Somali Press Tv

Somali Press Tv welcome

Danjire Sacuudiga Ka Yimid oo Loo Xilsaaray Amniga Soomaaliya, Amni Qowmi Mise Halis Kale, Xilka La-Taliyaha Amniga Qar...
21/07/2025

Danjire Sacuudiga Ka Yimid oo Loo Xilsaaray Amniga Soomaaliya, Amni Qowmi Mise Halis Kale, Xilka La-Taliyaha Amniga Qaranka oo Is-bedel Lagu Sameeyay, Waji Cusub Iyo Walaac Horleh!

Ilo-wareedyo rasmi ah oo lagu kalsoon yahay ayaa u xaqiijiyay warbaahinta Somali Press TV in xilkii laga qaaday La-Taliyihii Amniga Qaranka Dowladda Federaalka Soomaaliya (NSA), Xuseen Macalin Maxamuud.

Xuseen Macalin, oo muddo 3 sano iyo billo ah hayey xilkaas, ayaa lagu eedeeyay inuusan wax khibrad ah amaanka u lahayn sidoo kalene horay u ahaan jiray, gacan yarayaashii kooxdii TPLF (Tigray People’s Liberation Front) ee Itoobiya, taasoo ah in lagu tuhunsanyahay qaar ka mid ah saraakiisha dowladda iyo falanqeeyeyaasha arrimaha amniga inay saameyn toos ah ku leeyihiin shisheeyaha gobolka daneeya iyo kuwa deriska ahi, siyaasadda gudaha Soomaaliya, gaar ahaan la xiriirta arrimaha amniga gobolka. Waxaa lagu dhaliilaa inta badan iney xiriir dhow la leeyihiin hay’ado shisheeye iyo ururo siyaasadeed oo aan mararka qaar la jaanqaadin karin danaha Qaran ee Soomaaliya & maslaxadda qaran.

Danjire Aways Xaaji Yuusuf – La-Taliyaha Cusub

Xilkan si kumeel gaar ah waxaa loo magacaabay Danjire Dr. Aways Xaaji Yuusuf Axmed, oo h**ey u ahaa safiirka Soomaaliya u fadhiyay Boqortooyada Sacuudi Carabiya. Inkasta oo uu leeyahay khibrad diblomaasiyadeed oo ballaaran, haddana magacaabistiisa ayaa waxaa durba laga muujiyay walaac ballaaran, iyadoo la sheegayo in amniga qaranka aysan suurtagal ahayn in lagu halleeyo qof muddo dheer ka shaqeynayay dalalka khaliijka oo aan siyaasadoohooda qaran la jaanqaadi karin madax-bannaanida siyaasadeed ee Soomaaliya.

Isbedelkan degdegga ah ee ka dhacay xafiiska La-Taliyaha Amniga Qaranka ayaa imaanaya iyadoo xaaladda amni ee dalka ay weli tahay mid cakiran, loona baahan yahay hoggaan leh khibrad gudaha ah, faham buuxa oo amniga qaranka iyo madax-bannaani siyaasadeed oo dhab ah aaminssan, shaqada cusub ee Dr. Aways wuxuu u baahan yahay in lagu qiimeeyo waxqabadka uu keeni karo halkii lagu eegi lahaa kaliya taariikhda diblomaasiyadeed.

Somali Press Tv

20/07/2025

Hoggaamiyahayga”: Mandela oo Khamenei Ku Sifeeyay Halyeyga Cadaaladda Dunida.

Nelson Mandela oo noolaa intii u dhaxeysay (1918–2013) wuxuu ahaa hogaamiye u taagan xorriyad, sinnaanta iyo iska-caabbinta midab-takoorka ee Koonfur Afrika. Wuxuu ku qaatay 27 sano xabsi isagoo la dagaallamaya nidaamkii midab-kala sooca (apartheid) Gumayste ah, wuxuuna noqday madaxweynihii ugu horreeyey ee madow ee dalkaas sanadkii 1994. Sidoo kale, wuxuu ku guuleystay Abaalmarinta Nabadda ee Nobel sanadkii 1993.

Markii uu booqday Iran 22-kii July 1992, Mandela wuxuu la kulmay Hoggaamiyaha Sare ee Iran, Ayatollah Ali Khamenei. Intii uu halkaas ku sugnaa, wuxuu Khamenei ugu yeeray “Hogaamiyahayga” (My Leader), isagoo muujinaya ixtiraam iyo qadarin uu u qabo taageeradii iyo garab istaaggii Iran u fidisay halgankii ay ANC kula jirtay midab-takoorka.

Hadalkan wuxuu muujinayaa xiriirka qoto dheer ee ka dhexeeyay halganka dadka Koonfur Afrika iyo kacaankii Islaamiga ee Iran, labaduba waxay ku salaysnaayeen la dagaalanka dulmiga iyo u hiilinta cadaaladda sida ay isku sifeeyaan.

Somali Press Tv

Taageeradii UAE ee Deni Ayaa Mugdi Gashay Kadib Xiisadda Markabka Sea World, Imaaraadku Deni Wuxuu Ku Eedeeyey Inuu Siya...
20/07/2025

Taageeradii UAE ee Deni Ayaa Mugdi Gashay Kadib Xiisadda Markabka Sea World, Imaaraadku Deni Wuxuu Ku Eedeeyey Inuu Siyaasad Qas Iyo Fadeexad Ayaga Ku Ah Wado.

Ilo wareedyo lagu kalsoon yahay oo dhanka amniga ah ayaa u sheegay warbaahinta Somali Press TV in Hogaamiyaha Maamul Goboleedka Puntland, Saciid Cabdullaahi Deni, khadka taleefanka lagula hadlay laguna wargeliyay in uu ku sii daayo markabka Sea World wax ka yar 48 saacadood gudahood, haddii kale uu la kulmi doono dharbaaxo aan la shaacin waxa ay noqon doonto.

Hogaamiyaha Puntland, Saciid Cabdullaahi Deni, ayaa caawa khadka taleefanka lagula soo xiriiray, iyadoo sida ay sheegeen dad ku dhow dhow, ay muddo saddex saacadood ah si toos ah ula hadlayeen saraakiil sare oo ka tirsan sirdoonnada dowladaha Turkiga iyo Imaaraadka Carabta.

Saciid Cabdullaahi Deni waxaa si toos ah loogu amray in uu si degdeg ah u sii daayo markabka Sea World ee ku xiran dekedda magaalada Boosaaso, wax ka yar 48 saacadood gudahood, haddii kale uu wajahayo cawaaqib xumo aan la shaacin nooca ay noqon doonto.

Dhanka kale, warar lagu kalsoon yahay ayaa sheegaya in Saciid Cabdullaahi Deni lagu wado in uu gaaro magaalada Abu Dhabi ee dalka Isku Tagga Imaaraadka Carabta maalmaha nagu soo aadan, iyadoo aan si rasmi ah loo ogayn sababta safarkan degdegga ah ee uu ugu ambabaxayo dalkaas.

Somali Press Tv

Madaxweynaha Eritrea Ayaa Si Adag Uga Jawaabay Damaca Badda ee Abiy Ahmed “Tani Maaha Istiraatiijiyad, Waa Riyo Caruuree...
19/07/2025

Madaxweynaha Eritrea Ayaa Si Adag Uga Jawaabay Damaca Badda ee Abiy Ahmed “Tani Maaha Istiraatiijiyad, Waa Riyo Caruureed”

Madaxweynaha Eritrea, Isaias Afwerki, ayaa si adag uga jawaabay hadaladii mudooyinkanba kasoo yeerayey Ra’iisul Wasaaraha Itoobiya, Abiy Ahmed, ee la xiriiray rabitaanka Itoobiya ee ah inay hesho marin badeed toos ah.

Intii lagu guda jiray wareysi dhowaan lala yeeshay, Madaxweynaha Eritrea ayuu si cad ugu sheegay
“Waxaan nahay 130 milyan, waxaan u baahannahay marin badeed” tani ma aha istaraatiijiyad, waa iska riyo caruureed oo waliba naftooda khatar ku ah. Maskax caqli leh sidan uma fekerto.”

Hadalka Afwerki ayaa si cad u daadifeeyey aragtida Abiy Ahmed, taasoo lagu fasiray isku day siyaasadeed oo Itoobiya ku raadineyso helitaanka badda, iyada oo loo aanaynao inay saameyn ku leeyihiin mashruucan Ethiopia dalal aan wax aragti ah ka haysan gobolka sida Emirates-ka Carabta.

Abiy Ahmed ayaa h**e u sheegay in Itoobiya, oo ah dalka labaad ee ugu dadka badan Afrika, aanay sii ahaan karin koboc dhaqaale iyo siyaasadeed iyadoo aan lahayn marin badeed. Wuxuu ku taliyay in loo baahan yahay “xal nabadeed” oo Itoobiya u sahla badda hadal ay qaar ka mid ah dalalka deriska u arkeen inuu khatar ku yahay amnigooda Qaran.

Jawaabta Eritrea, oo ka go’day Itoobiya sannadkii 1993-kii kadib dagaal dheer, waxay si adag uga hortimid fikraddaas, iyadoo Afwerki si bareer ah u diiday in dalkeedu ogolaado wax kasta oo halis galinaya madax-bannaanidiisa iyo amniga qarankiisa.

Madaxweynaha Eritrea wuxuu ka dhawaajiyay aragti siyaasadeed oo diidan damaca Itoobiya ee ku wajahan badda, isaga oo arrintaas ku tilmaamay “riyo caruureed khatar ah”. Tani waxay muujinaysaa khilaafka sii kordhaya ee u dhexeeya Addis Ababa iyo Asmara, xilli gobolka Geeska Afrika uu wajahayo xiisado istiraatiiji ah oo sii laba kacleynaya. Waxaa la filayaa in hadalladan ay sii kiciyaan xaaladaha siyaasadeed iyo ciidan ee gobolka ee ku saabsan.

Somali Press Tv

19/07/2025

Hoggaan Amni oo Khibrad Leh iyo Horumar Shaqo.

Somali Press Tv

19/07/2025

Dowladda Soomaaliya oo Ka Hartay Dhoolatus Badeed, Cabsida Qorshaha Dalalka Carbeed ee Ka Dhan ah Maalgashiga iyo Ganacsiga Xorta ah ee Soomaaliya.

Wasiirka Gaashaandhigga Soomaaliya, Cabdulqaadir Maxamed Nuur (Fiqi), ayaa maanta shaaciyay in dowladda Soomaaliya ay si cad u diiday ka qeybgalka dhoolatus ciidan badeed oo ay ka qeyb galayeen dalal ku yaalla Geeska Afrika, kuwaas oo qaarkood aysan xitaa lahayn xeeb ama bad.

Wasiir Fiqi wuxuu sheegay in go’aankaas uu ahaa mid lagu muujinayo ilaalinta madax-bannaanida Soomaaliya, isla markaana looga hortagayo wax kasta oo dhaawacaya danaha qaranka. Inkasta oo aan si toos ah loogu magacaabin dalalka aan bad lahayn ee ka qaybta ahaa dhoolatuska, haddana waxaa la tuhunsan yahay in arrintan ay qeyb ka tahay isbeddelka istiraatiijiyadeed ee Geeska Afrika ee ay hoggaaminayaan dalal shisheeye oo uu ku jira loolan diblomaasiyadeed iyo mid ciidan.

Sida aan kasoo xiganay ilo-wareedyo siyaasadeed iyo kuwo amni, waxaa jira tuhun ah in dalal Carbeed oo ay kamid yihiin kuwa dhaqaalaha xoogan ku leh Bariga Dhexe ay wadaan qorshe fog oo lagu doonayo in Soomaaliya aan loo oggolaanin inay si madax-bannaan ula macaamisho dunida kale iyada oo aan mari karin marinada diplomaasiyadeed ee ay xaqa u leedahay, qorshayaashooda ayaa ah in la xakameeyo fursadaha ay Soomaaliya u leedahay ganacsi xor ah, maalgashi toos ah (FDI), iyo helitaanka deeqaha iyo amaahda horumarineed

Sidoo kale waxay aad waqti u geliyaan in lagu adkeeyo dhaqaalaha Soomaaliya iyadoo laga hor istaagayo helitaanka kaabeyaasha muhiimka ah sida dekedaha, ganacsiga badda, garoomada, iyo suuqyada caalamiga ah, iyadoo arrintaas loo marayo heshiisyo isdaba-yaal ah oo lala galo maamul-goblets oo ay hogaamiyaan dad dano gaar ah leh.

Haddii qorshahan u hirgalo dalalka Carbeed ee arrintan lagu eedeeyo, Soomaaliya waxay noqon kartaa dal laga go’doomiyay ganacsiga caalamiga ah, taas oo si toos ah u wiiqi karta dadaallada horumarineed ee socda.

Go’aanka dowladda Soomaaliya ee lagu diiday ka qeybgalka dhoolatuska badeed waa fariin siyaasadeed oo cad, taasoo muujineysa diidmada faragelin kasta oo dibadda ah. Si kastaba ha ahaatee, waxaa muuqata in halista qorshayaal siyaasadeed iyo dhaqaale oo laga abaabulayo dalal Carbeed ay tahay mid dhab ah oo mudan feejignaan, difaac siyaasadeed iyo mideynta hay’adaha dowladda federaalka iyo kuwa heer gobol.

Soomaaliya haddii ay dooneyso inay sii ahaato dal xor ah oo madax bannaan, waxay u baahan tahay inay si istiraatiiji ah u wajahdo xiriirka caalamka, iyadoo ka fogaanaysa saameyn kasta oo daciifin karta madaxbannaanideeda siyaasadeed, dhaqaale iyo ciidan.

Somali Press Tv

19/07/2025

Dajinta Hub Markab Sea World oo ka dhacday Dekadda Boosaaso

Warar aan si buuxda loo xaqiijin oo laga helay ilo wareedyo aan si rasmi ah u hadlin ayaa sheegay in maanta galinkii dambe markabka Sea World uu kusoo xirtay dekadda magaalada Boosaaso, halkaasoo lagu bilaabay in laga dajiyo qaybo ka mid ah hub la sheegay inuu saarnaa markabka.

Sida ay warbaahinta Somali Press TV u xaqiijiyeen ilo-wareedyo ku sugan gudaha dekeda Bosaso, dajinta hubkan ayaa lagu fuliyay amar uu bixiyay Madaxweynaha Maamul Goboleedka Puntland, Saciid Cabdullaahi Deni. Wararka ayaa intaas ku daraya in Madaxweyne Deni uu xilligaas ku sugnaa gudaha dekadda Boosaaso, taasoo muujinaysa in arrintan ay leedahay ujeedo siyaasadeed ama amni oo gaar ah.

Inkasta oo aan si rasmi ah looga hadlin nooca hubka la dajinayo iyo ujeedada loo keenay, haddana dhacdadan ayaa dhalisay su’aalo badan oo ku saabsan sharcinimada iyo waqtiga lagu beegay hawlgalkan. Waxaa sidoo kale weli laga sugayaa war cad oo kasoo baxa maamulka Puntland ama hay’adaha amniga ee federaalka ah.

Arrintan ayaa imanaysa iyadoo xiisado siyaasadeed iyo amni ay ka jiraan qeybo ka mid ah gobolka Bari, taasoo ka dhigaysa dajinta hubka mid si gaar ah indhaha loogu hayo.

Somali Press Tv

19/07/2025

Dagaallo culus oo ka socda Suwayda, Koonfurta Suuriya

Dagaallo xooggan ayaa wali ka socda magaalada Suwayda ee Koonfurta Suuriya, iyadoo maleeshiyooyin ka tirsan beelaha Carabta Bedouin ay la dagaalamayaan maleeshiyada Druze ee deegaanka. Iskahorimaadyada ayaa si gaar ah uga dhacay xaafado dhowr ah oo magaalada ka tirsan, iyadoo labada dhinac ay isku adeegsanayaan hub culus.

Xiisadda ayaa cirka isku sii shareertay maalmahan, waxaana laga cabsi qabaa in rabshaduhu ay ku fidaan deegaanno kale. Ilaa hadda lama xaqiijin khasaaraha rasmiga ah, balse wararka hordhaca ah waxay sheegayaan dhimasho iyo dhaawacyo badan oo labada dhinac ah.

Somali Press Tv

18/07/2025

Uranium $3 Milyan ah oo Lagu Qabtay Batumi!

Ciidamada ammaanka ee dalka Georgia ayaa xabsiga dhigay muwaadin u dhashay Georgia iyo mid u dhashay Turkiga, kuwaas oo lagu eedeeyay inay isku dayeen inay iibiyaan uranium qiimihiisu yahay $3 milyan. Labadan eedeysane ayaa lagu qabtay magaalada xeebta ku taalla ee Batumi, waxaana lagu soo oogay dacwado la xiriira iibsi, haysasho, iyo kala wareejin sharci darro ah oo ah walxo shucaac leh.

Xeer ilaaliyaha guud ee Georgia ayaa sheegay in muwaadinka u dhashay Georgia uu si sharci darro ah ku haystay walxaha uranium-ka, isagoo isku dayay inuu ka iibiyo muwaadinka Turkiga ah. Hay’adda Ammaanka Qarankiga ah ee Georgia ku nool asaga oo sheegtay in uranium-kan uu lahaa awood uu ku sababi karo khasaare ballaaran oo naf iyo maalba leh, ayna fashiliyeen fal-dambiyeed heer caalami ah ah.

Dhacdadan ayaa imaneysa iyadoo walaac laga muujinayo halka ay ku dambeysay ku dhowaad 400kg oo ah uranium si heer sare sh loo farsameeyay (60% nadiif ah) oo laga waayay Iran, kadib markii hay’adda IAEA laga mamnuucay iney kormeerto goobaha nukliyeerka ee dalkaas. Waxaa jira walaac ah in weli suuragal tahay in Iran ay gaarto samaynta hub nukliyeer ah waqti kooban gudihiis.

Somali Press Tv

17/07/2025

Warbixin: Madaxweyne Deni Ayaa Ka Fekera Badda Kana Aamusay Burburka Puntland!

Shirkii Golaha Wasiirrada Puntland ee Khamiistii maanta ayaa noqday mid si weyn loo hadal hayo, kadib markii Madaxweynaha Puntland, Siciid Cabdullaahi Deni, uu si lama filaan ah diiradda u saaray arrinta xeerka badda iyo kaluumeysiga halka laga filaayey inuu golaha horgeeyo ajandayaal muhiim ah oo la jaanqaadaya xaaladda siyaasadeed, dhaqaale iyo mid amni ee Puntland ka taagan.

Madaxweyne Deni oo la filayay inuu ka hadlo xaaladaha cakiran ee maamulka Puntland ka jirta, xaaladdaha doorashooyinka, amniga ama xiriirka dowladda federaalka, ayaa halkii laga filayay war-murtiyeed istiraatiiji ah, hadalkiisa si lama filaan ah ugu leexiyay kaluunka iyo xeerka badda.

Hadalkiisii ayaa waxaa laga dareemay murugo iyo niyad jab, iyadoo dad badan u arkeen inuu si gaar ah u muujiyey xaaladda cadaadiska siyaasadeed ee uu wajahayo. Qaar ka mid ah ka qaybgalayaashii shirka ayaa sheegay in hadalka Deni uu xasuus geliyay heesta caanka ah ee “Badaa ina geeya, jawi baa halkaa yaal aan buuq laheyn”, taasoo ay u arkeen ineey muujinayso niyadda ka guureysa mas’uuliyaddii siyaasadeed ee saarneyd loona doortay ee Puntland.

Siyaasiyiint reer Puntland ayaa sheegaya in mowduuca kaluumeysiga ee uu si adag u taabtay Deni uu muujinayeyso in marka hoggaamiye la kulmo cadaadis badan, uu mararka qaar dib ugu noqdo waxyaabaha uu jecel yahay ama u sawiran inay yihiin fursad badbaado, taasoo tusaale u noqotay sida kaluunka uu maalintan u noqday weer uu si qiiro leh ugu dheeraaday.

Xukuumadda Puntland oo bilihii u dambeeyey wajahaysay xiisado siyaasadeed, khilaafaad gudaha ah iyo walaac laga muujinayo hannaankeed nidaam, ayaa hadda u muuqata mid ku socota jawi aan caddayn. Qaar ka mid ah wasiirradii shirkaas maanta qaybta ka ahaa ayaa si hoose u muujiyey in “xukuumaddu ay barigii ku xiiqday”, iyagoo ujeedkoodu tahay in jawi siyaasadeed oo dhab ah uusan jirin, lagana baxay dariiqii qorsheynta iyo wax-ku oolnimada ee dadka reer Puntland u igmadeen.

Waxaa la is weydiinayaa: Ma “jawi deggan” baa lagu socdaa, mise “mowjado duufaan ah oo aan nidaamka Deni xallin karin Puntland lagu waayi karo?

Rabi talo udaa ilaahow sidii roon reeka u daa /Aamiin.

Somali Press Tv

17/07/2025

Russia oo Si Hoose u Casriyeyneysa Kaabeyaasheeda Nukliyeerkeeda

Warbixino cusub iyo sawirro satellite ah ayaa muujinaya in dowladda Russia si qarsoodi ah u waddo casriyeyn ballaaran oo lagu sameynayo kaabeyaasheeda hubka nukliyeerka. Goobaha lagu arkay howlgalka ayaa waxaa ka mid ah xarumo dhulka hoostiisa laga qoday, si aad ahna loo xoojiyay amaankooda, iyo kolonyo aan summad lahayn oo dhaqdhaqaaqyo qarsoodi ah ka sameynaya.

Xogaha cusub ayaa sababay walaac xooggan oo laga dareemayo caasimadaha reer Galbeedka, iyadoo su’aalo laga keenay ujeedada dhabta ah ee ka dambeysa dhaqdhaqaaqyadaasi. Falanqeeyayaal amni ayaa sheegaya in tallaabadani ay muujinayso in Moscow laga yaabo inay qorsheynayso in ay kor u qaaddo awooddeeda nukliyeer, ama ay ku jirto diyaar-garow ciidan oo weyn oo lala xiriirinayo xiisadaha sii kordhaya ee caalamka.

Inkastoo Moscow aysan si rasmi ah uga hadlin wararkaasi, dhaq-dhaqaaqyada cusub ayaa noqon kara kuwo beddeli kara heshiisyadii h**e ee nukliyeerka dunidu gashay, taasoo sare u qaadaysa baahida wadahadallo amni iyo cadaadis diblomaasiyadeed oo degdeg ah.

Somali Press Tv

17/07/2025

Soo Dhaweynta Siyaasi Jamaal Maxamed Xasan ee Laascaanood

Siyaasi Jamaal Maxamed Xasan ayaa si diirran loogu soo dhaweeyay magaalada Laascaanood, halkaas oo ay ku qaabileen dadweyne fara badan, cuqaal, dhalinyaro iyo haween. Soo dhaweynta ayaa muujisay taageero ballaaran iyo kalgacal uu bulshada deegaanka ka heysto.

Somali Press Tv

Address

Pyalong, VIC

Website

Alerts

Be the first to know and let us send you an email when Somali Press Tv posts news and promotions. Your email address will not be used for any other purpose, and you can unsubscribe at any time.

Shortcuts

Share

Category