24/10/2025
අවුරුදුම දහයක්... ❤️
මීට අවුරුදු 10 කට කලින් ඔක්තොම්බර් මාසෙ දවසක degree එක officially ඉවර කරල ලංකාවෙ private hospital එකක trainee physiotherapist කෙනෙක් හැටියට පටන් ගත්ත ගමන අද වෙනකොට මෙතෙනට අරගෙන එන්න කාපු කටු, අහපු කතා, වෙච්ච් කරදර ගැන වෙනම page එකක්ම පුරවන්න පුලුවන්.
මේ කාලය ඇතුලෙ ආශ්‍රය කරන්න උන මිනිස්සු කන්දරාව, ලැබුන ජීවිත අත්දැකීම්, seniors ලගෙන්, සම වයසෙ අයගෙන්, juniors ලගෙන්, ලෙඩ්ඩුන්ගෙන්, එකට වැඩ කරපු හැම තනතුරකම අයගෙන්ම ජීවිතේට ලැබුන positive, negative හැම අත්දැකීමකින්ම ලැබුනු මහා පන්නරය, මං වගේ පොඩි මනුස්සයෙක්ට අද මේ රටේ දැවැන්තම Occupational Health business එකක් එක්ක වැඩ පටන් අරන් මාසයක් යනකොට Manager ගෙන් මෙහෙම අහගන්න මට්ටමටම ගොඩනැගෙන්න දායක උනා කියල මං විශ්වාස කරනව. ඒ ගැන අනිවාර්යෙන්ම නිහතමානි ආඩම්බරයක් දැනෙනව. ස්තූතිවන්ත වෙනවා..🙏
ලංකාවෙ ඉන්නකොට ආව නේක බාධක, කරදර එක්කත් අත් අරින්නෙ නැතුව අල්ලන් ඉඳල, නොදන්නා දේසෙකට ඇවිත්, දරුවො දෙන්නෙක් හදන ගමන්, දෙන්නම වැඩ කරන ගමන්, business එකකුත් ගොඩ නගල, හැමදේම balance කරන් කරගන්න මෙතුවක් කල් වෙච්ච් පුදුම මහන්සිය ගැන හිතනකොට එහෙම කරාද කියලත් හිතාගන්ඩ බෑ.
විශේෂයෙන්ම employer sponsored visa එකේ කලින් රැකියාවෙ ඉන්න කාලෙ, තනියම කිලෝමීටර් දහස් ගණන් වාහනේ පැදගෙන ගිහින්, මහ පාන්දර shift පවා ගොඩදාල, කොච්චර එපා වෙලා අතාරින්න හිතෙන තැන් වලත් හොරෙන් අඬල හරි හිතේ බර පොඩ්ඩක් අඩු කරගෙන අල්ලගෙනම ඉන්න උන එක පාඩුවක් වෙලා නෑ. ඒ දරාගැනීම නිසා එතෙක් මෙතෙක් කල් කරන්න ඕන නිසා කරපු ගොඩක් physio jobs වෙනුවට, ආසාවෙන්ම හිත නිදහසේ කරගෙන යන physio රස්සාවකට එන්න අවුරුදුම 10 ක් ගියා.
ඇත්තටම උනේ එක්තරා මොහොතක චූටි බබා එක්ක ටික කාලයක් නිදහසේ ගෙදරට වෙලා ඉන්නව කියල හිතන් කලින් රස්සාවෙන් අයින් වෙන්න හිතුවත්, industry එකෙන් දිගටම ආව job offers වලින් මට හිත ගිය තැන තෝරගෙන, මගෙ අවශ්‍යතාවලට මේ employer හැඩගැහෙන්න කැමති වෙන මට්ටමේ competence එකක් interview එකේදිම පෙන්වල ඒ තැනට demand කරපු නිසාත්, six digit base salary එක්ක සෑහෙනම හොඳ benefit package එකක් ලැබුන නිසා එකක් තෝරගන්න හිත හැදෙන තැනට පත් වුන එක.
මේ පාර නම් ඒ demand එක හැදෙන්න එකම ප්‍රධාන සාධකේ උනේ හැමදාම posts නොදැම්මත්, fully up to date Linkedin profile එකක් තිබ්බ එක. Open to work දාල නැතුව පවා හැම recruiter කෙනෙක්ම reach out උනේ LinkedIn හරහා. ඉඳල ඉඳලා මේ post එක LinkedIn දැම්මට පස්සෙත් recruiters ල දෙතුන් දෙනෙක් text කරල තියෙනව දැක්ක 😅 ඒ නිසා LinkedIn එකේ පම්පෝරි ගහන්න බය වෙන්න එපා...!
දිගටම මෙතන රැඳේවිද ආයෙත් තව මීටත් වඩා තත්වෙ හොඳ තැනක් ආවොත් තව තැනකට මාරු වෙන්න හිතෙයිද කියන්න දන්නෙ නෑ ඉතිං. හැබැයි comfort zone එකෙන් පිට ගිහින් better opportunities කියල දෙයක් තියෙනව කියල හැම වෙලේම විශ්වාස කරන නිසා එක තැනක නොරැඳී, මේ අවුරුදු 10ට රටවල් දෙකක පුදුම විශේෂ අත්දැකීම් ගොඩක් ගන්න මග පෑදුනා.. ඒ වෙනුවෙන් මේ ජීවිතයට ස්තූතියි 🙏
මෙතුවක් කල් මොනම පොඩි දෙයක් හරි මට උගන්වපු, ඇස් පාදපු ගුරුවරුන්ට, කරපු හැම ලොකු පොඩි job role එකටම, මට සතයක් හරි දුන්න හැම employer ටම, හැම රෝගියාටම, හැම වෙලේම උදව් කරපු, වල නොකැපුව කාර්‍යමණ්ඩල වල එකට හිටපු අයටත්, රෝහල් අධිකාරි වරුන්, විධායක නිළධරීන් ඇතුලු පරිපාලකවරුන්ටත් ස්තූතියි කියන්න මේක හොඳ අවස්ථාවක්. ඔයාල නොහිටින්න මේ ගමන එන එක ගැන හිතන්න වත් බැරි වේවි. 🙏🙏
ඒ වගේම මේ ගමනට බාධා කරපු, බාල්දි පෙරලපු, ඔසී වලට රස්සාවකට ගියා කියල ආරංචි වෙලා " මාස ගාණකින් ආපහු හරවල එවයි" කියල අනාවැකි පළ කරපු එයාලටත් ගොඩක්ම ස්තූතියි. ඔයාල තමයි එදත් අදත් මගෙ ලොකුම motivation එක 😅
ඔක්කොම පිටිපස්සෙ ඉන්න මගෙ එකම හයිය, Janaka ❤️ , තමන්ගෙ වෘත්තීය ජීවිතේ හීන කැප කරල මගේ හීන, අපේ හීන බවට පත්කරගෙන ඔයා කරපු අසාමාන්‍ය කැපකිරීම් ගොඩ ගැන ලියල ඉවර කරන්න බැරි තරම්. මේ අද අපි ලබන යම් පැසසුමක්, හොඳක් තියෙනව නම් ඒ අර අමාරුම ටිකේ ඔයා මං අල්ලන් උන්නට ලැබෙන තෑගි.. ඔයාට ගොඩක්ම ස්තූතියි. 🙏🥰
අනික අපේ පුත්‍ර වස්තුව. ❤️ ලංකාවෙ ඉඳන් මෙහෙ එන්න හිතන්න ලොකුම හේතුව උනේ ඔයා.. ඔයා අපේ potential එක අපිට පෙන්නල දුන්න guiding light එක. අපි මෙහෙ ආව දවස් වල අම්මගෙ රස්සාව ගොඩ දාන්න, අම්මට driving බැරි ටිකේ දුර ඈත අම්මව තාත්ත ගිහින් දානකොට, පාන්දර ඇහැරගෙන වාහනේ නැගගෙන ගිහින්, අම්මගෙ shift ඉවර වෙනකල් දවසම හරි වාහනේට වෙලා ඉඳගෙන පුංචිකමට කෙඳිරියක් වත් නැතුව ඔයා දරාගත්ත නිසා අපි ආපහු ලංකාවට නොයා දිගටම අල්ලන් හිටියා. රටවල් දෙකකම පැමිණි දුක් ඔක්කොම පැණි රසට දරාගත්ත ඔයා තමයි අපේ පවුලෙ මාණික්‍යය. ❤️
චූටි කෙල්ලත් ඉතිං අම්මගෙ බණ්ඩියේ හැංගිලා වාහන වල රවුම් ගහනකොටත් කිසිම කරදරයක් නොකර අල්ලගෙන ඉඳල, දැන් කිරි ටික බෝතලෙන් බීල ඉවසන් ඉන්නවනෙ මාස ගානක ඉඳන්, අම්ම වැඩ ඇරිල එනකල්. ඉතිං එයත් ආදරෙන් මතක් කලා ඔන්න... ❤️
Physiotherapy කියන්නෙ ඕස්ට්‍රේලියාවෙ නම් හිතාගන්ඩ වත් බැරි තරම් opportunities තියෙන ක්ෂේත්‍රයක්. මේ දවස් වල ලංකාවෙ තියෙන ප්‍රශ්න කොහොම හරි ගොඩදාගෙන experience හදාගත්තොත් මෙහෙ නම් දොරවල් ඔයාලට ඇරිල තියේවි කියල හිතෙනව තව සෑහෙන කාලෙකට. යන තැනක හොඳට වැඩ පෙන්නුවොත් employers ල ඔයාලව සෑහෙනම අගය කරනව.. ඔයාව තියාගන්න පුලුවන් හැම දේම කරනව. ඒකට රට ජාතිය, හමේ පාට අරව මේව අදාළම නෑ.
කියවන, දිරිගන්වන හැමෝටම ස්තූතියි.. 🙏
