Punjabi Scoop

03/09/2026

ਸ਼ੁਭ ਸਵੇਰ 🌅

03/09/2026

🔻 ਮੈਲਟਨ ’ਚ ਤੰਬਾਕੂ ਦੀ ਦੁਕਾਨ ਨੂੰ ਅੱਗ ਲਾਉਣ ਦੀ ਕੋਸ਼ਿਸ਼ ਪਈ ਪੁੱਠੀ!

🔻 ਅੱਗ ਦੀਆਂ ਲਪਟਾਂ ’ਚ ਘਿਰਿਆ 23 ਸਾਲਾ ਨੌਜਵਾਨ ਗੰਭੀਰ ਹਾਲਤ ਵਿੱਚ ਹਸਪਤਾਲ ਦਾਖ਼ਲ

🔻 ਝੁਲਸੇ ਸਾਥੀ ਨੂੰ ਸੜਕ ’ਤੇ ਛੱਡ ਕੇ ਦੂਜੇ ਫ਼ਰਾਰ , ਸੰਗਠਿਤ ਅਪਰਾਧ ਨਾਲ ਸਬੰਧ ਹੋਣ ਦਾ ਸ਼ੱਕ!

✍️ ਮੈਲਬੌਰਨ – ਖੁਸ਼ਪ੍ਰੀਤ ਸਿੰਘ ਸੁਨਾਮ –

🔷 ਸਿਆਣੇ ਕਹਿੰਦੇ ਹਨ ਕਿ ਦੂਜਿਆਂ ਲਈ ਟੋਆ ਪੁੱਟਣ ਵਾਲਾ ਕਈ ਵਾਰ ਖ਼ੁਦ ਹੀ ਉਸ ਵਿੱਚ ਡਿੱਗ ਪੈਂਦਾ ਹੈ। ਕੁਝ ਅਜਿਹਾ ਹੀ ਮੈਲਬੌਰਨ ਦੇ ਪੱਛਮੀ ਇਲਾਕੇ ਮੈਲਟਨ ਵਿੱਚ ਵਾਪਰਿਆ ਜਿੱਥੇ ਤੰਬਾਕੂ ਦੀ ਇੱਕ ਦੁਕਾਨ ਨੂੰ ਕਥਿਤ ਤੌਰ ’ਤੇ ਅੱਗ ਲਾਉਣ ਪਹੁੰਚੇ ਵਿਅਕਤੀ ਖ਼ੁਦ ਹੀ ਅੱਗ ਦੀ ਲਪੇਟ ਵਿੱਚ ਆ ਗਏ। ਇਸ ਦੌਰਾਨ ਬੁਰੀ ਤਰ੍ਹਾਂ ਝੁਲਸਿਆ 23 ਸਾਲਾ ਨੌਜਵਾਨ ਗੰਭੀਰ ਹਾਲਤ ਵਿੱਚ ਹਸਪਤਾਲ ਦਾਖ਼ਲ ਹੈ।

🔷 ਇਹ ਘਟਨਾ ਵੀਰਵਾਰ ਤੜਕੇ 3 ਵਜੇ ਦੇ ਕਰੀਬ ਮੈਲਟਨ ਦੀ ਅਲੈਗਜ਼ੈਂਡਰ ਸਟਰੀਟ (Alexander Street) ਸਥਿਤ ‘ਦ ਬੌਸ ਟੋਬੈਕੋਨਿਸਟ’ (The Boss Tobacconist) ਵਿੱਖੇ ਵਾਪਰੀ। ਪੁਲਿਸ ਮੁਤਾਬਕ ਇਹ ਨਿਸ਼ਾਨਾ ਬਣਾ ਕੇ ਕੀਤੇ ਗਏ ਹਮਲੇ ਵਿੱਚ ਤਿੰਨ ਵਿਅਕਤੀਆਂ ਦੇ ਸ਼ਾਮਲ ਹੋਣ ਦਾ ਸ਼ੱਕ ਹੈ।

🔷 ਸਾਹਮਣੇ ਆਈ ਇੱਕ ਸੀਸੀਟੀਵੀ (CCTV) ਫੁਟੇਜ ਵਿੱਚ ਇੱਕ ਸਫ਼ੈਦ ਯੂਟ (ute) ਦੁਕਾਨ ਦੇ ਸ਼ਟਰ ਨਾਲ ਪਿੱਛਿਓਂ ਟਕਰਾਉਂਦਾ ਦਿਖਾਈ ਦਿੰਦਾ ਹੈ। ਇਸ ਤੋਂ ਬਾਅਦ ਵਿਅਕਤੀ ਤੇਲ ਵਾਲੇ ਡੱਬਿਆਂ (jerry cans) ਨਾਲ ਦੁਕਾਨ ਅੰਦਰ ਦਾਖ਼ਲ ਹੁੰਦੇ ਅਤੇ ਕਥਿਤ ਤੌਰ ’ਤੇ ਜਲਣਸ਼ੀਲ ਪਦਾਰਥ ਛਿੜਕਦੇ ਨਜ਼ਰ ਆਉਂਦੇ ਹਨ।

🔷 ਕੁਝ ਪਲਾਂ ਬਾਅਦ ਅੱਗ ਦਾ ਵੱਡਾ ਗੋਲਾ ਉੱਠਦਾ ਹੈ ਅਤੇ ਉੱਥੇ ਮੌਜੂਦ ਵਿਅਕਤੀ ਲਪਟਾਂ ਵਿੱਚ ਘਿਰ ਜਾਂਦੇ ਹਨ। ਇੱਕ ਨੌਜਵਾਨ ਜ਼ਮੀਨ ਉੱਤੇ ਲੇਟ ਕੇ ਆਪਣੇ ਕੱਪੜਿਆਂ ਨੂੰ ਲੱਗੀ ਅੱਗ ਬੁਝਾਉਂਦਾ ਅਤੇ ਫਿਰ ਗੱਡੀ ਵਿੱਚ ਬੈਠਣ ਦੀ ਕੋਸ਼ਿਸ਼ ਕਰਦਾ ਦਿਖਾਈ ਦਿੰਦਾ ਹੈ। ਗੱਡੀ ਅੰਦਰ ਮੁੜ ਅੱਗ ਭੜਕਣ ਮਗਰੋਂ ਉਹ ਹੇਠਾਂ ਡਿੱਗ ਜਾਂਦਾ ਹੈ।

🔷 ਪੁਲਿਸ ਦਾ ਦੋਸ਼ ਹੈ ਕਿ ਉਸ ਦੇ ਸਾਥੀ ਮਦਦ ਕਰਨ ਦੀ ਥਾਂ ਉਸ ਨੂੰ ਉੱਥੇ ਹੀ ਛੱਡ ਕੇ ਫ਼ਰਾਰ ਹੋ ਗਏ। ਨੌਜਵਾਨ ਦੇ ਸਰੀਰ ਦੇ ਉੱਪਰਲੇ ਅਤੇ ਹੇਠਲੇ ਹਿੱਸਿਆਂ ਉੱਤੇ ਗੰਭੀਰ ਜ਼ਖ਼ਮ ਆਏ ਹਨ। ਉਸ ਨੂੰ ਹਵਾਈ ਐਂਬੂਲੈਂਸ (Air Ambulance) ਰਾਹੀਂ ਅਲਫਰੈਡ ਹਸਪਤਾਲ (The Alfred Hospital) ਲਿਜਾਇਆ ਗਿਆ ਜਿੱਥੇ ਉਸ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ।

🔷 ਫਾਇਰ ਰੈਸਕਿਊ ਵਿਕਟੋਰੀਆ ਦੀਆਂ ਟੀਮਾਂ ਕੁਝ ਮਿੰਟਾਂ ਅੰਦਰ ਮੌਕੇ ’ਤੇ ਪਹੁੰਚੀਆਂ ਅਤੇ ਥੋੜੇ ਸਮੇ ਬਾਅਦ ਹੀ ਅੱਗ ਉੱਤੇ ਕਾਬੂ ਪਾ ਲਿਆ ਗਿਆ। ਵਾਰਦਾਤ ਵਿੱਚ ਵਰਤਿਆ ਗਿਆ ਸਫ਼ੈਦ ਯੂਟ ਬਾਅਦ ਵਿੱਚ ਹੋਪਟਾਊਨ ਪਾਰਕ (Hopetoun Park) ਨੇੜੇ ਵੈਸਟਰਨ ਫ੍ਰੀਵੇਅ (Western Freeway) ਉੱਤੇ ਸੜੀ ਹੋਈ ਹਾਲਤ ਵਿੱਚ ਮਿਲਿਆ। ਪੁਲਿਸ ਇਸ ਹਮਲੇ ਨੂੰ ਸੰਗਠਿਤ ਅਪਰਾਧ ਨਾਲ ਜੁੜਿਆ ਮੰਨ ਕੇ ਗੰਭੀਰਤਾ ਨਾਲ ਜਾਂਚ ਕਰ ਰਹੀ ਹੈ।

03/09/2026

🔻 ਅੱਜ ਵਿਕਟੋਰੀਆ ਦੇ Regional Hospitals ’ਚ ਡਾਕਟਰ ਕਰਨਗੇ ਹੜਤਾਲ।

🔻 Ballarat ਅਤੇ Bendigo ਦੇ ਸੈਂਕੜੇ ਡਾਕਟਰਾਂ ਵੱਲੋਂ ਅੱਜ ਚਾਰ ਘੰਟਿਆਂ ਲਈ ਕੀਤਾ ਜਾਵੇਗਾ ਕੰਮ ਬੰਦ!

🔻 ਤਨਖ਼ਾਹ, ਬਿਨਾਂ ਭੁਗਤਾਨ ਵਾਧੂ ਕੰਮ, ਥਕਾਵਟ ਅਤੇ ਛੁੱਟੀਆਂ ਦੇ ਪ੍ਰਬੰਧਾਂ ਨੂੰ ਲੈ ਕੇ ਵਿਵਾਦ

✍️ ਮੈਲਬੌਰਨ – ਖੁਸ਼ਪ੍ਰੀਤ ਸਿੰਘ ਸੁਨਾਮ –

🔷 ਵਿਕਟੋਰੀਆ ਦੇ ਸਰਕਾਰੀ ਹਸਪਤਾਲਾਂ ਵਿੱਚ ਤਨਖ਼ਾਹਾਂ ਅਤੇ ਕੰਮਕਾਜੀ ਹਾਲਾਤਾਂ ਨੂੰ ਲੈ ਕੇ ਡਾਕਟਰਾਂ ਦਾ ਸੰਘਰਸ਼ ਹੁਣ regional Victoria ਤੱਕ ਪਹੁੰਚ ਗਿਆ ਹੈ। Ballarat ਅਤੇ Bendigo ਦੇ ਸਰਕਾਰੀ ਹਸਪਤਾਲਾਂ ਦੇ ਸੈਂਕੜੇ ਡਾਕਟਰ ਅੱਜ, 3 ਸਤੰਬਰ ਨੂੰ ਚਾਰ ਘੰਟਿਆਂ ਲਈ ਕੰਮ ਬੰਦ ਕਰ ਰਹੇ ਹਨ।

🔷 Australian Medical Association Victoria (AMA Victoria) ਮੁਤਾਬਕ ਨਵੇਂ ਰੁਜ਼ਗਾਰ ਸਮਝੌਤੇ ਲਈ ਡਾਕਟਰਾਂ ਅਤੇ Victorian Government ਵਿਚਾਲੇ ਕਰੀਬ ਇੱਕ ਸਾਲ ਤੋਂ ਗੱਲਬਾਤ ਚੱਲ ਰਹੀ ਹੈ, ਪਰ ਜਥੇਬੰਦੀ ਦਾ ਕਹਿਣਾ ਹੈ ਕਿ ਸਰਕਾਰ ਵੱਲੋਂ ਅਜੇ ਤੱਕ ਕੋਈ ਢੁਕਵੀਂ ਪੇਸ਼ਕਸ਼ ਨਹੀਂ ਕੀਤੀ ਗਈ।

🔷 ਡਾਕਟਰ ਤਨਖ਼ਾਹਾਂ ਵਿੱਚ ਸੁਧਾਰ ਦੇ ਨਾਲ ਬਿਨਾਂ ਭੁਗਤਾਨ ਵਾਧੂ ਕੰਮ, ਲੰਬੀਆਂ s
ਸ਼ਿਫਟਾਂ, ਵਧਦੀ ਥਕਾਵਟ, ਟਰੇਨਿੰਗ ਅਤੇ ਛੁੱਟੀਆਂ ਦੇ ਪ੍ਰਬੰਧਾਂ ਦਾ ਹੱਲ ਮੰਗ ਰਹੇ ਹਨ। ਉਨ੍ਹਾਂ ਮੁਤਾਬਕ ਲੋੜੀਂਦੇ ਆਰਾਮ ਦੀ ਘਾਟ ਡਾਕਟਰਾਂ ਦੀ ਸਿਹਤ ਦੇ ਨਾਲ ਮਰੀਜ਼ਾਂ ਦੀ ਸੁਰੱਖਿਆ ਨੂੰ ਵੀ ਪ੍ਰਭਾਵਿਤ ਕਰ ਸਕਦੀ ਹੈ।

🔷 ਇਹ ਕਾਰਵਾਈ ਵਿਕਟੋਰੀਆ ਦੇ ਸਰਕਾਰੀ ਹਸਪਤਾਲਾਂ ਵਿੱਚ ਕਰੀਬ 20 ਸਾਲਾਂ ਬਾਅਦ ਸ਼ੁਰੂ ਹੋਏ “ਕਾਨੂੰਨੀ ਪ੍ਰਕਿਰਿਆ ਤਹਿਤ ਕੀਤੀ ਜਾ ਰਹੀ ਹੜਤਾਲ” ਦਾ ਅਗਲਾ ਪੜਾਅ ਹੈ। ਇਸ ਤੋਂ ਪਹਿਲਾਂ ਅਗਸਤ ਮਹੀਨੇ ਵਿੱਚ ਮੈਲਬੌਰਨ ਦੇ ਵੀ ਕਈ ਵੱਡੇ ਹਸਪਤਾਲਾਂ ਦੇ ਡਾਕਟਰ ਵੀ ਕੰਮ ਬੰਦ ਕਰ ਚੁੱਕੇ ਹਨ।
fans
Source: ABC News

02/09/2026

🔻 ਹੁਣ ਨਹੀਂ ਲੱਗੇਗਾ ਸਾਬਕਾ ਪ੍ਰੀਮੀਅਰ ਡੈਨੀਅਲ ਐਂਡਰਿਊਜ਼ ਦਾ ਬੁੱਤ!
ਆਪਣੀ ਹੀ ਸਰਕਾਰ ਨੇ ਪਿੱਛੇ ਖਿੱਚੇ ਹੱਥ!

🔻 ਵਿਰੋਧੀ ਧਿਰ ਦੀ ਆਲੋਚਨਾ ਅਤੇ ਜਨਤਕ ਵਿਰੋਧ ਦਰਮਿਆਨ $134,000 ਦੇ ਬੁੱਤ ਦਾ ਕੰਮ ਰੋਕਣ ਦਾ ਐਲਾਨ

🔻 ਲੰਮਾ ਸਮਾਂ ਅਹੁਦੇ ’ਤੇ ਰਹਿਣ ਵਾਲੇ ਪ੍ਰੀਮੀਅਰਾਂ ਦੇ ਬੁੱਤ ਲਗਾਉਣ ਦੀ 27 ਸਾਲ ਪੁਰਾਣੀ ਨੀਤੀ ਵੀ ਖ਼ਤਮ

✍️ ਮੈਲਬੌਰਨ – ਖੁਸ਼ਪ੍ਰੀਤ ਸਿੰਘ ਸੁਨਾਮ –

🔷 ਆਸਟ੍ਰੇਲੀਆ ਦੇ ਵਿਕਟੋਰੀਆ ਸੂਬੇ ਦੀ ਸਿਆਸਤ ਵਿੱਚ ਕਰੀਬ ਨੌਂ ਸਾਲ ਤੱਕ ਸਭ ਤੋਂ ਪ੍ਰਭਾਵਸ਼ਾਲੀ ਚਿਹਰਾ ਰਹੇ ਸਾਬਕਾ ਪ੍ਰੀਮੀਅਰ ਡੈਨੀਅਲ ਐਂਡਰਿਊਜ਼ ਦਾ ਕਾਂਸੀ ਦਾ ਬੁੱਤ ਹੁਣ ਮੈਲਬੌਰਨ ਦੇ ਟ੍ਰੈਜ਼ਰੀ ਪਲੇਸ (Treasury Place) ਵਿੱਚ ਨਹੀਂ ਲੱਗੇਗਾ। ਪ੍ਰੀਮੀਅਰ ਵਜੋਂ 3,219 ਦਿਨਾਂ ਦੀ ਸੇਵਾ ਬਦਲੇ ਮਿਲਣ ਵਾਲਾ ਇਹ ਸਨਮਾਨ ਆਪਣੀ ਮੰਜ਼ਿਲ ਤੱਕ ਪਹੁੰਚਣ ਤੋਂ ਪਹਿਲਾਂ ਹੀ ਸਿਆਸੀ ਵਿਵਾਦ ਅਤੇ ਜਨਤਕ ਵਿਰੋਧ ਦੀ ਭੇਟ ਚੜ੍ਹ ਗਿਆ ਹੈ।

🔷 ਸਤੰਬਰ 2023 ਵਿੱਚ ਐਂਡਰਿਊਜ਼ ਦੇ ਅਸਤੀਫ਼ੇ ਤੋਂ ਬਾਅਦ ਜੈਸਿੰਟਾ ਐਲਨ ਨੇ ਪ੍ਰੀਮੀਅਰ ਦਾ ਅਹੁਦਾ ਸੰਭਾਲਿਆ ਸੀ। ਐਲਨ ਸਰਕਾਰ ਨੇ ਮਾਰਚ 2026 ਵਿੱਚ ਉਨ੍ਹਾਂ ਦੀ ਲੰਮੀ ਸੇਵਾ ਦੇ ਸਨਮਾਨ ਵਜੋਂ ਕਾਂਸੀ ਦਾ ਬੁੱਤ ਬਣਾਉਣ ਨੂੰ ਮਨਜ਼ੂਰੀ ਦਿੱਤੀ ਤੇ ਇਸ ਪ੍ਰਾਜੈਕਟ ਦੀ ਕੁੱਲ ਲਾਗਤ $134,304 ਰੱਖੀ ਗਈ ਅਤੇ ਮਈ ਵਿੱਚ ਇਸ ਉੱਤੇ ਕੰਮ ਵੀ ਸ਼ੁਰੂ ਹੋ ਗਿਆ ਸੀ।

🔷 ਪਰ ਬੈਨ ਕੈਰੋਲ ਦੇ ਪ੍ਰੀਮੀਅਰ ਬਣਦਿਆਂ ਹੀ ਹਾਲਾਤ ਬਦਲ ਗਏ। ਵਿਰੋਧੀ ਧਿਰ ਵਲੋ ਪ੍ਰਾਜੈਕਟ ਨੂੰ ਟੈਕਸਦਾਤਾਵਾਂ ਦੇ ਪੈਸੇ ਦੀ ਬਰਬਾਦੀ ਦਸਿਆ ਤੇ ਲੋਕਾਂ ਵੱਲੋਂ ਵੀ ਇਸ ਯੋਜਨਾ ਦੀ ਤਿੱਖੀ ਆਲੋਚਨਾ ਕੀਤੀ ਜਾ ਰਹੀ ਸੀ ਵਧਦੇ ਵਿਰੋਧ ਦਰਮਿਆਨ ਕੈਰੋਲ ਸਰਕਾਰ ਨੇ ਐਂਡਰਿਊਜ਼ ਦੇ ਬੁੱਤ ਉੱਤੇ ਚੱਲ ਰਿਹਾ ਕੰਮ ਰੋਕਣ ਦੇ ਹੁਕਮ ਦੇ ਦਿੱਤੇ।

🔷 ਪ੍ਰੀਮੀਅਰ ਬੈਨ ਕੈਰੋਲ ਨੇ ਕਿਹਾ ਕਿ ਸਰਕਾਰ ਸਾਬਕਾ ਪ੍ਰੀਮੀਅਰਾਂ ਵੱਲੋਂ ਨਿਭਾਈ ਸੇਵਾ ਦਾ ਸਤਿਕਾਰ ਕਰਦੀ ਹੈ ਪਰ ਇਸ ਲਈ ਟੈਕਸਦਾਤਾਵਾਂ ਦੇ ਪੈਸੇ ਨਾਲ ਬੁੱਤ ਬਣਾਉਣਾ ਲਾਜ਼ਮੀ ਨਹੀਂ। ਉਨ੍ਹਾਂ ਮੁਤਾਬਕ ਸਰਕਾਰੀ ਪੈਸਾ ਖ਼ਰਚ ਕਰਦਿਆਂ ਸਾਵਧਾਨੀ ਵਰਤਣ ਅਤੇ ਲੋਕਾਂ ਦੀਆਂ ਮੌਜੂਦਾ ਉਮੀਦਾਂ ਨੂੰ ਧਿਆਨ ਵਿੱਚ ਰੱਖਣਾ ਜ਼ਰੂਰੀ ਹੈ।

🔷 ਇਸ ਫ਼ੈਸਲੇ ਦੇ ਨਾਲ ਹੀ 3,000 ਦਿਨਾਂ ਤੋਂ ਵੱਧ ਸਮਾਂ ਅਹੁਦੇ ’ਤੇ ਰਹਿਣ ਵਾਲੇ ਸੂਬੇ ਦੇ ਪ੍ਰੀਮੀਅਰਾਂ ਦੇ ਬੁੱਤ ਲਗਾਉਣ ਦੀ ਨੀਤੀ ਵੀ ਖ਼ਤਮ ਕਰ ਦਿੱਤੀ ਗਈ ਹੈ। ਇਹ ਰਵਾਇਤ 1999 ਵਿੱਚ ਤਤਕਾਲੀ ਲਿਬਰਲ ਪ੍ਰੀਮੀਅਰ ਜੈਫ਼ ਕੈਨੇਟ ਦੀ ਸਰਕਾਰ ਵੱਲੋਂ ਸ਼ੁਰੂ ਕੀਤੀ ਗਈ ਸੀ।

🔷 ਹਾਲਾਂਕਿ ਪਹਿਲਾਂ ਕੀਤਾ ਗਿਆ ਠੇਕਾ ਰੱਦ ਨਹੀਂ ਹੋਵੇਗਾ ਤਾਂ ਜੋ ਟੈਕਸਦਾਤਾਵਾਂ ਉੱਤੇ ਵਾਧੂ ਵਿੱਤੀ ਬੋਝ ਨਾ ਪਵੇ ਪਰ ਹੁਣ ਇੱਕ ਸੁਤੰਤਰ ਪੈਨਲ ਕਿਸੇ ਹੋਰ ਸ਼ਖ਼ਸੀਅਤ ਦਾ ਬੁੱਤ ਬਣਾਉਣ ਅਤੇ ਉਸ ਲਈ ਨਵੀਂ ਥਾਂ ਦੀ ਸਿਫ਼ਾਰਸ਼ ਕਰੇਗਾ।
fans

02/09/2026

Update

01/09/2026

🚨 Punjabi Scoop is coming to TikTok! 🚨

Your news, stories & updates – now on TikTok! 📱

👉 Follow us on TikTok and stay tuned for future posts and scoops! 🗞️




.scoop0 0 Followers, 0 Following, 1 Likes - Watch awesome short videos created by Punjabi Scoop

01/09/2026

🔻 𝐕𝐈𝐂 𝐏𝐮𝐧𝐣𝐚𝐛𝐢 𝐋𝐞𝐚𝐠𝐮𝐞 ਚ 𝐖𝐞𝐬𝐭 𝐇𝐢𝐥𝐥𝐬 𝐅𝐨𝐨𝐭𝐛𝐚𝐥𝐥 𝐂𝐥𝐮𝐛 ਦੀ ਸ਼ਾਨਦਾਰ ਕਾਰਗੁਜ਼ਾਰੀ!

🔻 𝟒𝟎 ਸਾਲ ਤੋਂ ਵੱਧ ਉਮਰ ਵਰਗ ਦੀ ਟੀਮ ਨੇ ਜਿੱਤੀ ਰਨਰ ਅੱਪ ਟਰਾਫੀ!

✍️ ਮੈਲਬੌਰਨ – ਖੁਸ਼ਪ੍ਰੀਤ ਸਿੰਘ ਸੁਨਾਮ –

🔷 𝐕𝐈𝐂 𝐏𝐮𝐧𝐣𝐚𝐛𝐢 𝐋𝐞𝐚𝐠𝐮𝐞 𝟐𝟎𝟐𝟔 ਵਿੱਚ West Hills Football Club ਦੀ 𝟒𝟎 ਸਾਲ ਤੋਂ ਵੱਧ ਉਮਰ ਵਰਗ ਦੀ ਟੀਮ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਦੂਜਾ ਸਥਾਨ ਹਾਸਲ ਕੀਤਾ ਅਤੇ ਰਨਰ-ਅੱਪ ਟਰਾਫੀ ਆਪਣੇ ਨਾਂ ਕੀਤੀ।

🔷 ਇਸ ਪ੍ਰਾਪਤੀ ਅਤੇ ਲੀਗ ਵਿੱਚ ਖਿਡਾਰੀਆਂ ਵੱਲੋਂ ਦਿਖਾਈ ਗਈ ਖੇਡ ਭਾਵਨਾ ਦੇ ਸਨਮਾਨ ਵਿੱਚ ਮੈਲਟਨ ਵਿਖੇ ਇਕ ਵਿਸ਼ੇਸ਼ ਸਮਾਗਮ ਕਰਵਾਇਆ ਗਿਆ। ਇਸ ਦੌਰਾਨ ਲੀਗ ਵਿੱਚ ਹਿੱਸਾ ਲੈਣ ਵਾਲੇ ਖਿਡਾਰੀਆਂ ਦੀ ਵਿਸ਼ੇਸ਼ ਤੌਰ ’ਤੇ ਹੌਸਲਾ-ਅਫ਼ਜ਼ਾਈ ਕੀਤੀ ਗਈ।

🔷 ਸਮਾਗਮ ਵਿੱਚ ਪ੍ਰਸਿੱਧ ਫੁੱਟਬਾਲ ਕੋਚ ਬਲਬੀਰ ਸਿੰਘ ਨੇ ਵਿਸ਼ੇਸ਼ ਤੌਰ ’ਤੇ ਸ਼ਿਰਕਤ ਕਰਦਿਆਂ ਖਿਡਾਰੀਆਂ ਨੂੰ ਵਧਾਈ ਦਿੱਤੀ ਅਤੇ ਭਵਿੱਖ ਵਿੱਚ ਹੋਰ ਬਿਹਤਰ ਪ੍ਰਦਰਸ਼ਨ ਲਈ ਪ੍ਰੇਰਿਤ ਕੀਤਾ।
🔷ਇਸ ਮੌਕੇ ਸਿਮਰਜੀਤ ਸਿੰਘ ਤੇ ਗੋਪੀ ਸ਼ੌਕਰ ਨੇ ਵੀ ਆਪਣੇ ਵਿਚਾਰ ਸਾਂਝੇ ਕਰਦਿਆਂ ਜੇਤੂ ਟੀਮ ਨੂੰ ਮੁਬਾਰਕਬਾਦ ਦਿੱਤੀ ਉੱਥੇ ਹੀ 31 ਅਕਤੂਬਰ ਤੇ 1 ਨਵੰਬਰ ਨੂੰ ਵਿੱਚ ਹੋਣ ਜਾ ਰਹੇ ਦੋ ਦਿਨਾਂ ਟੂਰਨਾਮੈਂਟ ਲਈ ਵੀ ਹਰ ਸੰਭਵ ਸਹਿਯੋਗ ਦਾ ਭਰੋਸਾ ਦਿੱਤਾ। ਇਸ ਮੌਕੇ ਹਰਦੇਵ ਸਿੰਘ ਕਲਸੀ ਹੋਰਾਂ ਨੇ ਆਪਣੇ ਗੀਤਾਂ ਤੇ ਕਵਿਤਾਵਾਂ ਰਾਹੀਂ ਸਮਾਗਮ ਦੇ ਮਾਹੌਲ ਨੂੰ ਹੋਰ ਵੀ ਖ਼ੁਸ਼ਨੁਮਾ ਬਣਾ ਦਿੱਤਾ। ਅੰਤ ਵਿੱਚ West Hills Football Club ਦੇ ਮੁੱਖ ਪ੍ਰਬੰਧਕ ਹਰਜਿੰਦਰ ਸਿੰਘ ਰਿੰਕੂ, ਪ੍ਰਧਾਨ ਗੁਰਮੀਤ ਸਿੰਘ ਵਿਰਕ ਤੇ ਉਪ ਪ੍ਰਧਾਨ ਇੰਦਰਪਾਲ ਸਿੰਘ ਮੱਲੀ ਨੇ ਸਾਂਝੇ ਤੌਰ ਤੇ ਸਮਾਗਮ ਵਿੱਚ ਪਹੁੰਚੇ ਸਮੂਹ ਮਹਿਮਾਨਾਂ ਅਤੇ ਖਿਡਾਰੀਆਂ ਦਾ ਧੰਨਵਾਦ ਕੀਤਾ। ਇਸ ਦੌਰਾਨ ਟੂਰਨਾਮੈਂਟ ਦੇ ਪੋਸਟਰ ਵੀ ਰਿਲੀਜ਼ ਕੀਤੇ ਗਏ।ਇਸ ਮੌਕੇ ਵਿੱਕੀ ਸੰਧੂ, ਸੁਖਰਾਜ ਰੋਮਾਣਾ,ਹਰਮੀਤ ਤੂਰ ਤੇ ਜਿੰਦਰ ਤੂਰ ਸਮੇਤ ਵੱਡੀ ਗਿਣਤੀ ਵਿੱਚ ਕਲੱਬ ਮੈਂਬਰ ਤੇ ਪਤਵੰਤੇ ਵੀ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ।


fans
Inderpal Singh
Sukhraj Romana
Gurpreet Shokar
Simarjeet Singh
Vicky Sandhu
Jinder Toor
Hardev Kalsi

01/09/2026

🔻ਅਰਜਨਟੀਨਾ ਦੇ ਮਹਾਨ ਫੁੱਟਬਾਲਰ ਲਿਓਨਲ ਮੈਸੀ ਵੱਲੋਂ ਅੰਤਰਰਾਸ਼ਟਰੀ ਫੁੱਟਬਾਲ ਤੋਂ ਸੰਨਿਆਸ ਦਾ ਐਲਾਨ!

🔻21 ਸਾਲਾਂ ਦੇ ਸੁਨਹਿਰੀ ਸਫ਼ਰ ਨੂੰ ਕਿਹਾ ਅਲਵਿਦਾ। ⚽🇦🇷