13/07/2025
उम्मेदवारी घोषणा पत्र
सन्तोष कुमार दाहाल
आइसिसी सदस्य पदको उम्मेदवार – एनआरएनए अस्ट्रेलिया निर्वाचन २०२५
आदरणीय एनआरएनए अस्ट्रेलिया परिवार,
समानुभूति, सहभागिता र सेवा भावना बोकेर म, सन्तोष कुमार दाहाल, गैरआवासीय नेपाली संघ (NRNA) को आगामी ICC (International Coordination Council) सदस्य पदको उम्मेदवारी घोषणा गर्दछु।
पछिल्ला दुई दशकदेखि अस्ट्रेलियामा बसी विभिन्न सामाजिक र सामुदायिक संस्थामा सक्रिय, नेपाली समुदायको सेवा र नेतृत्वमा समर्पित रहँदै आएको छु। एनआरएनएसँग मेरो सम्बन्ध कुनै पदको लागि मात्र होइन, बरु "एक नेपाली सधैं नेपाली" भन्ने भावनामा आधारित अटुट प्रतिबद्धता हो।
अनुभव र नेतृत्वको इतिहास:
✅ गैरआवासीय नेपाली संघ, अस्ट्रेलिया राष्ट्रिय समिति
▪️ दुई कार्यकाल कार्यकारी सदस्य (२०११–२०१३ र २०१३–२०१५)
▪️ राष्ट्रिय महत्वका विभिन्न परियोजनाहरूको नेतृत्व र सफल कार्यान्वयन
✅ एनआरएनए अस्ट्रेलिया महासचिव पदमा उम्मेदवारी (२०१९–२०२१)
▪️ समुदायबाट उच्च समर्थन प्राप्त गर्दै उपविजेता
✅ २००८ देखि अहिलेसम्म अस्ट्रेलियामा विभिन्न नेपाली सामुदायिक संस्थामा अग्रसर भूमिका
▪️ नेतृत्व, समन्वय र सेवा मूलक अभियानहरूमा निरन्तर सक्रियता
मेरो दृष्टिकोण र प्रतिबद्धताहरू:
🌐 एनआरएनए: सबै प्रवासी नेपालीहरूको साझा संस्था
▪️ संगठनले सबै वर्ग, क्षेत्र र पुस्ताका नेपालीलाई समेट्ने समावेशी संरचना विकास गर्नुपर्छ।
▪️ अस्ट्रेलिया मात्र होइन, सबै प्रवासमा एउटै भावना र उद्देश्यले एनआरएनएलाई अघि बढाउने।
🏡 सीप, दक्षता र लगानी: मातृभूमितर्फको पुल
▪️ बिदेशी भूमिमा सिकिएको ज्ञान, सीप, पेशागत दक्षता र अनुभवलाई नेपालमा लगानीको अवसरमा रूपान्तरण गर्ने।
▪️ "कर्मभूमिबाट मातृभूमिसम्म" को यात्रा सक्षम बनाउने।
🌱 जेन-जि पुस्ता र नयाँ प्रवासी पुस्ताको संरक्षण र सशक्तिकरण
▪️ नयाँ पुस्तालाई नेपाली भाषा, साहित्य र संस्कृति प्रतिको गर्व र पहिचानसँग जोड्न विशेष कार्यक्रमहरू सञ्चालन गर्ने।
▪️ जरा नबिर्सने, आत्मसम्मान नघट्ने पुस्ता निर्माण हाम्रो प्रमुख उद्देश्य हुनेछ।
🤝 भाइचाराको सञ्जाल, सहयोगको संस्कार
▪️ जहाँ आवश्यक, त्यहाँ सहयोग — पहुँच अनुसार संघसंस्था र व्यक्तिगत रूपमा उत्प्रेरणा र साथ दिने।
▪️ राष्ट्रिय समिति र अन्तर्राष्ट्रिय समिति बीच सशक्त सेतुको भूमिका निर्वाह गर्ने।
📜 वंशजको नागरिकता अधिकारका लागि प्रभावकारी लबिङ
▪️ नागरिकताको निरन्तरता, कानुनी सुनिश्चितता र आगामी पुस्ताको पहिचानको रक्षाको लागि विशेष पहल गर्ने।
---मेरो अपिल
म कुनै पदको आकांक्षी हैन, बरु एक जिम्मेवार प्रतिनिधि बन्ने आकांक्षी हुँ, जो तपाईंहरूको आवाज अन्तर्राष्ट्रिय मञ्चसम्म पुर्याउनेछ।
मेरो उम्मेदवारी कुनै सपनाको व्यापार होइन, संगठित, समर्पित र प्रभावकारी सेवाको संकल्प हो।
यदि तपाईंलाई लाग्छ –
✔️ अनुभवले बोल्ने नेता चाहिन्छ
✔️ सामुदायिक र राष्ट्रिय सोच बोकेको व्यक्तित्व चाहिन्छ
✔️ सेवा र समाधानमा विश्वास गर्ने प्रतिनिधि चाहिन्छ
भोट दिनुहोस् – सन्तोष कुमार दाहाललाई
ICC सदस्य पदका लागि – NRNA Election 2025
"तपाईंको विश्वास, मेरो प्रतिबद्धता"
सधैं तपाईंहरूसँग –
सन्तोष कुमार दाहाल
उम्मेदवार – आइसिसी सदस्य
एनआरएनए अस्ट्रेलिया निर्वाचन २०२५
