबन्धन छ । प्रस्तुत तस्बिर पटनामा महागठबन्धन द्वारा आयोजित कार्यक्रममा नेकपा मालेका कार्यकर्ता मार्चपास सभामा जाँदै गरेको अवस्थामा कैद गरिएको हो ।

03/09/2025

पत्रकारिताको आचारसंहिता विपरीत रिपोर्टिङप्रति बलरा नगरपालिकाको आपत्ति

बलरा, सर्लाही ।।
सर्लाही — बलरा नगरपालिकाले प्रभा मिडियाद्वारा सञ्चालित प्रभा 4K का पत्रकार राम मिश्रद्वारा गरिएको रिपोर्टिङलाई लिएर औपचारिक आपत्ति जनाएको छ।

नगर प्रमुख रामाशंकर प्रसाद कुशवाहाले मंगलबार जारी गरेको विज्ञप्तिमा पत्रकार मिश्रले २०८२ भदौ १६ गते सदरमुकाम मलंगवामा इलाका प्रशासन कार्यालय सम्बन्धी विषयमा आयोजित जुलुसको रिपोर्टिङ गर्ने क्रममा प्रयोग गरेका केही शब्दावली पत्रकारिता आचारसंहिता विपरीत रहेको उल्लेख गरिएको छ।

नगरपालिकाले पत्रकार मिश्रले प्रयोग गरेका “बलरा र रामनगर सुरक्षित छैन”, “त्यहाँका मानिसहरू बदमास, फटहा, डाकु हुन्” र “त्यहाँ इलाका प्रशासन हुँदा सेवाग्राही भारतको बसविट्टाबाट आउँछ” भन्ने अभिव्यक्ति तथ्यहीन, आपत्तिजनक र नगरवासीको सामाजिक प्रतिष्ठामा आँच पुर्‍याउने खालका रहेको ठहर गरेको छ।

नगर प्रमुख कुशवाहाले भने, “पत्रकारिता समाजको चौथो स्तम्भ हो। सामाजिक विकृति, विसंगति उजागर गर्नु पत्रकारको कर्तव्य हो, तर तथ्यविहीन शब्दावली प्रयोग गर्नु पत्रकारिताको धर्म र मर्यादाविपरीत हुन्छ।”

बलरा नगरपालिकाले सो किसिमको रिपोर्टिङले पत्रकारितामाथि आमजनताको विश्वासमा आघात पुर्‍याउने भन्दै मिश्रले बलरा तथा रामनगरवासीसँग सार्वजनिक रूपमा क्षमा याचना गर्नुपर्ने माग गरेको छ।

साथै, पत्रकारितामा शब्दावली वा सन्दर्भ अभाव भएमा थप अध्ययन, अनुसन्धान र आत्ममूल्यांकन गर्नुपर्ने उल्लेख गर्दै नगरपालिकाले भविष्यमा यस्ता घटना दोहोरिन नदिन सावधानी अपनाउन सम्बन्धित निकायलाई आग्रह गरेको छ।

02/09/2025

इलाका प्रशासन सार्ने प्रयास प्रति बलराका नगर प्रमुखको आपत्ति

सर्लाही । बलरा नगरपालिकाका नगरप्रमुख रामाशंकर प्रसाद कुशवाहाले बलरामा स्थापना गर्ने निर्णय भएको इलाका प्रशासन कार्यालयलाई गोडैतामा सार्ने प्रयासप्रति गम्भीर आपत्ति जनाउँदै सो कार्यालय बलरामै हुनुपर्ने अडान सार्वजनिक गरेका छन्।

मिति २०८२ साल भदौ ९ गते सोमबारको मन्त्रिपरिषद् बैठकले देशभरका २३ जिल्लामा नयाँ इलाका प्रशासन कार्यालय स्थापना गर्ने निर्णय गरेको थियो। उक्त निर्णयअनुसार सर्लाही जिल्लाको बलरा नगरपालिकामा पनि इलाका प्रशासन कार्यालय स्थापना गर्ने निर्णय भएको छ।

तर पछिल्लो समय गोडैताबाट जिल्ला प्रशासन कार्यालय, सर्लाही र गृहमन्त्रीसमक्ष “बलराको सट्टा गोडैतामै कार्यालय स्थापना हुनुपर्ने” मागसहित ध्यानाकर्षण पत्र बुझाइएपछि बलरामा असन्तुष्टि चुलिएको छ।

नगरप्रमुख कुशवाहाले आइतबार सार्वजनिक गरेको ध्यानाकर्षण पत्रमा भनेका छन्, “बलरामा सीमा प्रहरी चौकी, विद्यालय, बैंक, अस्पताल, सिटिइभिटी क्याम्पस लगायतका संस्था निर्वाध रूपमा सञ्चालित छन्। सुरक्षाको बहानामा बलरालाई अस्वीकार गर्नु गलत हो। असुरक्षित ठानेको ठाउँलाई सुरक्षित बनाउनु नेतृत्व वर्गको दायित्व हो।”

उनले “इलाका प्रशासन कार्यालय, बलरा” भन्नाले साविकको बलरा मात्र नभई हालको ११ वडासहितको सम्पूर्ण बलरा नगरपालिकालाई बुझिनुपर्ने स्पष्ट पारेका छन्। साथै, यस कार्यालयको सेवा क्षेत्रमा बलरा नगरपालिका, रामनगर गाउँपालिका, धनकौल गाउँपालिका, गोडैता नगरपालिका र विष्णु गाउँपालिका पर्ने भएकाले सबैलाई पायक पर्ने स्थान बलरामै हुने उनले दाबी गरेका छन्।

नगरप्रमुख कुशवाहाले यस विषयमा सबै सरोकारवालालाई एउटै टेबुलमा छलफल गरी बलरा नगरपालिकाभित्रकै उपयुक्त स्थान चयन गर्न आग्रह गर्दै भनेका छन्, “गोडैताको विकल्प होइन, बलराभित्रकै उपयुक्त स्थानमा कार्यालय स्थापना गरौं। बलरालाई फेरि एकपटक पछाडि धकेल्ने प्रयास न्यायोचित हुँदैन।”

उनले बलराप्रति सकारात्मक दृष्टिकोण राख्ने सबैप्रति आभार प्रकट गर्दै इलाका प्रशासन कार्यालय बलरामै स्थापना गर्न सरकारसँग पुनः जोडदार माग गरेका छन्।

02/09/2025

बिरगंजको सबै भन्दा पावरफुल पानवाला
most powerful person in birganj