10/09/2026
चकलेटी अभिनेता अनमोल केसी र पल शाह अब एउटै ब्यानरको फिल्ममा देखिने
नेपाली चलचित्र क्षेत्रका दुई चर्चित तथा प्रतिस्पर्धी अभिनेता अनमोल केसी र पल शाह अब एउटै ब्यानरका आगामी परियोजनाहरूमा देखिने भएका छन्। निर्माता रोहित अधिकारीले निर्माण गर्न लागेका चलचित्रहरूमा यी दुवै स्टार जोडिएका हुन्। अधिकारीले चलचित्र ‘फर्की फर्की’को सिक्वेल ‘फर्की फर्की: बियोन्ड टाइम’ का लागि अनमोल केसीलाई औपचारिक रूपमा अनुबन्ध गरिसकेका छन्।
त्यस्तै, अर्को नयाँ चलचित्रका लागि पल शाहसँग पनि मौखिक सहमति जुटिसकेको र चाँडै सम्झौता हुने तयारी छ। नेपाली रजतपटमा चकलेटी छविका यी दुई शीर्ष नायकहरूलाई एउटै ब्यानरले समेटेपछि दर्शकमाझ उनीहरूलाई भविष्यमा एकै पर्दामा सँगै देख्न पाइने सम्भावना र कौतूहल निकै बढेको छ।
