BOL ਪੰਜਾਬੀ ਨੂੰ

13/12/2025

- Sony Dhillon - BOL ਪੰਜਾਬੀ ਨੂੰ

12/12/2025

ਆਸਟ੍ਰੇਲੀਆ ਦੀ ਵਿਕਟੋਰੀਆ ਪਾਰਲੀਮੈਂਟ ਵਿੱਚ ‘ਸਫ਼ਰ-ਏ-ਸ਼ਹਾਦਤ’ ਸਮਾਗਮ ਦਾ ਆਯੋਜਨ ।
ਸਾਹਿਬਜ਼ਾਦਿਆਂ ਦੀ ਲਾਸਾਨੀ ਕੁਰਬਾਨੀ ਨੂੰ ਕੀਤਾ ਗਿਆ ਸਿਜਦਾ 🙏

ਕਰਮਇਸ਼ਰਸਰ ਸੇਵਾ ਐਂਡ ਸਿਮਰਨ ਸੋਸਾਇਟੀ( ਸੰਪ੍ਰਰਦਾਇ ਰਾੜਾ ਸਾਹਿਬ)ਅਤੇ ਪੰਜਾਬ ਕੋਂਸਲ ਆਫ ਆਸਟ੍ਰੇਲੀਆ ਵੱਲੋਂ ਸਾਹਿਬਜ਼ਾਦਿਆਂ ਦੀ ਯਾਦ ਦੇ ਵਿੱਚ “ਸਫ਼ਰ -ਏ- ਸ਼ਹਾਦਤ” ਸਮਾਗਮ ਮੈਲਬੌਰਨ ਵਿੱਚ ਸਥਿਤ ਵਿਕਟੋਰੀਆ ਸੂਬੇ ਦੀ ਪਾਰਲੀਮੈਂਟ ਵਿੱਚ ਆਯੋਜਨ ਕੀਤਾ ਗਿਆ। ਇਸ ਸਮਾਗਮ ਦੀ ਖ਼ਾਸੀਅਤ ਇਹ ਸੀ ਕਿ ਬੱਚਿਆਂ ਵਲੋ ਕਵਿਤਾਵਾਂ, ਵਾਰਾਂ ਤੇ ਵਿਚਾਰਾਂ ਦੇ ਨਾਲ ਸਾਂਝ ਪਾਈ ਤੇ ਖਾਸਕਰ ਖੇਡਾਂ ਦੇ ਖੇਤਰ ਵਿੱਚ ਮੱਲਾਂ ਮਾਰਨ ਵਾਲੇ ਵਿਦਿਆਰਥੀਆਂ ਨੂੰ ਵੀ ਵਿਸ਼ੇਸ਼ ਤੋਰ ਤੇ ਸਨਮਾਨਿਤ ਕੀਤਾ ਗਿਆ।
ਪਾਰਲੀਮੈਂਟ ਦੇ ਹਾਲ ਵਿੱਚ ਹੋਏ ਇਸ ਸਮਾਗਮ ਵਿੱਚ ਸਮਾਜਿਕ ਅਤੇ ਧਾਰਮਿਕ ਭਾਈਚਾਰੇ ਦੀਆਂ ਪ੍ਰਮੁੱਖ ਸ਼ਖ਼ਸੀਅਤਾਂ ਦੇ ਨਾਲ ਨਾਲ ਮੈਂਬਰ ਮੈਂਬਰ ਪਾਰਲੀਮੈਂਟ ਈਵੈਨ ਵਾਲਟਰ, ਲੂਬਾ ਗਰੀਗਰੋਵਿਚ ਤੇ ਸਟੀਵ ਮੈਗਈ ਵਿਸ਼ੇਸ਼ ਤੌਰ ਤੇ ਸ਼ਾਮਲ ਹੋਏ ਉੱਥੇ ਹੀ ਐਰਾਰਟ ਤੋ ਪਹਿਲੀ ਪੰਜਾਬਣ ਡਿਪਟੀ ਮੇਅਰ ਤਲਵਿੰਦਰ ਕੋਰ ਟੈਲੀ, ਬੈਂਡਿਗੋ ਤੋ ਪਹਿਲੀ ਪੰਜਾਬਣ ਕੋਂਸਲਰ ਸ਼ਿਵਾਲੀ ਚੈਟਲੇ ਅਤੇ ਟਰਬਨ 4 ਆਸਟ੍ਰੇਲੀਆ ਤੋ ਅਮਰ ਸਿੰਘ ਵੀ ਹਾਜਰ ਰਹੇ ਤੇ ਸਾਰੇ ਮਹਿਮਾਨਾਂ ਨੇ ਆਪਣੇ ਸੰਬੋਧਨ ਰਾਂਹੀ ਗੁਰੂ ਸਾਹਿਬ ਅਤੇ ਸਾਹਿਬਜ਼ਾਦਿਆਂ ਦੀ ਲਾਸਾਨੀ ਕੁਰਬਾਨੀ ਨੂੰ ਸਿਜਦਾ ਕੀਤਾ ਤੇ ਕਿਹਾ ਕਿ ਸਿੱਖ ਇਤਹਾਸ ਬਹੁਤ ਹੀ ਕੁਰਬਾਨੀਆਂ ਭਰਿਆ ਹੈ ਤੇ ਉਹ ਜਦੋ ਵੀ ਸਿੱਖ ਇਤਿਹਾਸ ਵਿੱਚੋ ਕੁਝ ਨਵਾਂ ਜਾਣਦੇ ਹਨ ਤਾਂ ਜਜਬਾਤੀ ਵੀ ਹੁੰਦੇ ਹਨ ਤੇ ਮਾਣ ਵੀ ਮਹਿਸੂਸ ਕਰਦੇ ਹਨ ਕਿ ਸਿੱਖ ਭਾਈਚਾਰਾ ਉਨਾਂ ਦਾ ਮਹੱਤਵਪੂਰਨ ਹਿੱਸਾ ਹੈ ਤੇ ਸਾਹਿਬਜ਼ਾਦਿਆਂ ਦੀ ਕੁਰਬਾਨੀ ਮਨੁੱਖਤਾ ਲਈ ਇਕ ਸਦੀਵੀ ਪ੍ਰੇਰਣਾ ਹੈ। ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਸਿੱਖ ਇਤਿਹਾਸ ਸਿਰਫ਼ ਅਧਿਆਤਮਕ ਹੀ ਨਹੀ ਬਲਕਿ ਬਹਾਦਰੀ, ਸੱਚ ਦਾ ਸਿਧਾਂਤ ਅਤੇ ਮਨੁੱਖਤਾ ਦੀ ਰੱਖਿਆ ਦਾ ਇਤਿਹਾਸ ਹੈ।

ਇਸ ਮੌਕੇ ਪੰਜਾਬੀ ਫੋਕ ਥਿਏਟਰ ਐਂਡ ਫੋਕ ਅਕੈਡਮੀ ਵਲੋ ਅਭੈ ਸਿੰਘ,ਜਸਰਾਜ ਸਿੰਘ,ਸਹਿਰਾਜ ਸਿੰਘ, ਅਵਨੀਤ ਕੌਰ ਅਤੇ ਖਾਲਸਾ ਕਾਲਜ ਜੀਲੋਂਗ ਦੇ ਵਿਦਿਆਰਥੀਆਂ ਹਰਸਿਮਰਤ ਸਿੰਘ,ਜਸਨੂਰ ਕੌਰ,ਸਹਿਜਦੀਪ ਸਿੰਘ ਅਤੇ ਵਿਦਿਆਰਥੀ ਨਮਨਵੀਰ ਸਿੰਘ ਵਲੋਂ ਪ੍ਰਭਾਵਸ਼ਾਲੀ ਪੇਸ਼ਕਾਰੀਆਂ ਕੀਤੀਆਂ ਗਈਆਂ ਜਿਨਾਂ ਨੇ ਕਵਿਤਾਵਾਂ, ਵਾਰਾਂ ਅਤੇ ਵਿਚਾਰਾਂ ਰਾਹੀਂ ਸਾਹਿਬਜ਼ਾਦਿਆਂ ਦੀ ਲਾਸਾਨੀ ਸ਼ਹਾਦਤ ਨੂੰ ਭਾਵੁਕਤਾ ਨਾਲ ਪ੍ਰਗਟ ਕੀਤਾ।ਇਨਾਂ ਬੱਚਿਆਂ ਦੀਆਂ ਪੇਸ਼ਕਾਰੀਆਂ ਨੇ ਨਾ ਸਿਰਫ਼ ਦਰਸ਼ਕਾਂ ਤੇ ਇੱਕ ਵੱਖਰੀ ਛਾਪ ਛੱਡੀ ਸਗੋ ਇਹ ਵੀ ਦਰਸਾਇਆ ਕਿ ਨਵੀਂ ਪੀੜ੍ਹੀ ਵਿਦੇਸ਼ ਦੀ ਧਰਤੀ ਤੇ ਜਨਮੀ ਹੋਣ ਦੇ ਬਾਵਜੂਦ ਆਪਣੀ ਵਿਰਾਸਤ ਨੂੰ ਕਿੰਨਾ ਗਹਿਰਾਈ ਨਾਲ ਸਮਝਦੀ ਅਤੇ ਮਹਿਸੂਸ ਕਰਦੀ ਹੈ। ਇਸ ਮੌਕੇ ਪ੍ਰਸਿੱਧ ਚਿੱਤਰਕਾਰ ਸਿਮਰਨਜੀਤ ਸਿੰਘ ਵਲੌ ਸਿੱਖ ਇਤਹਾਸ ਨਾਲ ਸਬੰਧਤ ਪ੍ਰਦਰਸ਼ਨੀ ਵੀ ਲਗਾਈ ਗਈ ।
ਇਸ ਸਮਾਗਮ ਵਿੱਚ ਖੇਡਾਂ ਵਿੱਚ ਮੱਲਾਂ ਮਾਰਨ ਵਾਲੇ ਖਿਡਾਰੀਆਂ ਸੁਖਨੂਰ ਕੌਰ ਰੰਗੀ ਤੇ ਖੁਸ਼ਨੂਰ ਕੌਰ ਰੰਗੀ (ਪੋਲ ਵਾਲਟ ਤੇ ਲੋਂਗ ਜੰਪ) ਰਵਨੀਤ ਕੌਰ, ਪਰਨੀਤ ਕੋਰ, ਅਸ਼ਮੀਤ ਕੌਰ ਨੈਹਲ,ਅਗਮਵੀਰ ਸਿੰਘ , ਰਬਾਨੀ ਕੌਰ,ਜੈਵੀਰ ਸਿੰਘ,ਜੋਬਨਜੋਤ ਸਿੰਘ,ਰਵਤੇਜ ਸਿੰਘ ਦਾ ਵੀ ਖੇਡਾ ਦੇ ਖੇਤਰ ਵਿੱਚ ਸੁਬੇ, ਦੇਸ਼ ਅਤੇ ਅੰਤਰਰਾਸ਼ਟਰੀ ਪੱਧਰ ਤੇ ਪ੍ਰਤੀਨਿਧਤਾ ਕਰਨ ਲਈ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਭਾਰਤ ਵਲੋ ਪਹਿਲੀ ਹਾਕੀ ੳਲੰਪਿਅਨ ਹਰਪ੍ਰੀਤ ਸ਼ੇਰਗਿੱਲ ਦਾ ਵੀ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ।
ਸਮਾਗਮ ਦਾ ਸੰਚਾਲਨ ਮਨਿੰਦਰ ਬਰਾੜ ਵੱਲੋਂ ਬਾਖ਼ੂਬੀ ਕੀਤਾ ਗਿਆ ਤੇ ਦਰਸ਼ਕਾਂ ਨੂੰ ਅੰਤ ਤੱਕ ਜੋੜ ਕੇ ਰੱਖਿਆ। ਅੰਤ ਵਿੱਚ ਬਰਕਤ ਟੀਵੀ ਦੀ ਸੰਚਾਲਕ ਡਾ. ਰਸਨਾ ਕੌਰ ਨੇ ਸਿੱਖ ਇਤਿਹਾਸ ’ਤੇ ਡੂੰਘੀ ਜਾਣਕਾਰੀ ਦੀ ਸਾਂਝ ਪਾਈ। ਉਨ੍ਹਾਂ ਨੇ ਸਾਹਿਬਜ਼ਾਦਿਆਂ ਦੀ ਸ਼ਹਾਦਤ ਨੂੰ ਸਮਝਾਉਂਦਿਆਂ ਕਈ ਇਤਿਹਾਸਕ ਤੱਥਾਂ, ਸਿਧਾਂਤਾਂ ਅਤੇ ਸੰਦੇਸ਼ਾਂ ’ਤੇ ਚਰਚਾ ਕੀਤੀ ਜਿਸ ਨਾਲ ਹਾਲ ਵਿੱਚ ਬੈਠੇ ਦਰਸ਼ਕ ਗੰਭੀਰਤਾ ਨਾਲ ਜੁੜੇ ਰਹੇ।
ਇਹ ਸਮਾਗਮ ਨਵੀਂ ਪੀੜ੍ਹੀ ਨੂੰ ਆਪਣੇ ਇਤਿਹਾਸ ਅਤੇ ਵਿਰਾਸਤ ਨਾਲ ਜੋੜਨ ਦੀ ਇੱਕ ਮਹੱਤਵਪੂਰਨ ਕੋਸ਼ਿਸ਼ ਸੀ ਤੇ ਸਾਹਿਬਜ਼ਾਦਿਆਂ ਦੀ ਕੁਰਬਾਨੀ ਹਮੇਸ਼ਾਂ ਮਨੁੱਖਤਾ ਲਈ ਪ੍ਰੇਰਣਾ ਦਾ ਸਰੋਤ ਰਹੇਗੀ। ਸਮਾਗਮ ਦੇ ਅੰਤ ਵਿੱਚ ਸਿਮਰਜੀਤ ਸਿੰਘ ਅਤੇ ਹਰਮਨਦੀਪ ਸਿੰਘ ਬੋਪਰਾਏ ਵੱਲੋਂ ਧੰਨਵਾਦ ਕੀਤਾ ਗਿਆ ।
Sony Dhillon - BOL ਪੰਜਾਬੀ ਨੂੰ - Punjabi Scoop

12/12/2025

ਸੁਪਨੇ ਤੋਂ ਹਕੀਕਤ ਤੱਕ UV financial services ਦਾ ਸਫਰ ..! Full podcast soon 🔜 BOL ਪੰਜਾਬੀ ਨੂੰ - Host Sony Dhillon fans

12/12/2025

( ਮੈਲਬਰਨ - Sony Dhillon 12-12-25 ) ਜਿੱਥੇ ਇੱਕ ਪਾਸੇ ਇਹ ਚਰਚਾ ਚੱਲ ਰਹੀ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ AI ਤਕਨੀਕ ਨੇ ਆਮ ਲੋਕਾਂ ਦੀਆਂ ਨੌਕਰੀਆਂ ਨੂੰ ਖਤਮ ਕਰ ਦੇਣਾ ਹੈ ਉੱਥੇ ਹੁਣ ਇਹ ਸਭ ਕੁਝ ਸੱਚ ਹੁੰਦਾ ਵਿਖਾਈ ਦੇ ਰਿਹਾ ਹੈ । ਬੇਸ਼ੱਕ ਇਸ ਖ਼ਬਰ ਦਾ ਸਬੰਧ AI ਦੇ ਨਾਲ ਨਹੀਂ ਹੈ ਪਰ ਨਵੀਂ ਤਕਨੀਕ ਨਾਲ ਜ਼ਰੂਰ ਜੁੜਿਆ ਹੋਇਆ ਹੈ ਅਤੇ ਜਿਸਦਾ ਸਿੱਧਾ ਸਬੰਧ ਲੋਕਾਂ ਦੀਆਂ ਨੌਕਰੀਆਂ , ਕੰਮਾਂ ਕਾਰਾਂ ਤੇ ਵਪਾਰਾਂ ਨਾਲ ਹੈ । ਅਸਲ ਵਿੱਚ ਇਸ ਸਮੇਂ ਆਸਟਰੇਲੀਆ ਵਿੱਚ ‘Home Construction’ ਯਾਨੀ ਕਿ ਘਰ ਬਣਾਉਣ ਦਾ ਕੰਮ ਸਿਖਰਾਂ ‘ਤੇ ਹੈ ਅਤੇ ਬਹੁਤ ਸਾਰੇ ਪੰਜਾਬੀ ਇਸ ਕਿੱਤੇ ਨਾਲ ਜੁੜੇ ਹੋਏ ਹਨ । ਇਹ ਖ਼ਬਰ ਉਹਨਾਂ ਲਈ ਕੋਈ ਖ਼ਾਸ ਵਧੀਆ ਨਹੀਂ ਹੈ ਕਿਉਂਕਿ ਹੁਣ ਚੀਨ 🇨🇳 ਵਿੱਚ ਬਣੇ ਬਣਾਏ ਘਰਾਂ ਨੇ ਮੈਲਬਰਨ ਵਿੱਚ ਆਪਣੀ ਦਸਤਕ ਦੇ ਦਿੱਤੀ ਹੈ । ਕਰੇਗੀਬਰਨ ਵਿੱਚ ਇਸ ਤਰਾਂ ਘਰ ਬਣ ਕੇ ਤਿਆਰ ਹੋ ਰਹੇ ਹਨ ਜੋ ਕਿ 75-80% ਚੀਨ ਵਿੱਚ ਤਿਆਰ ਕੀਤੇ ਗਏ ਹਨ । ਇਨਾਂ ਘਰਾਂ ਨੂੰ ਚੀਨ ਤੋਂ ਆਯਾਤ ਕਰ ਕੇ ਆਸਟਰੇਲੀਆ ਵਿੱਚ ਬਣਾਇਆ ਜਾਵੇਗਾ ਜਿਸ ਨਾਲ ਘਰ ਬਣਾਉਣ ਦੀ ਪ੍ਰਕਿਰਿਆ ਦਾ ਸਮਾਂ ਅਤੇ ਲਾਗਤ ਬਚਣਗੇ । ਆਉਣ ਵਾਲੇ ਸਮੇਂ ਲਗਭਗ 85% ਘਰ ਚੀਨ ਦੀਆਂ ਫ਼ੈਕਟਰੀਆਂ ਵਿੱਚ ਬਣ ਕੇ ਤਿਆਰ ਹੋਣਗੇ । ਇਸ ਤਕਨੀਕ ਦੇ ਘਰ ਬਣਾਉਣ ਵਿੱਚ ਲੱਗੇ ਹੋਏ ਕਾਮਿਆਂ ਦੇ ਕੰਮ ਸਿੱਧੇ ਰੂਪ ਵਿੱਚ ਪ੍ਰਭਾਵਿਤ ਹੋਣਗੇ । ਇਹ ਹਾਲੇ ਸ਼ੁਰੂਆਤ ਹੈ ਪਰ ਅੱਗੇ ਕੀ ਬਣੂ ਦੁਨੀਆਂ ਦਾ , ਸੱਚੇ ਪਾਤਸ਼ਾਹ ਵਾਹਿਗੁਰੂ ਜਾਣੇ ..!
- BOL ਪੰਜਾਬੀ ਨੂੰ -

12/12/2025

ਮੇਲਿਆਂ ਦੇ ਸ਼ਹਿਰ ਮੈਲਬਰਨ ਵਿੱਚ ਸਾਲ 2026 ਦਾ ਵਰ੍ਹਾ ਮੈਲਬਰਨ ਦੇ ਵਾਸੀਆਂ ਲਈ ਰੁਝੇਵਿਆਂ ਭਰਿਆ ਹੋਵੇਗਾ । ਵੱਡੇ ਗਾਇਕ , ਵੱਡੇ ਖੇਡ ਮੇਲੇ ਦਰਸ਼ਕਾਂ ਦਾ ਮਨੋਰੰਜਨ ਕਰਨਗੇ । ਅਗਲੇ ਸਾਲ ਦੀ ਸ਼ੁਰੂਆਤ ਮੈਲਬਰਨ ਦੇ ਵੈਸਟ ਵਿੱਚ ‘ਮੈਲਟਨ’ ਵਿਖੇ Dream wave entertainment ਵੱਲੋਂ ਕਰਵਾਏ ਜਾਣ ‘ਲੋਹੜੀ ਮੇਲੇ’ ਤੋਂ ਹੋਵੇਗੀ । ਇਸ ਵਿੱਚ ਖਾਸ ਤੌਰ ਪਤੰਗ ਬਾਜ਼ੀ ਦਾ ਪ੍ਰਬੰਧ ਹੋਵੇਗਾ । ਇਸ ਤੋਂ ਇਲਾਵਾ ਖਾਣ ਪੀਣ ਦੇ ਸਟਾਲ , ਬੱਚਿਆਂ ਲਈ ਖੇਡਾਂ , ਝੂਟੇ , ਮਹਿੰਦੀ ਆਦਿ ਦਾ ਵੀ ਵਿਸ਼ੇਸ਼ ਪ੍ਰਬੰਧ ਹੋਵੇਗਾ । ਸੋ 10 ਜਨਵਰੀ 2026 ਨੂੰ ਆਪਣੇ ਪਰਿਵਾਰ ਨਾਲ ਤੁਸੀ ਵੀ ਬਣੋ ਇਸ ਪਰਿਵਾਰਕ ਮੇਲੇ ਦਾ ਹਿੱਸਾ ..! ਵਧੇਰੇ ਜਾਣਕਾਰੀ ਲਈ ਮੇਲਾ ਪ੍ਰਬੰਧਕ ਆਸ਼ੀਸ਼ ਚਾਵਲਾ ਜਾਂ ਤਰੁਣ ਕੁਮਾਰ ਨਾਲ ਸੰਪਰਕ ਕਰ ਸਕਦੇ ਓ..! fans - Sony Dhillon

06/12/2025

‘ਗਾਇਕ ਬਾਂਦਰ - ਨਾਇਕ ਬਾਂਦਰ, ਟੀਚਰ ਬਾਂਦਰ - ਲੀਡਰ ਬਾਂਦਰ ,
ਯੂਟਿਊਬਰ ਬਾਂਦਰ - ਵਲ਼ੌਗਰ ਬਾਂਦਰ , ਸਰਕਾਰ ਬਾਂਦਰ - ਪੱਤਰਕਾਰ ਬਾਂਦਰ ..!’ ਪਰ ਕਿਉਂ…? Vinaypal Singh ਨੇ ਕਯਾ ਖੂਬ ਸ਼ੀਸ਼ਾ ਵਿਖਾਇਆ..! ਜੈਸੀ ਉਮੀਦ ਸੀ ਉਸ ਤੋਂ ਵੀ ਕਿਤੇ ਜਿਆਦਾ ਖੂਬਸੂਰਤ..!
ਮੁਬਾਰਕਾਂ ਬਾਈ ਜੀ..! - Sony Dhillon - BOL ਪੰਜਾਬੀ ਨੂੰ
ਆਸ ਹੈ ਕਿ ਚਿਰ ਪਿੱਛੋਂ ਲੱਗੀ ਤੁਹਾਡੀ ਇਹ ਹਾਜ਼ਰੀ ਹੁਣ ਇਸੇ ਤਰਾਂ ਬਣੀ ਰਹੇਗੀ ..!

Suraj Da Tukda 2 ( Official Video ) Vinaypal Singh Buttar | Koshik Music | New Punjabi Songs 2025 | Latest Punjabi Songs 2025Countryside Music Presenting Off...

02/12/2025

‘ਆਪ’ ਦੇ MLA Harmeet Singh Pathanmajra ਨਾਲ ਖੁੱਲ੍ਹੀਆਂ ਗੱਲਾਂ , ਪੂਰੀ ਗੱਲਬਾਤ ਲਈ ਲਿੰਕ ਕੁਮੈਂਟ box ਵਿੱਚ .! Sony Dhillon fans Harmeet Singh Dhillon Pathanmajra

29/11/2025

NZ Sikh Games • BOL ਪੰਜਾਬੀ ਨੂੰ • Sony Dhillon

27/11/2025

Rana Ranbir ਆ ਰਹੇ ਨੇ ਆਸਟਰੇਲੀਆ ਨਾਟਕ - ‘ਬੰਦੇ ਬਣੋ ਬੰਦੇ’ ਲੈ ਕੇ ..! Sony Dhillon Team Rash - The Agency Pathak Bhupinder fans

27/11/2025

- Sony Dhillon - BOL ਪੰਜਾਬੀ ਨੂੰ - Pathak Bhupinder

27/11/2025

( Sony Dhillon - ਮੈਲਬਰਨ ) ਆਸਟਰੇਲੀਆ ਦੀ ਰਾਜਧਾਨੀ ਕੈਨਬਰਾ ਵਿੱਚ Sikh Volunteers Australia ਦੇ ਉੱਦਮ ਸਦਕਾ ਨੌਵੇਂ ਪਾਤਸ਼ਾਹ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੇ 350ਵੇਂ ਸ਼ਹੀਦੀ ਪੁਰਬ ਮੌਕੇ ‘ਤੇ ਦੇਸ਼ ਦੀ ਸੰਸਦ ਵਿੱਚ ਇੱਕ ਇਤਿਹਾਸਿਕ ਸਮਾਗਮ ਕਰਵਾਇਆ ਗਿਆ । ਇਸ ਮੌਕੇ ਸੰਸਦ ਮੈਂਬਰਾਂ ਸਮੇਤ ਸਿੱਖ ਸੰਗਤਾਂ ਨੇ ਗੁਰੂ ਸਾਹਿਬ ਜੀ ਦੀ ਅਦੁੱਤੀ ਸ਼ਹਾਦਤ ਨੂੰ ਸਿਜਦਾ ਕੀਤਾ ।
(- ਤਸਵੀਰਾਂ - OzVue ਦੇ ਪਰਮ ਨਰੈਣ ਦੁਆਰਾ )

26/11/2025

Punjabi Scoop 🙏🙏🙏 Sony Dhillon - Rana Ranbir

‼️ਰਾਣਾ ਰਣਬੀਰ ਆ ਰਹੇ ਨੇ ਆਸਟ੍ਰੇਲੀਆ ਟੂਰ ‘ਤੇ !

🔻”ਬੰਦੇ ਬਣੋ ਬੰਦੇ’ ਨਾਟਕ ਨਾਲ ਅਪ੍ਰੈਲ 2026 ਤੋਂ ਪਰਥ ਤੋਂ ਹੋਵੇਗੀ ਸ਼ੁਰੂਆਤ!

🔷ਮਸ਼ਹੂਰ ਪੰਜਾਬੀ ਅਦਾਕਾਰ, ਨਿਰਦੇਸ਼ਕ, ਲੇਖਕ, ਕਾਮੇਡੀਅਨ ਅਤੇ ਰੰਗਕਰਮੀ ਰਾਣਾ ਰਣਬੀਰ ਅਗਲੇ ਸਾਲ ਇੱਕ ਵਾਰ ਫੇਰ ਆਸਟ੍ਰੇਲੀਆ ਵਸਦੇ ਪੰਜਾਬੀਆਂ ਲਈ ਰੰਗਮੰਚ ਦੀ ਇੱਕ ਸ਼ਾਨਦਾਰ ਪੇਸ਼ਕਸ਼ ਲੈ ਕੇ ਆ ਰਹੇ ਹਨ। 2023 ਵਿੱਚ ਆਪਣੇ ਸੁਪਰਹਿੱਟ ਨਾਟਕ ‘ਮਾਸਟਰ ਜੀ’ ਨਾਲ ਦਰਸ਼ਕਾਂ ਦੇ ਦਿਲ ਜਿੱਤਣ ਤੋਂ ਬਾਅਦ ਰਾਣਾ ਰਣਬੀਰ ਹੁਣ 2026 ਵਿੱਚ ਨਵੇਂ ਨਾਟਕ ‘ਬੰਦੇ ਬਣੋ ਬੰਦੇ’ ਨਾਲ ਆਸਟ੍ਰੇਲੀਆ ਟੂਰ ਕਰਨ ਜਾ ਰਹੇ ਹਨ। ਇਸ ਨਾਟਕ ਵਿੱਚ ਰਾਣਾ ਰਣਬੀਰ ਦੇ ਨਾਲ ਮਸ਼ਹੂਰ ਰੰਗਕਰਮੀ ਰਾਜਵੀਰ ਬੋਪਾਰਾਏ ਵੀ ਸਾਂਝ ਪਾਉਣਗੇ।ਕੈਨੇਡਾ ਵਿੱਚ ਹੋਏ ਇਸ ਨਾਟਕ ਦੇ ਪ੍ਰੀਮੀਅਰ ਸ਼ੋਅਜ਼ ਨੂੰ ਦਰਸ਼ਕਾਂ ਵੱਲੋਂ ਬਹੁਤ ਹੀ ਸਰਾਹਿਆ ਗਿਆ ਹੈ। ਜਲਦ ਹੀ ਰਾਣਾ ਰਣਬੀਰ ਪੰਜਾਬ ਦੇ ਵੱਖ-ਵੱਖ ਸ਼ਹਿਰਾਂ ਵਿੱਚ ਇਸ ਨਾਟਕ ਦਾ ਮੰਚਨ ਕਰਨਗੇ ਜਿਸ ਤੋਂ ਬਾਅਦ ਆਸਟ੍ਰੇਲੀਆ ਟੂਰ ਦੀ ਸ਼ੁਰੂਆਤ ਹੋਵੇਗੀ।

🔷ਆਸਟ੍ਰੇਲੀਆ ਟੂਰ ਦੇ ਮੁੱਖ ਪ੍ਰਬੰਧਕ ਸੋਨੀ ਢਿਲੋਂ(BOL ਪੰਜਾਬੀ ਨੂੰ)ਨੇ ਦੱਸਿਆ ਕਿ ਦਰਸ਼ਕਾਂ ਦੀ ਪੁਰਜ਼ੋਰ ਮੰਗ ਦੇ ਚਲਦਿਆਂ ਰਾਣਾ ਰਣਬੀਰ ਇੱਕ ਵਾਰ ਮੁੜ ਆਸਟ੍ਰੇਲੀਆ ਵਾਸੀਆਂ ਦੀ ਕਚਹਿਰੀ ਵਿੱਚ ਹਾਜਰੀ ਲਗਵਾਉਣ ਆ ਰਹੇ ਹਨ ਤੇ ਉਮੀਦ ਹੈ ਕਿ ਦਰਸ਼ਕ ਇਸ ਵਾਰ ਵੀ ਭਰਪੂਰ ਸਾਥ ਦੇਣਗੇ । ਉਨਾਂ ਕਿਹਾ ਕਿ ਰਾਣਾ ਰਣਬੀਰ ਹੋਰਾਂ ਦੇ ਇਸ ਟੂਰ ਦੀ ਤਰੀਕਾਂ ਤੇ ਹੋਰ ਵੇਰਵੇ ਜਲਦ ਹੀ ਸਾਂਝੇ ਕੀਤੇ ਜਾਣਗੇ। ਸੋਨੀ ਢਿਲੌਂ ਨੇ ਇਹ ਵੀ ਕਿਹਾ ਕਿ ਜਿਹੜੇ ਵੀ ਆਯੋਜਕ ਆਪਣੇ ਸ਼ਹਿਰ ਵਿੱਚ “ਬੰਦੇ ਬਣੋ ਬੰਦੇ” ਨਾਟਕ ਦਾ ਮੰਚਨ ਕਰਵਾਉਣਾ ਚਾਹੁੰਦੇ ਹਨ ਉਹ ਉਨਾਂ ਨਾਲ ਹੇਠ ਦਿੱਤੇ ਨੰਬਰ ਤੇ ਸੰਪਰਕ ਕਰ ਸਕਦੇ ਹਨ।
🔹 ਸ਼ੋਅ ਬੁਕਿੰਗ ਅਤੇ ਹੋਰ ਜਾਣਕਾਰੀ ਲਈ ਸੰਪਰਕ ਕਰੋ:
☎️ Sony Dhillon – 0433 752 667

Punjabi Scoop