https://www.facebook.com/TVprummokbuon?mibextid=ZbWKwL

TVonline, 11 William Clarke Wynd, Narre Warren South, Melbourne (2025)

09/10/2025

បេសកកម្មមនុស្សធម៌របស់កាកបាទក្រហមកម្ពុជាខេត្តព្រៃវែង ជួយដល់ជនរងគ្រោះទឹកជំនន់ ៨០គ្រួសារ ក្នុងស្រុកពាមជ .......
នាថ្ងៃទី០៩ ខែតុលា ឆ្នាំ២០២៥ សាខាកាកបាទក្រហមកម្ពុជាខេត្តព្រៃវែង ដឹកនាំដោយឯកឧត្ដម សួន សុម៉ាលីន ប្រធានគណៈកម្មាធិការសាខា បានរៀបចំពិធីចែកអំណោយមនុស្សធម៌ ជូនដល់គ្រួសាររងគ្រោះដោយទឹកជំនន់ធ្ងន់ធ្ងរចំនួន ៨០គ្រួសារ ស្ថិតក្នុងឃុំកំពង់ប្រាសាទ និងឃុំកោះសំពៅ ស្រុកពាមជរ ខេត្តព្រៃវែង។ ពិធីនេះឆ្លុះបញ្ចាំងពីស្មារតីមនុស្សធម៌ និងការយកចិត្តទុកដាក់ខ្ពស់របស់កាកបាទក្រហមកម្ពុជា ក្រោមការដឹកនាំប្រកបដោយគតិបណ្ឌិតរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែគិតគូរអំពីសុខទុក្ខប្រជាពលរដ្ឋរងគ្រោះ។ ឯកឧត្ដម សួន សុម៉ាលីន ក៏បានពាំនាំនូវប្រសាសន៍ផ្ដាំផ្ញើសួរសុខទុក្ខពីឯកឧត្ដមអភិសន្តិបណ្ឌិត ស សុខា ផងដែរ។ អំណោយដែលបានផ្ដល់ជូនក្នុងមួយគ្រួសាររួមមាន៖ អង្ករ ២៥គីឡូក្រាម, ឃីតសម្ភារៈប្រើប្រាស់, មី ១កេស, ត្រីខ ១យួរ, និងថវិកា ៥០.០០០រៀល។ ក្នុងឱកាសនោះ ឯកឧត្ដមប្រធានសាខា បានអំពាវនាវដល់ប្រជាពលរដ្ឋឱ្យបង្កើនការប្រុងប្រយ័ត្នខ្ពស់ចំពោះគ្រោះថ្នាក់ដោយសារទឹកជំនន់ ជាពិសេសការថែរក្សាសុខភាព អនាម័យ និងសុវត្ថិភាពកូនចៅ។ ឯកឧត្ដមបានបញ្ជាក់ជាថ្មីពីគោលការណ៍ដ៏ខ្ពង់ខ្ពស់របស់កាកបាទក្រហមកម្ពុជាគឺ «ទីណាមានទុក្ខលំបាក ទីនោះមានកាកបាទក្រហមកម្ពុជា» ដើម្បីបន្តបេសកកម្មជួយសង្គ្រោះ និងស្តារជីវភាពរស់នៅរបស់ប្រជាពលរដ្ឋងាយរងគ្រោះ។ យោងតាមរបាយការណ៍អាជ្ញាធរស្រុកពាមជរ គ្រោះទឹកជំនន់នេះបានប៉ះពាល់ភូមិចំនួន ៤០ ភូមិ សរុប ៧៦៧ គ្រួសារ និងបង្កការខូចខាតដំណាំកសិផលយ៉ាងដំណំ ដែលបង្ហាញពីទំហំនៃការលំបាករបស់ប្រជាពលរដ្ឋនៅក្នុងតំបន់។

បេសកកម្មមនុស្សធម៌របស់កាកបាទក្រហមកម្ពុជាខេត្តព្រៃវែង ជួយដល់ជនរងគ្រោះទឹកជំនន់ ៨០គ្រួសារ ក្នុងស្រុកពាមជ ស.....

09/10/2025

Cambodia's government spokesperson has strongly refuted Thailand's persistent accusations of aggression and ceasefire violations regarding border disputes, asserting that Cambodia is the true victim. This statement came in response to repeated claims by Thai officials, including the Prime Minister on October 9, 2025, who portrayed Thailand as the aggrieved party and demanded Cambodia evacuate its citizens from long-held areas for peace....

Cambodia’s government spokesperson has strongly refuted Thailand’s persistent accusations of aggression and ceasefire violations regarding border disputes, asserting that Cambodia is th…

09/10/2025

រាជរដ្ឋាភិបាលកម្ពុជាបានបដិសេធយ៉ាងដាច់អហង្ការចំពោះការចោទប្រកាន់ម្តងហើយម្តងទៀតពីសំណាក់ថ្នាក់ដឹកនាំនិងមន្ត្រីថៃ ដែលបានបំភ្លៃការពិតអំពីបញ្ហាព្រំដែនរវាងប្រទេសទាំងពីរ ដោយចោទកម្ពុជាថាជាអ្នកបង្កហេតុ និងជាអ្នកឈ្លានពាន ខណៈដែលកម្ពុជាគឺជាជនរងគ្រោះពិតប្រាកដ។ ជាក់ស្តែង ថ្ងៃទី៩ ខែតុលា ឆ្នាំ២០២៥ ប្រមុខរដ្ឋាភិបាលថៃបានអះអាងថាថៃជាភាគីរងគ្រោះ និងបានដាក់លក្ខខណ្ឌឲ្យកម្ពុជាជម្លៀសប្រជាពលរដ្ឋរបស់ខ្លួនចេញពីភូមិឋានដែលពួកគេបានរស់នៅជាយូរមកហើយ ដើម្បីជាថ្នូរនឹងសន្តិភាព។ ក្នុងនាមជាប្រទេសដែលប្រាថ្នាសន្តិភាព កិច្ចសហប្រតិបត្តិការ និងព្រំដែនមិត្តភាព រាជរដ្ឋាភិបាលកម្ពុជាប្រកាន់ខ្ជាប់គោលការណ៍មិនឈ្លានពានទឹកដីប្រទេសជិតខាង និងរក្សាសិទ្ធិការពារអធិបតេយ្យភាព និងបូរណភាពទឹកដីរបស់ខ្លួន ស្របតាមច្បាប់ជាតិនិងអន្តរជាតិ។ កម្ពុជានៅតែប្រកាន់ជំហរដោះស្រាយបញ្ហាព្រំដែនដោយសន្តិវិធី ឈរលើយន្តការបច្ចេកទេស និងច្បាប់អន្តរជាតិ ដោយបដិសេធការប្រើប្រាស់កម្លាំងយោធា ហើយបានបង្ហាញការអត់ធ្មត់ខ្ពស់បំផុតចំពោះសកម្មភាពបង្កហេតុនានា។ ជាមួយគ្នានេះ កម្ពុជាអំពាវនាវដល់ភាគីថៃឲ្យបង្ហាញសុឆន្ទៈដោះស្រាយបញ្ហាដោយសន្តិវិធី ប្រកបដោយការអត់ធ្មត់ តាមរយៈយន្តការទ្វេភាគីដែលមានស្រាប់ (JBC, GBC, RBC) និងអនុលោមតាមអនុសញ្ញា សន្ធិសញ្ញា និងច្បាប់អន្តរជាតិជាធរមាន ដើម្បីឈានទៅរកដំណោះស្រាយប្រកបដោយនិរន្តរភាព និងភាពសុខសាន្តយូរអង្វែង។

រាជរដ្ឋាភិបាលកម្ពុជាបានបដិសេធយ៉ាងដាច់អហង្ការចំពោះការចោទប្រកាន់ម្តងហើយម្តងទៀតពីសំណាក់ថ្នាក់ដឹកនាំនិងម...

08/10/2025

ព្រៃវែង៖ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានសង្កត់ធ្ងន់អំពីសារៈប្រយោជន៍នៃបច្ចេកវិទ្យាបញ្ញាសិប្បនិម្មិត (AI) ក្នុងការគាំទ្រកិច្ចការព័ត៌មាន ក្នុងកំឡុងពេលអញ្ជើញជាវាគ្មិនក្នុងវគ្គបំពាក់បំប៉នស្ដីពីការពង្រឹងសមត្ថភាពការងារព័ត៌មាន និងសាធារណមតិ កាលពីព្រឹកថ្ងៃទី៧ ខែតុលា ឆ្នាំ២០២៥ នៅខេត្តព្រៃវែង។ ទន្ទឹមនឹងនោះ ឯកឧត្តមក៏បានក្រើនរំលឹកអំពីភាពចាំបាច់ក្នុងការផ្ទៀងផ្ទាត់ខ្លឹមសារដែលផលិតដោយ AI ឲ្យបានល្អិតល្អន់មុននឹងធ្វើការផ្សព្វផ្សាយជាសាធារណៈ។ ឯកឧត្តមបានគូសបញ្ជាក់ថា AI ដើរតួនាទីជាជំនួយការដ៏សំខាន់សម្រាប់មនុស្ស អាចសម្រួលកិច្ចការជាច្រើនដូចជា ការសរសេរអត្ថបទ ការបកប្រែ ការស្រាវជ្រាវ និងការផលិតមាតិកាផ្សព្វផ្សាយ។ ក្នុងបរិបទនៃការរីកចម្រើនបច្ចេកវិទ្យា ឯកឧត្តមបានលើកទឹកចិត្តដល់មន្ត្រីព័ត៌មាន និងអ្នកសារព័ត៌មានទាំងអស់ ឲ្យបន្តស្វែងយល់ស៊ីជម្រៅ និងអនុវត្ត AI ឲ្យបានទូលំទូលាយ ដើម្បីទាញយកប្រយោជន៍ក្នុងការគ្រប់គ្រងព័ត៌មាន ការងារសាធារណមតិ និងជាពិសេសក្នុងការប្រយុទ្ធប្រឆាំងព័ត៌មានក្លែងក្លាយ។ យ៉ាងណាមិញ ឯកឧត្តមក៏បានបង្ហាញការព្រួយបារម្ភចំពោះផលប៉ះពាល់អវិជ្ជមានដែលបណ្តាលមកពីការប្រើប្រាស់ AI ខុសគោលដៅ និងក្នុងចេតនាទុច្ចរិត។ ជាក់ស្ដែង ក្នុងឧប្បត្តិហេតុជម្លោះព្រំដែនកន្លងមក មានក្រុមជ្រុលនិយមមួយចំនួនបានប្រើប្រាស់ AI ដើម្បីបង្កើតព័ត៌មានក្លែងក្លាយជាច្រើនក្នុងគោលបំណងបង្កភាពវឹកវរ មួលបង្កាច់ និងបំផ្លាញកិត្តិយសជាតិ។ ហេតុដូច្នេះហើយ ការបណ្តុះបណ្តាល និងការយល់ដឹងអំពីការប្រើប្រាស់ AI ប្រកបដោយក្រមសីលធម៌ និងការទទួលខុសត្រូវ គឺជាគន្លឹះដ៏សំខាន់ក្នុងការទាញយកសក្តានុពលរបស់បច្ចេកវិទ្យានេះ ឲ្យបម្រើផលប្រយោជន៍សង្គមជាតិប្រកបដោយចីរភាព។ វគ្គបំពាក់បំប៉ននេះមានអ្នកសារព័ត៌មាន និងមន្ត្រីជំនាញជាង ៦០នាក់ មកពីមន្ទីរព័ត៌មានខេត្តព្រៃវែង កណ្តាល ស្វាយរៀង និងរាជធានីភ្នំពេញចូលរួម៕

ព្រៃវែង៖ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន បានសង្កត់ធ្ងន់អំពីសារៈប្...

08/10/2025

រាជធានីភ្នំពេញ ៖ ក្រសួងព័ត៌មានបានរៀបចំពិធីបិទវគ្គបំពាក់បំប៉នស្ដីពីការពង្រឹងសមត្ថភាពលើការងារព័ត៌មាន និងសាធារណមតិ ប្រកបដោយភាពជោគជ័យ កាលពីថ្ងៃទី ៨ ខែតុលា ឆ្នាំ ២០២៥ បន្ទាប់ពីសិក្សារយៈពេល ២ ថ្ងៃ គឺចាប់ពីថ្ងៃទី ៧ ដល់ថ្ងៃទី ៨ ខែតុលា ឆ្នាំ ២០២៥។ ពិធីនេះបានប្រព្រឹត្តទៅក្រោមវត្តមានដ៏ខ្ពង់ខ្ពស់របស់ឯកឧត្តម ម៉ែន សាម៉ន អនុរដ្ឋលេខាធិការទទួលបន្ទុកព័ត៌មាន និងឯកឧត្តម ទេព អាស្នារិទ្ធ អ្នកនាំពាក្យក្រសួងព័ត៌មាន។ ក្នុងឱកាសនោះ ឯកឧត្តម ម៉ែន សាម៉ន បានគូសបញ្ជាក់អំពីសារៈសំខាន់នៃការអភិវឌ្ឍចំណេះដឹងជាបន្តបន្ទាប់ និងតួនាទីស្នូលនៃការផ្សព្វផ្សាយព័ត៌មានប្រកបដោយក្រមសីលធម៌ និងការទទួលខុសត្រូវខ្ពស់។ ថ្លែងក្នុងពិធីបិទវគ្គបំពាក់បំប៉ននេះ ឯកឧត្តមអនុរដ្ឋលេខាធិការបានសង្កត់ធ្ងន់ថា ការអភិវឌ្ឍចំណេះដឹងគឺជាកត្តាចាំបាច់សម្រាប់ការរីកចម្រើនផ្ទាល់ខ្លួន និងវិជ្ជាជីវៈ។ ឯកឧត្តមបានលើកឡើងថា ការរៀនសូត្រមិនមែនជាដំណើរការចេះតែធ្វើនោះទេ ប៉ុន្តែត្រូវមានក្បួនខ្នាត ផែនការយុទ្ធសាស្ត្រសម្រាប់ការអភិវឌ្ឍធនធានមនុស្ស និងមូលធនមនុស្ស ដើម្បីធានាបាននូវប្រសិទ្ធភាពការងារខ្ពស់។ ទន្ទឹមនឹងនេះ ឯកឧត្តម ក៏បានលើកឡើងពីភាពចាំបាច់ក្នុងការយល់ដឹងពីគោលបំណងនៃការសរសេរ និងផ្សព្វផ្សាយព័ត៌មាន ដោយត្រូវគិតគូរអំពីផលវិជ្ជមាន ឬអវិជ្ជមាន ដែលអាចកើតមានឡើងចំពោះសង្គមជាតិ មុននឹងសម្រេចចិត្តផ្សព្វផ្សាយ។ នៅក្នុងបរិបទនៃការរីកចម្រើននៃបច្ចេកវិទ្យាព័ត៌មាន ឯកឧត្តម ម៉ែន សាម៉ន ក៏បានធ្វើការអំពាវនាវដល់សាធារណជនទូទៅ ឲ្យមានការថ្លឹងថ្លែង និងពិចារណាឲ្យបានល្អិតល្អន់ចំពោះព័ត៌មានគ្រប់ប្រភេទ ដែលបានផ្សព្វផ្សាយ ជាពិសេសនៅលើបណ្ដាញសង្គម ដោយហេតុថា មិនមែនព័ត៌មានទាំងអស់សុទ្ធតែជាការពិតនោះទេ។ ការចែករំលែកព័ត៌មានដោយគ្មានការផ្ទៀងផ្ទាត់ អាចបង្កផលប៉ះពាល់យ៉ាងធ្ងន់ធ្ងរដល់សណ្ដាប់ធ្នាប់សង្គម។ ជាចុងក្រោយ ឯកឧត្តម ក៏បានសំណូមពរដល់បណ្ដាស្ថាប័នសារព័ត៌មានទាំងអស់ ឲ្យបន្តចូលរួមផ្សព្វផ្សាយ និងជំរុញផលិតផលខ្មែរឲ្យកាន់តែមានភាពល្បីល្បាញ និងទទួលការគាំទ្រពីសាធារណជនជាតិ និងអន្តរជាតិ សំដៅរួមចំណែកអភិវឌ្ឍសេដ្ឋកិច្ចជាតិ។ ការរៀបចំវគ្គបំពាក់បំប៉ននេះ គឺឆ្លុះបញ្ចាំងពីការប្តេជ្ញាចិត្តរបស់ក្រសួងព័ត៌មាន ក្នុងការលើកកម្ពស់គុណភាពវិស័យព័ត៌មាន និងធានាការផ្សព្វផ្សាយព័ត៌មានប្រកបដោយទំនួលខុសត្រូវខ្ពស់ ដើម្បីចូលរួមកសាងសង្គមមួយដែលមានការអភិវឌ្ឍប្រកបដោយចីរភាព និងប្រជាពលរដ្ឋមានព័ត៌មានគ្រប់គ្រាន់ ត្រឹមត្រូវ និងច្បាស់លាស់។

រាជធានីភ្នំពេញ ៖ ក្រសួងព័ត៌មានបានរៀបចំពិធីបិទវគ្គបំពាក់បំប៉នស្ដីពីការពង្រឹងសមត្ថភាពលើការងារព័ត៌មាន និង...

07/10/2025

**ព្រៃវែង៖** ក្រសួងព័ត៌មានបានសហការយ៉ាងជិតស្និទ្ធជាមួយមន្ទីរព័ត៌មានខេត្តព្រៃវែង រៀបចំវគ្គបណ្តុះបណ្តាលស្តីពីការពង្រឹងសមត្ថភាពលើការងារព័ត៌មាន និងសាធារណមតិ ដល់អ្នកសារព័ត៌មាន និងមន្ត្រីជំនាញសរុបប្រមាណជាង ៦០ នាក់ ដែលមកពីមន្ទីរព័ត៌មានខេត្តព្រៃវែង កណ្តាល ស្វាយរៀង និងរាជធានីភ្នំពេញ។ វគ្គបណ្តុះបណ្តាលនេះបានប្រព្រឹត្តទៅនាព្រឹកថ្ងៃទី០៧ ខែតុលា ឆ្នាំ២០២៥ នៅសាលប្រជុំកាកបាទក្រហមខេត្តព្រៃវែង ក្រោមអធិបតីភាពដ៏ខ្ពង់ខ្ពស់របស់ឯកឧត្តមបណ្ឌិត ឆាយ សុផល តំណាងឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន និងលោក អន ភារៈ អភិបាលរងខេត្តព្រៃវែង ព្រមទាំងមានការចូលរួមពីឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួងព័ត៌មាន។ ក្នុងឱកាសនោះ ឯកឧត្តមបណ្ឌិត ឆាយ សុផល បានគូសបញ្ជាក់ថា ការងារព័ត៌មាន និងសាធារណមតិ គឺជាវិស័យគន្លឹះដែលរាជរដ្ឋាភិបាល និងក្រសួងព័ត៌មានកំពុងយកចិត្តទុកដាក់ខ្ពស់។ ក្រសួងព័ត៌មានបានដាក់ចេញនូវចក្ខុវិស័យប្រែក្លាយខ្លួនជាស្ថាប័នទំនាក់ទំនងសាធារណៈរបស់រាជរដ្ឋាភិបាលប្រកបដោយបុរេសកម្ម សកម្ម អន្តរសកម្ម ប្រសិទ្ធភាព និងប្រសិទ្ធផល ផ្អែកលើអភិក្រម «ថ្មី ពិត លឿន និងទូលំទូលាយ» ជាមួយនឹងវិជ្ជាជីវៈខ្ពស់។ ឯកឧត្តមក៏បានសង្កត់ធ្ងន់ពីតម្រូវការឱ្យមន្ត្រីព័ត៌មានត្រូវបន្តសិក្សារៀនសូត្រឱ្យទាន់បច្ចេកវិទ្យា និងពង្រឹងការសម្របសម្រួលជាមួយស្ថាប័នពាក់ព័ន្ធ ដើម្បីធានាបាននូវការផ្សព្វផ្សាយព័ត៌មានត្រឹមត្រូវ និងទូលំទូលាយជូនសាធារណជន។ ជាមួយគ្នានេះ លោក អន ភារៈ អភិបាលរងខេត្តព្រៃវែង បានលើកឡើងពីសារៈសំខាន់នៃវគ្គបណ្តុះបណ្តាលនេះ ក្នុងការផ្តល់ចំណេះដឹងអំពីការគ្រប់គ្រងព័ត៌មាន ការចងក្រងបណ្តាញសាធារណមតិក្នុងបរិបទថ្មី ការផលិតមាតិកាឌីជីថលជាពិសេសលើបណ្តាញសង្គម ក៏ដូចជាការតាមដាន វិភាគ និងឆ្លើយតបទៅនឹងព័ត៌មានក្លែងក្លាយ។ លោកបានទទួលស្គាល់ថា បញ្ហាព័ត៌មានក្លែងក្លាយ និងប្រឌិតនៅតែជាបញ្ហាប្រឈម ដែលតម្រូវឱ្យមន្ត្រីជំនាញខិតខំប្រឹងប្រែងកាន់តែសកម្ម។ លោកក៏បានបញ្ជាក់ពីការងារជាប្រចាំរបស់ក្រុមការងារប្រតិកម្មរហ័សរបស់រដ្ឋបាលខេត្តព្រៃវែង ក្នុងការបំភ្លឺរាល់ព័ត៌មានមិនពិតនៅក្នុងមូលដ្ឋាន។...

**ព្រៃវែង៖** ក្រសួងព័ត៌មានបានសហការយ៉ាងជិតស្និទ្ធជាមួយមន្ទីរព័ត៌មានខេត្តព្រៃវែង រៀបចំវគ្គបណ្តុះបណ្តាលស្តី...

07/10/2025

ព្រៃវែង ៖ មន្ទីរព័ត៌មានខេត្តព្រៃវែង ក្រោមការណែនាំដ៏ខ្ពង់ខ្ពស់ពីក្រសួងព័ត៌មាន នឹងរៀបចំវគ្គបណ្ដុះបណ្ដាលបង្កើនសមត្ថភាពវិជ្ជាជីវៈមួយ សម្រាប់អ្នកសារព័ត៌មាន និងតំណាងស្ថាប័នព័ត៌មាននានា ដែលកំពុងបំពេញបេសកកម្មនៅទូទាំងខេត្តព្រៃវែង។ វគ្គដ៏មានសារៈសំខាន់នេះ នឹងប្រព្រឹត្តទៅរយៈពេលពីរថ្ងៃ គឺចាប់ពីថ្ងៃទី៧ ដល់ថ្ងៃទី៨ ខែតុលា ឆ្នាំ២០២៥។ គោលបំណងសំខាន់នៃវគ្គបណ្ដុះបណ្ដាលនេះ គឺដើម្បីពង្រឹងសមត្ថភាព និងលើកកម្ពស់ការយល់ដឹងស៊ីជម្រៅ លើការងារព័ត៌មានប្រកបដោយក្រមសីលធម៌ គុណភាពខ្ពស់ និងការគ្រប់គ្រងមតិសាធារណៈ ប្រកបដោយប្រសិទ្ធភាព។ ពិធីបើកវគ្គនឹងប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ឆាយ សុផល រដ្ឋលេខាធិការក្រសួងព័ត៌មាន ដែលតំណាងដ៏ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។ វគ្គបណ្ដុះបណ្ដាលនេះ នឹងចាប់ផ្ដើមនៅវេលាម៉ោង ០៨:០០ ព្រឹក នៅសាលប្រជុំសាខាកាកបាទក្រហមខេត្តព្រៃវែង។ ក្រសួងព័ត៌មាន សង្ឃឹមយ៉ាងមុតមាំថា លោក លោកស្រី ជាចាងហ្វាងគេហទំព័រ បុគ្គលិក និងភ្នាក់ងារទូរទស្សន៍ប្រចាំខេត្តព្រៃវែង នឹងអញ្ជើញចូលរួមឱ្យបានគ្រប់ៗគ្នា ដើម្បីទទួលបាននូវចំណេះដឹង ជំនាញ និងបទពិសោធន៍ថ្មីៗ ក្នុងការរួមចំណែកអភិវឌ្ឍន៍វិស័យព័ត៌មានជាតិ ឱ្យកាន់តែរីកចម្រើន ប្រកបដោយគុណភាព និងភាពជឿជាក់៕

ព្រៃវែង ៖ មន្ទីរព័ត៌មានខេត្តព្រៃវែង ក្រោមការណែនាំដ៏ខ្ពង់ខ្ពស់ពីក្រសួងព័ត៌មាន នឹងរៀបចំវគ្គបណ្ដុះបណ្ដាលប.....

06/10/2025

ព្រៃវែង៖ ក្រោមអនុសាសន៍ណែនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងដោយមានការសម្របសម្រួលយ៉ាងជិតស្និទ្ធជាមួយរដ្ឋបាលខេត្ត និងអយ្យការអមសាលាដំបូងខេត្តព្រៃវែង ស្នងការដ្ឋាននគរបាលខេត្តព្រៃវែង សហការជាមួយនាយកដ្ឋានប្រឆាំងភេរវកម្ម នៃអគ្គស្នងការដ្ឋាននគរបាលជាតិ បានបើកប្រតិបត្តិការទ្រង់ទ្រាយធំបង្ក្រាបបទល្មើសផ្តល់កម្ចីខុសច្បាប់ដែលមានអត្រាការប្រាក់ខ្ពស់ហួសហេតុ ក្នុងភូមិសាស្ត្រខេត្តព្រៃវែង។ ក្នុងប្រតិបត្តិការដ៏ម៉ឺងម៉ាត់នេះ កម្លាំងសមត្ថកិច្ចបានឃាត់ខ្លួនជនសង្ស័យសរុបចំនួន ៦៤ នាក់ (ស្រី ២៤ នាក់) រួមទាំងវត្ថុតាងជាច្រើន ក្រោយពីការស៊ើបអង្កេតយ៉ាងលម្អិតរយៈពេលពីរ សប្ដាហ៍ ដែលបានរកឃើញទីតាំង៥កន្លែងកំពុងប្រតិបត្តិការដោយគ្មានអាជ្ញាប័ណ្ណត្រឹមត្រូវ ឬប្រើប្រាស់អាជ្ញាប័ណ្ណខុសពីគោលបំណងពិតប្រាកដសម្រាប់ការផ្តល់កម្ចីខុសច្បាប់។ ករណីនេះបានឆ្លុះបញ្ចាំងពីការប្តេជ្ញាចិត្តយ៉ាងមុតមាំរបស់រាជរដ្ឋាភិបាលកម្ពុជា ក្នុងការធានាសន្តិសុខ សណ្តាប់ធ្នាប់សាធារណៈ និងការពារប្រជាពលរដ្ឋពីការកេងប្រវ័ញ្ចហិរញ្ញវត្ថុ ខណៈមន្ត្រីជាន់ខ្ពស់ពាក់ព័ន្ធត្រូវបានបញ្ជូនទៅកាន់តុលាការ និងការបន្តពង្រីកការស៊ើបអង្កេតដើម្បីលុបបំបាត់បណ្តាញនេះទាំងស្រុងពីទូទាំងខេត្តព្រៃវែង និងផ្សព្វផ្សាយអប់រំដល់សាធារណជនអំពីគ្រោះថ្នាក់នៃការខ្ចីប្រាក់ខុសច្បាប់។

ព្រៃវែង៖ ក្រោមអនុសាសន៍ណែនាំដ៏ខ្ពង់ខ្ពស់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងដោយមានកា.....

02/10/2025

អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ត្រា ត្រូវបានគេរាយការណ៍ថា បានដាក់សំណើសុំការលើកលែងទោសពីព្រះមហាក្សត្រ ដែលបច្ចុប្បន្នកំពុងត្រូវបានពិនិត្យដោយក្រសួងយុត្តិធម៌។ នាយករដ្ឋមន្ត្រី លោក អានូទីន ចាណវីរកូល បានបដិសេធមិនធ្វើអត្ថាធិប្បាយនៅពេលសួរអំពីបញ្ហានេះ ដោយបានចាកចេញពីអគាររដ្ឋសភាភ្លាមៗ។

អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ត្រា ត្រូវបានគេរាយការណ៍ថា បានដាក់សំណើសុំការលើក....

02/10/2025

ទីក្រុងឡាអេ – តុលាការព្រហ្មទណ្ឌអន្តរជាតិ (ICC) កំពុងស្វែងរកការវាយតម្លៃពីអ្នកជំនាញឯករាជ្យ ដើម្បីកំណត់សមត្ថភាពរបស់អតីតប្រធានាធិបតីហ្វីលីពីន លោក រ៉ូឌ្រីហ្គោ ឌូតឺតេ ក្នុងការចូលរួមសវនាការលើការចោទប្រកាន់ពីបទឧក្រិដ្ឋប្រឆាំងមនុស្សជាតិ។ ការវិវត្តនេះកើតឡើងបន្ទាប់ពីការដាក់លិខិតដោយស្ថាប័នអគ្គលេខាធិការដ្ឋាន (Registry) របស់ ICC ដែលបានបញ្ជាក់យ៉ាងច្បាស់ថា មន្ត្រីពេទ្យផ្ទៃក្នុងរបស់ខ្លួនមិនមានសិទ្ធិអំណាចក្នុងការវាយតម្លៃសមត្ថភាពរយៈពេលវែងរបស់ជនជាប់ចោទក្នុងការចូលរួមក្នុងនីតិវិធីច្បាប់នោះទេ ដែលបញ្ហានេះតម្រូវឱ្យមានការវិនិច្ឆ័យប្រកបដោយវិជ្ជាជីវៈឯករាជ្យ និងជំនាញ។ លោក ឌូតឺតេ ត្រូវបានឃុំខ្លួននៅទីក្រុងឡាអេ កាលពីថ្ងៃទី១១ ខែមីនា ក្រោមដីកាចាប់ខ្លួនរបស់ ICC ដោយប្រឈមនឹងការចោទប្រកាន់ពាក់ព័ន្ធនឹងការសម្លាប់ក្រៅប្រព័ន្ធតុលាការ និងការរំលោភសិទ្ធិមនុស្ស ដែលបានប្រព្រឹត្តក្នុងអំឡុងយុទ្ធនាការ «សង្គ្រាមប្រឆាំងគ្រឿងញៀន» របស់រដ្ឋបាលលោក។ ក្រុមមេធាវីការពារក្តីរបស់លោកបានអះអាងជាបន្តបន្ទាប់ថា អតីតប្រធានាធិបតីរូបនេះមានបញ្ហាខ្សោយមុខងារយល់ដឹងធ្ងន់ធ្ងរ ដែលធ្វើឱ្យលោក «មិនមានលក្ខណៈសមរម្យក្នុងការចូលរួមសវនាការ» ហើយបានស្នើសុំឱ្យផ្អាកនីតិវិធីទាំងអស់ដោយគ្មានកំណត់។ នៅក្នុងឯកសារដែលបានចេញផ្សាយជាសាធារណៈនៅថ្ងៃទី៣០ ខែកញ្ញា ស្ថាប័នអគ្គលេខាធិការដ្ឋានរបស់ ICC បានសង្កត់ធ្ងន់ថា ខណៈពេលដែលមន្ត្រីពេទ្យនៃអង្គភាពឃុំឃាំងរបស់ខ្លួនទទួលខុសត្រូវក្នុងការគ្រប់គ្រងសុខភាពរាងកាយ និងផ្លូវចិត្តរបស់អ្នកជាប់ឃុំ និងអាចផ្តល់ដំបូន្មានមានកំណត់អំពីការរៀបចំតុលាការ—ដូចជារយៈពេលសវនាការ ឬការចូលរួមពីចម្ងាយ—ដែនកំណត់របស់ពួកគេមិនពង្រីកដល់ការកំណត់សមត្ថភាពបន្តរបស់ជនជាប់ចោទក្នុងការចូលរួមក្នុងដំណើរការតុលាការនោះទេ។ ស្ថាប័នអគ្គលេខាធិការដ្ឋានបានបញ្ជាក់ថា តុលាការរក្សាសិទ្ធិក្នុងការចូលរួមជាមួយអ្នកជំនាញខាងក្រៅដែលមានលក្ខណៈសម្បត្តិគ្រប់គ្រាន់សម្រាប់ការវាយតម្លៃបែបនេះតាមតម្រូវការ។ ដើម្បីឆ្លើយតបទៅនឹងសំណើរបស់ភាគីការពារក្តី អង្គជំនុំជម្រះមុនការជំនុំជម្រះរបស់ ICC បានពន្យារពេលសវនាការបញ្ជាក់ការចោទប្រកាន់ ដែលដើមឡើយគ្រោងនឹងធ្វើឡើងនៅថ្ងៃទី២៣ ខែកញ្ញា។ ស្របពេលជាមួយគ្នានេះ តំណាងច្បាប់របស់លោក ឌូតឺតេ ក៏បានស្នើសុំការដោះលែងបណ្តោះអាសន្នរបស់លោក ដើម្បីអនុញ្ញាតឱ្យលោកទទួលបានការព្យាបាលវេជ្ជសាស្ត្រទាំងនៅក្នុងប្រទេសហូឡង់ ឬនៅក្នុងទីតាំងជំនួសដែលមិនបានបង្ហាញឱ្យដឹង។ នៅក្នុងប្រទេស ស្ថានភាពផ្លូវច្បាប់របស់លោក ឌូតឺតេ បានទាក់ទាញចំណាប់អារម្មណ៍យ៉ាងខ្លាំង។ នៅថ្ងៃទី១ ខែតុភា សភាជាន់ខ្ពស់ហ្វីលីពីនបានអនុម័តសេចក្តីសម្រេចចិត្តមួយដែលអំពាវនាវដល់ ICC ឱ្យពិចារណាលើមូលដ្ឋានមនុស្សធម៌ និងអនុញ្ញាតឱ្យអតីតប្រធានាធិបតីរូបនេះស្ថិតនៅក្រោមការឃុំខ្លួនក្នុងផ្ទះជំនួសឱ្យការបន្តឃុំខ្លួន។ ករណីដែលកំពុងដំណើរការនេះត្រូវបានគេមើលឃើញយ៉ាងទូលំទូលាយថាជាចំណុចរបត់ដ៏សំខាន់មួយ ដែលអាចមានផលប៉ះពាល់យ៉ាងជ្រាលជ្រៅដល់គោលការណ៍នៃការអនុវត្តច្បាប់ និងសិទ្ធិមនុស្ស មិនត្រឹមតែនៅក្នុងប្រទេសហ្វីលីពីនប៉ុណ្ណោះទេ ប៉ុន្តែថែមទាំងនៅទូទាំងតំបន់អាស៊ីអាគ្នេយ៍ទាំងមូលផងដែរ។

ទីក្រុងឡាអេ – តុលាការព្រហ្មទណ្ឌអន្តរជាតិ (ICC) កំពុងស្វែងរកការវាយតម្លៃពីអ្នកជំនាញឯករាជ្យ ដើម្បីកំណត់សមត្ថភ.....

TVonline

09/10/2025

09/10/2025

09/10/2025

08/10/2025

08/10/2025

07/10/2025

07/10/2025

06/10/2025

02/10/2025

02/10/2025

Address

Telephone

Website

Alerts

Contact The Business

Shortcuts

Share

Category