26/07/2025
រូបភាពវិនាសកម្មនៃការបាញ់ផ្លោងកាំភ្លើងធំរបស់ទាហានថៃចូលក្នុងភូមិឋានរបស់ប្រជាពលរដ្ឋនៅក្នុងភូមិអូរពក និងភូមិគោកប្រាសាទ សង្កាត់កូនក្រៀល ក្រុងសំរោង ខេត្តឧត្តរមានជ័យ។ ភូមិឋាននេះទាហានថៃ បានបាញ់ផ្លោងកាំភ្លើងធំចូលជាច្រើនគ្រាប់រវាងថ្ងៃទី២៤ និង២៥ ខែកក្កដា ឆ្នាំ២០២៥។
រណ្តៅគ្រាប់ និងគ្រាប់មិនទាន់ផ្ទុះ ត្រូវបានបន្សល់ក្នុងភូមិឋាននេះ។ ផ្ទះសម្បែងប្រជាពលរដ្ឋជាច្រើនខ្នងបានរងការខូចខាត សាលារៀន ផ្ទះសម្បែងត្រូវបានបិទទ្វារ ពលរដ្ឋជម្លៀសចេញពីភូមិ។ ភូមិឋានធ្លាប់អ៊ូអរប្រែជាស្ងាត់ជ្រងុំ សាលារៀនក៏លែងមានសិស្សរៀនដូចពេលមុននោះដែរ។ នេះជាទង្វើឈ្លានពាន និងបង្កវិនាសសកម្មយ៉ាងធ្ងន់ធ្ងរមកលើប្រជាពលរដ្ឋកម្ពុជា ពីសំណាក់ទាហានឈ្លានពានថៃ។
រូបភាពទាំងនេះ ត្រូវបានអ្នកសារព័ត៌មាន Fresh News ចុះទៅថតដោយផ្ទាល់នាព្រឹកថ្ងៃសៅរ៍ ទី២៦ ខែកក្កដា ឆ្នាំ២០២៥។
