25/07/2025
आज निर्वाचनः गैरआवासीय नेपाली संघ (एनआरएनए) अष्ट्रेलियाको निर्वाचन आज, शनिबार हुँदैछ, जहाँ १६ हजार १ सय १३ जना मतदाता सहभागी हुदैछन् । विहान ७ बजेबाट सुरु भएको मतदान साँझ ६ बजेसम्म जारी रहने निर्वाचन आयोगले जानकारी दिएको छ । निर्वाचनमा आगामी कार्यकालको नेतृत्वका लागि राष्ट्रिय तहमा त्रिपक्षीय स्पर्धा छ भने हरेक राज्य र टेरोटरीमा संयोजकसहित २ सयको हाराहारीमा उम्मेदवारहरु चुनावी मैदानमा छन् । नेतृत्वका लागि ब्रिसबेनबाट सन्तोष कुवंर, पर्थबाट भैरब ढकाल र डार्विनबाट सञ्जीव गोर्खाली ढकाल चुनावी मैदानमा छन् । तीनै उम्मेदवारले आफ्नो स्टेटबाट तुलनात्मक रुपमा बढी मत ल्याउने अपेक्षा गरिरहँदा सबैभन्दा बढी मतदाता रहेको न्यू साउथ बेल्स र भिक्टोरियाको मत कसले बढी प्राप्त गर्न सक्छन् भन्नेमा निर्वाचनको मतपरिणाम तलमाथि हुने स्पष्ट छ । निर्वाचनमा अनलाईन मार्फत मतदान भइरहेको छ ।
