Somali Press Tv

18/12/2025

Qofka Sinaysta Yaa yidhi Hala Dilo Sheekh Cali Raage

Somali Press Tv

12/12/2025

Soomaaliya & Xiriirka Israa’iil, Ma La Joogaa Waqtigii Siyaasad Ku Saleysan Dan Qaran Loo Wareegi Lahaa?

Israai’l ayaa shaaca ka qaaday inay leedahay xiriir toos ah oo ay la leedahay Soomaaliya, gaar ahaan iskaashi ku saabsan ka-hortagga argagixisada ammaanka Badda Cas iyo Geeska Afrika. Tani waxay muujinaysaa inkasta oo aanu jirin xiriir diblomaasiyadeed oo buuxa, ay muddo h**e jireen xiriiro amni oo hoose.

Haddaba waxaa isweydiin mudan, Ma la joogaa waqtigii dowladda Soomaaliya ay si toos ah u yeelan lahayd xiriir diblomaasiyadeed oo furan oo ay la samaysato Israa’iil, iyadoo laga gudbayo cadaadiska Carabta iyo siyaasadda ku dhisan qiirada diimeed?

Muddo dheer siyaasadda arrimaha dibadda Soomaaliya waxaa si xooggan u saameeyay dowladaha Carabta sida Imaaraadka, Sacuudiga,Masan iyo Qatar, marar badan arrimahaasi waxay siyaasadda Soomaaliya ka dhigeen mid ku socota cabsi, tuhun iyo shucuurta ama dareenka dalal kale, halkii ay ka ahaan lahayd mid ku qotonta dan qaran iyo istiraatiijiyad mustaqbal fog.

Dalal Muslim ah oo Xiriir Toos ah la Leh Israa’iil

Dunida Muslimka waxaa ka jira dalal badan oo xiriir buuxa, iskaashi amni, ganacsi iyo milateri la leh Israa’iil. Masar waxay xiriir la leedahay tan iyo 1979. Jordan waxay leedahay iskaashi amni oo aad u xooggan, Azerbaijan waa saaxiibka ugu dhow Israa’iil ee dunida Muslimka, Turkey waxay leedahay xiriir ganacsi iyo amni oo ballaaran markii laga tago hadalada saxaafada ama indhaha shacabka lagu daboolayo. UAE iyo Bahrain waxay yeesheen xiriir buuxa tan iyo heshiisyadii Abraham. Morocco waxay leedahay xiriir diblomaasiyadeed iyo iskaashi ciidan. Sudan waxay bilawday xiriir 2020. Dalalka Albania iyo Kosovo waxay la leeyihiin xiriir rasmi ah. Xitaa Indonesia, inkasta oo uusan jirin xiriir diblomaasiyadeed, haddana waxaa jiray iskaashi hoose oo qarsoodi ah muddo 30 sano ah.

Tani waxay caddeynaysaa in xiriirka Israa’iil uusan ku xirnayn qiiro diimeed, balse uu ku saleysan yahay dan qaran, amni, horumar, tiknoolojiyad iyo is-dhexgal caalami ah.

Maxay Soomaaliya Ka Faa’iidi Karta Xiriir Toos Ah?

Soomaaliya waxay heli kartaa faa’iidooyin amni iyo sirdoon oo casri ah, gaar ahaan teknoolojiyadda ka hortagga argagixisada, ilaalinta xeebaha iyo amniga Badda Cas. Dalka waxaa ka soo raaci kara horumar ballaaran oo dhinaca beeraha iyo biyaha ah, maadaama Israa’iil ka mid tahay dalalka ugu horumarsan aduunka marka la eego beeraha casriga ah, roob-sameynta iyo maaraynta biyaha. Soomaaliya waxay sidoo kale ka faa’iidi kartaa tiknoolojiyadda caafimaadka, cilmi-baarista iyo hal-abuurka farsamada, Intaa waxaa dheer, waxay yeelan kartaa madax-bannaani siyaasadeed oo ka madax bannaan cadaadiska Carabta iyo siyaasadaha ku dhisan “maxaa la yiri ” arimahaas mudooyin badan u xanibnaa horumarka dalka.

Caqabadaha Jira

Waxaa jira caqabado ay ka mid yihiin dareenka bulshada oo ku dhisan qiiro diimeed iyo aragti taariikheed, cadaadiska ka iman kara Sacuudiga, Qatar, Imaaraadka iyo Masar, sidoo kale siyaasiyiinta gudaha oo u adeegsada arrimaha dibadda shucuur ay ay uga ganacsadaan dareenka shacabka.

Haddii Soomaaliya rabto amni waara, istiraatiijiyad cad, tiknoolojiyad casri ah iyo madax-bannaani siyaasadeed oo dhab ah, waa inay awood u yeelataa inay xiriir la samayso dal kasta oo danteeda la jaanqaadaya. Dalal badan oo Muslim ah, oo ka waaweyn, ka awood badan kana diin adag, ayaa h**e u sameeyay xiriir toos ah oo furan oo ay la yeesheen Israa’iil. Soomaaliya ma khasaarayso haddii ay qaadato waddada danteeda gaarka ah. Balse waa ay khasaareysaa haddii ay ku sii socoto siyaasad ku dhisan qiiro iyo inay danaheeda uga damayso ogolaansho shisheeye.

Somali Press Tv

11/12/2025

Wasiirka Difaaca Soomaaliya ayaa ka falceliyey aflagaadadii ugu dambeysay ee Donald Trump.

Wasiirka difaaca Soomaaliya, Ahmed Moallim Fiqi, ayaa si adag uga jawaabay hadallo aflagaado ah oo uu madaxweynaha Mareykanka Donald Trump mar kale u jeediyay shacabka Soomaaliyeed, Trump oo khudbad ka jeedinayey gobolka Pennsylvania isagoo diiradda saaraya ololihiisa siyaasadeed, ayaa ku tilmaamay dalka ay Soomaalidu ka yimaadaan inuu yahay dnida sadexaaad“Third World” isla markaana sheegay.

“Waxaan mar walba qaadannaa dadka ka imanaya Soomaaliya, meelaha musiibada ah wasakh, nijaas, dambi badan.”
Wuxuu sidoo kale yiri “Waxa keliya ee ay ku fiican yihiin waa weerarrada maraakiibta.”

Trump ayaa h**ey ugu sheegay kulan golihiisa wasiirada in Soomaalidu yihiin “qashin” isla markaana “is dil-dila”.

Wasiirka difaaca Soomaaliya ayaa fariin qoraal ah oo uu u diray Reuters ku sheegay in Trump uu ku fiicnaan lahaa inuu ka shaqeeyo ballanqaadyadii siyaasadeed ee shacabkiisa halkii uu waqtiga ku lumin lahaa Soomaaliya, wuxuu xusay in shacabka Soomaaliyeed aysan marnaba aqbali doonin in la dulleeyo ama lagu tilmaamo erayo liita.

Fiqi wuxuu ku sheegey in shacabka Soomaaliyeed ay caan ku yihiin “Adkaysi iyo geesinimo Shaqo adag Dulqaad iyo ka gudbid imtixaano badan”

Wuxuu intaas ku daray in Soomaaliya ay ka mahadcelinayso taageerada millatari ee Mareykanku ka siiyo dagaalka ay kula jirto Aragagixisada AS D..ish, balse aysan aqbali karin hadallada sharaf dhaca ah ee Trump.

Trump ayaa kordhiyay weerarradiisa afka ah ee ku wajahan Soomaalida kadib markii laba askari oo ka tirsan National Guardka maraykanka lagu toogtay Washington, halka ninka loo qabtay dilka uu yahay muwaadin u dhashay Afghanistan.

Trump ayaa sidoo kale weerarro badan ku qaaday congresswoman Ilhaan Omar, oo ah Soomaali-Amerikaan, isagoo ku baaqay in la masaafuriyo inkasta oo ay sharci ahaan u tahay muwaadin Mareykan ah muddo 30 sano ka badan.

Somali Press Tv

11/12/2025

"Soomaaliya 98% macawinada ay hesho-xagga
ciidamada iyo horumarkaba-waxaa bixiya dowladaha
EU, UK iyo USA. Sida aad la socotaan, taageerada dhabta ahi halkaas ayay ka timaadaa. Carabtuna waxay na siiyaan wax aan dhaamin 2%. Ma isweydiinay sababta ay haddana u rabaan saameynta ugu badan ayaga oo doonaya inay boobaan khayraadkeena.

Musharax Madaxweyne Cadullahi Cidi-Libaax

Somali Press Tv

10/12/2025

Mareykanka Ayaa Cunaqabatayn Kusoo Rogay Shabakad u Qorta Dagaalyahanno Colombian ah Dagaalka Sudan ka Socda.

Dowladda Mareykanka ayaa cunaqabatayn kusoo rogtay shabakad caalami ah oo ay hoggaaminayaan muwaadiniin Colombian ah, kuwaas oo lagu eedeeyay inay qoraan oo tababaraan dagaalyahanno, oo ay ku jiraan caruur, si ay uga dagaallamaan dhinaca kooxda RSF ee Sudan ka dagaalanata.

Shabakaddan ayaa tan iyo 2024 qoranaysay isla markaana u daadgureynaysay boqolaal askar h**e ah oo Colombian ah si ay u noqdaan dagaalyahanno RSF, kuwaas oo ka qayb galay dagaalo ka dhacay Khartoum, Omdurman, Kordofan iyo El Fasher.

Dadka la magacaabay waxaa ka mid ah Alvaro Andres Quijano Becerra, oo ah sarkaal h**e oo militariga Colombian ah kuna sugan Dubai, iyo xaaskiisa Claudia Viviana Oliveros Forero, oo maamusha shirkadda A4SI. Shirkado kale oo la cunaqabateeyay waxaa ka mid ah Global Staffing/Talent Bridge, Maine Global Corp, iyo Comercializadora San Bendito, oo dhammaantood xiriir la leh shabakadda tababarka dagaalyahannada.

Mareykanka ayaa sheegay in RSF ay mas’uul ka tahay dilal qorsheysan, xasuuqyo, kufsi, iyo joojinta gargaarka bani’aadantinimo, taas oo ka dhigtay dagaalka Sudan musiibada bini’aadantinimo ee ugu xun dunida maanta.

Cunaqabataynta la saaray waxay xanibaysaa hantida dadka iyo shirkadaha lagu eedeeyay, waxayna mamnuucaysaa dhammaan macaamilka ganacsi ee la xiriira Mareykanka. Washington waxay ku adkaysatay in tallaabadan lagu xoojinayo dadaallada lagu doonayo in lagu soo afjaro colaadda Sudan loona gudbo xabbad joojin iyo hannaan dowlad rayid hoggaamiso.

Somali Press Tv

WASHINGTON — Today, the U.S. Department of the Treasury’s Office of Foreign Assets Control (OFAC) imposed sanctions on four individuals and four entities for their roles in fueling the civil war in Sudan, a conflict that has provoked the world’s worst ongoing humanitarian crisis. This transnat...

10/12/2025

Hadalka Stephen Miller iyo Jawaabaha Ka Dhashay

Stephen Miller, oo ka tirsan kooxaha ugu saameynta badan ee Donald Trump, ayaa sheegay in haddii Soomaalidu “aanay dalkooda ka dhigi karin mid guulaysta,” aanay wax tar u yeelan karin Mareykanka. Hadalkan oo lagu tilmaamay mid lagu weerarayo bulsho dhan, wuxuu sii huriyay dood ku saabsan sida muhaajiriinta loogu qiimeeyo hadba xaaladda dalalkooda, halkii lagu eegi lahaa shaqsiyadooda iyo wax ku oolnimadooda.

Hadallada noocan oo kale ah, oo ay jiraan hadaladii Trump dhawaan ugu yeeray Soomaalida “garbage,” waxay ka dhashayn caro weyn oo gudaha Soomaaliya ah iyo qurbaha. Dad badan ayaa xusay in inkastoo dalka ay kajiraan caqabado badan, haddana bulshada Soomaaliyeed ay samaysay dadaal muuqda oo ku saabsan dib-u-dhiska, adeegyada bulshada iyo horumarinta adeegyada muhiimka ah. Waxaa sidoo kale la xusay in hadalka Trump uu dhaawacyo ku reebay dadka Soomaaliyeed ee mareykanka ku nool, isla markaana uu caqabad ku noqon karo isku xirnaanta bulshada iyo amniga.

Waxaa kale oo jira doodo leh faragelinta shisheeye waxay leedahay miisaan siyaasadeed iyo amni, qaar ka mid ah dadka xaalka Somalia Darsa waxay aaminsan yihiin in haddii faragelinta Mareykanka iyo dalalka kale ay dalka ka yaraato, ay Soomaaliya heli karto fursad ay si madax-bannaan u dhisto nidaamkeeda. Tusaalooyin dunida ka dhacay, sida Afghanistan ka dib markii Mareykanku ka baxay, ayaa muujinaya in musuqmaasuqa qaar meelaha uu hoos u dhacay, isla markaana bulshada gudaha ay qaadatay doorkii ay dibu habaynta ku fulin lahayd.

Dalka Mareykanka marka uu ka baxay ama uusan si toos ah faragelin ugu yeelan dalal qaarkood, waxaa muuqda in bulshooyinkaasi helaan fursad ay iyagu hoggaan u noqdaan horumarkooda. Tusaalooyin badan ayaa tan caddeynaya. Serbia markii faragelintii dibadda yaraatay waxay awood u yeelatay inay dib u dhisto dhaqaalaha, taageerto warshadaha gudaha, isla markaana gaarto degganaansho siyaasadeed oo ka wanaagsan intii h**e.

Vietnam oo muddo dheer iska diidday faragelinta Mareykanka ayaa maanta ka mid ah dhaqaalaha ugu kobaca badan Asia, iyadoo adeegsanaysa qorshe deggan oo ku dhisan wax soo saarka, ganacsiga iyo midnimada bulshada Sidoo kale Eritrea iyaduna, inkastoo ay la kulantay caqabado badan oo gudaha ah, haddana waxay ku istaagtay mabda’ madax-bannaani iyo in aanay oggolaan faragelin siyaasadeed oo dibadeed, taas oo u suuragelisay inay xakameyso amniga, qorsheyso kheyraadkeeda, isla markaana ku socoto waddo ay iyadu leedahay.

Tusaalooyinkani waxay muujinayaan hal arrin oo muhiim ah, waddan kasta fursad ayuu helaa marka loo daayo inuu is xukumo, go’aanadiisana ay ka yimaadaan gudaha, halkii lagu maamuli lahaa dano shisheeye. Horumarka dhabta ahi wuxuu kasoo bilaabmaa gudaha bulshada, haddii ay helaan nabad, hogaamiye daacad ah, iyo jawi ay iyagu iska leeyihiin. Soomaaliya sidoo kale waxay leedahay karti noocan ah waxay u baahan tahay jawi ay iyadu maamusho, faragelin la’aan, oo ay bulshada gudaha hoggaanka u qabato dib u dhiska iyo horumarka.

Ugu dambayn, hadalka Miller iyo Trump waxaa loo fasiray isku day lagu yareynayo doorka muhaajiriinta iyo in bulsho dhan lagu qiimeeyo xaaladaha adag ee dalkooda, halkii lagu eegi lahaa waxa ay la yimaaddaan marka ay helaan fursad, amni iyo sharciyad. Soomaalida gudaha iyo dibaddaba waxay muujisay inay leedahay karti, hal abuur iyo awood ay ku dhisi karto mustaqbal ka wanaagsan, haddii la helo xaalad ku habboon oo ay iyagu hoggaan u yihiin.

Somali Press Tv

06/12/2025

Magaalada Boorama galbeedka Soomaaliya waxaa ka socda dabayl kacdoon oo ka dhan ah gooni-goosatada Somaliland, Kacdoon wadayaasha ayaa aargada magaalada ku buufisay calanka Soomaaliya iyo astaanta maamul-goboleedka cusub ee Adal State of Somalia, taas oo dhalisay hadal-hayn ballaaran.

A***n ayaa noqonaya farriin siyaasadeed oo muujinaysa in kacdoon wadayaashu ay taageero u muujiyeen midnimada Soomaaliya iyo aragtida maamul Adal State. Illaa iyo hadda ma jiraan warar rasmi ah oo ka soo baxay maamulka ama hay’adaha amniga ee maamulka Somaliland ee Boorama.

Somali Press Tv

01/12/2025

David Black waxaa loo xidhay difaacidda xuquuqda dadka soo-galootiga ah ee ku nool dalka Maraykanka.
Wuxuu ku doodayay inaanay habboonayn sida loola
dhaqmay dadkaasi, xadgudubyada lagula kacayana ay yihiin kuwo ka baxsan bani'aadannimada, damiirkiisuna uusan u saamaxaynin inuu ka aamusnaado.

Kaniisaddiisa oo ku taalla magaalada Chicago ayuu irridaha u furay si dadka deegaanku isugu abaabulaan, kulammo, uguna qaataan shirar iyo tababbarro ay ku difaacaan soo galootiga looguna lacago qaaraan ah oo qareenno loogu qabto dadka sharcidarrada lagu ku jooga dalka, isla markaana raashin loogu geeyo dadka ku xiran goobaha lagu hayo.

Isagu iyo ururro diimeedyo kala duwan oo deegaanka ka jira oo ay Muslimiin ku jiraan waxay sameeyeen dhaqdhaqaaq ay ugu bixiyeen "limaan ka weyn cabsi" (Faith over Fear). Ujeeddadoodu waxay ahayd inay ka hortagaan in bulshooyin gaar ah la magac dilo, la suurad xumeeyo, dhaawac loo geysto isirkooda, diintooda ama dalalkii ay ka soo jeedeen, Waxay isku bahaysteen inay difaacaan sharafta iyo xuquuqda bani'aadamka, ayna ka hortagaan dulmiga iyo takoorka la sharciyeeysanayo.

Baadirigaas waxaa loo katiinadeeyey daacadnimadiisa iyo difaaca uu u istaagay dadka kale, halka barafasoor Soomaali ah uu qiil u sameeyey suurad-xumeeyn ay wajahday bulshadiisii, halkii uu aqoonta iyo maqaamkiisa ugu hiilin lahaa difaaca xaqooda.

Qoraalkani wuxuu iftiiminayaa in haddii diinta, aqoonta, hantida ama magaca aan loo adeegsan xaq, caddaalad iyo difaac dadka dulman, aysan wax micno ah adduun iyo aakhiro midna yeelan, Wanaagga adiga oo keli ah kugu kooban waxba ma taro, Dulmiga iyo gaboodfalka waa sida daad mara haddii aan la moosin oo laga hor istaagin, markuu oodda soo jebiyo qof walba wuu qaadaa, Aamusnaantuna waa hoosaasinta dulmiga iyo u hillintiisa dadban.

Halka Professor Axmed Ismaaciil Samatar uu u jeediyey eedo tiro-beel ah ummadda Soomaaliyeed, taas oo dhaawacaysa sumcaddooda, waxa tusaale fiican u noqday baadariga u istaagay difaac ka dhan ah dulmiga.

Qore. Abdikafi isse

25/11/2025

Cadaaladda Puntland Ayaa Maanta Qoyska Deni u Xujaysan!

Magaalada Garoowe ee caasimadda Puntland waxaa ka taagan qeylo-dhaan ku saabsan cadaalad-darro ka dhalatay shil naxdin leh oo dhacay habeenkii xalay, kaas oo sababay dhimashada laba muwaadin oo dhalinyaro ah oo saarnaa mooto bajaaj.

Ninka shilka gaystay waxaa la sheegay inuu yahay wiil dhalinyaro ah oo uu abti u yahay Madaxweynaha Puntland, Siciid Cabdullaahi Deni, hooyadiina ay tahay Ifraax Cabdullaahi Deni. Goob-joogayaal iyo ilo amni ayaa sheegay in eeda loo haysto ninkaasi ay tahay inuu si kas ah u jiiray bajaajta, isagoo sidoo kale si ula kac ah u diiday in loo fidiyo gurmad degdeg ah oo lagu samatabixin lahaa labada qof ee uu shilka ku dilay, waqtigaas ayaa mid ka mid ah dhalinyaradaas dhintay iyadoo midka kale noolaa, balse ninka gaariga jiirsiiyey uu ka hor istaagay iney helaan wax gurmad ah.

Xogta la xaqiijiyey waxay tilmaamaysaa in ninka eedeysanaha ah uu ahaa mid cabsan, waxaana la cadeeyey inuu isticmaalayay maandooriyaha khamriga, taas oo ka dhigeysa dambiga mid kas u dhacay oo sahlaysa in si cad loogu xukmi karo, waxaa intaas dheer, muuqaalo goobta laga qabtay oo muujinaya inuu rasaas ku furay dadkii shacabka ahaa ee isku dayayay inay gurmad sameeyaan kadib shilka, taas oo keentay khalkhal amni iyo isku dhex yaac dhanka amniga ah.

Si lama filaan ah, xalay ayaa laga saaray saldhigii booliska waxaana loo qaaday waaxda caafimaadka ee Madaxtooyada Puntland, halkaas oo uu hadda ku sugan yahay, tani waxay muujinaysaa in kiiska loo leexinayo jihada siyaasadeed loona samaynayo marin habaabin sharciyeed iyadoo la adeegsanayo awoodda Madaxweyne Deni, arrintaas oo si toos ah u taabanaysa kalsoonida lagu qabo karo hay’adaha garsoorka Puntland.

Madaxweyne Siciid Deni waxaa horyaalla imtixaan adag, haddii uu sharciga ka hor istaago wiilka uu abtiga u yahay, waxay noqonaysaa caddeyn muujinaysa in dastuurka Puntland iyo nidaamka garsoorku yihiin kuwo u adeegaya shaqsiyaad gaar ah halkii ay u adeegi lahaayeen Shacabka, bulshada Puntland ayaase hadda indhaha ku haysa sida kiiskan loo wajahayo, iyadoo su’aalaha ugu waaweyn yihiin:

Ma la marin doonaa eedeysanaha cadaaladda?
Madaxweyne Deni ma noqon doonaa hoggaamiye u istaaga danta shacabka mise mid danta qoyskiisa ka hor mariya?

Somali Press Tv

23/11/2025

HRW: Digniin Cusub oo ka Dhan ah Itoobiya, Beesha Caalamka oo Laga Dalbaday Inay Ka Hortagaan Xadgudubyada kusoo fool leh dadka Ethiopia.

Hay’ada Xaquuqda Aadanaha ee Human Rights Watch waxay ka digtay in xabbad-joojintii u dhaxeysay dowladda Itoobiya iyo TPLF ay wiiqmeyso, taas oo khatar weyn ku ah shacabka ku nool waqooyiga Ethiopia, calaamado muujinaya in colaaddii h**e dib u soo laaban karto ayaa jira, iyadoo beesha caalamku ay mashquul ku tahay arrimo kale oo gobolka ka baxsan.

Maalmihii u dambeeyay, Ra’iisul Wasaaraha Itoobiya Abiy Ahmed wuxuu ku eedeeyay TPLF inay miisaaniyaddooda u adeegsanayaan howlo militari, halka taliyaha ciidamada Ethiopia uu TPLF ku tilmaamay koox dambiilayaal ah oo la doonayo in la tirtiro, xiisadda ayaa kor u kacday, iyadoo labada dhinac ay dalbadeen dhexdhexaadin caalami ah oo aan ilaa hadda hirgalin.

Dhinaca kale, waxaa sii xoogeysanaya khilaafka Itoobiya iyo Eritrea, Dowladda Itoobiya waxay ku eedeysay Eritrea inay la shaqeyneyso TPLF si loo abuuro dagaal cusub, Diblomaasiyiinta ku sugan itoobiya qaarkood ayaa ka digaya in kicintaasi ay sababi karto dagaal ka dhaca deegaanno aan weli ka soo kaban burburkii h**e.

“Colaaddii 2020–2022 ee ka dhacday Tigray, Afar iyo Amhara waxaa ku dhintay boqolaal kun oo qof, malaayiin ayey barakicisay, waxayna burburisay kaabayaal muhiim ah. Tigray waxaa lagu saaray go’doon adag, halka mas’uuliyiinta deegaannada qaarkood iyo maleeshiyaad Amxaaro ay fuliyeen olole sifeyn qowmiyadeed oo ka dhan ah shacabka Tigrayga, falal loo aqoonsaday dambiyo ka dhanka ah bani’aadamnimada” ayaa lagu yiri warka HRW.

“Inkasta oo heshiis xabbad-joojin oo uu dhexdhexaadiyey Midowga Afrika la gaaray bishii November 2022, haddana kormeerkiisa iyo ilaalinta xuquuqda aadanaha way fashileen, iyadoo xadgudubyada shacabka ka dhanka ah ay sii socdeen, Dowladdaha Itoobiya iyo Eritrea midkoodna ma qaadin tallaabo sharci oo ka dhan ah dambiilayaashii lagu eedeeyay falalka foosha xun. Sannadkii 2023, Qaramada Midoobay waxay joojisay baaritaankii caalamiga ahaa kadib cadaadis uga yimid Addis Ababa, taas oo ay sababtay in hab-raacii gudaha ee dowladda uu istaago” ayaa lagu yiri.

“Human Rights Watch waxay ku boorineysaa Midowga Afrika, Kenya, Koonfur Afrika, Mareykanka iyo dhammaan dalalka saaxiibka la ah Itoobiya inay si degdeg ah uga howlgalaan sidii looga hortagi lahaa xadgudubyada soo laabta mar kale oo ka dhan ah dadka rayidka ah, waxaa sidoo kale lagama maarmaan ah in Midowga Afrika uu si cad u shaaciyo jabinta heshiiska xabbad-joojinta”.

Khatar colaadeed oo ka qarxda waqooyiga Itoobiya waa mid dhab ah, waxaana lama huraan ah in la qaado tallaabooyin degdeg ah si loo loogaga hortago in dhibaatooyinkii h**e ay mar kale soo laabtaan, ayaa lagu sheegey warka Hay’ada HRW.

Somali Press Tv

23/11/2025

Tuuba-raaca Madaxwayne Farmaajo iyo Wasiir Xasan Macalin. Aragtidaada?

Somali Press Tv

23/11/2025

Ciidamo Itoobiyaan ah oo ka Gudbay xadka Moyale gudahana u galay Kenya iyo rasaas ay is waydaarsadeen ciidamada labada dal.

Shalay waxaa ka dhacay dhacdo amni oo culus xadka Kenya iyo Itoobiya, gaar ahaan duleedka Moyale, kadib markii ciidamo Itoobiyaan ah u gudbeen gudaha Kenya ilaa hal kiiloomitir, iyaga oo rasaas ridaya.

Ciidamada Itoobiya oo ka dhaqaaqay aagga Sesii ayaa la sheegay inay u dhowaadeen ilaa laba kiiloomitir Saldhigga Booliska Moyale ee Kenya, taas oo keentay in ciidanka Kenya ay si degdeg ah u falceliyaan.

Warbixin rasmi ah oo laga diiwaangeliyay Saldhigga Booliska Moyale ee Kenya (OB No. 32/22/11/2025) ayaa tilmaamaysa in ciidamada Booliska Kenya Administration Police, iyo Border Patrol Unit ay la galeen iska hor imaad socday ku dhowaad labo saacadood ciidamada Itoobiya ee xadka ka gudbay gudbay.
Ciidanka Difaaca Kenya (KDF) ayaa markii dambe ku biiray hawlgalka, waxaana si wadajir ah ugu guuleysteen ciidanka Kenya inay ciidamada Itoobiya dib uga riixaan xadka.

Rasaas badan ayaa la isdhaafsaday, balse ma jirin wax dhimasho dhaawac ah, warar aan la xaqiijin ayaa soo sheegaya iney jirto dhimasho dhinaca Itoobiya ah oo la sheegay in ay ku lug laahaayeen koox Kenyan ah, waana sababta keentay in ciidanka Itoobiya ay gudbaan xadka.

Xaaladdu weli waa mid kacsan oo aan la saadaalin karin.

Somali Press Tv