Xogta qarsoon

17/06/2025

Safaaradda Maraykanka ee Israa’iil oo la xiray maanta

Safaaradda Mareykanka ee ku taalla magaalada Tel Aviv, Israa’iil, ayaa maanta lagu dhawaaqay in la xiray, sida lagu sheegay war rasmi ah oo ka soo baxay safaaradda.

Warbixintu waxay sidoo kale tilmaantay in safaaradda aysan haatan awoodin inay ka caawiso muwaadiniinta Mareykanka inay ka baxaan Israa’iil, taasoo muujinaysa xaalad amni oo halis ah oo ka jirta dalkaasi.

Arrintan ayaa ku soo beegmaysa iyadoo xiisadda gobolka ay sii xumaanayso, waxaana la filayaa in ay saameyn ku yeelato muwaadiniinta ajnabiga ah ee ku sugan Israa’iil, gaar ahaan kuwa u baahan gargaar degdeg ah ama doonaya in ay dalka ka baxaan.

Safaaradda ayaa ugu dambayn ku boorisay dadka Mareykanka ah ee ku sugan Israa’iil inay la socdaan wararka rasmiga ah oo ay taxaddar muujiyaan.

Somali Press Tv

17/06/2025

Trump ayaa Dadaal Diblomaasiyadeed Bilaabay si uu Israel u Badbaadiyo, Wadahadallo Suurtagal ah oo lala yeelanayo Iran Todobaadkan

Madaxweynaha Mareykanka Donald Trump ayaa ku hawlan dadaal degdeg ah oo diblomaasiyadeed si loo hakiyo dagaalka u dhexeeya Israel iyo Iran, isagoo ka shaqeynaya qorshe kulan lala yeesho Iran toddobaadkan. Sida ay sheegeen afar ilo-wareed oo arrinta la socda, Aqalka Cad ayaa ka wada hadlaya kulan suurtagal ah oo dhexmaraya wakiilka Mareykanka Steve Witkoff iyo Wasiirka Arrimaha Dibadda ee Iran, Abbas Araghchi.

Ujeedka Kulanka ayaa ah

Kulanka la qorsheynayo ayaa lagu falanqeyn doonaa
•Heshiis nukliyeer oo cusub oo laga gaaro Iran
•Xabbad-joojin rasmi ah oo lagu soo afjaro dagaalka u dhexeeya Iran iyo Israel

Inkasta oo kulanka aan weli la xaqiijin, haddana waa fursad u dambeysa oo Trump isku dayayo inuu kaga leexdo dagaal ballaaran isla markaana dib ugu soo laabto heshiisyo iyo wadahadal. Mas’uul Mareykan ah ayaa xaqiijiyay, “Kulanka Iran toddobaadkan wali wuu qorsheysan yahay.”

Kulankan ayaa noqon kara mid go’aan ka gaara haddii Mareykanka uu si toos ah dagaalka uga qeyb qaadan doono si uu u burburiyo barnaamijka nukliyeerka ee Iran. Trump waxa uu u arkaa gantaallada xoogga badan ee qarxin kara xarunta qarsoon ee Fordow (oo Israel aysan haysan) inay yihiin cadaadis muhiim ah oo lagu khasbi karo Iran inay heshiis gasho.

Mas’uul sare oo Mareykan ah ayaa yiri, “Trump waxa uu aaminsan yahay in xoogga iyo fursadda heshiis ay wada socdaan tanina waa fursad.”

Trump weli si toos ah ugama qeybgelin weerarrada Israel ku qaaday Iran, balse waxa uu caddeeyay in Iran aan loo ogolaan doonin inay hesho hub nukliyeer.
Ra’iisul Wasaare Netanyahu ayaa si xoogan ugu riixaya Trump inuu weerar ku qaado xarunta Fordow.

Trump ayaa xalay si lama filaan ah bartiisa Truth Social ugu baaqay shacabka Iran inay si degdeg ah uga baxaan Tehran, Waxa uu sidoo kale ka soo laabtay safarkiisii shirkii G7 ee Canada si uu diiradda u saaro xiisadda Bariga Dhexe, Arrimahan ayaa keenay warar baraha bulshada ah iyo warbaahinta Israel oo sheegayay in Mareykanku dagaalka galay, balse Aqalka Cad wuu beeniyay arrintaas.

Trump: “Waan wada hadleynaa telefoonka, balse waxay fiican tahay in fool-ka-fool loo wada hadlo.”
“Waxaan aaminsanahay in heshiis la saxiixi doono, waana doqonimo inaysan Iran oggolaan,” ayuu intaas ku daray.

Madaxweynaha Faransiiska Macron ayaa xaqiijiyay in Mareykanku uu dalab u diray Iran si ay u kulmaan, isagoo intaas ku daray: “Waan arki doonnaa waxa dhaca.”

Dadaallada Trump ayaa u muuqda kuwo lagu doonayo in laga badbaadiyo Israel dagaal ba’an oo sii fida, iyadoo Mareykanku isku dayayo inuu dib u soo celiyo wadahadalada iyo heshiisyo lagu dejinayo xaalka Bariga Dhexe.

Somali Press Tv

13/06/2025

13/06/2025

13/06/2025

13/06/2025

12/06/2025

Dalalka Ingiriiska, Canada, Australia iyo New Zealand oo laga filayo cunaqabatayn adag oo ka dhan ah Wasiirrada midigta-fog ee Israa’iil!

Waxaa si weyn loo saadaalinayaa in Boqortooyada Ingiriiska, Canada, Australia iyo New Zealand ay maanta si wadajir ah ugu dhawaaqaan cunaqabatayn rasmi ah oo ka dhan ah labo ka mid ah Wasiirrada ugu awoodda badan xukuumadda midigta fog ee Israa’iil Itamar Ben Gvir iyo Bezalel Smotrich.

Labadan wasiir oo mid aaminsan afkaarta xag jirnimo oo cunsuriyad ah ayaa loo arkaa in ay hormuud u yihiin siyaasadaha xasuuqa iyo barakicinta ka dhanka ah shacabka reer Falastiin, gaar ahaan dhulka la haysto ee Daanta Galbeed iyo Gaza.

Maxaa sababay cunaqabatayntan cusub?

Sida laga soo xigtay ilo diblomaasiyadeed oo reer galbeed ah, go’aankan ayaa yimid kadib markii lagu eedeeyay Smotrich iyo Ben Gvir inay “si toos ah ugu lug leeyihiin kororka rabshadaha, barakicinta Falastiiniyiinta, iyo ku xadgudubka sharciyada caalamiga ah ee bani’aadamnimada.”

Itamar Ben Gvir, Wasiirka Amniga Gudaha ee Israa’iil, ayaa si cad u difaaca weerarada ay kooxaha Yuhuudda degmooyinka nabdoon ay ka fuliyaan gudaha Daanta Galbeed, Bezalel Smotrich, Wasiirka Maaliyadda iyo hoggaamiyaha xagjirka ee xisbiga Religious Zionism, ayaa si joogto ah u faafinaya hadallo naceyb, tookh iyo cunsuriyad ah oo ka dhan ah dadka reer Falastiin.

Cunaqabataynta ayaa isugu jiri doonta

•Mamnuucitaanka safarka labadan wasiir ee dalalkan.
•Xayiraad ku saabsan hanti kasta oo ay ku leeyihiin gudaha dalalkan.
•Iyo goynta xiriirka diblomaasiyadeed ee hay’adaha ay hogaamiyaan.

Maxay ka dhigan tahay tallaabadan?
Tani waa tallaabo cadaadis ah oo ay dalalkan oo saaxiib la ah Israa’iil kaga soo horjeedaan falalka arxan darrada ah ee ka socda dhulka Falastiiniyiinta, Waxay sidoo kale muujinaysaa in xitaa saaxiibada ugu dhow Israa’iil ay hadda ka welwelsan yihiin jihada siyaasadeed ee ay qaaday xukuumadda Netanyahu, gaar ahaan xubnaha xagjirka ah ee hogaanka u haya.

Falcelin laga sugayo Tel Aviv ayaa la filayaa in ay noqon doonto mid carro leh, maadaama h**ey Israa’iil ay uga hortimid tallaabooyin cunaqabatayn ah oo ka yimid Midowga Yurub iyo waddamo kale.

Somali Press TV waxa ay sii wadeysaa dabagalka arrintan iyo saameynta ay yeelan karto gobolka, gaar ahaan xiriirka Israel iyo dowladaha reer galbeedka.

La soco Somali Press Tv si aad u hesho warar sugan oo xaqiiqo ah. Wehel wareed ka dhigo mar walba!

12/06/2025

Mareykanka: Soomaaliya waxay wax ka beddeshay go’aankeedi mamnuucidda baasaboorka Taiwan!

Waxaa soo baxay war cusub oo muujinaya isbeddel diblomaasiyadeed oo xasaasi ah, kadib markii Danjire Troy Damian Fitrell, oo ah sarkaal sare oo ka tirsan Wasaaradda Arrimaha Dibadda ee Mareykanka, uu ka hor hadlay aqalka Senate-ka, isagoo shaaciyay in dowladda Soomaaliya ay wax ka bedeshay mamnuucidda ay h**ey ugu soo rogtay baasaboorka Taiwan.

Maxaa dhacay?

Sida uu sheegay Danjire Fitrell, Mareykanku wuxuu helay xog rasmi ah oo muujinaysa in Dowladda Federaalka Soomaaliya aysan hadda si buuxda u dhaqan-gelin baasaboorka Taiwan, taasoo h**ey loo sheegay in la dhaqan geliyay kadib cadaadis kaga yimid dowladda Shiinaha.

Waxaa la xusuustaa in sannadkii h**e, Wasaaradda Arrimaha Dibadda ee Taiwan ay si cad u sheegtay in Soomaaliya ay si rasmi ah u mamnuucday in lagu soo galo dalkaas iyadoo la adeegsanayo baasaboorka Taiwan, Arrintan ayaa loo arkayay mid waafaqsan siyaasadda “Hal Shiina ah” oo ay taageeraan dowlado badan oo Afrika ka tirsan, Maraykanka & xulufadiisu waxay si cad iskaga indha tirayaan faragalinta Taiwan ee gudaha Sooomaliya & taageeradeeda ay u fidiso gooni goosatada Waqooyi Galbeed Soomaaliya.

Beijing ayaa lagu eedeeyay in ay cadaadis diblomaasiyadeed saartay dowladda Soomaaliya, si ay u jebiso xiriir kasta oo ay Taiwan la yeelan karto, Arrintan ayaa qayb ka ah dagaalka istiraatiijiyadeed ee u dhexeeya Shiinaha iyo Taiwan, gaar ahaan marka laga eego xagagga Afrika oo ay labada dhinacba doonayaan iney ku yeeshaan saameyn siyaasadeed iyo dhaqaale.

Danjire Fitrell wuxuu sheegay in Mareykanku uu si dhow ula socdo isbeddellada Soomaaliya, isagoo ku adkaystay in wadamada Afrika looga baahan yahay madax-bannaani diblomaasiyadeed, lagana fogaado in cid kale ku qasbato go’aannadooda gudaha, Wuxuu tilmaamay in isbeddelka cusub ee ka yimid Muqdisho uu muujinayo “soo dabcid siyaasadeed” oo lagu hagaajinayo xiriirka diblomaasiyadeed ee Soomaaliya la yeelan karto dhinacyo kala duwan.

Maxaa laga filan karaa?

Warbixintan waxay dhalin kartaa falcelino kala duwan oo ka imaan kara Beijing, Taipei iyo Muqdisho, Waxaa la filayaa in dowladda Shiinaha ay si dhow u daba gasho tallaabada Soomaaliya, halka Taiwan laga yaabo inay isku daydo inay fursad ka dhex hesho isbeddelka.

Diblomaasiyiinta caalamka ayaa waxay si dhow u eegayaan sida arrintan saamaynteedu noqon largo.

•Xiriirka Soomaaliya iyo Shiinaha.
•Suurtagalnimada xidhiidh rasmi ah oo Soomaaliya iyo Taiwan yeeshaan mustaqbalka.
•Mawqifka guud ee Afrika ee la xiriira qaddiyadda Taiwan.

La soco Somali Press Tv si aad u hesho warar sugan oo xaqiiqo ah. Wehel wareed ka dhigo mar walba!

12/06/2025

Hay’adda Tamarta Atomkada Aduunka: Tehran waxay noo sheegtay inay si dhamaystiran u Samayn doonto hub Nukliyeer ah haddii Israel weerarto xarumaheeda!

Waxaa cirka isku shareeraya xiisadda u dhaxeysa Iran iyo Israel, kadib markii Hay’adda Caalamiga ah ee Tamarta Atomiga (IAEA) ay shaacisay in dowladda Iran ay si cad ugu sheegtay in ay bilaabi doonto samaynta hub nukliyeer ah haddii Israel weerarto xarumaheeda nukliyeerka.

Warbixinta cusub ee ka soo baxday IAEA ayaa si aan h**ey loo arag u muujinaysa in Tehran ay ku dhawaaqday mowqif dagaal oo ku saleysan isdifaacid, haddii ay dareento uga timaadda dhanka Israel.

Afhayeen u hadlay IAEA ayaa yiri “Tehran waxay si toos ah noo ogeysiisay in haddii la weeraro xarumaheeda tamarta nukliyeerka, gaar ahaan kuwa muhiimka ah sida Natanz iyo Fordow, ay go’aan ka gaari doonto in ay si rasmi ah u samaysato hub nukliyeer ah.”

Qoraallo rasmi ah oo kalsoon yahay ayaa laga helay saraakiil ku sugan Vienna (xarunta IAEA), kuwaas oo xogtan la wadaagay warfidiyeenka, taasoo sii adkaysay in arrinta ay dhab tahay.

Hadallo h**e oo kasoo baxay madaxa IAEA (Rafael Grossi) Mr. Grossi ayaa horay uga digay in “xaaladda Iran ay marayso meel halis ah,” taasoo si dadban u muujisay in Tehran ay u dhaqaaqi karto sameynta hub nukliyeer haddii la cadaadiyo.

Iran muddo sanado ah waxay ku doodaysey in barnaamijkeeda nukliyeerka uu yahay mid nabadeed oo lagu horumarinayo tamarta, caafimaadka iyo cilmi baarisyada, hase yeeshee warbixintan cusub ayaa muujinaysa in mowqifka Tehran uu noqonayo mid isbeddelay oo lagu daray Difaaca oo ay kaga jawaabeyso hanjabaadaha joogtada ah ee uga imaanaya Israel.

Israel waxay muddo dheer ku eedeyneysay Iran in ay si qarsoodi ah u hormarinayso hub nukliyeer ah, taas oo ay ku sababeeyaan halista ay hayso jiritaanka Israel.

Xiisadda gobolka cirka isku shareertay ka dib ogeysiinta Tehran ay la wadaagtay IAEA, ayadoo xilligan gobolka Bariga Dhexe uu ku jiro xaalad dagaal oo furan iyadoo Israel ay ku jirto dagaalka Gaza iyo weerarada kala duwan ee ay ka fuliso Lubnaan, Suuriya.

Dowladda Iran waxay dhowr jeer uga digtay Israel in haddii ay ku kacdo tallaabo militari ah oo toos ah oo ka dhan ah xarumaheeda, ay keeni doonto “cawaaqib daran” oo gobolka oo dhan saameyn ku yeelan doona.

Waxaa laga yaabaa in Iran ay dardar galiso barnaamijkeeda uranium-ka uranium-ka, Israel waxay u badan tahay inay sii kordhiso qorshayaasha weerarka ee ay diyaarineyso. Mareykanka iyo waddamada reer Galbeedka ayaa lagu cadaadin doonaa in ay galaan dhexdhexaadin degdeg ah, Khatar weyn ayaa soo food saartay heshiis kasta oo dib-u-habeyn ah ee la xiriira barnaamijka nukliyeerka Iran (JCPOA).

La soco Somali Press Tv si aad uga dhex aragto xaqiiqada dhabta ah ee dhacdooyinka caalamka. Wehel wareed ka dhigo mar walba!

12/06/2025

Gargaarka Mareykanka iyo Danihiisa Istiraatiijiyadeed: Galkee Ka Geli Doontaa Soomaaliya Qorshaha Cusub ee Siyaasadda Dibadda ee Maraykanka?

Xoghayaha Arrimaha Dibadda ee Mareykanka, Marco Rubio ayaa yiri shalay isniintii, “Foreign aid has to be geared towards our national interests, We need to design a State Department that delivers on that,”

Hadalkani wuxuu ifinayaa aragti cusub oo ah in gargaarka Maraykanku uusan noqon karin mid samafal kaliya ah, balse uu si cad ugu xiran yahay danaha qaranka ee Maraykanka, hadalkan ayaa qeyb ka ah istaraatiijiyad siyaasadeed oo dib u eegis loogu sameyneyo doorka Mareykanka ee dunida, gaar ahaan sida loo maareeyo xiriirka dibadda iyo dhaqaalaha lagu bixiyo.

Hadalkani wuxuu muujinayaa isbeddel weyn oo ku socda siyaasadda dibadda ee Mareykanka, Isbeddelkaasi wuxuu saameyn toos ah ku yeelanayaa dalal badan oo ka faa’iideysta gargaarka Mareykanka oo Soomaaliya ugu horreysa.

Maqaalkan warbaahinta Somali Press Tv waxay ku eegeysaa sida hadalkaasi u beddeli karo doorka Soomaaliya ee gargaarka caalamiga ah, iyo su’aasha muhiimka ah, Soomaaliya ma leedahay dan istiraatiiji ah oo u qalanta in Mareykanku sii wado gargaarka?

GARGAARKA MAREYKANKA EE SOOMAALIYA

Soomaaliya waxay sanad walba ka heshaa Mareykanka, Kaalmada bani’aadamnimo (Humanitarian Aid)Raashin, biyo, Daawo, Taageero amni Tababar iyo miisaaniyad loogu talagalay ciidamada ammaanka, Taageero horumarineed: Barnaamijyo la xiriira waxbarasho, iyo dowlad dhiska,

Tirada guud ee gargaarka sanadkii 2023 waxay gaartay ku dhawaad $300 milyan, sida ay sheegtay USAID.

ARAGTIDA CUSUB: DAN LA’AAN = GARGAAR LA’AAN

Hadalkii Marco Rubio wuxuu tilmaamayaa in Gargaarka uu noqonayo maalgelin istiraatiiji ah, ee uusan ahayn deeq xad dhaaf ah oo bani’aadamnimo, Waddan walba oo gargaar hela uu noqon doono mid si cad ugu adeegaya danta Maraykanka ha noqoto dhinaca amniga, siyaasadda, ama ganacsiga.

Su’aasha ka dhalanaysa waxay tahay, Soomaaliya ma leedahay dan la taaban karo oo ay oo uu danayn Mareykanka?

SOOMAALIYA: DAN IYO DAREEN?

Awoodaha Istiraatiijiga ah ee Soomaaliya

•Meel muhiim ah oo juquraafi ah (ku dhow marin-biyoodka Bab el-Mandab) dhanka kale isku xiri karta Indian Ocean iyo Redsea.
•Saameyn ku leh ammaanka & dhaqaalaha Geeska Afrika
•Dal leh dad tiro ahaan lagu qiyaaso 40-50 million oo dhallinyaro u badan, fursadna u ah suuq horumarineed

Caadooyinka Siyaasadeed ee Niyad Jabka leh
•Musuqmaasuq baahsan
•Dowlad daciif ah oo aan lahayn xasillooni siyaasadeed
•Ku tiirsanaan xad dhaaf ah oo aan isbeddel keeni karin

Marka la isku geeyo, Soomaaliya waxay Mareykanka siin kartaa fursado istiraatiiji ah balse haddii ay sii socoto hab-dhaqanka musuqmaasuqa iyo isla xisaab la’aanta, waxaa laga yaabaa in ay gasho liiska waddamada laga jari karo gargaarka, ama ay ku xirmaan shuruudo adag.

KHATARTA & FURSADAHA SOOMAALIYA

•Gargaarka bani’aadamnimada oo laga jaro, taasi oo sii xumeyn karta xaaladda dadka Soomaaliyeed
•Fursado horumarineed oo yaraada, gaar ahaan kuwa haweenka, carruurta, iyo deegaanka

Fursadaha
•In Soomaaliya ay si buuxda ula jaanqaado istaraatiijiyadda Mareykanka
•In dowladdu horumariso daahfurnaanta, isla xisaabtanka, iyo xiriirka diblomaasiyadeed

Hadalkii Marco Rubio wuxuu calaamad u yahay waqti cusub oo adag, mid uu Mareykanku doonayo in uu gargaarkiisa dibadda ka dhigo mid si buuxda ugu shaqeeya danihiisa.

Soomaaliya, haddii ay rabto in ay sii hesho taageeradaas muhiimka ah, waa in ay xaqiijisaa qodobadan.

•In Dowladdu ay muujiso madax-bannaani iyo mas’uuliyad
•La yareeyo musuqmaasuqa
•La xoojiyo amniga iyo xiriirka tooska ah ee Mareykanka

Sidoo kale, bulshada rayidka ah, warbaahinta madax-bannaan, iyo aqoonyahannadu waa in ay door ka qaataan kormeerka gargaarka iyo ka jawaabidda isbeddelladan cusub.

Somali Press Tv

12/06/2025

Iran Oo Si Adag U Wajahday Wada-hadallada Nukliyeerka Mareykanka Oo Ka Digaya Sii Adkaynta Xaaladda.

Madaxweynaha Mareykanka Donald Trump ayaa si cad u sheegay in Iran ay hadda si aad uga xun sidii h**e u dhaqmayso xilli lagu guda jiro wada-hadallada ku aadan barnaamijkeeda nukliyeerka, taasoo uu ku tilmaamay “la yaab leh” isla markaana “niyad jab leh.”

Trump oo wareysi siiyay Fox News, ayaa yiri “Iran hadda waxay u dhaqmaysa si ka duwan sidii h**e, Aad ayay u xag-jirtaa, Waa arrin la yaab leh, Berri ayaan la kulmaynaa mar kale, waxaana arki doonaa halka ay xaaladdu ku dambeyso.”

Xeelad Siyaasadeed iyo Dhaqdhaqaaq Farsamada Nukliyeerka Ah.

Warbixinta Fox News ayaa intaa ku dartay in saraakiil Mareykan ah ay tuhunsan yihiin in Iran ay wada-haddalada u adeegsato xeelad dib u dhigis ah si ay u horumariso barnaamijkeeda nukliyeerka iyada oo aan wax natiijo dhab ah laga gaarin wada-xaajoodka sida qorshaheedu yahay.

Xaaladda Hadda Taagan.

•Iran waxay kordhisay bacriminta uranium-ka heer u dhow kan loo adeegsado samaynta hubka nukliyeerka.
•Kormeerkii oo Hoos u Dhacay Hay’adda IAEA ayaa sheegtay in ay hoos u dhacday awoodeeddi kormeerka xarumaha nukliyeerka ee Iran.
•Mareykanka waxa uu weli sheegayaa inuu diyaar u yahay xalka diblomaasiyadeed balse wuxuu muujiyay suurtagalnimada tallaabooyin kale.

Saameyn Gobolka iyo Dunida.

•Tallaabo kasta oo millatari ah waxay khatar ku tahay Bariga Dhexe, gaar ahaan haddii ay ku lug yeeshaan Israel ama xulafada Mareykanka.
•Soomaaliya iyo waddamada kale ee ku yaalla Gacanka Cadan waxay wajihi karaan saameyn ka timaadda xasarad badda cas laga dareemo, gaar ahaan haddii Iran ama xulafadeeda ay carqaladeeyaan maraakiibta ganacsiga.

Kulanka berri ee Oslo ka dhici doona ayaa lagu ogaan doonaa haddii wada-hadallada la sii wadi doono ama lagu kala tagi doono, Mareykanka iyo Israel waxay muujiyeen diyaar garow millatari sida la soo warinayo .

Hadalkan ugu dambeeyay ee Trump wuxuu sare u qaaday walaaca laga qabo dib u bilaabashada dagaal siyaasadeed ama mid militari oo u horseeda xaaladdo halis ah gobolka Bariga Dhexe, xiisaddan sii xoogeysaneysa waxay dib u fureysaa dood ku saabsan sida dunida u wajihi lahayd hubka nukliyeerka, iyo halka uu ku dambeyn doono muranka u dhexeeya Washington iyo Tehran.

Somali Press Tv